Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
Garaşsyz Türkmenistanyň hemişelik Bitaraplygynyň şanly 30 ýyllyk baýramy giňden bellenilýän Halkara parahatçylyk we ynanyşmak ýylynda ýurdumyzda halkara derejede festiwallar, konsertler we beýleki medeni çäreler yzygiderli geçirilýär. Medeni diplomatiýamyzyň giň gerimini, köpugurlylygyny alamatlandyrýan bu tagallalar dünýäde ählumumy parahatçylygyň, agzybirligiň dabaralanmagyna, halklaryň arasynda özara ynanyşmak we dost-doganlyk ýörelgeleriniň rowaçlanmagyna hem uly goşant goşýar.

HABARLAR

No image
BITARAPLYK PARAHATÇYLYGYŇ AÝDYŇ ÝOLY

Kitaphanalar

29.05.2025

Aşgabat şäher medeniýet müdirligiň Merkezleşdirilen kitaphanalar ulgamynyň guramagynda Türkmenistanyň Döwlet medeniýet merkeziniň Döwlet kitaphanasynda «Bitaraplyk parahatçylygyň aýdyň ýoly» ady bilen söhbetdeşlik geçirildi. Gürrüňdeşlikde çykyş edenler hemişelik Bitaraplygynyň 30 ýyllygynyň dünýä ýaň saljak dabaralar bilen bellenilip geçilmegi, Watanymyzyň halkara abraýyny has-da artdyrýandygyny gürrüň berdiler. Şeýle-de dünýä giňişliginde parahatçylygyň hem-de ynanyşmagyň ähmiýetiniň örän ýokary bolan döwründe döwletimiziň daşary syýasatynyň binýadynda duran Bitaraplyk nusgalyk taglymyna öwrülendigi barada belläp geçdiler. Gürrüňdeşligiň ahyrynda Watanymyzyň okgunly ösmegi, bütin dünýäde parahatçylygyň we ynanyşmagyň dabaralanmagy ugrynda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
TÜRKMENISTAN BAGTYÝAR ÇAGALYGYŇ WATANY

Kitaphanalar

29.05.2025

Türkmenistanyň Bazar Amanow adyndaky Döwlet çagalar kitaphanasy ýakynda «Arkaç» söwda dynç alyş merkezinde «Türkmenistan» teleýaýlymy bilen bilelikde ýaşajyk okyjylarymyzyň gatnaşmagynda «Türkmenistan bagtyýar çagalygyň Watany» atly çagalary goramagyň halkara gününe bagyşlap aýdym-sazly baýramçylyk duşuşygyny geçirdi. Kitaphanamyzyň hünärmenleri çagalara her ýylyň Iýun aýynyň 1-ne bagtly çagalygyň we arzuwlaryň hasyl bolýan ýurdumyzda Çagalary goramagyň halkara gününiň dabaraly ýagdaýda bellenilmegi çagalaryň hukuklaryny we azatlyklaryny üpjün etmegiň hem-de goramagyň, ösüp gelýän ýaş nesliň ähli babatda mynasyp durmuşy üçin örän amatly şertleri döretmegiň döwlet syýasatynda ileri tutulýan ugurlaryň biri bolup durýandygy barada täsirli gürrüňleri berdiler. Ýaşajyk okyjylarymyzyň özleri barada döwlet derejesinde edilýän aladalara, döwrebap bilim-terbiýe almak, okamak, öwrenmek, dynç almak üçin döredilen mümkinçiliklere buýsanyp ýerine ýetiren goşgularynda, Gahryman Arkadagymyza hem-de Arkadagly Gahryman Serdarymyza alkyşlary belentden ýaňlandy. Dabaramyzyň ahyrynda döwletimiz tarapyndan mähirli aladalar bilen gurşalan ýaş nesillerimiz özlerine baky bagtyýarlyk bagyşlan Gahryman Arkadagymyzyň, Hormatly Prezidentimiziň janlarynyň sag bolmagyny, beýik başlangyçlarynyň rowaç almagyny arzuw etdiler.

