HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

SEÝITNAZAR SEÝDI - SERKERDE ŞAHYRYŇ DOGLAN GÜNÜNIŇ 250 ÝYLLYGY

Kitaphanalar

27.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Seýitnazar Seýdi adyndaky kitaphana şahamçasy bilen Türkmenistanyň Kärdeşler arkalaşygynyň Milli merkeziniň bilelikde guramagynda «Seýitnazar Seýdi serkerde şahyr» ady bilen Türkmenistanyň Jemgyýetçilik guramalarynyň merkezi binasynda aýdy-sazly söhbetdeşlik geçirildi. Söhbetdeşlikde çykyş edenler Seýitnazar Seýdi türkmen edebiýatynyň nusgawy şahyry-Magtymguly Pyragynyň edebi mirasyny dowam edip, ägirt uly döredijilik mirasyny galdyrandygy, şahyryň esasan hem liriki, watançylyk we terbiýeçilik ähmiýetli eserleri, şeýle-de türkmen zenanlarynyň gözelligi baradaky eserleri päkizeligiň, wepadarlygyň nyşany bolup durýandygy barada söhbet etdiler. Serkerde şahyryň şygyrlary ösüp gelýän ýaş nesilleri Watançylyk ruhunda terbiýelemekde hem örän uly orun eýeleýändigini bellediler. Söhbetdeşligiň dowamynda şahyryň goşgy setirlerinden döredilen birnäçe aýdymdyr, sazlary sungat ussatlary ýerine ýetirdiler. Söhbetdeşligiň ahyrynda bolsa taryhy şahsyýetlerimizi, nusgawy edebiýatymyzy öwrenmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

JENNET MEKAN AŞGABAT

Kitaphanalar

27.05.2025

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi «Jennet mekan Aşgabat» ady bilen baýramçylyk dabarasy geçirdi. Dabarada çykyş edenler gözel ýurdumyzyň paýtagty Aşgabat Berkarar döwletiň täze eýýamynyň Galkynyşy döwründe Gahryman Arkadagymyzyň, Hormatly Prezidentimiz Arkadagly Serdarymyzyň taýsyz tagallasy we öňdengörüjilikli syýasaty netijesinde düýpli özgerişlere eýe boldy. Paýtagtymyzyň çar künjeginde dünýä ülňülerine kybap gelýän ýaşaýyş jaýlarynyň ak mekdepleriniň, çagalar baglarynyň, edara kärhanalaryň we beýleki möhüm ähmiýetli desgalaryň ýokary depginde dowam etmegi binagärlik-şähergurluşyk keşbiniň özgermegine ýardam edýär. Ak mermere beslenen Aşgabat bu gün Orta Aziýanyň merjen şäherine öwrüldi. Ak şäherimiz ýurdumyzyň ýüregi hem ýüzüniň tuwagy. Altyn gümmezli köşkler uzaklardan bada-bat ünsüňi özüne çekýär. Binagärlik keşbi bilen haýran galdyrýanlygy barada çykyş edenler giňişleýin gürrüň etdiler. Dabaranyň ahyrynda çykyş edenler türkmen halkynyň Milli Lideri Gahryman Arkadagymyzy, hormatly Prezidentimiz Arkadagly Serdarymyzy, ähli halkymyzy Aşgabat şäheriniň güni bilen mähirli gutladylar. Okamaga, işlemäge, döredijilikli zähmet çekmäge uly mümkinçilikleri döredip berýän, döwletli işleriň sakasynda duran türkmen halkynyň milli Lideri Gahryman Arkadagymyzyň, hormatly Prezidentimiz Arkadagly Serdarymyzyň janlarynyň sag bolmagyny, başlarynyň dik bolmagyny, il-ýurt bähbitli işleriniň rowana ýollarda rowaçlyklara beslenmegini tüýs ýürekden arzuw etdiler.

