HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GARAŞSYZ, BAKY BITARAP TÜRKMENISTAN – HALKARA SPORT HYZMATDAŞLYGYŇ WE SAGDYNLYGYŇ MEKANY

Kitaphanalar

04.04.2026

Türkmenistanyň B.Amanow adyndaky Döwlet çagalar kitaphanasy ýakynda Türkmen Döwlet bedenterbiýe we sport institutynda “Garaşsyz, baky Bitarap Türkmenistan – halkara sport hyzmatdaşlygyň we sagdynlygyň mekany” – atly sportda gazanylan üstünliklere bagyşlanylyp geçirilen serginiň çäklerinde “Saglyk biziň hemramyz” atly göçme kitap sergisini geçirdi. Gahryman Arkadagymyzyň “Türkmenistanyň dermanlyk ösümlikleri” atly köp jiltlik ensiklopedik ylmy neşirleri we olarda beýan edilýän jana tenekar derman otlar hem-de olardan peýdalanmaklygyň düzgünleri barada örän ussatlyk bilen seljerme berilişi hakynda täsirli gürrüňleri berdi. Bedenterbiýe we sport jemgyýetiň sagdynlygyny üpjün edýär. Şunuň bilen baglylykda, her ýylyň 7-nji aprelinde halkara jemgyýetçilik bilen birlikde, ýurdumyzda Bütündünýä saglyk gününiň giň gerimde bellenilip geçilmegi sagdynlyk we ruhubelentlik ýörelgeleriniň dowamat-dowam bolýandygyny aýdyň görkezýändigi hakyndaky söhbetleri hem talyp ýaşlar uly gyzyklanma bilen diňlediler. Çäräniň ahyrynda oňa gatnaşanlar bedenterbiýäni we sporty ösdürip dünýä derejeli sport döwleti hökmünde ata Watanymyzyň halkara abraýyny belende göterýän Gahryman Arkadagymyzyň, Arkadagly Gahryman Serdarymyzyň ömürleriniň uzak bolmagyny, alyp barýan giň gerimli işleriniň elmydama rowaçlyklara beslenmegini arzuw etdiler.

SAGLYK – BAHASYZ BAÝLYK

Kitaphanalar

04.04.2026

Ýakynda Türkmenistanyň B.Amanow adyndaky döwlet çagalar kitaphanasy, Aşgabat şäherindäki ýöriteleşdirilen 28-nji orta mekdebinde “Saglyk – bahasyz baýlyk” – Bütindünýä saglyk gününe bagyşlap söhbetdeşligini geçirdi. Bu çärämize 1-nji synp okuwçylar gatnaşdylar. Söhbetdeşligiň dowamynda kitaphana hünärmeni hormatly Prezidentimiziň taýsyz tagallalary netijesinde ösüp gelýän ýaş nesillerimiziň ýaramaz endiklerden daşda durmagy, beden hem-de ruhy taýdan sagdyn, gujur-gaýratly adamlar bolup ýetişmegi ugrunda ägirt uly işler durmuşa geçirilýändigi barada okuwçylara gyzykly gürrüň berip we arassa howa çykyp dürli maşklar oýunlar ýerine ýetirildi, ýaryşlar gurnaldy. Söhbetdeşligiň ahyrynda ynsan saglygyny ähli zatdan ileri tutýan we bu ugurda ägirt uly işleri durmuşa geçirýän Arkadagly Serdarymyzyň mundan beýläk hem jany sag, il-ýurt bähbitli, umumadamzat ähmiýetli tutýan tutumly işleri elmydama rowaç alsyn!

