Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
«Garaşsyz, baky Bitarap Türkmenistan — bedew batly at-myradyň mekany» diýlip atlandyrylan 2026-njy ýylda ýurdumyz halkara çärelerine, toý-baýramlara, şatlykly wakalara beslenýär. Agzybir halkymyzyň köňül arzuwynyň dabaralanmasyna öwrülen şunuň ýaly çuň mazmunly şygar bilen atlandyrylan bu ýylda, eziz Watanymyz mukaddes Garaşsyzlygynyň 35 ýyllyk şanly baýramyny bedew batly uly ösüşler bilen toý-baýrama beslär. Şanly Garaşsyzlygymyz ýurdumyzyň sarsmaz binýady, halkymyzyň eşretli durmuşynyň gözbaşydyr. Ýurdumyzda hem-de dünýä döwletlerinde geçirilýän medeni çäreler dost-doganlyk gatnaşyklarymyzyň has-da berkeýändigini, medeniýet diplomatiýasynyň dabaralanýandygyny aýdyňlygy bilen açyp görkezer.

HABARLAR

No image
Garaşsyzlyk bagty – ykbalyň gül daragty

Kitaphanalar

16.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasy bilen Köpetdag etrap häkimliginiň bilelikde guramagynda «Garaşsyzlyk bagty – ykbalyň gül daragty» atly wagyz-nesihat çäresi geçirildi. Çärede çykyş edenler, bedew batly ösüşlere beslenýän şanly ýylymyzyň buýsançly şygary, Garaşsyz döwletimiziň 35 ýylyň içinde gazanan beýik üstünlikleriniň aýdyň beýany bolup, dost-doganlygyň, agzybirligiň, ynsanperwerligiň, asudalygyň mekanydygy barada gürrüň berdiler. Şeýle-de Garaşsyzlygyň halkymyzyň bagtyýarlygynyň we röwşen geljeginiň sarsmaz binýady bolup, eziz Watanymyza buýsanjyňy has-da artdyrýandygyny guwanç bilen beýan etdiler. Çäräniň ahyrynda oňa gatnaşyjylar halkymyzy ajaýyp döwürde ýaşadýan türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza çäksiz alkyşlaryny aýtdylar.

 No image
Owazasy arşa dolan bedewler

Kitaphanalar

16.09.2026

Türkmenistanyň Döwlet medeniýet merkeziniň Döwlet kitaphanasynyň hem-de Aşgabat şäheriniň Köpetdag etrap häkimliginiň bilelikde gurnamagynda, “Owazasy arşa dolan bedewler” atly wagyz-nesihat çäresi geçirildi. ”Aşgabat” teleýaýlymynyň ýazgy etmeginde geçirilen bu çärede, çykyş edenler mukaddes Garaşsyzlygymyzyň şanly 35 ýyllyk toýunyň öňüsyrasynda, Niderlandlar Patyşalygynyň Kronenberg şäherinde ahalteke atlarynyň arasynda atly sport we gözellik bäsleşikleriniň üstünlikli geçirilendigi hakynda täsirli söhbet etdiler. Gahryman Arkadagymyzyň niderland dilinde çap edilen “Atda wepa-da bar, sapa-da” atly ajaýyp kitabynyň tanyşdyrylyş dabarasynyň hem ýokary derejede geçirilendigini nygtadylar. Şonuň ýaly-da, Döwlet kitaphanasynyň gaznasyndan behişdi bedewlerimiziň waspyny ýetirýän “Bedew ösüşleriň nyşany” atly giňişleýin kitap sergisi gurnaldy. Wagyz-nesihat çäresiniň ahyrynda oňa gatnaşyjylar, bedew bady bilen öňe barýan ýurdumyzyň dünýädäki abraýyny has-da belende götermekde uly işleri alyp barýan, Gahryman Arkadagymyzyň hem-de hormatly Prezidentimiziň janlarynyň sag, ömürleriniň uzak bolmagyny, il-ýurt bähbitli döwletli işleriniň rowaçlyklara beslenmegini arzuw etdiler.

