HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BAGTYÝAR WATANYMYZDA PARLA, ÝAŞYL BAÝDAGYM!

Kitaphanalar

14.05.2025

Türkmenistanyň Bazar Amanow adyndaky Döwlet çagalar kitaphanasy Aşgabat şäheriniň daşary ýurt dillerini çuňlaşdyryp öwredýän № 74-nji orta mekdebinde «Bagtyýar Watanymyzda parla, ýaşyl Baýdagym!» atly Türkmenistanyň Konstitusiýasynyň we Türkmenistanyň Döwlet Baýdagynyň güni mynasybetli mekdep okuwçylarynyň gatnaşmagynda edebi-sazly ertirlik geçirdi. Söhbetdeşligiň dowamynda kitaphana hünärmenleri bilesigeliji okyjylarymyza, her bir ýurtda geçirilýän olimpiadalarda, Garaşsyz Türkmenistanyň ýaşyl tugy asmana galanda, biziň ýurdumyzyň hem-de mähriban halkymyzyň abraýy, mertebesi belende göterilýändigi, Döwlet baýdagymyzyň mukaddeslik mertebesini saklamak–Watanyňa we halkyňa bolan hormatdyr diýip täsirli gürrüňler berdiler. Mekdebiň kitap söýüji ýaşlary hem ata Watanymyzy, ýaşyl Baýdagymyzy, ajaýyp döwrümizi wasp edýän goşgulary, aýdymlaryny uly höwes bilen aýdyp berdiler. Söhbetdeşligiň ahyrynda dünýäde parahatçylygyň, ynanyşmagyň hem asudalygyň nyşany hökmünde Türkmen Tugumyzyň at-abraýyny belende göterýän Gahryman Arkadagymyza, hormatly Prezidentimiz Arkadagly Gahryman Serdarymyza çäksiz alkyşlary beýan etdiler.

TÜRKMENISTANYŇ DÖWLET MEDENIÝET MERKEZINIŇ DÖWLET KITAPHANASYNDA BAZAR AMANOW ADYNDAKY DÖWLET ÇAGALAR KITAPHANASY BILEN BILELIKDE HOŞALLYK MASLAHATY GEÇIRILDI.

Kitaphanalar

14.05.2025

Türkmenistanyň Döwlet medeniýet merkeziniň Döwlet kitaphanasynda geçirilen hoşallyk maslahatynda çykyş edenler Kitaphanalaryň akyl paýhas ojagydygy barada giňişleýin çykyş etdiler. Munuň şeýledigini Berkarar döwletiň täze eýýamynyň Galkynyşy döwründe amal edilýän guwandyryjy işler aýdyňlygy bilen tassyklaýar. Bazar Amanow adyndaky Döwlet çagalar kitaphanasynyň guruljak döwrebap täze binasy ýurdumyzda ýaş nesil hakynda aladanyň, kitaba, kitaphanalara goýulýan sarpanyň nobatdaky aýdyň güwäsidir diýip belläp geçdiler. “Bilimli nesil kuwwatly Watan” diýlişi ýaly “Güneşli” çagalar we ýetginjekler merkeziniň binasynyň we çagalar kitaphanasynyň täze binasynyň bir ýerde ýerleşmegi çagalaryň geljekde giň gözýetimli, bilimli, sowatly, kämil hünärmenler bolup ýetişmeklerinde, watanperwer, belent adamkärçilikli ynsanlar bolup kemala gelmeklerinde uly ähmiýete eýedir diýip, kitaphanaçylar öz çykyşlarynda bellediler. Çykyş edenler çykyşlarynyň ahyrynda kitaphana işini ösdürmekde taýsyz tagallalar edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutumly işleri hemişe rowaçlyklara beslenmegini arzuw etdiler.

