HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

KÄMILLIGIŇ-AGZYBIRLIGIŇ ÝOLY KONSTITUSIÝA! BELENTDE PARLA ÝAŞYL BAÝDAGYM!

Kitaphanalar

16.05.2025

Balkan welaýat kitaphanasynda «Kämilligiň-agzybirligiň ýoly Konstitusiýa! Belentde parla ýaşyl Baýdagym!» atly maslahat geçirildi. Maslahatda çykyş eden mugallymlar, kitaphanaçylar, jemgyýetçilik guramalarynyň işjeň agzalary Berkarar döwletiň täze eýýamynyň Galkynyşy döwründe «Halkara parahatçylyk we ynanyşmak» ýylynda hormatly Prezidentimiziň parasatly ýolbaşçylygynda ýurdumyzda esasy Türkmenistanyň Konstitusiýasy bilen Döwlet baýdagynyň güni mynasybetli täsirli gürrüňleri berdiler. Hormatly Prezidentimiziň başda durmagynda döwletiň esasy binýady bolan Türkmenistanyň Konstitusiýasy, mukaddes ýaşyl baýdagymyz halkymyzyň asyrlarboýy kalbynda besläp gelen isleg – arzuwlaryny, özygtyýarly döwletlilik, garaşsyzlyk, agzybirlik, ynsanperwerlik, watansöýüjilik duýgularyny, her bir raýatyň hukuklaryny we azatlyklaryny kepillendirip, halk häkimýetiniň hukuk döwletleriniň esaslaryny özünde jemleýär. Döwlet baýdagymyz bagtyýarlygyň, erkinligiň, asudalygyň tarapdary bolan halkyň buýsanjyny asmana göterdi. Maslahata gatnaşan myhmanlarda çykyşlar aýratyn täsir galdyrdy. Asuda, parahat ýurdumyzda ýaşyl baýdagymyz al –asmanda pasyrdasyn. Şeýle ajaýyp baýramçylyk bilen türkmen halkynyň milli Lideri Gahryman Arkadagymyzy Hormatly Prezidentimiz Arkadagly Gahryman Serdarymyzy şeýlede türkmen halkymyzy Türkmenistanyň Konstitusiýasy we Türkmenistanyň Döwlet baýdagynyň güni bilen tüýs ýürekden gutlaýarys. Türkmen halkyny, ýurdumyzy parahat durmuşda ýaşadýan, Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun.

KONSTITUSIÝA, DÖWLET BAÝDAGY DÖWLETLILIGIŇ WE ÖZYGTYÝARLYLYGYŇ NYŞANLARY

Kitaphanalar

15.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasy, Aşgabat maliýe-ykdysady orta hünär okuw mekdebiniň bilelikde guramagynda «Konstitusiýa, Döwlet baýdagy döwletliligiň we özygtyýarlylygyň nyşanlary» ady bilen wagyz-nesihat çäresi geçirildi. Çärede çykyş edenler Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli Türkmeniň ýaşyl ýazlary kimin owadan Tugy başymyzyň täjine deňeýän mukaddes Watanymyzyň özygtyýarlylygy, halkymyzyň belent buýsanjynyň beýanydygy barada gürrüň berdiler. Şeýle-de esasy Kanunymyz döwletiň gurluşyny, adamyň we raýatyň hukuklaryny, azatlyklaryny we borçlaryny beýan edýän parahatçylygy alamatlandyrýan Döwlet baýdagymyz Türkmenistanyň Garaşsyzlygyny hemişelik Bitaraplygyny kesgitleýän esasy döwlet nyşanlarynyň biridigini, ol milletimiziň agzybirligini, mertebesini, Watanymyzyň baý taryhyny, bagtyýar şu gününi we nurana geljegini alamatlandyrýandygyny nygtap geçdiler. Çäräniň ahyrynda türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il bähbitli, ýurt ähmiýetli alyp barýan tutumly işleriniň elmydama rowaçlyklara beslenmegini arzuw etdiler.

