HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BITARAPLYK-BAGTYMYZYŇ GÖZBAŞY

Kitaphanalar

04.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasynyň guramagynda «Bitaraplyk- bagtymyzyň gözbaşy» ady bilen gürrüňdeşlik geçirildi. Gürrüňdeşlikde çykyş edenler Garaşşyz hemişelik Bitarap Türkmenistan parahatçylygyň, abadançylygyň mekanydygy, asuda ýurdumyzda gazanylýan üstünlikler bolsa, halkyň abadan durmuşy, bagtyýarlygy bilen gönüden–göni baglanyşyklydygy, Berkarar döwletiň täze eýýamynyň Galkynyşy döwründe hormatly Prezidentimiziň ýöredýän parahatçylyk söýüjilik, ynsanperwerlik, umumadamzat bähbitli ýörelgeleri dünýä içre giň goldawa eýe bolýandygy barada hykynda giňişleýin gürrüň berdiler. Şeýle-de ýurdumyzyň abraý-mertebesiniň belende göterilmegi hormatly Prezidentimiziň parasatly syýasatynyň aýdyň netijesidigi, munuň özi ýurdumyzyň geljeginiň aýdyňlygy, parahatçylygyň, abadançylygyň nyşanydygy barada beýan etdiler. Gürrüňdeşligiň ahyrynda baky Bitaraplyk hukuk derejämizi, parahatçylyk ýoluny mynasyp dabaralandyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

KITAP–BILIMLER UMMANY

Kitaphanalar

04.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynda Türkmenistanyň Döwlet serhet gullugynyň harby esgerleriniň gatnaşmagynda «Kitap–bilimler ummany» ady bilen kitaphana gezelenji gurnaldy. Çärede Berkarar döwletiň täze eýýamynyň Galkynyşy döwründe hormatly Prezidentimiziň ýolbaşçylygynda bilime, ylyma giň ýol açylandygy, kitap-adamzat nesliniň irki taryhy çeşmelerinden başlap häzirki döwrüň maglumatlaryny özünde jemleýän düýpsüz bir hazynadygy barada gürrüň berdiler. Şeýle-de türkmen halky kitaba, söze, paýhasa uly sarpa goýýandygy, okamak ynsanyň kämilleşmegine, öz-özüne akyl ýetirmegine, dünýä düşünmegine ýardam edýändigi barada beýan etdiler. Çäräniň ahyrynda parahatçylygyň we abadançylygyň gymmatlygyna, döwrüň öňegidişliklerine akyl ýetirmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÜRKMEN DÖWLET GURJAK TEATRYNDA TÄZE MÖWSÜM BADALGA ALDY

Kitaphanalar

03.09.2025

Türkmenistanyň Bazar Amanow adyndaky Döwlet çagalar kitaphanasy ýakynda Türkmen Döwlet gurjak teatrynyň täze möwsüme badalga almagy mynasybetli geçirilen dabara göçme kitap sergisi bilen gatnaşdy. Teatryň girelgesinde guran sergimiz esasyny Gahryman Arkadagymyzyň we hormatly Prezidentimiziň ajaýyp kitaplary hem-de çeper eserler, çagalaryň söýgüli ertekili kitaplary çärä gatnaşmaga gelen körpejelerde aýratyn täsir galdyrdy. Kitaphana hünärmenleri ýaş nesilleri terbiýelemeklikde kitabyň orny we ertekilerdir, rowaýatlaryň ähmiýeti dogrusynda beren gürrüňleri körpe kitapsöýüjiler gyzyklanma bilen diňlediler. Ýurdumyzda ertirimiziň eýeleri bolan ýaş nesiller barada durmuşa geçirilýän beýik işler dogrusynda «Ýaşlyk» teleýaýlymynda kitaphana hünärmenleriniň söhbetdeşliklerinde hem buýsançly gürrüňler beýan edildi. Çäräniň ahyrynda diýarymyzy çagalaryň iň arzyly arzuwlarynyň hasyl bolýan ýurduna öwürmeklikde uly tagallalary alyp barýan Gahryman Arkadagymyza we hormatly Prezidentimiz Arkadagly Gahryman Serdarymyza alkyşlar aýdyldy.

