HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GAHRYMAN ARKADAGYMYZYŇ, ARKADAGLY GAHRYMAN SERDARYMYZYŇ ESERLERI–ÝAŞLARA GÖRELDE

Kitaphanalar

08.07.2025

Gahryman Arkadagymyzyň eserlerindäki pikir-garaýyşlar, watansöýüjilik, ynsanperwerlik, ahlak arassalygy hakyndaky öwüt-ündewler halkymyzyň, aýratyn-da, ýaşlaryň durmuş ýörelgesine we pelsepesine öwrüldi. Milli Liderimiziň ene topragy, ata Watany ýürekden söýmäge we ynsanperwerlige çagyryşlary, parasatly sargytlary häzirki we geljekki nesilleriň ruhy gymmatlygydyr. Şundan ugur alyp, Döwletmämmet Azady adyndaky Arkadag şäher kitaphanasynda hem Gahryman Arkadagymyzyň, Arkadagly Gahryman Serdarymyzyň gymmatly eserleriniň terbiýeçilik ähmiýetini ýaş nesillere ýetirmek maksady bilen birnäçe ýaşlaryň arasynda duşuşyklary, gürrüňdeşlikleri, wagyz-nesihat çäreleri geçirilýär. Biz kitaphanaçylar hem Gahryman Arkadagymyzyň, Arkadagly Gahryman Serdarymyzyň gymmatly eserlerini giň okyjylara ýetirmek esasy maksadymyzdyr. Çäräniň ahyrynda ruhy baýlygymyz bolan eserleri giň okyjylara ýetirmäge uly mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri aýdyldy.

TÜRKMENISTAN BAGTLY ÇAGALARYŇ ÝURDY

Kitaphanalar

08.07.2025

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi “Türkmenistan bagtly çagalaryň ýurdy” atly göçme kitap sergisini gurnady. Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi Gökderedäki çagalar dynç alyş we sagaldyş merkezinde ýerleşýän “Çynar” atly sagaldyş we dynç alyş merkezinde “Türkmenistan bagtly çagalaryň ýurdy” atly kitap sergisini çagalar topary bilen gurnady. Bu ýerde çagalara Gahryman Arkadagymyzyň hem-de Arkadagly Gahryman Serdarymyzyň jöwher paýhasyndan dörän eserleri bilen giňden tanyşdyryldy, şeýle hem Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde mähir, söýgi bilen gurşalan ýaş nesiller oňaýly şertler döredilen çagalar sagaldyş we dynç alyş merkezlerinde dynç alyp, çagalyk dünýäsiniň iň ajaýyp pursatlaryny başdan geçirýändikleri dogrusynda gürrüň edildi. Çagalaryň arasynda sorag-jogap alşyldy. Soňra bolsa sergä gatnaşyjylar Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

BERKARAR DÖWLETIŇ BAGTYÝAR NESILLERI

Kitaphanalar

08.07.2025

Türkmenistanyň Döwlet medeniýet merkeziniň Döwlet kitaphanasynyň Sungat bölümi, Neşirleri abatlamak we jiltlemek bölümi bilen bilelikde “Demirýolçy” çagalar sagaldyş we dynç alyş merkezinde - “Berkarar döwletiň bagtyýar nesilleri” atly göçme sergi gurady. Gökdere jülgesinde guralan sergidäki kitaplar, ertekiler - sagaldyş we dynç alyş merkezinde dynç alýan çagalarda uly täsir galdyrdy. Berkarar döwletiň täze eýýamynyň Galkynyşy döwründe,Gahryman Arkadagymyzyň, Hormatly Prezidentimiziň ýolbaşçylygynda nesilleriň uçar ganaty bolan kitabyň gadyry beýik tutulýar. Hormatly Prezidentimiz “Biziň halkymyz kitaphon halk. Kitap okalyp, onuň mazmuny köpçülige ýetirilensoň, ol ruhy baýlyga öwrülýär. Kitapdan okalan, öwrenilen gymmatly bilimler hem terbiýäniň üsti bilen geljekki ýaşlara geçirilýär “ diýip belleýär. ( // Berdimuhamedow S. Ýaşlar – Watanyň daýanjy. – A.:Türkmen döwlet neşirýat gullugy, 2023. Sah.8-9.) Häzirki wagtda Gahryman Arkadagymyzyň, Arkadagly Gahryman Serdarymyzyň tagallalary bilen ýaş nesillerimiziň ylymly-bilimli bolmaklary, döwrebap dynç almaklary üçin şular ýaly ajaýyp zamanany peşgeş beren we ony parasatly dolandyrýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri rowaçlyklara beslensin.