 No image
Ýol hereketiniň howpsuzlygy – ömrümiziň rahatlygy

Kitaphanalar

15.09.2026

Döwletmämmet Azady adyndaky Arkadag şäher kitaphanasynyň, Arkadag şäher häkimligi, Arkadag teleýaýlymy, Arkadag şäheriniň Medeniýet müdirligi, Türkmenistanyň Magtymguly adyndaky Ýaşlar guramasynyň Arkadag şäher Geňeşiniň bilelikde gurnamagynda “Ýol hereketiniň howpsuzlygy – ömrümiziň rahatlygy” atly wagyz-nesihat duşuşygy geçirildi. Çäräniň dowamynda ýol hereketiniň howpsuzlygyny gazanmak halkymyzyň bagtyýarlygyna badalgadyr. Her ýylyň sentýabr aýynda “Ýol hereketiniň howpsuzlygy – ömrümiziň rahatlygy” atly bir aýlygyň geçirilmegi, raýatlarymyzyň ömrüniň howpsuzlygynyň kepili bolan ýol hereketiniň kadalarynyň gyşarnyksyz ýerine ýetirilmegini gazanmaga gönükdirilendir. Bu çäre sürüjilerde-de pyýada ýolagçylarda-da ýol hereketiniň düzgünlerine jogapkärli garamak endigini terbiýeleýär - diýip, çykyş edenler bellediler.

 No image
Ahalteke bedewi – gözelligiň nusgasy

Kitaphanalar

15.09.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Ahalteke bedewi – gözelligiň nusgasy” atly kitap sergisini gurnady. Bu kitap sergisinde Niderlandlar Patyşalygynyň Limburg welaýatynyň Kronenberg şäherindäki Pilbergen atçylyk sport toplumynda Ahalteke atlarynyň arasynda atly sport we gözellik bäsleşiginiň dünýä çempionatynyň üstünlikli geçirilendigi baradaky maglumatlar, Gahryman Arkadagymyzyň hem-de Arkadagly Gahryman Serdarymyzyň nusgalyk eserleri ýerleşdirildi. Mundan başga-da bedewler bilen bagly edebiýatlar hem ýerleşdirildi. Bu kitap sergisi bedewlerimiziň taryhyny, gelip çykyşyny öwrenmäge uly mümkinçilik döretdi. Şeýle ajaýyp bagtyýar durmuşda ýaşadýan türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli beýik işleriniň rowaç bolmagyny arzuw etdiler.

 No image
Kitap sergisi

Kitaphanalar

15.09.2026

Türkmenistanyň Döwlet Medeniýet merkeziniň Döwlet kitaphanasynyň Daşary ýurt dillerindäki edebiýatlar bölüminde mukaddes Garaşsyzlygymyzyň şanly 35 ýyllygy mynasybetli kitap sergisi gurnaldy. Sergide Garaşsyzlyga bagyşlanan kitaplar ýerleşdirildi. Merdana halkymyzyň özbaşdak, Garaşsyz döwletli bolmak baradaky arzuwy 1991-nji ýylyň güýzünde hasyl bolup, Garaşsyz Türkmenistan döwleti dünýä ýaň saldy. Garaşsyzlyk halkymyzyň milli buýsanjydyr. Sergä gatnaşyjylar ajaýyp mümkinçilikleri döredip berýän türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlarynyň sag, belent başlarynyň aman bolmagyny, il-ýurt bähbitli döwletli işleriniň hemişe rowaçlyklara beslenmegini arzuw etdiler.

 No image
Ýol düzgünlerini – hökman berjaý edeliň!

Kitaphanalar

15.09.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasynyň guramagynda, “Ýol hereketiniň howpsuzlygy – ömrümiziň rahatlygy” atly biraýlyk mynasybetli “Ýol düzgünlerini – hökman berjaý edeliň!” atly gürrüňdeşlik geçirildi. Gürrüňdeşlikde çykyş edenler, her ýylyň sentýabr aýynda «Ýol hereketiniň howpsuzlygy – ömrümiziň rahatlygy» atly bir aýlygyň çäklerinde geçirilýän çäreler, ýurdumyzda ýol hereketiniň düzgünleriniň berjaý edilmegi netijesinde ilatyň saglygyny goramaga gönükdirilendigi barada gürrüň berdiler. Şeýle-de ýaş nesliň abadan we rahat durmuşda ýaşamaklary üçin birnäçe kada-kanunlaryň durmuşa geçirilýändigi hakynda belläp geçdiler. Gürrüňdeşligiň ahyrynda halkymyzy bagtyýar durmuşda ýaşadýan, türkmen halkynyň Milli Lideri Gahryman Arkadagymyzyň, hormatly Prezidentimiziň janlarynyň sag, belent başlarynyň aman bolmagyny, döwletli işleriniň elmydama rowaçlyklara beslenmegini arzuw etdiler.

