Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
Garaşsyz Türkmenistanyň hemişelik Bitaraplygynyň şanly 30 ýyllyk baýramy giňden bellenilýän Halkara parahatçylyk we ynanyşmak ýylynda ýurdumyzda halkara derejede festiwallar, konsertler we beýleki medeni çäreler yzygiderli geçirilýär. Medeni diplomatiýamyzyň giň gerimini, köpugurlylygyny alamatlandyrýan bu tagallalar dünýäde ählumumy parahatçylygyň, agzybirligiň dabaralanmagyna, halklaryň arasynda özara ynanyşmak we dost-doganlyk ýörelgeleriniň rowaçlanmagyna hem uly goşant goşýar.

HABARLAR

No image
PEDERLERIŇ HATYRASY

Kitaphanalar

03.10.2025

Türkmenistanyň Bazar Amanow adyndaky Döwlet çagalar kitaphanasy ýakynda her ýylyň 6-njy oktýabrynda bellenilýän Hatyra Hatyra gününe bagyşlap «Halk hakydasy» ýadygärlikler toplumunda «Aşgabat» teleýaýlymynyň ýazgy etmeginde «Pederleriň hatyrasy» atly söhbetdeşlik geçirdi. Söhbetdeşlikde Berkarar döwletiň täze eýýamynyň Galkynyşy döwründe asylly däplerimize we dessurlarymyza, ruhy we ahlak gymmatlyklarymyza aýratyn sarpa goýlup, olaryň mynasyp dowam etdirilýändigini bellemek bilen 1948-nji ýylyň 6-njy oktýabrynda elhenç tebigy betbagtçylyk-ýertitireme bir pursatda paýtagtymyzy weýran edendigini, emma halkymyz ruhubelentlik hem-de özüniň belent ynsanlyk borçlaryna wepalylyk ýaly ýokary ahlak häsiýetleri bilen, ykbalyň agyr kynçylyklaryna ruhdan düşmän, olary ýeňip geçmegi başarandygy, taryhyň agyr synaglaryndan geçen halkymyz mähriban şäherimiz Aşgabady täzeden dikeldip ony dünýäniň iň owadan şäherleriniň birine, parahatçylygyň, bagtyýarlygyň hem-de rowaçlygyň paýtagtyna öwrülendigini buýsanç bilen bellediler.

 No image
HALKYŇ HAKYDASY

Kitaphanalar

03.10.2025

Türkmenistanyň Bazar Amanow adyndaky Döwlet çagalar kitaphanasy ýakynda her ýylyň 6-njy oktýabrynda bellenilýän Hatyra Hatyra gününe bagyşlap «Halk hakydasy» ýadygärlikler toplumunda «Aşgabat» teleýaýlymynyň ýazgy etmeginde «Halkyň hakydasy» atly söhbetdeşlik geçirdi. 1948-nji ýylda Aşgabat ýer titremesinde şehit bolanlaryň, ata Watan, mukaddes ene toprak, häzirki nesilleriň bagtyýar we erkana durmuşda ýaşamagy üçin şirin janyny pida edip gaýduwsyzlygyň beýik nusgasyny görkezen gerçekler ýatlanylýar. Gahryman gala Gökdepäniň duşmanyň aşa agdyk güýjünden hem heder etmän, gylyç gemren türkmen gerçekleri gaýduwsyzlygyň belent nusgasyny görkezdiler. 1941-1945-nji ýyllaryň urşunda bolsa faşizme garşy türkmeniň men-men diýen merdana ýigitleri ýürekleriniň emri bilen fronta gitdiler. Watanyň azatlygy, asudalygy ugrundaky söweşlerde bir ädim hem yza tesmän deňsiz-taýsyz gahrymançylyk görkezen esgerler, özleriniň atlaryny müdimilik şan-şöhrata beslediler. Bugünki gün ähli şehitlerimiziň ruhuna sadakalar berlip, aýat-dogalar okalýar. Ine bular dogrusynda giňişleýin gürrüňler edildi. Söhbetdeşligimiziň ahyrynda geçmişine buýsançly, şu gününe begençli halk hakydasyny galkyndyrýan Gahryman Arkadagymyza we milli däp-dessurlarymyzy sarpalaýan Arkadagly Gahryman Serdarymyza sag bolsunlar beýan edildi.

 No image
TÜRKMENISTAN–PARAHATÇYLYGYŇ WE JEBISLIGIŇ ÝURDY

Kitaphanalar

02.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasy, Türkmen döwlet maliýe instituty hem-de Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşi, «Aşgabat» teleýaýlymynyň bilelikde gurnamagynda «Türkmenistan–parahatçylygyň we jebisligiň ýurdy» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň BMG-nyň Baş Assambleýasynyň 80-nji sessiýasynyň ýokary derejeli plenar mejlisinde eden taryhy çykyşy, BMG-nyň Baş sekretary we dünýä ýurtlarynyň ençemesiniň ýolbaşçylary bilen geçiren duşuşyklary şeýle hem ýurdumyzda halkara hyzmatdaşlygy ösdürmekde, parahatçylygy, dostlukly gatnaşyklary pugtalandyrmakda alnyp barylýan işler barada gürrüň berdiler. Çäräniň soňunda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.