TÜRKMENISTANYŇ DÖWLET MEDENIÝET MERKEZINIŇ DÖWLET KITAPHANASYNDA BAZAR AMANOW ADYNDAKY DÖWLET ÇAGALAR KITAPHANASY BILEN BILELIKDE AŞGABAT TELEÝAÝLYMY BILEN BILELIKDE ÝAZGY GEÇIRILDI

Kitaphanalar

14.05.2025

Türkmenistanyň Döwlet medeniýet merkeziniň Döwlet kitaphanasynda ýazgy edilen söhbetdeşlikde çykyş edenler “Arkadag” futbol toparynyň halkara ýaryşda gazanan pul baýragyny Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr sahawat gaznasyna geçirmek hem-de ony Bazar Amanow adyndaky Döwlet çagalar kitaphanasynyň täze binasynyň gurluşygyna gönükdirmek barada karara gelinmegini buýsanç bilen söhbet etdiler, bu bolsa hormatly Prezidentimiziň, Gahryman Arkadagymyzyň çagalar babatda alyp barýan dünýä nusgalyk sogaply işleriniň nobatdaky aýdyň güwäsidir. Mälim bolşy ýaly, Gahryman Arkadagymyzyň Döwlet çagalar kitaphanasynyň täze binasyna degişli şekil taslamalary bilen tanşyp, onuň “Güneşli” çagalar we ýetginjekler merkeziniň çäginde gurulmagynyň maksada laýyk boljakdygyny aýtmagy hem ýaş nesil üçin giň mümkinçilikleriň döredilýänliginden aýdyň nyşandyr diýip, bellediler. Çykyş edenler çykyşlarynyň ahyrynda öz dürdäne eserleri bilen ýollarymyza nur çaýýan, kitaba belent sarpa goýýan, kitaphana işini ösdürmekde taýsyz tagallalar edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutumly işleriniň hemişe rowaçlyklara beslenmegini arzuw etdiler.

MEKDEP KITAPHANALARYNYŇ IŞINI HAS-DA KÄMILLEŞDIRMEGIŇ WEZIPELERI WE ÝOLLARY Ýurdumyzyň ähli ulgamlary bilen bir hatarda medeniýet ulgamy hem ösdürilýär, kämilleşdirilýär. Medeniýet ulgamynyň aýrylmaz bölegi hasaplanýan kitaphana ulgamynyň işini has-da k

Kitaphanalar

14.05.2025

Ýurdumyzyň ähli ulgamlary bilen bir hatarda medeniýet ulgamy hem ösdürilýär, kämilleşdirilýär. Medeniýet ulgamynyň aýrylmaz bölegi hasaplanýan kitaphana ulgamynyň işini has-da kämilleşdirmek, giň okyjylar köpçüligini kitaphanalara çekmek, ösüp gelýän ýaş nesillerimizde kitaba bolan sögüni döretmekde, höwesi artdyrmakda uly işler durmuşa geçirilýär.Şu maksatdan ugur alnyp Türkmenistanyň Prezidentiniň 2025-nji ýylyň 24-nji ýanwarynda çykaran Karary bilen «Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet maksatnamasyny amala aşyrmak boýunça ýerine ýetirilmeli çäreleriň Meýilnamasyny» durmuşa geçirmek hem-de bu Namalarda bellenilenleriň talabalaýyk ýerine ýetirilmegini üpjün etmek maksady bilen Balkan welaýat kitaphanasynda Balkan welaýat baş bilim müdirliginiň hem-de Balkan welaýat kitaphanasynyň bilelikde gurnamagynda «Mekdep kitaphanalarynyň işini has-da kämilleşdirmegiň wezipeleri we ýollary» atly mekdep kitaphanalarynyň kitaphana işgärleri bilen bilelikde usuly maslahat geçirildi. Maslahatda çykyş edenler kitaphanalaryň maddy enjamlaýyn üpjünçiligini kämilleşdirmek, kitaphanalara häzirki zaman ösen tehnologiýa enjamlaryny ornaşdyrmak, bitewi elektron kitaphana ulgamynyň işini hil we mazmun taýdan kämilleşdirmek, çagalara hyzmat edýän kitaphanalaryň işini kämilleşdirmek, çagalaryň we mekdep okuwçylarynyň okamaga bolan höwesini elektron tehnologiýanyň mümkinçilikleri bilen utgaşdyrmak barada, kitaphana ulgamynda alynyp barýan işler, döredilýän mümkinçilikler, we ֿ«Halkara parahatçylyk we ynanyşmak ýylynda» öňde goýulýan maksatlar dogrysynda giňişleýin söhbet etdiler.Umuman kitaphanaçylar ilkinji nobatda Gahryman Arkadagymyzyň, Arkadagly Gahryman Serdarymyzyň alyp barýan syýasatyny wagyz edijiler bolup durýar. Maslahatyň ahyrynda ýene bir ýola ata Watanymyzyň dünýä derejesinde gülläp ösmegi, halkymyzyň eşretli durmuşda ýaşamagy, işlemegi, okamagy, döretmegi üçin ähli şertleri döredip berýän Gahryman Arkadagymyza, Arkadagly Gahryman Serdarymyza bagtyýar halkymyzyň adyndan köp-köp sagbolsun aýtdylar.