MILLI MIRASYMYZ

Kitaphanalar

03.04.2026

Aşgabat şäher medeniýet müdirliginiň Merkezleşdirilen kitaphanalar ulgamy bilen Aşgabat şäher häkimliginiň “Bagt köşgi” toý dabaralary merkeziniň bilelikde gurnamagynda «Milli mirasymyz» atly söhbetdeşlik geçirildi we “Miras” teleýaýlymy bilen ýazgy edildi. Söhbetdeşlikde çykyş edenler hormatly Prezidentimiziň baştutanlygynda Berkarar döwletiň täze eýýamynyň Galkynyşy döwründe ata-babalarymyzdan gelýän milli mirasymyzy öwrenmek, ony geljekki nesillerimize ýetirmek bilen baglanyşykly işler uly üstünliklere beslenýändigi hakynda aýtdylar. Şeýle-de, bu günki günde milli mirasymyzyň ähli görnüşleri ylmy esasda öwrenilip, gorap saklanylyp, dikeldilip hem-de ýaş nesillerimize wagyz edilýändigini, häzirki döwürde halkymyzyň maddy we maddy däl medeni gymmatlyklarynyň ÝUNESKO-nyň Bütindünýä medeni mirasynyň sanawyna girizmek boýunça işleriň yzygiderli alnyp barylýandygy hakynda giňişleýin söhbet etdiler. Söhbetdeşligiň ahyrynda türkmen döwletimiziň abraý-mertebesini, şan-şöhratyny, milli mirasymyzy, ýol-ýörelgelerimizi dünýä ýaýmakda beýik işleri durmuşa geçirýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

ŞAN-ŞÖHRATLY ÝOLLARY BAR ATALAŇ, BEDEW BATLY ÖŇE BARÝAN WATANYM

Kitaphanalar

03.04.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasy bilen Aşgabat şäherindäki Syýahatçylyk orta hünär okuw mekdebiniň bilelikde guramagynda «Şan-şöhratly ýollary bar atalaň, Bedew batly öňe barýan Watanym» ady bilen wagyz-nesihat çäresi geçirildi. Çärede çykyş edenler eziz Diýarymyzyň ertirleri aýdyň, geljegi röwşen, günleri şuglaly, aýlary nurly, ýyllary bereketli bolup, beýik ösüşler bilen öňe barýan, “Garaşsyz, baky Bitarap Türkmenistan-bedew batly at-myradyň mekany” ýyly halkymyzda aýratyn ruhubelentlik duýgusyny döredip, Mukaddes Garaşsyzlygymyzyň 35 ýyllygyna beslenjek ýylyň ahalteke bedewi bilen baglanyşdyrylmagy ýeneki üstünliklere ynamy artdyrýandygy barada buýsanç bilen beýan etdiler. Şeýle-de ahalteke bedewleri ynsana mahsus gylyk häsiýeti hem-de eýesine wepalylygy bilen bütin dünýäde meşhurlyga eýedigi barada gürrüň berdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ARKADAG ŞÄHERI – EKOLOGIÝANYŇ WE SAGDYNLYGYŇ AJAÝYP SAZLAŞYGY

Kitaphanalar

03.04.2026

Döwletmämmet Azady adyndaky Arkadag şäher kitaphanasynyň hem-de Arkadag teleýaýlymynyň bilelikde gurnamagynda “Arkadag şäheri – ekologiýanyň we sagdynlygyň ajaýyp sazlaşygy” atly söhbetdeşlik geçirildi. Söhbetdeşlikde Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň ýolbaşçylygynda Köpetdagyň eteginde bina edilen Arkadag şäheri Garaşsyzlyk döwrüniň taryhynda ajaýyp sahypadyr. Türkmenistan döwletimiz adamzadyň parahatçylyk we ynsanperwer ýörelgeleriniň has-da baýlaşdyrylýan, sagdyn-durmuş ýörelgeleriniň giňden ornaşdyrylýan ýurdudyr. «Akylly» şäher konsepsiýasy esasynda gurlan Arkadag şäherinde milli we häzirki zaman binagärliginiň ösen tejribeleriniň utgaşdyrylmagy, ekologiýa taýdan arassalygy bilen tapawutlanýan, iň ösen tehnologiýalaryň ornaşdyrylmagy, şol bir wagtyň özünde-de, milli gymmatlyklarymyzyň orun almagy şäheriň täsinligini, özboluşlylygyny, üýtgeşik gözelligini, kalbymyza ýakynlygyny şertlendirýändigi barada, şeýle hem türkmen halkynyň Milli Lideriniň badalga bermeginde Arkadag şäherinde eýýäm birnäçe gezek köpçülikleýin bag ekmek çäreleri üstünlikli geçirilendigi hakynda giňişleýin gürrüňler edildi. Munuň özi täze şäheriň gurluşygynda ekologik talaplaryň berk berjaý edilmeginiň, adamlaryň bagtyýar we uzak ömür sürmegi üçin arassa howa gurşawynyň döredilmeginiň birjik-de ünsden düşürilmeýändigini görkezýändigi hakynda giňişleýin gürrüňler edildi. Söhbetdeşligiň ahyrynda bolsa Gahryman Arkadagymyzyň, şeýle-de peder ýolundan belent gadamlar bilen halkyny ýeňişli menzillere alyp barýan Arkadagly Gahryman Serdarymyzyň janlary sag, başlary belent, il-ýurt bähbitli, adamzat ähmiýetli beýik işleriniň rowaçlyklara beslenmegini arzuw etdiler.