 No image
BAGTYÝAR ÇAGALAR-ÝAGTY ERTIRLERIŇ UMYDY

Kitaphanalar

29.05.2025

Balkan welaýat çagalar kitaphanasynyň gurnamagynda Balkanabat şäherindäki 23-nji çagalar bagynda Halkara çagalary goramagyň güni mynasybetli «Bagtyýar çagalar ýagty ertirleriň umydy» atly ertirlik geçirildi. Çärä kitaphana işgärleri, çagalar bagynyň çagalary, terbiýeçiler gatnaşdylar. Çärede çykyş eden kitaphana işgärleri, terbiýeçiler Watanymyzyň geljegi bolan eýjejik çagalarymyz çagalar bagynda öz öwrenen aýdymlarynda goşgularynda ajaýyp döwrümizi, watanymyzy wasp etdiler. Çäräniň dowamynda çagalara adamynyň gowy gylyk häsiýetleri bolan ynsanperwerlik, watansöýüjilik, edep-ekramlylyk, işeňňirlik, zähmetsöýerlik gylyklarynyň ýar bolmagyny arzuw edip Watanymyzy mundan beýläk uly üstünliklere ýetirjek ynsanlar bolup ýetişmeklerini arzuw etdiler. Çärä gatnaşanlar şeýle şertleri döredip berýän Gahryman Arkadagymyza, Arkadagly Gahryman Serdarymyza öz ýürek buýsançlaryny aýtdylar. Ýaş nesliň bagtyýar hem-de abadan durmuşda ýaşamagy üçin giň gerimli işleri durmuşa geçirýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, başlarynyň dik, il-ýurt bähbitli, döwlet ähmiýetli alyp barýan işleri elmydama rowaçlyklara beslensin!

 No image
ÇAGALARYMYZYŇ BAGTYÝARLYGY–WATANYMYZYŇ KUWWATY

Kitaphanalar

28.05.2025

Döwletmämmet Azady adyndaky Arkadag şäher kitaphanasynyň hem-de Arkadag teleýaýlym bilen bilelikde guramagynda «Çagalarymyzyň bagtyýarlygy–Watanymyzyň kuwwaty» atly gezelençli söhbetdeşlik geçirildi. Biziň her bir günümiz, durmuşymyz, dünýämiz-ýaş nesiller bilen owadan. Ýaş nesiller Watanymyzyň geljegidir, olar buýsanjymyzdyr, guwanjymyzdyr. Ýurdumyzda ýaş nesiller barada uly alada edilýär. Berkarar döwletiň täze eýýamynyň Galkynyşy döwründe ýaş nesliň ösen ylmy-tehniki tilsimatlardan baş çykaryp bilmegi, öz höwes eden hünäri boýunça bilim almagy üçin ähli şertler, mümkinçilikler döredilýär. Ýurdumyzda ösüp gelýän ýaş nesiller üçin dünýä derejesine laýyk gelýän, häzirki zaman kompýuterleri, interaktiw we multimedia tehnologiýalary bilen üpjün edilen döwrebap bilim ojaklary we çagalar baglary, sport mekdepleri yzygiderli gurlup, ulanylmaga berilýär. Şolaryň biri hem ylymlaryň-bilimleriň ojagy bolan dürli ýaşdaky okyjylar üçin niýetlenen Döwletmämmet Azady adyndaky Arkadag şäher kitaphanasy hem ösüp gelýän ýaş nesilleriň kitaba bolan höwesini artdyrmak maksady bilen dürli ýaşdaky okyjylar bilen yzygiderli duşuşyklar, söhbetdeşlikler, bäsleşikler, gezelençler, gürrüňdeşlikler geçirilýär. Döwletmämmet Azady adyndaky Arkadag şäher kitaphanasyna gelýän okyjylara kitaphananyň içiniň aýratynlyklary, kitap sergileri, okalga zallary, bölümleri, obserwatoriýa otagy bilen içgin tanyşdyrylýar. Bu bolsa kitaphana gelýän her bir okyjyda uly täsir galdyrýar. Gezelenjiň ahyrynda ösüp gelýän ýaş nesillerimiziň ylymly – bilimli giň dünýä garaýyşly, Watanymyza wepaly ýaşlar bolup ýetişmegi ugrunda atalyk aladalaryny edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli tutýan tutumly işleri üstünliklere beslensin!