AŞGABAT GÖZELLIGIŇ NUSGASY

Kitaphanalar

27.05.2025

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi «Aşgabat gözelligiň nusgasy» ady bilen kitap sergisi gurnaldy. Bu kitap sergisinde Milli Liderimiz Gahryman Arkadagymyzyň, hormatly Prezidentimiz Arkadagly Gahryman Serdarymyzyň jöwher paýhasyndan çykan eserleri, şeýle-de «Halkara parahatçylyk we ynanyşmak» ýylymyza bagyşlanyp ýazylan täze edebiýatlar giňişleýin kitap sergisinde ýerleşdirildi. Hormatly Prezidentimiziň parasatly baştutanlygynda ýurdumyz ösüşlere beslenýär. Aşgabat hemmetaraplaýyn kämil ösen, arassa şäherleriň biri hökmünde ykrar edilen, ak arzuwlaryň amala aşýan merkezleriň biri bolan paýtagtymyz halkara derejesindäki döwrebap ýollary, ak mermere beslenen köşgi-eýwanlary, dünýä çykýan şaýollary, nusgalyk, ýokar amatlykly edara binalary, ýaşaýyş-durmuş maksatly jaýlary, döwrebap institut-uniwersitetleri bilen taryhyň sahypalaryna altyn harplar bilen girdi. Sergä gatnaşyjy myhmanlar Gahryman Arkadagymyzyň, Arkadagly Serdarymyzyň kitaplarynyň içinde getirilen gyzyldan gymmatly maglumatlary okap özlerine gerekli maglumatlary alyp, birek-birek bilen sorag-jogap alyşdylar hem-de şu bagtyýar durmuşy peşgeş beren türkmen halkynyň Milli Lideri Gahryman Arkadagymyza, Arkadagly Gahryman Serdarymyza hoşallyk sözlerini aýtdylar.

«KITAPHANA-ROWAÇLYKLARA BADALGA» ATLY GURNAGY

Kitaphanalar

27.05.2025

Türkmenistanyň Döwlet medeniýet merkeziniň Döwlet kitaphanasynda Ylmy habar beriş we sowal-jogap bölümi, Kitaphanaara abonement bölümi, Türkmenistanyň Kärdeşler Arkalaşygynyň Ahal welaýat birleşmesi, “Ýaşlyk” teleýaýlymy bilen birlikde “Kitaphana rowaçlyklara badalga” atly kitaphana gurnagy geçirildi. Gurnagymyza Türkmen Döwlet Medeniýet institutynyň “Kitaphanaçylyk” fakultetiniň talyp ýaşlary gatnaşdylar. Gurnagymyzyň bu sanynda “Ylmy habar beriş we sowal-jogap bölümi,” özüniň alyp barýan işleri barada giňişleýin gürrüň berdiler we tejribe üstünde görkezdiler. Kataloglaryň, kartotekalaryň ulgamy hakynda olary nähili ýerleşdirmeli, gerek bolan maglumatyňy dogry we çalt tapmak maksady bilen nähili işleriň alnyp barylýandygyny, kataloglaryň görnüşlerini şeýle-de hünärmenimiz elektron katalogyna maglumaty nähili ýüklemelidigini we gerek bolan maglumatyňy nähili gözlemelidigini tejribe üstünde görkezdiler. Şeýlede talyp-ýaşlaryň arasynda gyzyklandyrmak maksady bilen sorag-jogap alşyldy we birinji, ikinji, üçünji ýerler bellenildi. Soňra bolsa gurnaga gatnaşyjylar kitaphana işini ösdürmekde olary aýawly saklamakda we kitaplary ýaş nesle ýetirmekde birnäçe aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

AŞGABAT–GÖZELLIGIŇ WE ÖSÜŞIŇ ŞÄHERI

Kitaphanalar

27.05.2025

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölüminde «Aşgabat–gözelligiň we ösüşiň şäheri» ady bilen sergi gurnaldy. Bu guralan kitap sergisinde Ak şäherimiz Aşgabadyň gününe bagyşlanyp paýtagtymyzy wasp edýän neşir önümler hem-de Ak şähermiz Aşgabat hakynda ýazylan döwürleýin neşirlerde çykan makalalar ýerleşdirildi. Gözel ýurdumyzyň paýtagty Aşgabat Berkarar döwletiň täze eýýamynyň Galkynyşy döwründe Gahryman Arkadagymyzyň, hormatly Prezidentimiz Arkadagly Gahryman Serdarymyzyň taýsyz tagallasy we öňdengörüjilikli syýasaty netijesinde düýpli özgerişlere eýe boldy. Paýtagtymyzyň çar künjünde dünýä ülňülerine laýyk gelýän ýaşaýyş jaýlarynyň, ak mekdepleriň, çagalar baglarynyň, edara kärhanalaryň we beýleki möhüm ähmiýetli desgalaryň ýokary depginde dowam etmegi binagärlik-şähergurluşyk keşbiniň özgermegine ýardam edýär. Bu sergi okyjylarymyzda uly täsir galdyrdy. Şeýle ajaýyp mümkinçilikleri döredip berýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri hemişe rowaçlyklara beslensin.

