HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ŞANLY ÝYLYŇ ŞYGARY-KÖŇÜLLERIŇ ÇYRAGY

Kitaphanalar

19.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen Täze zaman, Garadaşaýak medeniýet öýleriniň bilelikde guramagynda 2026-njy ýyl “Garaşsyz baky Bitarap Türkmenistan-bedew batly at-myradyň mekany” ýyly mynasybetli «Şanly ýylyň şygary-köňülleriň çyragy» ady bilen wagyz-nesihat çäresi geçirildi. Çärede çykyş edenler ata Watanymyzyň Garaşsyzlygynyň özbaşdaklygy, şan-şöhratly ýollarynda ýetilen belent sepgitler dogrusynda, baky Bitaraplyk derejämiziň bütin dünýäniň ýüzünde ylalaşdyryjy merkez hökmünde belent abraýa eýe bolandygy barada giňişleýin gürrüň berdiler. Şeýle-de behişdi bedewlerimiz diňe bir türkmen halkynyň däl, eýsem, bütin adamzadyň gymmatlygy bolup, türkmen halkynyň göz guwanjy, buýsanjydyr diýip nygtadylar. Çäräniň ahyrynda behişdi bedewlerimize çäksiz sarpa goýýan, ýurdumyzyň geljegini ösüşli menzillere sary alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

DÖWLET KITAPHANASYNA GEZELENÇ

Kitaphanalar

19.02.2026

Türkmenistanyň Döwlet medeniýet merkeziniň Döwlet kitaphanasynyň Hyzmat ediş bölüminiň işgärleri Aşgabat şäheriniň 130-njy mekdebiniň ýokary synp okuwçylaryny kitaphananyň bölümleri bilen tanyşdyrmak maksady bilen gezelenç gurnadylar. Hormatly Prezidentimiz Arkadagly Gahryman Serdarymyz ajaýyp kitabynda ýaşlar barada şeýle belläp geçýär:” Ýaşlar döwletimiziň kuwwatly güýjüdir, halkymyzyň belent maksatlara ýugrulan nurana geljegi, türkmen halkynyň mertebesi, baky dowamatydyr” diýen ajaýyp setirlerinden ugur alyp kitaphanadaky gezelenç mekdep okuwçylarynda uly täsir galdyrdy hem-de olar özlerini gyzyklandyran soraglara jogap tapdylar. Gezelenje gatnaşan okuwçylar özlerine döredilýän şeýle ajaýyp mümkinçilikleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýürekden alkyş aýtdylar.

ÇAGALARYŇ GÜLKISI, DÜNÝÄNIŇ PARAHATLYGY

Kitaphanalar

19.02.2026

Ahal welaýat kitaphanasynyň Hyzmat etmek bölüminiň gurnamagynda Ak bugdaý etrabyndaky ýöriteleşdirilen 20-nji çagalar bakja-bagynda «Çagalaryň gülkisi, dünýäniň parahatlygy» atly çeper okaýyş geçirildi. Bu günki günde ýaşlar döwrebap bilimleri özleşdirip, jemgyýetimize we Watanymyza peýdaly adamlar bolup ýetişýärler. Şunda milli terbiýäniň, asylly ýörelgäniň ähmiýeti uludyr. Ýaş nesli terbiýelemekde, bilim öwretmekde bilim edaralary bilen bir hatarda kitaphanalaryň uly ornunyň bardygyny bellemek gerek. Çagalar baglarynda maksatlaýyn işler üstünlikli alnyp barylýar. Çagalar baglarynda berilýän terbiýe berk binýat bolup hyzmat edýär, bu terbiýe çaganyň aňynda berk ornaşýar. Şonuň üçin hem çagalar bagyndan başlap, çaganyň öwrenmek höwesini döretmek bilim işgärleri bilen kitaphanaçylaryň we terbiýeçileriň baş maksady bolup durýar. Olar ertekili kitaplary körpelere görkezýärler, şeýle hem ertekileri gyzykly we many-mazmunly gürrüň berýärler. Bu çagada irki ýaşdan ertekili kitaplara bolan gyzyklanmasyny döredip başlaýar. Çünki kitaphanaçylar çagalara ertekili kitaplary okap bermeli, kitap bilen dostlaşdyrmaly. Şunda üns bermeli zatlaryň biri hem, çaga üçin okap berilýän ertekiler onuň ýaşyna laýyk gelmelidir, onuň dünýä garaýşyny ösdürmelidir. Bu çaganyň irki ösüşine, kitaby okamaga bolan höwesine oňat täsir edýär. Çagalaryň irki ösüşinde kitap okap bermek, ertekileri gürrüň bermek ýaly ýörelgeleri berk berjaý etmek zerurdyr, çünki asylly terbiýe çaganyň irki ýaşynda, irki ösüşinde berk binýat bolmalydyr. Şeýlelikde, ol çaga kitap okamaga, milli ruhda terbiýelenmäge, watansöýüji şahsyýet bolup kemala gelmäge giň mümkinçilik alýar. 