KITAP BILEN DOSTLAŞALYŇ ÇAGALAR!

Kitaphanalar

03.04.2026

Türkmenabat şäher merkezi kitaphanasynyň hünärmenleri Türkmenabat şäheriniň 17-nji çagalar bakja bagynda “Kitap bilen dostlaşalyň çagalar!” atly çagalar ertirligini geçirdiler. Körpejelere gyzykly ertekiler okalyp, olaryň gahrymanlary barada giňişleýin gürrüň berildi. Çagalaryň arasynda sorag-jogap alşyldy. Bu ajaýyp pursatlar olarda örän täsir galdyrdy. Ýaş nesilleriň döwrebap okap bilim almaklary üçin ähli şertleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, başlary dik, tutýan her bir tutumly işleri rowaç alsyn.

DÖWREBAP KITAPHANALARDA SANLY ULGAMYŇ ÖSÜŞ BINÝADY

Kitaphanalar

03.04.2026

Hormatly Prezidentimiziň “Türkmenistanyň kitaphana ulgamyny ösdürmegiň 2025–2029-njy ýyllar üçin Döwlet maksatnamasyndan” ugur alnyp, Türkmenistanyň Döwlet medeniýet merkeziniň Döwlet kitaphanasynyň Milli gaznahana ulgamyny döretmek, maglumatlary jemlemek, ulgamyň elektron binýadyny guramak we maglumatlar bilen alyşmak bölümi “Altyn asyr” teleýaýlymy bilen bilelikde “Döwrebap kitaphanalarda sanly ulgamyň ösüş binýady” ady bilen söhbetdeşlik geçirdi. Söhbetdeşlikde kitaphana ulgamynyň ösüş binýadynyň aýratynlygy, dürli ugurlar boýunça gelýän okyjylarymyz üçin hereket edýän sanly ulgamynyň işleýşi, onuň kitap hazynamyzdaky Gahryman Arkadagymyzyň, Arkadagly Gahryman Serdarymyzyň ajaýyp eserlerini, dürli pudaklar boýunça ýerleşdirilen kitaplary okap bolýandygy hem-de bu kitaplaryň audio ses ýazgylaryny diňlemek mümkinçilikleriniň hem döredilendigi dogrusynda giňişleýin gürrüň berildi. Şeýle mümkinçilikleriň döredilmegi bagtyýar ýaşlarymyzy kämil düşünjeli, giň dünýä garaýyşly, sanly innowasion ulgamlaryny başarnykly peýdalanmaklaryna uly ýardam berýär. Söhbetdeşlige gatnaşanlar Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

GÜNDOGARYŇ BEÝIK AKYLDARY, ŞAHYR ALYŞIR NOWAÝYNYŇ DOGLAN GÜNÜNIŇ 585 ÝYLLYGYNA

Kitaphanalar

03.04.2026

Türkmenistanyň Döwlet medeniýet merkeziniň Döwlet kitaphanasynyň Ylmy-usuly bölüminiň ýolbaşçylygynda “Gündogaryň beýik akyldary, şahyr Alyşir Nowaýynyň doglan gününiň 585 ýyllygyna” ady bilen söhbetdeşlik geçirildi. Söhbetdeşlige kitaphananyň işgärleri gatnaşyp, Alyşir Nowaýynyň ömri we döredijiligi, ýazan eserleri, şeýle-de “Myraly we Soltansöýün” hakyndaky rowaýaty barada aýdylyp, täsirli gürrüňler geçirildi. Söhbetdeşlikde şahyryň eserleri barada kitaphanaçylaryň arasynda sorag-jogap alşyldy. Söhbetdeşligiň ahyrynda kitaphanaçylar kitaphana işini ösdürmekde, kitaplary aýawly saklamakda we ýaş nesle ýetirmekde bimöçber aladalar edýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