BAÝDAGYMDA BAGTYÝARLYK BADY BAR, KANUNYMDA HALKYŇ BEÝIK BAGTY BAR

Kitaphanalar

14.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasy bilen Türkmenistanyň Telewideniýe radiýogepleşikler we kinematografiýa baradaky döwlet komitetiniň hünär-tehniki okuw mekdebiniň bilelikde guramagynda Türkmenistanyň Konstitusiýasynyň we Türkmenistanyň döwlet baýdagynyň güni mynasybetli «Baýdagymda bagtyýarlyk bady bar, Kanunymda halkyň beýik bagty bar» ady bilen söhbetdeşlik geçirildi. Çärede çykyş edenler Berkarar döwletiň täze eýýamynyň Galkynyşy döwründe Halkara parahatçylyk we ynanyşmak ýylynda türkmen halkynyň agzybirligini we ýurdumyzyň berkararlygyny alamatlandyrýan Türkmenistanyň Konstitusiýasynyň we Türkmenistanyň döwlet baýdagynyň güni türkmen halkynyň jebisligini, bitewiligini, berkitýändigi barada gürrüň berdiler. Şeýle-de halkymyzyň ynsanperwerlik, adalatlylyk, agzybirlik ýörelgelerini özüne siňdiren Türkmenistanyň Konstitusiýasy we Türkmenistanyň döwlet baýdagynyň gününiň bir günde bellenilmegi iki mukaddeslige goýulýan hormatdan nyşandygy barada giňişleýin gürrüň berdiler. Çäräniň dowamynda talyp ýaşlaryň ýerine ýetirmeginde Watanymyzy, döwlet baýdagymyzy wasp edýän birnäçe aýdym-sazlary ýerine ýetirdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BAŞ KANUNYM-BAKY BAGTYM, ÝAŞYL TUGUM-DÜNÝÄ ÝALKYM

Kitaphanalar

14.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Bagyr ýaşaýyş toplumynyň kitaphana şahamçasynyň guramagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Baş kanunym-baky bagtym, ýaşyl tugum-dünýä ýalkym» ady bilen aýdym-sazly baýramçylyk çäresi geçirildi. Çärede çykyş edenler Halkara parahatçylyk we ynanyşmak ýylynda halkymyzyň gadymdan bäri ezizläp, mukaddeslik derejesine ýetiren gymmatlyklaryny ata-babalarymyz Watan söýgüsi bilen birleşdirip, kalbyna hemra edinendigi barada gürrüň berdiler. Şeýle-de ol mukaddeslikler Watançylyk Kasamyndan, Döwlet senasyndan, Döwlet baýdagyndan hem-de Döwlet tugrasyndan ybaratdygy, bu goşa mukaddesligi gorp saklamak her birimiziň mukaddes borjumyz bolup durýandygy barada belläp geçdiler. Çäräniň ahyrynda başymyzyň täjine, köňül seždegähimize deňeýän ýaşyl Tugumyzyň müdimi parlamagy üçin beýik işleri durmuşa geçirýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar. Çäräniň ahyrynda türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

BAÝDAGYMYZ BAŞYMYZYŇ TÄJIDIR, KANUNLARYMYZ KALBYMYZYŇ GÜÝJÜDIR!