HORMATLY PREZIDENTIMIZIŇ “HAKYDA GÖWHERI“ ATLY KITABYNDAN KITAPHANA SYNY

Kitaphanalar

08.07.2025

Türkmenistanyň Döwlet medeniýet merkeziniň Döwlet kitaphanasynda hormatly Prezidentimiziň “Hakyda göwheri“ atly kitabyndan kitaphana syny geçirildi. Bu kitaphana synynda edilen çykyşda Gahryman Arkadagymyzyň “Hakyda göwheri” atly kitabynyň Garaşsyz, hemişelik Bitarap Watanymyzyň geçmiş taryhyny düýpli öwrenmekde, nusgalyk edebi mirasyny dünýä ýaýmakda ähmiýetiniň uludygy barada belläp geçdiler. Milli Liderimiziň bu neşirinde diňe bir türkmeniň däl, eýsem, dünýä taryhynyň sahypalarynda yz goýan şöhratly geçmişimiz, edebi mirasymyz babatda gymmatly maglumatlar beýan edilýär. Taryhy ýadygärliklerimiz, edebi mirasymyz hakynda buýsançly maglumatlar bu neşiriň içinde eriş-argaç bolup geçýär. Bu kitap “Taryha syýahat” hem-de “Ruhy miras”atly baplardan ybarat bolup, türkmen medeniýetiniň taryhy baradaky garaýyşlaryňy ösdürýär, düşünjäňi artdyrýar. “Hakyda göwheri” atly pähim-paýhasa baý, ajaýyp kitaplary okap, ösen medeniýetli bagtyýar döwrüň gadyr-gymmatyna has aýdyň göz ýetirýäris. Bu neşirler halkymyzyň baý medeniýetiniň edebi ýazgylarydyr diýip bellediler. Kitaphana synynda çykyş edenler sözleriniň ahyrynda şular ýaly ajaýyp kitaplarynyň höwrüniň köp bolmagyny,Gahryman Arkadagymyzyň, Arkadagly Gahryman Serdarymyzyň tutýan tutumly işleriniň mundan beýläkde rowana ýollarda rowaçlyklara beslenmegini, janlarynyň sag, ömürleriniň uzak bolmagyny tüýs ýüreklerinden arzuw etdiler. Dabarada çykyş edenler: Hormatly Prezidentimiziň baştutanlygynda milli medeniýetimiz, nusgawy edebiýatymyz dünýä ýaýylýar. Şeýle ajaýyp döwürde Magtymguly Pyragynyň eserlerini öwrenmäge we ýaşlara ýetirmäge uly üns berilýär. Bu günki gün akyldar şahyryň baý döredijiligi bilim,medeniýet we döredijilik işgärleri, ählimiz üçin gymmatly hazyna öwrüldi.Şonuň üçin hem nusgawy edebiýatymyz,baý edebi mirasymyz düýpli we ählitaraplaýyn öwrenilýär diýip,uly buýsanç bilen gürrüň etdiler. Olar çykyşlarynyň soňunda ata Watanymyzyň,merdana halkymyzyň bagtyýar geljegi ugrunda uly tagallalary edýän Gahryman Arkadagymyzyň,Arkadagly Gahryman Serdarymyzyň janlarynyň sag bolmagyny,alyp barýan beýik işleriniň rowaçlyklara beslenmegini arzuw etdiler.

TÜRKMENISTAN BAKY BAGTYŇ EÝESI

Kitaphanalar

08.07.2025

Lebap welaýat kitaphanasynda TMÝAG-yň Lebap welaýat geňeşi we medeni ojagyň gurnamaklarynda “Halkara parahatçylyk we ynanyşmak ýyly” mynasybetli “Türkmenistan baky bagtyň eýesi” atly söhbetdeşlik geçirildi. Bu söhbetdeşlige kitaphana hünärmenleri we bilim ulgamynda zähmet çekýän işgärleri gatnaşdylar. Çäräniň dowamynda gatnaşyjylar kitaphana işgärleri tarapyndan guralan giňişleýin kitap sergisine syn etdiler.

MILLETIŇ MIZEMEZ TÄJI TAGTY BAR, GAHRYMAN SERDARLY WATAN BAGTYÝAR

Kitaphanalar

07.07.2025

Lebap welaýat kitaphanasynyň we TDP-niň Lebap welaýat komiteti bilen bilelikde gurnamagynda «Halkara parahatçylyk we ynanyşmak ýyly» mynasybetli «Parahatçylyk we ynanyşmak syýasaty halkara howpsuzlygyň we durnuklylygyň binýady» atly maslahaty geçirildi. Maslahatyň dowamynda «Türkmenistan dost-doganlyk mekany» ady bilen giňişleýin kitap sergisi guraldy.

