HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ÝOLLARYMYZ ASUDA BOLSUN!

Kitaphanalar

29.09.2025

Aşgabat medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy, Türkmenistanyň Agrar partiýasynyň Aşgabat şäher komiteti hem-de Aşgabat şäheriniň Syýahatçylyk orta hünär okuw mekdebiniň bilelikde guramaklarynda “Ýol hereketiniň howpsuzlygy–ömrümiziň rahatlygy” atly bir aýlygyň çäklerinde «Ýollarymyz asuda bolsun!» ady bilen wagyz-nesihat çäresi geçirildi. Çärede çykyş edenler hormatly Prezidentimiziň parasatly baştutanlygynda asudalygyň, parahatçylygyň mekany bolan ata Watanymyzda halkyň bagtyýar durmuşda ýaşamagy, olaryň ömrüni we saglygyny goramak döwlet syýasatynyň ileri tutulýan ugurlarynyň biri bolup durýandygy, her ýylyň sentýabr aýynda “Ýol hereketiniň howpsuzlygy – ömrümiziň rahatlygy” ady bilen ýurdumyzyň ähli künjeklerinde bir aýlyk wagyz-nesihat işleriniň geçirilýändigi barada gürrüň berdiler. Şeýle-de köçe-ýol hereketiniň düzgünleriniň berjaý edilmegi, halkyň abadançylygynyň kepili bolup durýandygy, ýurdumyzda ynsan saglygyny, onuň howpsyzlygyny gorap saklamak üçin ägirt uly işleriň alnyp barylýandygy barada giňişleýin beýan etdiler. Çäräniň ahyrynda Gahryman Arkadagymyza, Arkadagly Gahryman Prezidentimize alkyş sözlerini aýtdylar.

GARAŞSYZLYK GÖZLERIMIZIŇ GUWANJY-ŞONUŇ BILEN BERKDIR WATANYM TÄJIM

Kitaphanalar

26.09.2025

Lebap welaýat çagalar kitaphanasynyň gurnamagynda şanly garaşsyzlygymyzyň 34 ýyllygyna bagyşlanyp Lebap welaýat maliýe ykdysady orta hünär okuw mekdebiniň talyplarynyň, kitaphanaçylaryň gatnaşmagynda «Garaşsyzlyk gözlerimiziň guwanjy-şonuň bilen berkdir Watanym täjim» ady bilen baýramçylyk çäresini geçirdik. Bu ýerde Garaşsyzlyk ýyllarynda ýetilen sepgitler, özgertmeler, Watanymyzda höküm sürýän parahatçylyk, abadançylyk dogrusynda söhbetler edildi. «Garaşsyzlyga guwanmak, watany halky söýmek bagtdyr» ady bilen guralan kitap sergisi gatnaşyjylarda uly täsir galdyrdy.

BILIMLI ÝAŞLAR WATANYMYZYŇ GÜÝÇ KUWWATY

Kitaphanalar

26.09.2025

Türkmenabat şäheriniň merkezi kitaphanasynyň 1-nji şahamçasynyň kitaphanaçysy Türkmenabat şäherindäki 17-nji orta mekdebinde «Bilimli ýaşlar Watanymyzyň güýç kuwwaty» atly gürrüň geçerdi. Bilim ulgamynda ýaş nesliň sagdyn ösmegi, okamagy, öwrenmegi ugrundaky işler üznüksiz ýokarlandyrýandygy barada okuwçylaryň arasynda gyzykly gürrüňler edildi. Ýaşlaryň döwrebap bilim almaklary, bilim işgärleriniň netijeli zähmet çekmekleri üçin ähli şertleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza köp sagbolsynlar aýdyp, janlarynyň sag, ömürleriniň uzak, alyp barýan il-ýurt ähmiýetli işleriniň rowaçlyklara beslenmegini arzuw etdiler.

GARAŞSYZLYK–GÖZLERIMIZIŇ GUWANJY, ŞONUŇ BILEN BERKDIR WATAN DAÝANJY

Kitaphanalar

26.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen 82-nji orta mekdebiniň bilelikde guramagynda mukaddes Garaşsyzlygymyzyň şanly 34 ýyllyk toýy mynasybetli «Garaşsyzlyk – gözlerimiziň guwanjy, şonuň bilen berkdir Watan daýanjy» ady bilen gürrüňdeşlik geçirildi. Gürrüňdeşlikde çykyş edenler Garaşsyzlyk biziň şöhratly geçmişimizdir, bagtyýar şu günümizdir, beýik geljegimizdir bu bolsa, biziň dünýä dolan belent at-abraýymyzdygy hem-de şan-şöhratymyzdygy barada gürrüň berdiler. Berkarar döwletiň täze eýýamynyň Galkynyşy döwründe parahatçylyk söýüjilik, hoşniýetli goňşuçylyk ýörelgelerine eýerýän daşary syýasatymyzy gyşarnyksyz amala aşyrmak bilen, ikitaraplaýyn we köptaraplaýyn halkara gatnaşyklaryny yzygiderli ösdürýändigini belläp geçdiler. Baş baýramymyz bolan Garaşsyzlygymyz şol bir wagtyň özünde, ýurdumyzyň gülläp ösüşiniň, öňde goýlan belent wezipeleriň üstünlikli durmuşa geçirilişiniň, halkymyzyň ruhy galkynyşynyň hem baýramydyr diýip bellediler. Çäräniň ahyrynda eziz Watanymyzy ösüşiň belent sepgitlerine ýetirýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