OGUZLAŇ KELAMY, TÜRKMEN HALYSY

Kitaphanalar

27.05.2025

Türkmenistanyň Döwlet medeniýet merkeziniň Döwlet kitaphanasynda, Oba hojalyk edebiýatlary we medeni-köpçülik işleri bölümleri «Aşgabat» teleýaýlymy bilen bilelikde «Oguzlaň kelamy, türkmen halysy» atly baýramçylyk duşuşygynyň çäginde «Haly–türkmeniň kalby» atly giňişleýin kitap sergisini hem ýazgy etdiler. Bu giňişleýin kitap sergisinde Döwlet kitaphanasynyň altyn gaznasyndaky Gahryman Arkadagymyzyň, Arkadagly Gahryman Serdarymyzyň nusgalyk eserleri, şeýle-de halylar baradaky kitap neşirleri hem ýerleşdirildi. Bu kitap sergisini görmäge gelenler, özlerini gyzyklandyrýan maglumatlary hem öwrenip bildiler. Kitap sergisini görenlerde halylara bolan gyzyklanma has hem artdy. Mähriban halkymyza işlemäge, döretmäge döredilýän giň mümkinçilikler üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza köp sag bolsunymyzy aýdýarys.

AŞGABADYŇ SEÝILGÄHLERI WE OLARYŇ BINAGÄRLIK AÝRATYNLYKLARY

Kitaphanalar

27.05.2025

AŞGABADYŇ SEÝILGÄHLERI WE OLARYŇ BINAGÄRLIK AÝRATYNLYKLARY Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi «Aşgabadyň seýilgähleri we olaryň binagärlik aýratynlyklary» ady bilen söhbetdeşlik gurnaldy. Söhbetdeşlikde çykyş edenler Aşgabadyň seýilgähleri we suw çüwdürimleri ak mermerli paýtagtymyzyň bezegi bolmak bilen birlikde, onuň bagy-bossanlyklaryny we gözellikleriň suwly görnüşlerini emele getirip, binagärlik keşpleri bilen paýtagtymyzyň gurşawynyň ajaýyplygyny aýratyn bellediler. Aşgabatda dürli-dürli suw çüwdürimlerini hemme ýerde–meýdançalarda we şa ýollaryň ugrunda, hökümet, dolandyryş binalaryň we ýaşaýyş jaýlarynyň, senagat kärhanalarynyň, söwda merkezleriniň öňünde we şuňa meňzeş beýleki ýerlerde görmek bolýar. Paýtagtymyzda döredilen Garaşsyzlyk binasy, Bitaraplyk binasy, Konstitusiýa binasy, “Ylham” seýilgähi, “Älem” medeni dynç alyş merkezi, we beýlekiler adamlaryň iň gelim-gidimli ýerlerine öwrüldi. Paýtagtymyz “Ak şäherim Aşgabat” atly monumentiň hem-de durky täzelenen “Aşgabat” medeni dynç alyş seýilgähiniň hem beýleki ady agzalan seýilgählerimiz ýaly gelim-gidimli ýerleriň birine öwrülendigi barada gürrüň etdiler. Söhbetdeşligiň ahyrynda çykyş edenler işlemäge, döredijilikli zähmet çekmäge uly mümkinçilikleri döredip berýän, döwletli işleriň sakasynda duran türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, başlarynyň dik bolmagyny, il-ýurt bähbitli işleriniň rowaçlyklara beslenmegini tüýs ýürekden arzuw etdiler.

