HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

YLYM-BILIM–ÖSÜŞLERE ŞAMÇYRAG

Kitaphanalar

13.02.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan hormatly Prezidentimiziň Türkmenistanyň kitaphana ulgamyny ösdürmegiň 2025–2029-njy ýyllar üçin Döwlet maksatnamasyndan ugur alyp Ýaş alymlar bilen “Ylym-bilim –ösüşlere şamçyrag” ady bilen dabaraly maslahat geçirildi. Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň baştutanlygynda bu günki günde taryhy-medeni mirasymyzy öwrenmäge we dünýä ýaýmaga giň mümkinçilikler döredilýär. Hormatly Prezidentimiziň Türkmenistanyň kitaphana ulgamyny ösdürmegiň 2025–2029-njy ýyllar üçin Döwlet maksatnamasyndan ugur alyp ýaş alymlar bilen “Ylym-bilim –ösüşlere şamçyrag ” ady bilen dabaraly maslahat geçirildi. Dabaraly maslahata ýaş alymlar,kitaphana işgärleri we talyp ýaşlar gatnaşdylar. Olar hem öz çykyşlarynda kitaphana ulgamyny ösdürmegiň we kämilleşdirmek barada giňişleýin gürrüň berdiler. Şeýle-de dabaraly maslahatda çykyş edenler ýurdumyzda kitaphana ulgamy barada alnyp barylýan işler barada giňişleýin gürrüň berdiler. Maslahatyň çäginde Döwlet kitaphanasynyň baý gaznasyndan kitap sergisi hem gurnaldy. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilikler döredip beren türkmen halkynyň Milli Lideri Gahryman Arkadagymyzyň hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

ÝURDUMYZDA SAÝLAWLARYŇ ÖŇ ÝANYNDAKY MÖWSÜM DOWAM EDÝÄR

Täzelikler

13.02.2026

12-nji fewralda Berkarar döwletiň täze eýýamynyň Galkynyşy döwründe ösüş we döredijilik ýoly bilen ynamly öňe barýan Watanymyzda açyklyk esasynda, ýurdumyzyň raýatlarynyň işjeň gatnaşmaklarynda 29-njy martda geçiriljek saýlawlar boýunça saýlaw möwsüminiň möhüm tapgyrlarynyň biri bolan dalaşgärleri hödürlemek işleri dowam edýär. Mälim bolşy ýaly, öňde boljak jemgyýetçilik-syýasy çäre Türkmenistanda täze döredilen etraplaryň halk maslahatlarynyň agzalarynyň hem-de Türkmenistanyň Mejlisiniň ygtyýarlyk möhletinden öň çykyp giden deputatlarynyň, welaýat, etrap, şäher halk maslahatlarynyň we Geňeş agzalarynyň saýlawlaryny öz içine alýar. «Garaşsyz, baky Bitarap Türkmenistan-bedew batly at-myradyň mekany» diýlip yglan edilen ýylyň mart aýynyň soňky ýekşenbesinde geçiriljek saýlawlar döwletimiziň demokratik ýörelgelere ygrarlydygynyň nobatdaky aýdyň güwäsi bolar. Milli saýlaw kanunçylygyna we tassyklanan degişli meýilnama laýyklykda, dalaşgärleri hödürlemek işlerine ýurdumyzyň Demokratik partiýasynyň, Senagatçylar we telekeçiler partiýasynyň, Agrar partiýasynyň degişli komitetleri hem-de raýatlar toparlary gatnaşýarlar. Saýlaw gününe çenli 25 ýaşy dolýan, soňky on ýylyň dowamynda Türkmenistanda hemişelik ýaşaýan Türkmenistanyň raýatynyň Mejlisiň deputatlygyna dalaşgär hödürlenip bilinýändigini, ýerli halk maslahatlaryna we Geňeş agzalygyna dalaşgärleriň bolsa 21 ýaşy dolan hem-de degişli çäkde hemişelik ýaşaýan raýatlar bolmalydygyny bellemek gerek. Geçirilýän ýygnaklarda zähmeti bilen Watana wepalylygyny subut eden, ilat arasynda uly hormata eýe bolan mynasyp raýatlar dalaşgärlige hödürlenilýär. Çykyş edýänler dalaşgärleriň hünär ussatlygyny, guramaçylyk başarnyklaryny, ýokary ruhy-ahlak häsiýetlerini belläp, olaryň ukyp-başarnyklaryny, bilimini giň gerimli döwlet maksatnamalaryny durmuşa geçirmäge gönükdirmäge taýýardyklaryny nygtaýarlar. Giň wekilçilik ýörelgesiniň berjaý edilmegine aýratyn üns berilýär. Her bir saýlaw okrugyna birnäçe dalaşgäriň hödürlenilmegi saýlawlaryň Türkmenistanyň Konstitusiýasyna we adam hukuklary çygrynda umumy ykrar edilen halkara kadalara laýyklykda geçiriljekdigini subut edýär. Şeýlelikde, öňde boljak saýlawlar Gahryman Arkadagymyz tarapyndan başy başlanyp, hormatly Prezidentimiz Serdar Berdimuhamedowyň baştutanlygynda yzygiderli durmuşa geçirilýän özgertmeler syýasatynyň binýadyny berkider hem-de demokratik ýörelgeleriň mynasyp dowam etdirilýändiginiň nobatdaky aýdyň mysaly bolar. _____________________________________ «Türkmenistan» gazeti