OKAMAK-BEREKET, DÖRETMEK–DÖWLET

Kitaphanalar

03.04.2026

Türkmenistanyň Döwlet medeniýet merkeziniň Döwlet kitaphanasynda “Altyn asyr” teleýaýlymynyň ýazgy etmeginde “Okamak-bereket, döretmek-döwlet” ady bilen kitaphanaçylar we talyp ýaşlaryň gatnaşmagynda söhbetdeşlik geçirildi. Gahryman Arkadagymyzyň ynsanperwer syýasatyny, milli mirasymyzy, nesil terbiýesini, ene mähriniň keramatyny we beýleki sahabatly duýgulary özünde jemleýän kitaplaryň adamlaryň durmuşynda tutýan orny örän uludyr. Türkmen halky kitaby dosty, kyn gününde syrdaşy hasaplaýar. Esasan-da ösüp gelýän ýaş nesillerimiz, talyp ýaşlar üçin Gahryman Arkadagymyzyň, Arkadagly Gahryman Serdarymyzyň eserleri gymmatly gollanmadyr. Berkarar döwletiň täze eýýamynyň Galkynyşy döwründe ýaş nesliň kitaphanalara gatnap, bilimlerini artdyrmaklary üçin, ýurdumyzda ähli mümkinçilikler bar. Ýurdumyzyň ähli ulgamlaryny deň derejede ösdürýän we halkymyzyň medeni, aň-bilim kämilliginiň dünýä ülňülerine laýyk bolmagy üçin ägirt uly işleri durmuşa geçirýän Gahryman Arkadagymyza, hormatly Prezidentimiz Arkadagly Gahryman Serdarymyza kitaphana işgärleriniň alkyşlary çäksizdir.

TÜRKMEN HALK ERTEKILERI - DÜNÝÄ DILLERINDE

Kitaphanalar

03.04.2026

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölüminiň guramagynda Aşgabat şäherinde ýerleşýän 48-nji çagalar bagynda “Türkmen halk ertekileri-dünýä dillerinde” atly söhbetdeşlik hem-de göçme kitap sergisi gurnaldy. Çagalar bagynda körpelere dünýä dillerindäki “Türkmen halk ertekileriniň” birnäçe görnüşleri bilen tanyşdyrylyp, çeper okaýyş geçirildi, çagalaryň ýaş aýratynlyklaryna garamazdan özleriniň gyzyklanýan sowallary hakynda sorag- jogap alşyldy. Şeýle hem kitaplaryň dünýä dillerinde neşir edilen nusgalary has-da uly gyzyklanma döredip, ählisiniň ünsüni çekmegi başardy. Berkarar döwletiň täze eýýamynyň Galkynyşy döwründe ýaş nesillerimiziň dünýä tejribesine gabat gelýän mümkinçilikler bilen üpjün edilmegi çagalarda dünýä garaýşynyň ösmegine, daş-töwerege bolan söýgüsini has-da ýokarlandyrýar. Bagtyýar çagalarymyzyň Watana wepaly ýaşlar bolup ýetişmekde uly aladalar edýän türkmen halkynyň Milli Lideri Gahryman Arkadagymyzyň şeýle hem hormatly Prezidentimiz Arkadagly Gahryman Serdarymyzyň janlary sag, ömürleri uzak, il-ýurt bähbitli umumadamzat ähmiýetli alyp barýan işleri hemişe rowaçlyklara beslensin.

• ←
• 1
• ...
• 35
• 36
• 37
• ...
• 124
• →