GARAŞSYZLYK BILEN GALKYNAN WATAN

Kitaphanalar

26.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasy bilen Türkmenistanyň Inžener-tehniki we ulag kommunikasiýalary institutynyň bilelikde gurnamagynda «Garaşsyzlyk bilen galkynan Watan» ady bilen wagyz-nesihat çäresi geçirildi. Çärede çykyş edenler Garaşsyz, hemişelik Bitarap Türkmenistan döwletimizde dabaraly bellenýän toýdur-baýramlar, şanly seneler we taryhy wakalar mähriban halkymyzyň bagtyýarlygynyň, Watanymyzyň asudalygynyň hem-de abadançylygynyň aýdyň subutnamasy bolup durýandygy barada gürrüň berdiler. Şanly Garaşsyzlygymyzyň 34 ýyllyk toýunyň bellenilýän günlerinde şatlyk-şowhuna, ruhubelentlige, uly zähmet üstünliklerine beslenýändigini, şeýle hem häzirki ajaýyp döwrümizde ýurdumyzyň beýik ösüşlerinden, üstünliklerinden ruhlanýan mähriban halkymyz agzybirlikde, beýik maksatlara ýetmegiň röwşen ýolunda üstünlikli badalga bolup hyzmat edýändigi barada gürrüň berdiler. Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÜRKMENISTANYŇ HALK MASLAHATYNYŇ TARYHY ÄHMIÝETLI ÇÖZGÜTLERI–GARAŞSYZ HEMIŞELIK BITARAP WATANYMYZYŇ DÖWLET BERKARARLYGYNYŇ BINÝADY

Kitaphanalar

26.09.2025

Türkmenistanyň Bazar Amanow adyndaky döwlet çagalar kitaphanasy ýakynda «Türkmenistanyň Halk maslahatynyň taryhy ähmiýetli çözgütleri–Garaşsyz Hemişelik Bitarap Watanymyzyň döwlet berkararlygynyň binýady» atly Jemgyýetçilik guramalarynyň milli merkezinde geçirilen maslahata gatnaşdy. Türkmenistanyň Halk maslahatynyň baş maksady ýylyň dowamyndaky işleriň jemlerini, seljermek bilen bir hatarda, şöhratly geçmişimizde, bagtyýar şu günümize nazar aýlap, röwşen geljegimize ynamly gadam urmak üçin döwrüň möhüm meselelerini, zerurlyklaryny, özgerýän dünýäniň şertlerini göz öňünde tutup, çözgütleri kabul etmekdir. Üstünlikli geçen halk maslahaty hem-de onda badalga berilen beýik maksatlar, geljekde ata Watanyňy, ene topragyňy gözüniň göreji deýin görýän mähriban halkymyzyň gazanjak beýik üstünliklerine badalga bolar. Ine şular dogrusynda kitaphana hünärmeni «Ýaşlyk» teleýaýlymynda ýazgy edilen söhbetdeşlikde täsirli gürrüňler berdi. Söhbetdeşligiň ahyrynda türkmen halkyny bir supranyň başyna jem edip, bagtyýar günleri peşgeş berýän türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza alkyşlary beýan etdiler.

DÖWLETLINIŇ BAŞLAN IŞI OŇ BOLAR

Kitaphanalar

26.09.2025

Berdimuhamet Annaýew adyndaky Arkadag şäher mugallymçylyk orta hünär okuw mekdebinde Halk maslahatyndan gelip çykýan wezipeleri wagyz etmek maksady bilen “Döwletliniň başlan işi oň bolar” atly söhbetdeşlik geçirildi. Türkmen halkynyň Milli Lideri Gahryman Arkadagymyzyň başlangyçlary bilen Hormatly Prezidentimiz Arkadagly Gahryman Serdarymyzyň baştutanlygynda bedew bady bilen öňe barýan eziz Diýarymyzyň mertebesi bu gün dünýä dolýar. Ýurdumyzda 19-njy sentýabrda paýtagtymyzda geçirilen Türkmenistanyň Halk Maslahatynyň mejlisi Halkara parahatçylyk we ynanyşmak ýylynyň esasy syýasy-jemgyýetçilik wakalarynyň biri bolup, onda halkymyzyň ýaşaýyş-durmuş derejesini has-da gowulandyrmak ýaly halk bähbitli, döwlet ähmiýetli meseleler halkymyzyň ygtybarly wekilleri bilen maslahatlaşyp, her bir adamyň ykbalyna şugla saçjak çözgütler kabul edildi. Türkmenistanyň Halk Maslahaty Hormatly Prezidentimiziň baştutanlygynda türkmen jemgyýetiniň öňde duran maksatlara amal etmäge, beýik tutumlary durmuşa geçirmäge ukyplydygynyň görkezijisi bolup durýar. Söhbetdeşligiň ahyrynda halkymyzy asuda, parahat, eşretli zamanada ýaşadýan türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak bolsun diýip alkyş sözlerini aýtdylar.