BARLAG INFRASTRUKTURASY WE TEHNIKI SESSIÝALAR

Halkara gatnaşyklary

12.02.2026

Berkarar döwletiň täze eýýamynyň Galkynyşy döwründe ýurdumyzda muzeý gaznalarynyň gymmatlyklarynyň daşary ýurtlarda görkezilmegi Gahryman Arkadagymyzyň, hormatly Prezidentimiz Arkadagly Gahryman Serdarymyzyň taýsyz tagallasy bilen Türkmenistanyň taryhy we medeni ýadygärliklerini gorap saklamak we öwrenmek işlerini giňden wagyz etmek meselelerine möhüm ähmiýet berýändikleriniň aýdyň netijesidir. Ynha, şu günlerde dowam etdirilýän Stambul şäherindäki «Dikeldiş we gorap saklaýyş barlaghanalary üçin Türkiýe tejribe alyşma maksatnamasynda» türki döwletleriň mirasyny gorap saklamak we wagyz etmek boýunça giň gerimli işleriň çäklerinde «Barlag infrastrukturasy we tehniki sessiýalar» barada professorlar öz işlerini dowam etdirýärler. Köp ýyllaryň dowamynda ýola goýlan hyzmatdaşlygyň netijesinde taryhy ýadygärliklerden tapylan gyzykly açyşlar edildi. Arheologlar bu ýerde taryhy tapyndylary rejeläp, olaryň durkuny dikeltmek ýaly köp sanly işleri alyp barýarlar. Şeýle işleriň baş maksady dünýäniň taryhyny, medeni-mirasyny, ýadygärlikleri hem-de arheologiki tapyndylary öwrenmekden, gorap saklamakdan we dikeltmekden ybaratdyr. 

GARAŞSYZLYK–BAGTYÝARLYK MUKAMY, BEDEW BATLY, AT-MYRATLY MEKANYM

Kitaphanalar

12.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasy bilen Gypjak, Ýasmansalyk medeniýet öýleriniň bilelikde guramagynda «Garaşsyzlyk–bagtyýarlyk mukamy, bedew batly, at-myratly mekanym» ady bilen wagyz–nesihat çäresi geçirildi. Çärede çykyş edenler 2026-njy ýylyň şygary “Garaşsyz, baky Bitarap Türkmenistan–bedew batly at-myradyň mekany” ýyly diýlip yglan edilmegi türkmen halkynyň kalbynda buýsanç duýgusyny döredendigi barada giňişleýin gürrüň berdiler. Şeýle-de bu günki gün umumadamzat gymmatlygyna öwrülen ahalteke bedewleri halkymyzyň şan–şöhratynyň dünýä medeniýetiniň genji-hazynasyna, öwrülendigi barada beýan etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GAHRYMAN ARKADAGYMYZYŇ KITAPLARY, NESILLERE NUSGALYKDYR