ÝAŇLANSYN DÜNÝÄDE ÇAGA GÜLKISI

Kitaphanalar

27.05.2025

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri we Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň kärdeşler arkalaşygynyň Geňeşi bilen bilelikde. Çagalary goramagyň halkara günine bagyşlap «Ýaňlansyn dünýäde çaga gülkisi» ady bilen «Arkaç» söwda-dynç alyş merkezinde «Ýaşlyk» hem-de «Altyn asyr Türkmenistan» teleýaýlymlarynyň gatnaşmagynda baýramçylyk dabarasyny geçirdi. Dabara dürli ýaşdaky çagajyklar gatnaşdy. Bagtyýar çagajyklar ajaýyp çagalygy, erkana Watanymyzy wasp edýän goşgulary uly höwes bilen aýdyp berdiler. Aşyr däde bilen çagalaryň arasyndaky gyzykly gürrüňdeşlik, täsirli pursatlar ýürekleri buýsançdan doly çagajyklarda ýatdan çykmajak duýgulary döretdi. Baýramçylyk mynasybetli çagalara sowgatlar gowşuryldy. Şeýle-de kitaphanamyzyň gurnan göçme sergisi hem çagalarda uly täsir galdyrdy. Baýramçylyk dabarasynyň ahyrynda ýaş nesilleriň erkana ulalmagy, ylymly-bilimli, sagdyn, berk bedenli bolmagy üçin giň mümkinçilikler döredip berýän hormatly Gahryman Arkadagymyza, Arkadagly Gahryman Serdarymyza alkyş sözleri beýan edildi.

BERDINAZAR HUDAÝNAZAROWYŇ ÖMÜR ÝOLY

Kitaphanalar

26.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Türkmenistanyň halk ýazyjysy «Berdinazar Hudaýnazarowyň ömür ýoly» ady bilen «Ylham» seýilgähinde söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe Türkmenistanyň halk ýazyjysy, Magtymguly adyndaky halkara baýragynyň eýesi Berdinazar Hudaýnazarowyň eserleri türkmen edebiýatynda öçmejek yz galdyryp, öz mynasyp ornuny tapýandygyny we onuň goşgularynyň hiç wagt öz gymmatyny ýitirmejekdigini buýsanç bilen bellediler. Şeýle-de Berdinazar Hudaýnazarowyň eserlerinde halkymyzyň başdan geçiren kynçylyklaryny, gaýgy-hasratlaryny, şatlyklaryny birin-birin beýan edýändigini, ýazyjydan romanlaryň, powestleriň, makalalaryň, ýüzlerçe ajaýyp goşgy setirleriniň miras galandygy barada gürrüň berdiler. Söhbetdeşligiň ahyrynda türkmen edebiýatynda öçmejek yz galdyran ýazyjy-şahyrlarymyzy mertebeleýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

NEPIS SUNGATA SARPA

Kitaphanalar

26.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynda Türkmen halysynyň baýramy mynasybetli «Nepis sungata sarpa» ady bilen wagyz–nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe milli gymmatlyklarymyzy öwrenmek we wagyz etmek asylly ýörelgä öwrülendigi hem-de milli gymmatlyklarymyzyň içinde iň gözel hem nepis sungaty bolan türkmen halylary gadymdan gelýän milli mirasymyz bolup durýandygy barada giňişleýin gürrüň berdiler. Türkmen halysy gadymy döwürlerden gözbaş alyp gaýdýan, umumy adamzat medeniýetiniň genji hazynasyna öwrülen ajaýyp sungat bolup, biziň günsaýyn ösýän ata Watanymyzyň buýsanjydygy hakynda buýsanç bilen beýan etdiler. Türkmen zenanlarynyň çeper elleri, uz barmaklarynyň gudraty bilen döredilen halylarymyz halkymyzyň dünýäde ykrar edilen ajaýyp sungatydygy, şeýle-de türkmen milli halylarymyzda halkymyzyň ähli ajaýyp häsiýetleri, milli aýratynlyklarynyň jemlenendigi barada belläp geçdiler. Çäräniň ahyrynda türkmen halkynyň el hünäri bolan halyçylyk sungatyny dünýä ýaýmakda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 70
• 71
• 72
• ...
• 143
• →