GARAŞSYZLYK–KÖŇÜLLERIŇ GUWANJY

Kitaphanalar

25.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasy bilen Türkmen döwlet medeniýet we sungat mekdebiniň bilelikde gurnamagynda mukaddes Garaşsyzlygymyzyň 34 ýyllygy mynasybetli paýtagtymyzdaky «Baýramhan» seýilgähinde «Garaşsyzlyk–köňülleriň guwanjy» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe aýdyň ösüşli menzillere tarap ynamly öňe barýan Watanymyz “Halkara parahatçylyk we ynanyşmak” ýylynda şanly Garaşsyzlygyň 34 ýyllyk toýuny baýram edip belleýändigini şeýle hem, seriňi buýsançdan doldurýan, kalbyňy mähir-muhabbete besleýän bu şanly senäniň her bir ynsan üçin mukaddesdigini beýan etdiler. Hormatly Prezidentimiziň parasatly baştutanlygynda içeri we daşary syýasatymyzda ýetilýän belent sepgitler mukaddes Garaşsyzlygymyzyň şöhratly senesini giňden dabaralandyrmaga, täze zähmet ýeňişlerini beslemäge giň ýol açylandygy barada gürrüň berdiler. Çäräniň dowamynda Türkmen döwlet medeniýet we sungat mekdebiniň talyp ýaşlarynyň ýerine ýetirmeginde okalan goşgular çärä gatnaşanlarda uly täsir galdyrdy. Halkymyzyň asuda parahat ýaşamagy ugrunda birnäçe aladalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GARAŞSYZLYK–GÖZLERIMIZIŇ GUWANJY, ŞONUŇ BILEN BERKDIR WATAN DAÝANJY

Kitaphanalar

25.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasy bilen Aşgabat şäherindäki syýahatçylyk orta hünär okuw mekdebiniň bilelikde gurnamagynda mukaddes Garaşsyzlygymyzyň 34 ýyllyk baýramy mynasybetli «Garaşsyzlyk–gözlerimiziň guwanjy, şonuň bilen berkdir Watan daýanjy» ady bilen wagyz-nesihat çäresi geçirildi. Çärede Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary netijesinde Garaşsyzlyk ýyllary içinde şan-şöhratly geçen ýollary, gadymdan gelýän hoşniýetli goňşuçylyk, dost-doganlyk, myhmansöýerlik däpleriniň asylly ýörelgelere öwrülendigi, milli gymmatlyklarymyzy dikeltmäge, däp-dessurlarymyzy berjaý etmäge uly mümkinçilikleriň döredilendigi barada gürrüň berdiler. Ata-babalarymyzyň asyrlar boýy arzuwlan ýurt Garaşsyzlygynyň beren mümkinçilikleri halkymyzy taryhy ähmiýetli syýasy, ykdysady hem medeni wakalara beslenýändigi barada çykyş etdiler. Çäräniň ahyrynda eziz Watanymyzy ösüşiň belent sepgitlerine ýetirýän Türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

TOÝLARYŇ MÜBÄREK GARAŞSYZ WATAN!

Kitaphanalar

25.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyñ kitaphana şahamçasynyň guramagynda mukaddes Garaşsyzlygymyzyň 34 ýyllygy mynasybetli «Toýlaryň mübärek Garaşsyz Watan!» ady bilen wagyz-nesihat çäresi geçirildi. Çärede çykyş edenler mukaddes Garaşsyzlygymyzyň türkmen halkyna eçilen bagtyna we hormatly Prezidentimiziň baştutanlygynda amal edilýän işlere guwanmak, buýsanmak bilen Watanymyzyň ösüşine goşant goşmak üçin tutanýerli zähmet çekmek her birimiziň borjumyz bolup durýandygy barada gürrüň berdiler. Şeýle-de taryhy döwürde asyrlara barabar işleriň amala aşyrylyp, özüniň oňyn netijelerini berýändigi, jemgyýetçilik durmuşynyň ähli ugurlarynda ägirt uly üstünlikler gazanylyp, häzir Türkmenistan ösen, kuwwatly döwlete öwrülýändigi barada belläp geçdiler. Çäräniň ahyrynda öz halkyny täze ygtybarly, sagdyn ýol bilen belentliklere tarap alyp barýan türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli işleriniň elmydama rowaçlyklara beslenmegini arzuw etdiler.

• ←
• 1
• ...
• 35
• 36
• 37
• ...
• 142
• →