 No image
DILLERI SENALY, SÖZI PÄHIMLI

Kitaphanalar

01.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda Ýaşulularyň halkara güni mynasybetli «Dilleri senaly, sözi pähimli» ady bilen gürrüňdeşlik geçirildi. Gürrüňdeşlikde çykyş edenler umumadamzat gymmatlyklaryny baýlaşdyrýan hem-de ynsanperwer gatnaşyklary pugtalandyrýan ajaýyp baýram–Ýaşulylaryň halkara güni biziň ýurdumyzda agzybirlik we ruhubelentlik bilen dabaraly bellenilip geçilýändigi barada gürrüň berdiler. Şeýle-de Ýaşululara hormat goýmak, mährem enelerimizden ak pata almak halkymyzyň asylly ýörelgeleriniň biri bolmak bilen, geljekki nesillere görüm-görelde, terbiýe mekdebi bolup durýandygy hakynda belläp geçdiler. Gürrüňdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.

 No image
ÝAŞULULARYŇ DURMUŞ TEJRIBESI–JEMGYÝETIŇ SAZLAŞYKLY ÖSÜŞINIŇ ESASY

Kitaphanalar

01.10.2025

Aşgabat şäher medeniýet müdirliginiň Merkezleşdirilen kitaphanalar ulgamy, Türkmenistanyň Ylymlar akademiýasynyň Merkezi ylmy kitaphanasynyň bilelikde guramagynda «Ýaşulularyň durmuş tejribesi–jemgyýetiň sazlaşykly ösüşiniň esasy» ady bilen söhbetdeşlik geçirildi. Söhbetdeşlikde türkmen döwletinde asylly däbe görä, her ýylyň oktýabr aýynyň 1-ne Halkara ýaşulular güni dabara bilen bellenilip geçirilýär. Bu däbiň bellenilip geçirilmegi-de, gadymy däplerimize ygrarlydygymyzy, ýaşululara hormat-sarpa goýmak, olaryň mertebesini ýokary galdyrmak ýaly ýörelgelerimizi täze mazmun bilen baýlaşdyrýandygymyzy, Garaşsyzlyk ýyllarynda her bir döwletli tutumlarda ilki bilen ýaşululara sala salmak, maslahat geçirmek, il içinde ýokary adamkärçiligi bilen görelde bolýan ýaşuly neslimize «Türkmenistanyň hormatly il ýaşulysy» diýen mertebeli atlaryň dakylmagy watandaşlarymyzyň başyny göge ýetirýändigi hakynda gürrüň berdiler. Söhbetdeşligiň ahyrynda ýaşulular jemgyýetiň paýhas hazynasy bolup, bu hazynany aýawly saklaýan, onuň gadyr-gymmatyna belent sarpa goýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza çäksiz alkyş sözlerini aýtdylar.

 No image
PARAHATLYK, ASUDALYK–ÝÜREKLERIŇ ARZUWY

Kitaphanalar

01.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Neşirýat-çaphana orta hünär okuw mekdebiniň bilelikde gurnamagynda «Parahatlyk, asudalyk–ýürekleriň arzuwy» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe parahatçylyk we ynanyşmak adamzadyň abadan geljegini üpjün etmek üçin biri-biri bilen aýrylmaz baglanyşykly iň gymmatly düşünjeler bolup, ol häzirki wagtda döwletleriň we halklaryň arasynda hyzmatdaşlygyň hem-de ösüşiň baş ýörelgesine öwrülýändigini hem-de Hormatly Prezidentimiziň parasatly baştutanlygynda ýurdumyz ösüşlere beslenip, halkara derejesinde belent abraýa eýe bolýandygy hakynda gürrüň berdiler. Geçmiş taryhymyzda açyk asmanyň asuda bolmagy pederlerimiziň ynanjy bolup, ynsanperwerlige, hoşniýetli goňşuçylyga, parahatçylyk söýüjilige ýugrulan asylly ýörelgeler häzirki döwürde döwrebap ösdürilýändigi we dünýä ýaýylýandygy barada beýan etdiler. Çäräniň ahyrynda ýurdymyzyň halkara abraýynyň belende galmagy ugrunda bimöçber tagallalary edýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

 No image
ÝAŞULULAR PÄHIM-PAÝHAS MEKDEBI

Kitaphanalar

01.10.2025

Lebap welaýat kitaphanasynda Türkmenistanyň Agrar partiýasynyň Lebap welaýat komiteti bilen bilelikde gurnamagynda Ýaşulularyň halkara güni mynasybetli «Ýaşulular pähim-paýhas mekdebi» atly maslahat geçirildi. Bu çärä il hormatly ýaşulular, kümüş saçly eneler, kitaphana işgärleri we Türkmenabat şäherindäki orta hünär okuw mekdebiniň talyp ýaşlary gatnaşdylar. Gatnaşyjylar kitaphana işgärleri tarapyndan guralan «Ýaşulularyň göreldesi-ýaş nesillere ýörelge» atly kitap sergisine syn etdiler şeýle-de döwrebap ýaşamana döredip berilýän şertleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza köp sagbolsynlar aýdylyp, janlarynyň sag, ömürleriniň uzak, alyp barýan il-ýurt ähmiýetli işleriniň rowaçlyklara beslenmegini arzuw etdiler.