Kitaphanalar

14.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen Aşgabat şäher medeniýet müdirliginiň 4-nji çagalar sungat mekdebiniň okuwçylarynyň gatnaşmagynda Türkmenistanyň Konstitusiýasynyň we Türkmenistanyň döwlet baýdagynyň güni mynasybetli «Baýdagymyz başymyzyň täjidir, Kanunlarymyz kalbymyzyň güýjüdir!» ady bilen aýdym-sazly baýramçylyk çäresi geçirildi. Çärede çykyş edenler Türkmenistanyň Konstitusiýasy döwletiň esasy kanuny bolup, Konstitusiýada döwletiň hukuk ýagdaýynyň kegitlemesi we ösüşiniň esasy ugurlaryny beýan edýändigi barada gürrüň berdiler. Şeýle-de döwlet baýdagymyzyň saýasynda bu gün eziz Watanymyz ösüşleriň ýoly bilen öňe barýan günlerinde asylly däpleriniň, şan-şöhratynyň, halkara abraýynyň güwäsi bolup, al-asmanda erkana pasyrdaýandygyny, goşa mukaddesligiň şanyna tutulýan toýlar halkymyzyň agzybirligini, mertebesini, buýsanjyny alamatlandyrýandygy barada beýan etdiler. Çäräniň dowamynda Aşgabat şäher medeniýet müdirliginiň 4-nji çagalar sungat mekdebiniň okuwçylarynyň ýerine ýetirmeginde Watanmyzy wasp edýän birnäçe aýdym-sazlary ýerine ýetirdiler. Çäräniň ahyrynda ýurdumyzyň parahatlygy, asudalygy halkymyzyň bagtyýarlygy ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BERKARARLYGYŇ SYNMAZ SÜTÜNLERI

Kitaphanalar

14.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasy bilen 132-nji orta mekdebiniň bilelikde guramagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Berkararlygyň synmaz sütünleri» ady bilen aýdym-sazly, wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe ýaşyl tugymyz dünýä ýüzünde belentden parlap, Türkmenistanyň at-abraýyny, şan-şöhratyny dünýä derejesinde gazanýan ajaýyp üstünlikleri äleme ýaýýandygy barada gürrüň berdiler. Şeýle-de Kanunymyzyň, milli gymmatlyklarymyzy we bähbitlerimizi gorap saklamaga, raýatlaryň hukuklaryny we azatlyklaryny kepillendirip, jemgyýetde asudalygy we agzybirligi üpjün etmäge, halk häkimiýetiniň hem-de demokratik, hukuk, dünýewi döwletiň esaslaryny berkarar etmäge çalşyp, şu kanunyň kabul edilendigini hakynda gürrüň berdiler. Çäräniň dowamynda Aşgabat şäher medeniýet müdirliginiň 2-nji çagalar sungat mekdebiniň «Ylham» dutarçylar toparynyň aýdym-sazlary, çykyşlary, ýaşyl tugumyzy wasp edýän goşgulary, aýdym-sazlary ýerine ýetirdiler. Bu bolsa çärä gatnaşanlarda ýakymly täsir galdyrdy. Çäräniň ahyrynda türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

ADYL KANUN, ŞÖHLÄŇ DÜNÝÄ ÝAÝRAÝAR

Kitaphanalar

14.05.2025

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri ýaňy-ýakynda Türkmenistanyň Medeniýet, sport, syýahatçylyk we jemgyýetçilik guramalarynyň gurnamagynda, ýurdumyzda Döwlet derejesinde bellenilýän Türkmenistanyň Konstitusiýasynyň we Döwlet Baýdagynyň güni mynasybetli «Adyl kanun, şöhläň dünýä ýaýraýar» ady bilen edebi-sazly söhbetdeşlik geçirdi. Söhbetdeşligiň dowamynda çykyş edenler, Türkmenistanyň Konstitusiýasynyň we Döwlet baýdagynyň gününiň bilelikde bellenilmegi iki mukaddeslige goýulýan hormatyň nyşany bolup türkmen halky Döwlet baýdagyny gözüniň göreji, başynyň täji hasaplaýandygy barada giňişleýin belläp geçdiler. Şeýle-de ýurdumyzda buýsançly pasyrdaýan ýaşyl tugy halkymyzyň Garaşsyz döwlet barada asyrlarboýy eden arzuwynyň amala aşmagynyň nyşany bolmak bilen çäklenmän, eýsem, biziň aňymyzda watançylygyň beýik ruhuny, häzirki wagtda özüniň ajaýyp geljegini gurýan halkymyzyň ruhubelentliklerini berkarar edýän milli mukaddeslik bolup durýandygy barada gürrüň berdiler. Söhbetdeşligiň ahyrynda dünýäde parahatçylygyň, ynanyşmagyň hem asudalygyň nyşany hökmünde ýaşyl Tugumyzy belentde parladýan Gahryman Arkadagymyza, Arkadagly Gahryman Serdarymyza alkyş sözleri beýan edildi.