Kitaphanalar

12.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynda «Gahryman Arkadagymyzyň kitaplary, nesillere nusgalykdyr» ady bilen gürrüňdeşlik geçirildi. Gürrüňdeşlikde türkmen halky gadymdan bäri kitaba gadyr-gymmat goýýandygy, Gahryman Arkadagymyzyň, Arkadagly Gahryman Serdarymyzyň jöwher paýhasyndan dörän ajaýyp kitaplary ýaşlarymyza bahasyna ýetip bolmajak milli gymmatlyk bolup durýandygy barada gürrüň berdiler. Şeýle hem Alym Arkadagymyzyň “Hakyda göwheri” atly kitaby merdana halkymyzyň paýhasly ýoluny we olaryň dünýägaraýyşlaryny öwrenmekde möhüm orun eýeleýändigi barada gürrüň berdiler. Gürrüňdeşligiň ahyrynda ýurdumyzyň geljegini ösüşli menzillere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

HORMATLY PREZIDENTIMIZIŇ KITAPLARY–HALKYMYZYŇ GÖWÜN ŞADY

Kitaphanalar

12.02.2026

Türkmenistanyň Bazar Amanow adyndaky Döwlet çagalar kitaphanasy ýakynda “Altyn asyr” teleýaýlymynyň ýazgy etmeginde “Söz mülküniň bossany” atly gepleşiginde “Hormatly Prezidentimiziň kitaplary–halkymyzyň göwün şady” atly Arkadagly Gahryman Serdarymyzyň eserlerine bagyşlap gürrüňdeşlik geçirdi. Arkadagly gahryman Serdarymyzyň kitaplary halkymyzyň ruhy dünýäsini baýlaşdyrýan, jemgyýetimizi ösdürmäge gönükdirilen gymmatly eserler. Bu kitaplar ýaş nesli watançylyk ruhunda terbiýelemekde, milli gymmatlyklara hormat goýmaklygy öwretmekde we döwrebap pikirlenýän, bilimli, ahlakly şahsyýetleri kemala getirmekde aýratyn ähmiýete eýe. Ähli ajaýyp eserleri bilen birlikde “Ýaşlar Watanyň daýanjy” atly kitaby ýaş nesliň ruhy-terbiýe mekdebi bolup hyzmat edýär we olaryň geljekde döwletimiziň ygtybarly daýanjy bolup ýetişmegine berk binýat döredýär. Ine şular dogrusynda söhbetdeşligiň dowamynda giňişleýin gürrüňler edildi. Söhbetdeşligiň ahyrynda oňa gatnaşanlar ýaş nesillerimiziň Watanymyzyň bagtyýar gelejeginiň daýanjy bolup ýetişmeklerinde beýik işleri durmuşa geçirýän Hormatly Prezidentimize alkyşlary beýan etdiler.