TÜRKMENISTANYŇ HALK MASLAHATY–DÖWLETLILIK ÝÖRELGELERIMIZIŇ DABARALANMASY

Kitaphanalar

02.09.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň kärdeşler arkalaşygynyň Geňeşiniň bilelikde guramagynda «Türkmenistanyň Halk Maslahaty–döwletlilik ýörelgelerimiziň dabaralanmasy» ady bilen Türkmenistanyň Jemgyýetçilik guramalarynyň merkezi binasynda söhbetdeşlik geçirildi. Söhbetdeşlikde çykyş edenler Türkmenistanyň Halk Maslahaty halkymyzyň agzybirligini, jemgyýetimiziň jebisligini alamatlandyryp, Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň «Döwlet adam üçindir!» diýen şygary, hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen baş ýörelgesi bu günki gün dillerimiziň senasy, köňüllerimiziň owazy bolup ýaňlanýandygy barada beýan etdiler. Söhbetdeşligiň ahyrynda eziz Watanymyzyň–Garaşsyz hemişelik Bitarap Türkmenistanyň gülläp ösmegi ugrynda uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

BILIMLI NESILLER–DÜNÝÄNIŇ DAÝANJY

Kitaphanalar

01.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy bilen Daňatar Öwezow adyndaky Türkmen Milli ýörite sazçylyk mekdebiniň bilelikde guramagynda «Bilimli nesiller–dünýäniň daýanjy!» ady bilen gürrüňdeşlik geçirildi. Gürrüňdeşlikde çykyş edenler hormatly Prezidentimiz hem-de türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň taýsyz tagallalary netijesinde bilim ulgamyny ösdürmek, ylymly, bilimli, giň gözýetimli, maksada okgunly ýaşlary terbiýeläp ýetişdirmek hem-de döwrüň talabyna laýyklykda öňdebaryjy tehnalogiýalardan baş çykarýan hünärmenleri taýýarlamak babatda uly işler alnyp barylýandygy barada giňişleýin gürrüň berdiler. Şeýle-de ýaş nesillermizde watansöýüjilik duýgusyny we milli buýsanjy terbiýelemek, ýaşlary durmuşa taýýarlamak, hünär saýlamaga ugrukdyrmak işleri has-da döwrebap derejede gurnalýandygy barada belläp geçdiler. Gürrüňdeşligiň ahyrynda Berkarar diýarymyzy beýik ösüşlere sary ynsanperwer ýörelgeler bilen öňe alyp barýan türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli, döwlet ähmiýetli alyp barýan işleriniň hemişe rowaçlyklara beslenmegini arzuw etdiler.

HALK MASLAHATY DÖWLETLILIGIŇ BELENT NUSGASY

Kitaphanalar

01.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen «Aşgabat» teleýaýlymynyň bilelikde guramagynda «Halk Maslahaty döwletliligiň belent nusgasy» ady bilen söhbetdeşlik geçirildi. Söhbetdeşlikde çykyş edenler Garaşsyz hemişelik Bitarap Türkmenistan döwletimiz ösüşiň belentliklerine tarap bedew bady bilen ynamly öňe barýandygyny, durmuşa geçirilýän giň gerimli özgertmeleriň esasy ugry halkyň bähbidine gönükdirilýändigi barada gürrüň berdiler. Şeýle-de halk häkimýetiniň ýokary wekilçilikli edarasy bolan Türkmenistanyň Halk Maslahatynyň mejlislerinde halkymyzyň döwlet gurluşy babatda köpasyrlyk taryhynda toplan tejribesine esaslanylyp, ata-babalarymyzdan gelýän asylly hem-de milli ýörelgelere eýerilýändigini hem-de geçiriljek Halk Maslahatyna uly taýýarlyk görülýändigi barada beýan etdiler. Söhbetdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BILIM BAGTYŇ ÇYRAGY

Kitaphanalar

01.09.2025

Türkmenistanyň Bazar Amanow adyndaky döwlet çagalar kitaphanasy ýaňy-ýakynda Aşgabat şäherindäki 76-njy orta mekdebiň okuwçylary bilen bilelikde Bilimler we talyp-ýaşlar güni mynasybetli «Bilim bagtyň çyragy» ady bilen söhbetdeşlik geçirdi. Söhbetdeşligiň dowamynda ylym-bilime höwesek ýaş nesilleriň okamagy, öwrenmegi üçin ýurdumyzda döredilýän mümkinçilikler barada täsirli gürrüňler edildi. Şeýle-de gürrüňdeşlige gatnaşanlar Hormatly Prezidentimiziň ýurduň geljegini ähli babatda ýaş nesillere bil baglaýandygy we olaryň ylymly-sowatly bolmagy üçin, bagtyýar ýaşap, Watanyň mynasyp ogul-gyzlary bolup ýetişmegi üçin ähli şertleri döredýänligi barada uly buýsanç bilen aýtdylar. Kitaphananyň hünärmenleri «Bilim bagtyň çyragy» atly kitap sergisini gurnady.Täze birinji synpa gelen okuwçylara hormatly Prezidentimiziň kompýuter sowgatlary dabaraly ýagdaýda gowşuryldy. Söhbetdeşligiň ahyrynda Watanymyzyň geljegi bolan ösüp gelýän ýaş nesillerimiz üçin döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözleri beýan edildi.