 No image
Mukaddes Garaşsyzlygymyza bagyşlanan söhbetdeşlik

Kitaphanalar

15.09.2026

Türkmenistanyň Döwlet medeniýet merkeziniň Döwlet kitaphanasynyň Medeni-köpçülik işleri bölümi tarapyndan mukaddes Garaşsyzlygymyza bagyşlanan söhbetdeşlik geçirildi. Söhbetdeşlikde çykyş edenler ýürek buýsançlaryny beýan etmek bilen, bu ýylda eziz Watanymyzyň şöhratyny arşa göterýän mukaddes Garaşsyzlygymyzyň 35 ýyllyk şanly baýramynyň uludan toýlanýandygyny buýsanç bilen nygtadylar. Garaşsyz, baky Bitarap Türkmenistan döwletimiziň özbaşdaklygy, ata-babalarymyzyň döwletlilik ýol-ýörelgesi, halkymyzyň agzybirligi barada söhbet etdiler. Söhbetdeşligiň ahyrynda çykyş edenler, türkmen halkyny ýagty geljege alyp barýan, Gahryman Arkadagymyzyň, Arkadagly Gahryman Serdarymyzyň janlarynyň sag, beýik işleriniň üstünliklere beslenmegini tüýs ýürekden arzuw etdiler.

 No image
Wagyz-nesihat duşuşygy

Kitaphanalar

15.09.2026

Döwletmämmet Azady adyndaky Arkadag şäher kitaphanasynyň guramagynda, Arkadag şäheriniň 9-njy çagalar bagynda terbiýelenýän körpeleriň arasynda «Ýol hereketiniň howpsuzlygy — ömrümiziň rahatlygy» atly wagyz-nesihat duşuşygy geçirildi. Duşuşygyň esasy maksady ösüp gelýän ýaş nesillere ýol hereketiniň düzgünlerini öwretmekden, olarda jemgyýetçilik ýerlerinde özüňi alyp barmagyň medeniýetini kemala getirmekden ybarat boldy. Çäräniň dowamynda şular hakynda giňişleýin gürrüň edilip, çagalar bilen sowal-jogap alşyldy. Şeýle duşuşyklaryň, wagyz-nesihat çäreleriniň yzygiderli geçirilmegi çagalara ýol hereketi bilen bagly kadalary öwretmäge, şeýle hem, olaryň ylym-bilimli, giň dünýägaraýyşly şahsyýetler bolup ýetişmegine uly itergi berýär. Kitaphana işgärlerine halal zähmet çekmäge uly mümkinçilikleri döredip berýän, Gahryman Arkadagymyzyň hem-de hormatly Prezidentimiziň janlary sag, belent başlary aman bolsun, il-ýurt bähbitli alyp barýan tutumly işleri hemişe rowaçlyklara beslensin.

 No image
Çeper okaýyş

Kitaphanalar

15.09.2026

Türkmenistanyň Döwlet medeniýet merkeziniň Döwlet kitaphanasynyň Milli gaznahana ulgamyny döretmek, maglumatlary jemlemek, ulgamyň elektron binýadyny guramak we maglumatlar bilen alyşmak bölüminiň işgärleri, Aşgabat şäherinde ýerleşýän 26-njy çagalar bakja-bagynda terbiýelenýän körpeler bilen “Türkmenistan bagtly çagalaryň ýurdy” atly çeper okaýyş çäresini gurnadylar. Kitaphana işgärleri körpelere özleri üçin döredilýän mümkinçilikler hakynda gürrüň berdiler hem-de birnäçe gyzykly ertekileri okap berdiler. Ertekileriň gahrymanlary baradaky giňişleýin gürrüňler çagalarda uly täsirleri galdyrdy. Bakja-bagynda terbiýelenýän çagalar okalan ertekiler barada özlerini gyzyklandyrýan sowallara jogap tapdylar.

 No image
Kitap sergisi

Kitaphanalar

15.09.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Tebigaty goramak parzdyr” atly kitap sergisini gurnady. Bu kitap sergisinde Gahryman Arkadagymyzyň hem-de hormatly Prezidentimiziň nusgalyk eserleri ýerleşdirildi. Mundan başga-da, tebigata degişli beýleki edebiýatlara hem orun berildi. Kitap sergisine gelen okyjylar üçin bu ajaýyp edebiýatlary görmäge, öwrenmäge giň mümkinçilikler döredildi. Şeýle hem, sergä gatnaşyjylar ajaýyp bagtyýar durmuşda ýaşadýan türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli beýik işleriniň rowaç bolmagyny arzuw etdiler.