KONSTITUSIÝA BAKY BAGTYM, ÝAŞYL BAÝDAK–TÄJI TAGTYM

Kitaphanalar

15.05.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkmenistanyň inžener –tehniki we ulag kommunikasiýalary institutynyň bilelikde guramagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Konstitusiýa baky bagtym, ýaşyl baýdak–täji tagtym» ady bilen aýdym-sazly baýramçylyk çäresi geçirildi. Çärede çykyş edenler Türkmenistanyň Konstitusiýasynyň, kanunlarymyzyň kämilleşmegi jemgyýetdäki durmuş ykdysady özgerişlikler bilen utgaşyp ata Watanymyzyň gülläp ösüşiniň kepili bolup, häzirki we geljekki nesilleriň bagtyýar durmuşyny üpjün edýändigini, Döwlet baýdagymyzyň parahatçylygyň, ynsanperwerligiň, ösüşiň we döredijiligiň nyşany hökmünde tanalýandygy barada gürrüň berdiler. Şeýle-de kämilleşýän jemgyýetiň ykdysady, syýasy we medeni ösüşlerini üpjün edýän, raýatlaryň hukuklary Türkmenistanyň Konstitusiýasy, durmuş hem-de zähmet üpjünçilik kanunlary esasynda berk kepillendirilýändigi barada belläp geçdiler. Çäräniň dowamynda Türkmenistanyň inžener–tehniki we ulag kommunikasiýalary institutynyň talyplary Watanymyzy wasp edýän birnäçe aýdym-sazlary ýerine ýetirdiler. Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

HORMATLY PREZIDENTIMIZ ARKADAGLY GAHRYMAN SERDARYMYZYŇ JÖWHER PAÝHASYNDAN DÖRÄN AJAÝYP KITAPLARYNA SYN BERILDI

Kitaphanalar

15.05.2025

Türkmenistanyň Döwlet medeniýet merkeziniň Döwlet kitaphanasynyň Ylmy habar beriş we sowal-jogap bölümi hormatly Prezidentimiz Arkadagly Gahryman Serdarymyzyň jöwher paýhasyndan dörän ajaýyp kitaplaryna syn berildi. Arkadagly Gahryman Serdarymyzyň «Magtymguly dünýäniň akyldary» atly kitaby 2024-nji ýylda çapdan çykyp, kitapda Magtymguly Pyragynyň doglan gününiň 300 ýyllygy mynasybetli kabul edilen resminamalar, gutlaglar, çykyşlar, beýan edilýär. Kitap üç dilde türkmen, rus, iňlis dilleriniň hersinde aýratyn kitap görnüşinde giň halk köpçüligine ýetirildi. «Berkarar döwletiň täze eýýamynyň şanly menzilleri» atly kitaby 2024-nji ýylda çapdan çykyp, bu kitap 2 tomdan ybarat bolup birinji tomy Türkmenistanyň Prezidenti Serdar Berdimuhamedowyň işleriniň beýany hem-de ýurdumyzda bolup geçýän özgertmeleriň depginini özünde jemleýär. Synyň ahyrynda çykyş edenler türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

DAÝHANDAN HEREKET–ÝERDEN BEREKET

Kitaphanalar

15.05.2025

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi «Daýhandan hereket–ýerden bereket» ady bilen kitap sergisini gurnady. Bu kitap sergisinde Gahryman Arkadagymyzyň, hormatly Prezidentimiz Arkadagly Gahryman Serdarymyzyň ajaýyp eserleri, şeýle-de zähmetiň ähmiýeti, obalaryň döwrebaplaşmagy baradaky edebiýatlar ýerleşdirildi. Kitap sergisini görmäge gelen okyjylar, özlerine gerek bolan maglumatlaryny tapyp bildiler. Mundan başga-da daýhanlaryň ýerine ýetirýän işleri bilen bagly edebiýatlary öwrendiler. Bizi şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç bolmagyny tüýs ýürekden arzuw etdiler.