SPORT-PARAHATÇYLYGYŇ ILÇISI «Arkadag» we «Al-Nassr» FUTBOL TOPARLARY DUŞUŞDY

Täzelikler

12.02.2026

11-nji fewralda paýtagtymyzdaky Olimpiýa şäherçesinde ýerleşýän Merkezi Aziýada iň uly Olimpiýa stadionynda Aziýanyň Futbol konfederasiýasynyň II Çempionlar ligasynyň 1/8 finalynyň çäklerinde ýurdumyzyň “Arkadag” we Saud Arabystany Patyşalygynyň “Al-Nassr” futbol toparlarynyň arasynda duşuşyk geçirildi. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlangyçlary, hormatly Prezidentimiziň tagallalary esasynda ýurdumyzda sporty ösdürmek, türkmen sportunyň dünýädäki abraýyny belende götermek, ilaty köpçülikleýin sport bilen meşgullanmaga giňden çekmek, bedenterbiýe, Olimpiýa hereketi arkaly sagdyn durmuş ýörelgelerini has-da ýaýbaňlandyrmak ugrunda giň gerimli işler durmuşa geçirilýär. Belent ynsanperwer ýörelgeleri özünde jemleýän halkara sport hereketine goşant goşýan bu işler Watanymyzyň abraýynyň mundan beýläk-de ýokarlanmagyna ýardam edýär. Hormatly Prezidentimiziň belleýşi ýaly, sport ählumumy parahatçylygy, döwletleriň we halklaryň arasyndaky dostlukly gatnaşyklary hem-de netijeli hyzmatdaşlygy pugtalandyrmagyň möhüm şerti bolup durýar. Häzirki wagtda Türkmenistanda futboly ösdürmäge aýratyn ähmiýet berilýär. Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli durmuşa geçirilýän toplumlaýyn strategiýanyň netijesinde paýtagtymyzda we ýurdumyzyň sebitlerinde munuň üçin ähli şertler döredilýär. Diýarymyzda futbolyň ösüşiniň esasy tapgyrlary barada aýdylanda, Türkmenistanyň Futbol federasiýasynyň 1992-nji ýylda döredilendigini hem-de şol ýylda Türkmenistanyň Ýokary ligasynyň oýunlarynyň we ýurdumyzyň Kubogy ugrunda ýaryşlaryň geçirilip başlanandygyny bellemek gerek. 1994-nji ýylda Türkmenistanyň Futbol federasiýasy FIFA-nyň hem-de Aziýanyň Futbol konfederasiýasynyň agzalygyna kabul edildi. Şol ýyl futbol boýunça Türkmenistanyň milli ýygyndy topary Aziýa oýunlarynyň çärýek finalyna çykmagy başardy. Futbol boýunça milli ýygyndy toparymyz 1995-nji ýyldan bäri her ýyl halkara ýaryşlara gatnaşyp gelýär. Türkmenistanyň Futbol federasiýasy 2014-nji ýyldan bäri Merkezi Aziýa Futbol assosiasiýasy hem-de Günbatar Aziýa Futbol federasiýasy bilen işjeň hyzmatdaşlyk edýär. Her ýyl milli federasiýamyz FIFA bilen bilelikde ýurdumyzda futbol boýunça eminleriň hünär derejesini ýokarlandyrmak üçin halkara okuw maslahatlaryny geçirýär, onuň jemleri boýunça synaglary üstünlikli geçen eminlere halkara derejeli emin derejesi berilýär. Döwlet Baştutanymyzyň belleýşi ýaly, hormatly Arkadagymyzyň ýol-ýörelgelerine eýerip, eziz Diýarymyzda bedenterbiýäni we sporty ösdürmäge gönükdirilen asylly başlangyçlar dünýäniň abraýly sport düzümleri tarapyndan giň goldawa eýe bolýar. Halkara sport federasiýalarynyň ýolbaşçylarynyň ýurdumyza iş sapary bilen gelmegi sport hyzmatdaşlygynda täze sahypalary açýar. Şunuň bilen baglylykda, Halkara futbol federasiýasynyň (FIFA) prezidenti Janni Infantinonyň ýurdumyza sapar bilen gelmegi hem-de onuň dowamynda döwlet Baştutanymyza FIFA-nyň ýörite futbol lybasyny hem-de resmi topuny, FIFA-nyň ýörite nyşanyny ýadygärlik sowgat hökmünde gowşurmagy türkmen futbolynyň dünýä derejesinde gyzyklanma döredýändiginiň subutnamasy boldy. ___________________ «Türkmenistan» gazeti