 No image
BITARAPLYK BUÝSANJYM, MILLI MIRASYM

Kitaphanalar

28.05.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen Türkmenistanyň Şekillendiriş sungaty muzeýiniň bilelikde guramagynda «Bitaraplyk buýsanjym, milli mirasym» ady bilen Türkmenistanyň Şekillendiriş sungaty muzeýinde söhbetdeşlik geçirildi. Söhbetdeşlikde çykyş edenler Halkara parahatçylyk we ynanyşmak ýyly ýurdumyzyň hemişelik Bitaraplyk hukuk ýagdaýynyň 30 ýyllygyna beslenýändigi, Bitaraplyk milli bähbitleri amala aşyrmagyň nusgasy bolmak bilen, ýurdumyzyň taryhy, geosyýasy, medeni ýörelgelerine laýyk gelýändigi barada söhbet etdiler. Şeýle-de Bitaraplyk birek-birege hormat goýmagyň, deňhukuklylygyň, özara bähbitli hyzmatdaşlygyň esasynda döwletleriň arasyndaky gatnaşyklaryň nusgasy bolup durýandygyny bellediler. Söhbetdeşligiň ahyrynda dünýäde hoşniýetli halkara hyzmatdaşlygy, parahatçylyk söýüjilikli syýasaty dabaralandyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
PEDERLERIŇ NUSGALYK ÝOLY

Kitaphanalar

28.05.2025

Türkmenistanyň Bazar Amanow adyndaky döwlet çagalar kitaphanasy Türkmenistanyň Döwlet Medeniýet merkeziniň Döwlet kitaphanasy bilen bilelikde «Altyn asyr» teleýaýlymynyň döredijilik toparynyň hem gatnaşmagynda «Pederleriň nusgalyk ýoly» ady bilen döredijilik duşuşygyny geçirdi. Duşuşygyň dowamynda ýurdumyzyň «Arkadag» futbol toparynyň abraýly halkara ýaryşynda ýeňiş gazanmagy we türgenleriň, futbolçylaryň haýyşy esasynda toparyň gazanan pul baýragyny Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gullugyna geçirmegi, Gahryman Arkadagymyzyň parasatly çözgüdi bilen şol pul baýragyny Bazar Amanow adyndaky döwlet çagalar kitaphanasynyň täze guruljak binasynyň gurluşygyna gönükdirmek hakyndaky karary mynasybetli kitaphanaçylar ýürek buýsançlaryny, alkyşlaryny beýan etdiler. Hem-de özlerine bildirilýän beýik ynamy ödemek üçin irginsiz zähmet çekjekdiklerine tüýs ýürekden ynandyrdylar. Döredijilik duşuşygynyň ahyrynda kitaba, kitaphanalara aýratyn hormat-sarpa goýýan, ýaşlara okamaga, öwrenmäge, döretmäge giň ýol açyp berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

 No image
MAGTYMGULY PYRAGY-ÝÜREKLERIŇ ÇYRAGY

Kitaphanalar

28.05.2025

Döwletmämmet Azady adyndaky Arkadag şäher kitaphanasynda Sahy Jepbarow adyndaky Arkadag şäher ýörite sungat mekdebiniň talyplarynyň gelmeginde «Magtymguly Pyragy-ýürekleriň çyragy» atly gezelenç geçirildi. Türkmen nusgawy edebiýatynyň beýik wekili, kerwenbaşysy Magtymguly Pyragy joşgunly zehinini, manyly ömrüni mähriban halkyna bagyş eden, Watanyny tüýs ýürekden söýen watançy şahyrdyr. Beýik söz ussady milli dilimiziň ähli baýlyklaryndan, çeperçilik serişdelerinden ussatlyk bilen peýdalanyp, halkyň isleg-arzuwlaryny, ýaşaýyş-durmuşyny, häsiýetini açyp görkezipdir. Şahyryň şygyrlary adamlaryň aňynda ynsanperwer garaýyşlary, ýaşaýyş, durmuş barada oňyn, sagdyn pikirleri oýaryp, ruhy gymmatlyga öwrülipdir. Bu günki gün Gahryman Arkadagymyzyň we Arkadagly Gahryman Serdarymyzyň döwletli başlangyçlarynda, tutumly işlerinde Magtymguly Pyragynyň erkana hem abadan durmuş, berkarar döwlet, il agzybirligi, ýurt abadançylygy, mert, watansöýüji, kämil nesilleri ýetişdirmek baradaky köňül arzuwlary, sözüň doly manysynda, amala aşýar. Magtymguly Pyragynyň pähim-paýhasa ýugrulan edebi mirasy diňe bir türkmen halkynyň däl, eýsem, dünýä halklarynyň hem gymmatlygyna öwrülip, ebedi ýaşaýar. Çäräniň ahyrynda Magtymguly Pyragynyň ömri döredijiligini şeýle hem many-mazmunly şygyrlaryny öwrenmäge we dünýä ýaýmaga giň mümkinçilikleri döredip berýän, türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza hoşallyk sözleri aýdyldy.