KITAP RUHY HAZYNA

Kitaphanalar

18.02.2026

Türkmenabat şäheriniň merkezi kitaphanasynyň hünärmenleriniň gurnamagynda Türkmenabat şäheriniň 61–nji çagalar bagynyň körpeje çagalary bilen bilelikde «Kitap ruhy hazyna» atly kitaphana syýahat gurnaldy. Bu ýerde çagalar üçin niýetlenen ertekiler okalyp, olaryň mazmuny, terbiýeçilik ähmiýeti hakynda giňişleýin gürrüňler edildi. Ösüp gelýän ýaş nesilleriň bagtyýar durmuşda rahat dynç alyp, okap öwrenmäge döredilip berýän mümkinçilikleri üçin Gahryman Arkadagymyza, Arkadagly Gahryman Serdarymyza köp sagbolsun aýdýarys. 

TÜRKMEN HALK ERTEKILERINI SESLI AUDIO ÝAZGYLARDA DIŇLEMEK

Kitaphanalar

18.02.2026

Türkmenistanyň Bazar Amanow adyndaky döwlet çagalar kitaphanasy Ahal welaýatynyň Änew şäheriniň 15-nji çagalar bagynda “Türkmen halk ertekilerini sesli audio ýazgylarda diňlemek” atly söhbetdeşlik geçirdi.Söhbetdeşligiň dowamynda hünärmenimiz ilki bilen çagalara kitaphanamyzyň saýty bilen tanyşdyrdy hem-de şol ýerde islän kitaplaryny okap we audio ýazgyly kitaplary diňläp biljekdigini gürrüň berdi. Çagalar hem öz gezeginde saýtdaky audio ýazgyly ertekiler bilen tanyşyp özlerine gyzykly bolan ertekini saýlap uly höwes bilen diňlediler. Kitaphanaň hünärmeni ertekiler barada çagalar bilen gyzykly sorag jogaplary alyşdy. Söhbetdeşligiň soňunda hünärmen körpe jigilerimiziň kitaphanamyza gelip öz islän kitaplaryny öýe alyp okap biljekdigini nygtady.

GARAŞSYZ HEMIŞELIK BITARAP TÜRKMENISTAN-BEDEW BATLY ÖSÜŞLERIŇ ÝOLY BILEN

Kitaphanalar

18.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Türkmenistanyň Aragatnaşyk ministrliginiň politehniki orta hünär okuw mekdebiniň bilelikde guramagynda «Garaşsyz Hemişelik Bitarap Türkmenistan-bedew batly ösüşleriň ýoly bilen» ady bilen wagyz-nesihat çäresi geçirildi. Çärede çykyş edenler ýylymyzyň şygary ýurdumyzyň Garaşsyzlygynyň mizemezligi, hemişelik Bitaraplygymyzyň halkara derejede ykrar edilendigini, türkmen halkynyň belent maksatlaryny özünde jemleýän, türkmen bedewi halkymyzyň milli buýsanjynyň nyşany bolup şöhlelenýändigi barada gürrüň berdiler. Şeýle-de häzirki wagtda ýurdumyzda durmuşa geçirilýän özgertmeler, gazanylýan ösüşler uly üstünliklere eltýändigi, ýurdumyzda atçylyk sportyny ösdürmek, olaryň dünýädäki şöhratyny has-da belende götermek bilen baglanyşykly meseleler döwletimiziň hemişelik üns merkezinde saklanylýandygy barada hem belläp geçdiler. Çäräniň ahyrynda Berkarar Diýarymyzyň beýik ösüşlerini, abadan hem bagtyýar durmuşyň mekanyna öwürýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GARAŞSYZLYK ŞAN-ŞÖHRATYM BEDEW BATLY TÜRKMENISTAN

Kitaphanalar

18.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy bilen Maýa Kulyýewa adyndaky Türkmen milli konserwatoriýasynyň bilelikde guramagynda «Garaşsyzlyk şan-şöhratym, bedew batly Türkmenistan» ady bilen aýdym-sazly, wagyz-nesihat çäresi geçirildi. Çärede çykyş edenler biri-birinden zyýada gelýän ýyllar halkymyzyň ykbalyna bagtyýarlyk, rowaçlyk hem-de ösüş-özgerişlere beslenýän ýurdumyz şöhratly taryhymyza altyn harplar bilen ýazylandygy barada gürrüň berdiler. Şeýle-de her ýylyň döwrebap atlandyrylyp, jemgyýetçilik-syýasy ähmiýetli şygarlar bilen dabaralandyrylmagy halkymyzyň agzybirligini, ruhy bitewüligini pugtalandyrýan möhüm ýörelgä öwrülendigi barada çykyş etdiler. Çäräniň ahyrynda ýurdumyzy rowaçlyklaryň ýoly bilen ynamly öňe alyp barýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