GÜL KEŞDÄM-NEPIS DÜNÝÄM

Kitaphanalar

07.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasy hem-de Gypjak, Ýasmansalyk medeniýet öýleriniň bilelikde guramagynda Gypjak ýaşaýyş toplumynyň ýaşaýjysy Bäşimowlaryň maşgalasynda «Gül keşdäm-nepis dünýäm» ady bilen söhbetdeşlik geçirildi. Söhbetdeşlikde çykyş edenler Halkara parahatçylyk we ynanyşmak ýylynda Gahryman Arkadagymyzyň, Arkadagly Gahryman Serdarymyzyň taýsyz tagallary bilen milli däp-dessurlarymyzy, ýol-ýörelgelerimizi, ene-mamalarymyzdan gelýän inçe hem nepis sungatymyzyň Berkarar döwletiň täze eýýamynyň Galkynyşy döwründe hem öz ähmiýetini ýitirmän, döwrebap görnüşde we gadymy nusgalarda dowam etdirilýändigi barada söhbet etdiler. Şeýle-de häzirki wagtda türkmeniň keşdeçilik sungaty ussat gelin-gyzlarymyzyň çeper gözlegleri bilen has-da baýlaşdyrylýandygy, owadan nagyşlar bilen bejerilen milli egin-eşikler köýnekler, başatgyçlar, kürteler, çyrpylar, pürenjekler, gyňaçlar, düýpli gyňaçlar, tahýalar häzirki günlerde-de halkyň arasynda giňden ýaýrandygy hakynda giňişleýin gürrüň berdiler. Söhbetdeşligiň ahyrynda milli mirasymyzy öwrenmekde giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler. 

TÜRKMENISTAN–BAGTYÝAR ÇAGALARYŇ MEKANY

Kitaphanalar

07.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Arzuw şäherçe kitaphana şahamçasynyň guramagynda «Türkmenistan–bagtyýar çagalaryň mekany» ady bilen Gökderedäki «Çeşme» çagalar sagaldyş we dynç alyş merkezinde wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe geljegimiz bolan ýaş nesillerimiz barada hemmetaraplaýyn alada döwlet syýatymyzda ileri tutulýan wezipeleriniň biri bolup durýandygy barada gürrüň berdiler. Şeýle-de tomus çagalaryň bagtyýar günlerini, ömür kalbyna altyn harplar bilen ýazýan pasylydygy, inä, çagalyk dünýäsiniň iň bir bagtyýar günlerini-tomus dynç alyş pursatlaryny ýurdumyzyň Gökdere jülgesinde ýerleşýän “Çeşme” çagalar sagaldyş dynç alyş merkezinde geçirýän bagtyýar körpeler erkana, rahat dynç alýandyklary, wagtlaryny gyzykly hem manyly geçirýändikleri, dynç alyş merkezinde çagalaryň her bir güni göwün göteriji pursatlara beslenýändigi barada belläp geçdiler. Çäräniň ahyrynda asuda, parahat durmuşyň goýnunda erkana ýaşaýan körpelerimiz üçin atalyk aladalary edýän Gahryman Arkadagymyzyň, Arkadagly Gahryman Serdarymyzyň belent başlarynyň aman bolmagyny arzuw etdiler. 

«TEBIGABATA GEZELENÇ» ATLY GÖÇME KITAP SERGISI

Kitaphanalar

07.07.2025

Türkmenistanyň Bazar Amanow adyndaky döwlet çagalar kitaphanasy tomusky dynç alyş möwsüminiň dowam edýän günlerinde Gökderedäki “Çeşme” çagalar sagaldyş we dynç alyş merkezinde wagtyny gyzykly hem-de şadyýan geçirýän çagalaryň arasynda «Tebigabata gezelenç» atly göçme kitap sergisini gurnady. Sergide Gahryman Arkadagymyzyň hem-de Arkadagly Gahryman Serdarymyzyň ajaýyp kitaplary, türkmen halk ertekileri, çagalar ýazyjylarynyň kitaplary ýerleşdirildi. Sergi kitap söýüji ýaşlarda aýratyn täsir galdyrdy. Söhbetdeşlige «Türkmenistan» teleýaýlymynyň döredijilik topary hem gatnaşdy. Göçme kitap sergisini synlamaga gelen bagtyýar çagalar ýaş nesilleriň dynç alyş günlerini ýatdan çykmajak wakalar bilen, gyzykly hem-de şadyýan geçirmegi üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözleri beýan edildi. 

Sazly ertekiler atly söhbetdeşlik.

Kitaphanalar

05.07.2025

Türkmenistanyň B.Amanow adyndaky döwlet çagalar kitaphanasy ýaňy-ýakynda Gökderedäki “Nesil” çagalar dynç alyş merkezinde dynç alyş günlerini gyzykly hem-de şadyýan geçirýän çagalaryň arasynda myhmançylykda bolup, olar bilen çagalar edebiýatyna degişli gyzykly kitaplar esasynda “Sazly ertekiler” atly söhbetdeşlik geçirdi. Söhbetdeşligiň dowamynda çagalaryň iň köp okaýan kitaplary, ertekileri boýunça sorag-jogap alşyldy, gyzykly gürrüňler edildi. Kitaphanamyz tarapyndan gurnalan göçme kitap sergisi hem kitap söýüji ýaşlarda aýratyn täsir galdyrdy Söhbetdeşlige “Türkmenistan” teleýaýlymynyň döredijilik topary hem gatnaşdy. Söhbetdeşligiň ahyrynda bagtyýar çagalaryň röwşen geljegi üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

• ←
• 1
• ...
• 57
• 58
• 59
• ...
• 143
• →