 No image
ÝÜREGIMIZDE WATAN WASPY

Kitaphanalar

30.09.2025

Döwletmämmet Azady adyndaky Arkadag şäher kitaphanasynda «Ýüregimizde watan waspy» atly gürrüňdeşlik geçirildi. Watan türkmen üçin ähli zatdan zyýada, dünýe malyndan artyk gymmatlykdyr. Watan biziň her birimiz üçin ezizdir, mukaddesdir. Türkmen mukaddes hasaplaýan zatlaryny aýap, apalap, jandan ezizläp söýmegi, gadymy döwürlerden bäri adat edinipdir. Watan mukaddesdir, onuň duzy-da, suwy-da, topragy-da, müň bir derde dermandyr. Pederlerimiz bize watansöýüjiligiň, mertligiň, gaýratlylygyň, gaýduwsyzlygyň, lebzi halallygyň, birsözlüligiň gaýtalanmajak nusgalyk ýoluny miras goýupdyrlar. Arkadagly Gahryman Serdarymyzyň taýsyz tagallalary bilen 2025-nji ýylyň «Halkara Parahatçylyk we ynanyşmak ýyly» diýlip yglan edilmegi ýurdumyzda medeni we ruhy gymmatlyklarymyza bolan söýgüni has-da artdyrmakda, ata-babalarymyzyň milli ýörelgelerini içgin öwrenmekde möhüm ähmiýete eýedir. Çünki ýurdumyzyň geljegi bolan ýaşlaryň watansöýüjiligi, ilhalar we zähmetsöýer adamlar bolup ýetişmegini gazanmak her birimiziň mukaddes borjumyzdyr. Söhbetdeşligiň ahyrynda şeýle ajaýyp zamanda ,ýaşamana, döretmäne uly mümkinçilikleri döredip berýän Gahryman Arkadagymyza, Arkadagly Gahryman Serdarymyza jan saglyk, uzak ömür arzuw etdiler.

 No image
ÝAŞULULAR ÝARAŞYGY-BAGTYÝARLYK DÖWRÜMIZIŇ

Kitaphanalar

30.09.2025

Türkmenistanyň Bazar Amanow adyndaky Döwlet çagalar kitaphanasy ýakynda «Ýaşulularyň halkara güni» mynasybetli halypa kitaphanaçylarymyz bilen «Ýaşulular ýaraşygy bagtyýarlyk döwrümiziň» atly söhbetdeşlik geçirdi. Her ýylyň 1-nji oktýabrynda Garaşsyz, baky Bitarap Diýarymyzda giňden bellenilip geçilýän bu däbiň gadymy dessurlarymyza ygrarlydygymyzy, ýaşululara hormat, sarpa goýmak, olaryň mertebesini galdyrmak ýaly ýörelgelerimizi täze mazmun bilen baýlaşdyrýandygymyzy alamatlandyrýar. Il sylagly ýaşulularyň ýurdumyzda geçirilýän dürli medeni-köpçülik çärelerine, ýaşlaryň arasynda wagyz-nesihat işlerine işjeň gatnaşyp halkyň agzybirliginiň, jemgyýetiň jebisliginiň has-da berkemegine mynasyp goşantlaryny goşup gelýändikleri barada täsirli gürrüňler edildi. Söhbetdeşliginiň ahyrynda oňa gatnaşanlar asuda diýarymyzyň ýaşulularyna pähim-paýhas mugallymlary hökmünde uly sarpa goýýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyşlary beýan etdiler.

 No image
ÝOL DÜZGÜNLERINI HÖKMAN BERJAÝ EDELIŇ!

Kitaphanalar

29.09.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen 95-nji orta mekdebiniň bilelikde gurnamagynda «Ýol düzgünlerini hökman berjaý edeliň!» ady bilen gürrüňdeşlik geçirildi. Gürrüňdeşlikde çykyş edenler her ýylyň sentýabr aýynda «Ýol hereketiniň howpsuzlygy–ömrümiziň rahatlygy» atly bir aýlygyň çäklerinde geçirilýän çäreler ýurdumyzda ýol hereketiniň düzgünleriniň berjaý edilmegi netijesinde ilatyň saglygyny goramaga gönükdirilendigi barada gürrüň berdiler. Ösüp gelýän jemgyýetde ýaş nesliň abadan we rahat durmuşda ýaşamaklary üçin birnäçe kada-kanunlar durmuşa geçirilýändigi hakynda belläp geçdiler. Gürrüňdeşligiň ahyrynda türkmen halkyny şeýle bagtly durmuşda ýaşamaga ajaýyp şertleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, belent başlarynyň aman bolmagyny, döwletli işleriniň elmydama rowaç almagyny arzuw etdiler.