 No image
DILIM BAR-DÜNÝÄM BAR

Kitaphanalar

28.05.2025

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölümi «Dilim bar-dünýäm bar» atly kitaphana syny geçirildi. Kitaphana synynda çykyş edenler «Dilim bar-dünýäm bar» diýen jümle türkmen halkynyň diline we medeniýetine goýýan uly hormatynyň beýanydyr. Bu jümle dilimiziň diňe bir aragatnaşyk serişdesi däl-de, eýsem, halkymyzyň taryhyny, ruhy baýlygyny, milli aýratynlyklaryny saklaýan we geljek nesillere geçirmegiň iň möhüm serişdesidigini görkezýär. Häzirki zaman maglumat we tehnologiýalar döwründe daşary ýurt dillerini bilmek her bir adam üçin möhüm zerurlyga öwrüldi. Daşary ýurt dilleriniň arasynda iň köp ýaýranlary–iňlis, rus, fransuz, nemes, hytaý, ispan ýaly diller bolup, bu diller dünýäniň köp ýurtlarynda bilim, söwda, syýahatçylyk we diplomatiýa ýaly ugurlarda giňden ulanylýanlygy barada giňişleýin gürrüň etdiler. Çykyş edenler kitaphana synynyň ahyrynda ähli mümkinçilikleri döredip beren türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň belent başlary aman, janlarynyň sag bolmagyny, il–ýurt bähbitli işleriniň elmydama rowaçlyklara beslenmegini arzuw etdiler.

 No image
KITAPHANA-ROWAÇLYKLARA BADALGA

Kitaphanalar

28.05.2025

Türkmenistanyň Döwlet medeniýet merkeziniň Döwlet kitaphanasynda «Kitaphana rowaçlyklara badalga» atly kitaphana gurnagy geçirildi. Gurnagymyza Türkmen Döwlet Medeniýet institutynyň «Kitaphanaçylyk» fakultetiniň talyp ýaşlary gatnaşdylar. Gurnagymyzyň bu sanynda Milli gaznahana ulgamyny döretmek, maglumatlary jemlemek, ulgamyň elektron binýadyny gurmak we maglumatlary alyşmak bölümi BEKU. kitaplary ýüklemegiň düzgünleri barada özleriniň alyp barýan işleri barada giňişleýin gürrüň berdiler. Kataloglaryň, kartotekalaryň ulgamy hakynda olary nähili ýerleşdirmeli, gerek bolan maglumatyňy dogry we çalt tapmak maksady bilen nähili işleriň alnyp barylýandygyny, kataloglaryň görnüşlerini şeýle-de halypamyz BEKU-yň elektron katalogyna maglumaty nähili ýüklemelidigini we gerek bolan maglumatyňy nähili gözlemelidigini tejribe üstünde görkezdiler. Şeýlede talyp-ýaşlaryň arasynda sorag-jogap alşyldy. Soňra bolsa gurnaga gatnaşyjylar kitaphana işini ösdürmekde olary aýawly saklamakda we kitaplary ýaş nesle ýetirmekde birnäçe aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

 No image
SIZ DURMUŞYŇ GÖZELLIGI, GELJEGI

Kitaphanalar

28.05.2025

Türkmenistanyň Bazar Amanow adyndaky Döwlet çagalar kitaphanasynyň agzybir hünärmenleri ýakynda «TW4 Türkmenistan» teleýaýlymy bilen bilelikde ýaşajyk okyjylarymyzyň gatnaşmagynda «Siz durmuşyň gözelligi, geljegi» atly 1-nji iýun çagalary goramagyň halkara gününe bagyşlap baýramçylyk duşuşygyny geçirdi. Kitaphanamyzyň hünärmenleri çagalara her ýylyň Iýun aýynyň 1-ne bagtly çagalygyň we arzuwlaryň hasyl bolýan ýurdumyzda Çagalary goramagyň halkara gününiň dabaraly ýagdaýda bellenilmegi çagalaryň hukuklaryny we azatlyklaryny üpjün etmegiň hem-de goramagyň, ösüp gelýän ýaş nesliň ähli babatda mynasyp durmuşy üçin örän amatly şertleri döretmegiň döwlet syýasatynda ileri tutulýan ugurlaryň biri bolup durýandygy barada täsirli gürrüňleri berdiler. Dabaramyzyň ahyrynda döwletimiz tarapyndan mähirli aladalar bilen gurşalan ýaş nesillerimiz özlerine baky bagtyýarlyk bagyşlan Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, beýik başlangyçlarynyň rowaç almagyny arzuw etdiler.