DÖWLETIŇ HABAR BERIŞ STRATEGIK GORY, ÇEŞMESI HÖKMÜNDE KITAPHANALARYŇ BITIRÝÄN HYZMATY

Kitaphanalar

01.09.2025

Türkmenistanyň Bazar Amanow adyndaky Döwlet çagalar kitaphanasynyň, Türkmenistanyň Döwlet medeniýet merkeziniň Döwlet kitaphanasynyň, Aşgabat şäher medeniýet müdirliginiň merkezleşdirilen kitaphanalar ulgamynynyň hünärmenleri we Russiýa Federasiýasynyň Astrahan oblastynyň kitaphanasynyň hünärmenleri bilen bilelikde “Döwletiň habar beriş  strategik gory,çeşmesi hökmünde kitaphanalaryň  bitirýän hyzmaty” ady bilen wideokonferensiýa arkaly maslahat geçirildi. Maslahatyň dowamynda çykyş edenler häzirki ajaýyp döwrümizde döwrebap kamilleşdirilýan kitaphana ulgamynda alynyp barylýan işler dogrusynda gürrüň edildi. Aýratynda ýaş nesillerimizde kitap okamaklykda höwesi döretmek we ýaş kitapsöýüjileriň sanyny artdyrmakda ýola goýýan wagyz-nesihat duşuşyklarynyň mazmuny hakynda hem giňişleýin beýan edildi. Elektron kitaphanalaryň ähmiýeti we kitahanalarda elektronlaşdyrmak babatynda gyzgalaňly dowam edýän işleriň onyň netijeleri hakynda hem buýsançly gürrüňlere orun berildi. Çykyşyň dowamynda kärdeşler sorag-jogaplaryň üsti bilen tejribe alyşdylar. Maslahatyň ahyrynda goňşy döwletler bilen hyzmatdaşlygy ýola goýlup, täze düşünjeleriň ösmegine, dünýägaraýyşlaryň giňelmegine giň mümkinçilikleri döredip beren milli Liderimiz, Gahryman Arkadagymyza, Arkadagly Gahryman Serdarymyza janlarynyň sag, il-ýurt bähbitli alyp barýan beýik işleriniň rowaçlyklara beslenmegini arzuw etdiler.

YNAMLY NESILLER, WEPALY ÝAŞLAR !

Kitaphanalar

29.08.2025

Lebap welaýat çagalar kitaphanasy «Ynamly nesiller, wepaly ýaşlar!» ady bilen çagalar ertirligini geçirdiler. Türkmenabat şäheriniň 6-njy çagalar bagynda geçirilen çärede hormatly Prezidentimiz Berkarar döwletiň täze eýýamynyň Galkynyşy döwründe ösüp gelýän ýaş nesliň bagtyýar durmuşymyza buýsanyp ýaşamagyny, döwrebap bilim almagy bolup durýar. Güneşli Diýarymyzda bagtyýar çagalaryň rahat dynç alyp, okap, öwrenip, döredip, ylymly-bilimli, giň dünýägaraýyşly, sagdyn bedenli, edep-terbiýeli, Watana wepaly bolup ýetişmeklerine gönükdirilen maksatnamalar üstünlikli amala aşyrylýar.

MAGTYMGULY PYRAGY–DÜNÝÄ DANASY

Kitaphanalar

28.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasynyň guramagynda «Magtymguly Pyragy–dünýä danasy» ady bilen gürrüňdeşlik geçirildi. Gürrüňdeşlikde türkmen edebiýatynyň nusgawy şahyry Magtymguly Pyragy türkmen halkynyň taryhynyň iň çylşyrymly döwründe ýaşan, agzybirlik, parahatlyk, özbaşdak döwlet gurmak ýaly beýik maksatlara öz döredijiligi bilen gulluk eden ynsanperwer şahyr bolandygy barada gürrüň berdiler. Şeýle-de akyldar şahyryň diňe bir türkmen halkynyň däl-de, eýsem dünýä halklarynyň arasynda hem türkmen edebiýatyny şöhratlandyran ussatlygy barada beýan etdiler. Gürrüňdeşligiň ahyrynda Magtymguly Pyragynyň ömri döredijiligini, şeýle hem many-mazmunly şygyrlaryny öwrenmäge we dünýä ýaýmaga giň mümkinçilikler döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 95
• 96
• 97
• ...
• 124
• →