«RÖWŞEN GELJEGIŇ–RUHY BINÝADY» ADY BILEN GEÇIRILEN HOŞALLYK MASLAHATY

Kitaphanalar

15.05.2025

Türkmenistanyň Bazar Amanow adyndaky döwlet çagalar kitaphanasy Türkmenistanyň Döwlet Medeniýet merkeziniň Döwlet kitaphanasy bilen bilelikde Gahryman Arkadagymyzyň, Arkadagly Gahryman Serdarymyzyň parasatly çözgütleri netijesinde Bazar Amanow adyndaky döwlet çagalar kitaphanasyna täze binanyň gurlup berilmegi baradaky hoş habar bizi diýseň buýsandyrdy. Paýtagtymyzyň iň gözel künjeginde bina ediljek “Güneşli” çagalar we ýetginjekler merkeziniň çäklerinde gurmak hakyndaky karary mynasybetli «Röwşen geljegiň-Ruhy binýady» ady bilen hoşallyk maslahatyny geçirdi. Maslahatyň dowamynda bu kitaphananyň kalplary buýsançdan, dilleri alkyşdan doly kitaphanaçylary ýurdumyzda kitaphana ulgamyny has-da ösdürmek, döwrebaplaşdyrmak, ýaş nesilleri kitap bilen ýakyndan dostlaşdyrmak babatda edilýän aladalar dogrusynda täsirli gürrüňler etdiler. Şeýle-de özlerine bildirilýän beýik ynamy ödemek üçin ýene-de irginsiz zähmet çekjekdiklerini ynamly nygtadylar. Buýsançly kalplardan syzylyp çykýan hoşallyk sözlerine Türkmenistanyň Döwlet Medeniýet merkeziniň Döwlet kitaphanasynyň bagtyýar kitaphanaçylary hem goşulyp, biragyzdan ýürekden çykýan buýsançlaryny beýan etdiler. Hoşallyk maslahatyň ahyrynda kitaba, kitaphanalara aýratyn hormat-sarpa goýýan, ýaşlara okamaga, öwrenmäge, döretmäge giň ýol açyp berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

«ÜLKERIŇ BIR ÝYLDYZY» EDEBIÝAT ERTIRLIGI

Kitaphanalar

15.05.2025

Türkmenistanyň Bazar Amanow adyndaky döwlet çagalar kitaphanasy ýakynda 29-njy ýöriteleşdirilen orta mekdepde şahyr, redaktor, terjimeçi Kakabaý Gurbanmyradowyň doglan gününiň 80 ýyllygyna bagyşlap «Ülkeriň bir ýyldyzy» ady bilen ussat halypanyň döredijilik ýoly hakynda ýaş nesilleri tanyş etmek maksady bilen edebiýat ertirligini geçirdi. Çärämiziň başynda kitaphana hünärmeni ýazyjy K.Gurbanmyradowyň ömri we döredijiligi hem-de onuň döreden birnäçe eserleri ýagny “Sähra gözýetimi”, “Saňa köňül bersem”, “Ala-bahar”, “Hyýal guşum” we “Oglum ikimiz” atly kitaplarynyň ýaş nesilleri terbiýelemeklikde ähmiýeti barada gyzykly gürrüňleri berdi. Kitaphanamyzyň baý kitap gaznasyndan şahyryň döredijiligine degişli neşirlerden guran göçme kitap sergimiziň ýany hem köp adamly boldy. Duşuşygymyzyň ahyrynda oňa gatnaşanlar milli medeniýetimizi, sungatymyzy we edebiýatymyzy özleriniň ölmez-ýitmez eserleri bilen baýlaşdyran şahsyýetlerimiziň döredijilik ýoly hakynda ýaş nesilleri tanyşdyrmaklykda uly işleri durmuşa geçirýän Gahryman Arkadagymyza we hormatly Prezidentimiz Arkadagly Gahryman Serdarymyza alkyşlary beýan etdiler.