AZIÝANYŇ FUTBOL KONFEDERASIÝASYNYŇ ÇAGYRYŞ LIGASYNYŇ ÇEMPIONY «ARKADAG» FUTBOL TOPARYNY GARŞYLAMAK DABARASY

Kitaphanalar

14.05.2025

Arkadag şäherinde “Arkadag” futbol toparynyň Aziýanyň Futbol konfederasiýasynyň Çagyryş ligasynyň çempiony bolmagynyň hormatyna garşylamak çäresi geçirildi. Dabara Arkadag şäheriniň «Akhan» binasynda ýurdumyzyň medeniýet we sungat ussatlarynyň ýerine ýetirmeginde “Arkadag” futbol toparynyň gazanan taryhy ýeňşi mynasybetli ýerine ýetiren aýdym-sazlary, joşgunly tanslary bilen garşy alyndy. Halkara derejede ýeňiş gazanyp, türkmen sportunyň abraýyny belende göteren futbolçylar Türkmenistanyň Döwlet baýdagyny parladyp, mynasyp bolan Kubogyny we “Arkadag” futbol toparynyň tapawutlanandygyny alamatlandyrýan baýraklary göterip, dabaranyň başlanýan ýerine geldiler. Mälim bolşy ýaly, “Arkadag” topary AFK-nyň Çagyryş ligasynyň Kambojada geçirilen final ýaryşynyň ýeňijisi bolup, janköýerlerini begendirdi. “Çagyryş ligasynyň çempiony” diýen derejä mynasyp bolmagy bu toparyň türgenleriniň öňünde goýlan belent maksatlaryň amal bolýandygyny aňladýar. Toparyň türgenleri Akhan, Aba Annaýew hem-de Kärizek şaýollarynyň ugry bilen Arkadag şäheriniň 10 müň orunlyk stadionyna tarap ugradylar. Ýol ugrunda ajaýyp ýeňiş gazanan futbolçylary Arkadag şäheriniň köp sanly ýaşaýjylary, zähmetkeşleri şele-de Döwletmmämet Azady adyndaky Arkadag şäher kitaphanamyzyň agzybir zähmet söýer işgärleri, şatlyk-şowhun bilen garşylamak dabarasyna gatnaşdyk. Köpetdagyň ajaýyp künjeginde Gahryman Arkadagymyzyň yhlasyndan binýat bolan täze şäheriň nurana ýollarynyň ugrunda belentden ýaňlanýan aýdym-sazlar, türgenleriň görkezme çykyşlary “Arkadag” toparynyň taryhy ýeňşiniň waspyny ýetirdi. “Arkadag” futbol toparynyň türgenleri 10 müň orunlyk stadionyň öňündäki meýdançada mähirli garşylanyldy. Ajaýyp ýeňiş gazanyp, halkymyzyň şatlygyna şatlyk goşan futbolçylara türkmen halkynyň asyrlar aşyp gelýän milli ýörelgelerine laýyklykda, duz-çörek hödür edildi. Il sylagly ýaşulular, mähriban eneler, ýaş türgenler futbolçylara ak ýol arzuw etdiler. Olaryň gazanan ýeňşi ýaş türgenler üçin nusgalyk göreldedir. Munuň özi Gahryman Arkadagymyzyň başlangyjy esasynda we Hormatly Prezidentimiziň baştutanlygynda milli sportumyzyň, şol sanda täze şäheriň futbol toparynyň dünýä derejesine çykarylýandygynyň aýdyň beýanyna öwrüldi. Şular ýaly ajaýyp mümkinçilikleri döredip berýän türkmen sportynyň hak howandary, Türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlary sag bolsun! Ömürleri uzak bolsun! Il ýurt bähbitli tutumly işleriniň elmydama rowaçlyklara beslenmegini tüýs ýürekden arzuw edýäris.

• ←
• 1
• ...
• 77
• 78
• 79
• ...
• 143
• →