«AÝDYM-SAZLY BEDEW BATLY DIÝARYM» ATLY GÖÇME-GÖZDEN GEÇIRIŞ KITAP SERGISI

Kitaphanalar

18.02.2026

Türkmenistanyň Döwlet medeniýet merkeziniň Döwlet kitaphanasynyň Sungat bölümi tarapyndan Maýa Kulyýewa adyndaky Türkmen milli konserwatoriýasynyň ýanyndaky ýörite sazçylyk mekdebinde “Aýdym-sazly bedew batly Diýarym” atly göçme-gözden geçiriş kitap sergisi gurnaldy. Türkmenistanyň Döwlet medeniýet merkeziniň Döwlet kitaphanasynyň Sungat bölümi Maýa Kulyýewa adyndaky Türkmen milli konserwatoriýasynyň ýanyndaky ýörite sazçylyk mekdebinde “Aýdym-sazly bedew batly Diýarym” atly göçme-gözden geçiriş kitap sergisini gurady. Bu göçme sergide kitaphanaçylar çykyş edip, Berkarar döwletiň täze eýýamynyň Galkynyşy döwründe adamy täze belentliklere galkyndyrýan, ruhuny belent edýän, adamzat nesilleriniň uçar ganaty bolan kitabyň gadyrynyň belent tutulýandygy hakynda söhbet etdiler. Sergide türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň eserleri şeýle-de Döwlet kitaphanasynyň baý kitap hazynasynda bar bolan sungat ussatlaryna bagyşlanyp ýazylan gollanmalar, nota neşirleri hem-de kitaplardan ýerleşdirildi. Mekdebiň okuwçylary göçme sergä işjeň gatnaşyp, türkmen medeniýetine we sungatyna goýýan sarpalary üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÜRKMEN DÖWLET MEDENIÝET INSTITUTYNYŇ TALYPLARY DÖWLET KITAPHANASYNDA GEZELENÇDE BOLDYLAR

Kitaphanalar

18.02.2026

Türkmenistanyň Döwlet medeniýet merkeziniň Döwlet kitaphanasynda Türkmen döwlet medeniýet institutynyň 1-nji ýyl talyplary kitaphananyň bölümleri we iş aýratynlyklary bilen tanyş boldylar. Ýaş nesillerimiziň kitaba bolan söýgüsini ösdürip, olara kitaphanamyzyň alyp barýan döwrebap işleri bilen tanyşdyrmakda kitaphana işgärleri giňişleýin maglumatlar berdiler. Gezelençde bolan talyplar kitap bilen dostlaşmagyň beýik geljege ýol açýandygyna göz ýetirdiler. Uly ynamdan, söýgüden ruhlanýan bagtyýar talyplar belent sepgitlere ýetmegi, ata Watanymyzyň dünýä ýüzündäki at-abraýyny ýokary derejelere götermegi öz öňlerinde borç edinip goýýandyklaryny buýsanç bilen bellediler. Talyp ýaşlar gezelenjiň ahyrynda ösüp gelýän ýaş nesillerimiziň okamagy- öwrenmegi, bagtyýar durmuşy hakynda uly işleri durmuşa geçirýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza hoşallyk sözlerini aýtdylar.

TÜRKMENISTANYŇ DÖWLET MEDENIÝET MERKEZINIŇ DÖWLET KITAPHANASYNYŇ SUNGAT BÖLÜMI «TÜRKMEN ZERGÄRÇILIK SUNGATY» ATLY SÖHBETDEŞLIK GEÇIRDI WE KITAP SERGISINI GURNADY

Kitaphanalar

18.02.2026

Türkmenistanyň Döwlet medeniýet merkeziniň Döwlet kitaphanasynyň Sungat bölümi “Türkmen zergärçilik sungaty” atly söhbetdeşlik geçirdi we kitap sergisini gurnady.Söhbetdeşlikde çykyş eden kitaphanaçylar–Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň goldaw bermeginde amaly-haşam sungatynyň milli gymmatlyklaryny gorap saklamakda, ylmy esasda öwrenmekde we olary dünýä tanatmakda uly işler alnyp barylýandygy barada çykyş etdiler.Talyp ýaşlarymyz we okyjylarymyz bolsa kitap sergisi bilen tanyş boldular. Türkmen halkynyň zergärçilik sungaty ruhy-durmuş zerurlygy bolup, özüniň çeperçilik taýdan kämilligi, milli öwüşgini bilen tapawutlanýar. Şonuň üçin döredilýän zergärçilik sungat eserleriniň işlenip bejerilişinde we nagyşlarynda halkyň milli we medeni aýratynlyklary, döredijilik ukyby öz beýanyny tapýar. Söhbetdeşligiň ahyrynda giň mümkinçilikleri döredýän Gahryman Arkadagymyza, Arkadagly Gahryman Serdarymyza bimöçber alkyşlaryny aýtdylar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

• ←
• 1
• ...
• 50
• 51
• 52
• ...
• 124
• →