«KITAPHANA–MUKADDES OJAK, KITAP–IŇ GYMMATLY HAZYNA» ADY BILEN GEÇIRILEN DÖREDIJILIK DUŞUŞYGY

Kitaphanalar

15.05.2025

Türkmenistanyň Bazar Amanow adyndaky döwlet çagalar kitaphanasy Türkmenistanyň Döwlet Medeniýet merkeziniň Döwlet kitaphanasy bilen bilelikde «Aşgabat» teleýaýlymynyň döredijilik toparynyň hem gatnaşmagynda «Kitaphana–mukaddes ojak, kitap–iň gymmatly hazyna» ady bilen döredijilik duşuşygyny geçirdi. Duşuşygyň dowamynda ýurdumyzyň “Arkadag” futbol toparynyň abraýly halkara ýaryşynda ýeňiş gazanmagy we türgenleriň, futbolçylaryň haýyşy esasynda toparyň gazanan pul baýragyny Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gullugyna geçirmegi, Gahryman Arkadagymyzyň parasatly çözgüdi bilen şol pul baýragyny Bazar Amanow adyndaky döwlet çagalar kitaphanasynyň täze guruljak binasynyň gurluşygyna gönükdirmek hakyndaky karary mynasybetli kitaphanaçylar ýürek buýsançlaryny, alkyşlaryny beýan etdiler. Hem-de özlerine bildirilýän beýik ynamy ödemek üçin irginsiz zähmet çekjekdiklerine tüýs ýürekden ynandyrdylar. Döredijilik duşuşygynyň ahyrynda kitaba, kitaphanalara aýratyn hormat-sarpa goýýan, ýaşlara okamaga, öwrenmäge, döretmäge giň ýol açyp berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

ÝURT BERKARARLYGYNYŇ GOŞA SÜTÜNI

Kitaphanalar

15.05.2025

Türkmenistanyň Bazar Amanow adyndaky döwlet çagalar kitaphanasy ýakynda özüniň owadanlygy, arhitektura taýdan kämilligi bilen tapawutlanýan Konstitusiýa binasynda «Türkmenistan» teleýaýlymy bilen bilelikde «Ýurt berkararlygynyň goşa sütüni» atly söhbetdeşlik geçirdi. Duşuşygyň dowamynda ýaş nesli watançylyk, Türkmenistanyň Konstitusiýasyny, Kanunlaryny berjaý etmek ruhunda terbiýelemek, olary döredijilik taýdan kämilleşdirmek maksady bilen ýurdumyzda alynyp barylýan işler barada täsirli söhbetler edildi. Soňra kitaphana hünärmenleri Türkmenistanyň Döwlet medeniýet merkeziniň Döwlet muzeýinde dowam eden söhbetdeşliklerinde hem Baýdak-döwletiň özbaşdaklygynyň, erkinliginiň halkynyň bütewiliginiň nyşany, döwletiň taryhy geçmişini özüne siňdiren mukaddeslik. Konstitusiýa-döwletliligiň binýady, döwletde halk häkimiýetliliginiň halkyň erk-isleginiň goraglylygynyň kepili. Ine bu iki gymmatlyk häzirki zaman dünýäsinde döwleti döwlet hökmünde öňe çykarýan iki sütün bolup durýanlygy barada hem gyzykly söhbetler edildi. Söhbetdeşligiň ahyrynda oňa gatnaşanlar ýurdumyzda ýaşlaryň hukuklarynyň üpjün edilmegine we mukaddes Türkmen Tugumyzyň at-abraýyny belende göterýän Gahryman Arkadagymyza, hormatly Prezidentimiz Arkadagly Gahryman Serdarymyza çäksiz alkyşlary beýan etdiler.

BAÝDAK HEM KONSTITUSIÝA BERKARARLYGYŇ SYNMAZ SÜTÜNLERI

Kitaphanalar

15.05.2025

Lebap welaýat kitaphanasynda kitaphananyň we Türkmenistanyň Demokratik partiýasynyň Türkmenabat şäher komiteti bilen bilelikde gurnamaklarynda kitaphana we bilim, saglygy goraýyş edaralarynyň hünärmenleri şeýle hem jemgyýetçilik guramalarynyň işjeň agzalarynyň gatnaşmaklarynda 18-nji maý Türkmenistanyň Konstitusiýasynyň we Döwlet Baýdagynyň güni mynasybetli «Baýdak hem Konstitusiýa berkararlygyň synmaz sütünleri» atly mowzuk agşamy geçirildi. Gatnaşyjylar kitaphana hünärmenleri tarapyndan «Konstitutsiýa hem Baýdak–türkmeniň buýsanjy» ady bilen guralan kitap sergisine syn etdiler. Ýaşamana, öwrenmäne giň mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

• ←
• 1
• ...
• 76
• 77
• 78
• ...
• 143
• →