DIKELDIŞ WE GORAP SAKLAMAK TEJRIBELERI

Halkara gatnaşyklary

11.02.2026

Taryhy gymmatlyklar-bu diňe bir geçmişiň galyndylary däl-de, eýsem adamzat siwilizasiýasynyň maddy we medeni mirasy. Dünýä derejesinde bu mirasy gorap saklamak, geljekki nesillere ýetirmek we aslyna laýyk görnüşde rejelemek häzirki wagtda iň wajyp meseleleriň birine öwrüldi. Ankara we Stambul şäherlerinde geçirilýän «Dikeldiş we gorap saklaýyş barlaghanalary üçin Türkiýe tejribe alyşma maksatnamasy» atly halkara maslahaty 11-nji fewralda Stambul şäheriniň Stambul merkezi we sebit restawrasiýa we konserwasiýa müdirýetinde «Dikeldiş we gorap saklamak tejribeleri» boýunça dowam etdirilýär. Bu ýerde professorlar barlag işini hem-de rejeleýiş işini geçirişleri boýunça çykyş etdiler. Türki dünýäsiniň taryhyny öwrenmek, gorap saklamak, maddy we ruhy mirasyny dünýäde wagyz etmek barada sorag-jogap alşyldy. 

MILLI SAZ-SUNGATYMYZYÑ WASPY

Kitaphanalar

11.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasynyň guramagynda «Milli saz-sungatymyzyñ waspy» ady bilen gürrüňdeşlik geçirildi. Gürrüňdeşlikde Berkarar döwletiñ täze eýýamynyň Galkynyşy döwründe milli gymmatlyklarymyza goýulýan hormat – sarpanyň has-da artýandygy, türkmen halkynyň behişdi bedewleri, edermenligiň we wepalylygyň nusgasyna öwrülen alabaýlary, nepis halylary, şaý – sepleri ýaly gymmatlyklary bilen birlikde, milli aýdym – sazlarynyň hem merdana halkymyzyň milli buýsanjyna öwrülendigi barada gürrüň berdiler. Şeýle-de Gahryman Arkadagymyzyň “Parahatçylyk sazy, dostluk, doganlyk sazy”, “Ile döwlet geler bolsa...”, “Medeniýet halkyň kalbydyr” atly ajaýyp kitaplarynda aýdym – sazyň türkmen halkynyň şöhratly taryhynda, ýaşaýyş – durmuş ýörelgelerinde tutýan ornunyň ulydygy barada çykyş etdiler. Gürrüňdeşligiň ahyrynda milli medeniýetimizi we sungatymyzy, edebiýatymyzy dünýä derejesinde meşhur edýän we şöhratlandyrýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

NURMYRAT SARYHANOWYŇ «ŞÜKÜR BAGŞY» KITABYNDAN

Kitaphanalar

11.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasynyň guramagynda görnükli ýazyjy Nurmyrat Saryhanowyň “Şükür bagşy” kitabyndan gürrüňdeşlik geçirildi. Berkarar döwletiň täze eýýamynyň Galkynyşy döwründe ussat ýazyjy-şahyrlarymyza uly hormat goýulýar, olaryň döreden eserleri bu günki gün okyjylar köpçüligi tarapyndan söýülip okalýandygy barada gürrüň berdiler. Şeýle-de meşhur ýazyjy Nurmyrat Saryhanowyň ömri we döredijiliginde nesilden-nesle geçip gelýän gylyk-häsiýetler, däp-dessurlar çeperçilik bilen suratlandyrylýandygy barada hem-de görnükli ýazyjynyň “Kitap” hekaýasy, “Şükür bagşy” powesti, “Ýagtylyga çykanlar” ýaly çeper eserleri halkyň söýgüsini gazanandygy hakynda beýan etdiler. Gürrüňdeşligiň ahyrynda türkmen edebiýatyny ösdürmekde we dünýä tanatmakda uly işleri alyp barýan Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

• ←
• 1
• ...
• 108
• 109
• 110
• ...
• 230
• →