HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ASMANYMYZ PARAHAT, DÜNÝÄ DOLSUN OWAZA, BEDEW ATYŇ BADYNA ÝOL UZASYN DOWAMA

Kitaphanalar

09.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasynyň gurnamagynda «Asmanymyz parahat, dünýä dolsun owaza, bedew atyň badyna ýol uzasyn dowama» ady bilen gürrüňdeşlik geçirildi. Gürrüňdeşlikde çykyş edenler Berkarar döwletiň täze eýýamynyň Galkynyşy döwründe agzybir, zähmetsöýer halkymyzyň ýagşy arzuwlar bilen garşy alan täze 2026-njy ýyly “Garaşsyz, baky Bitarap Türkmenistan - bedew batly at-myradyň mekany” ýyly bedew batly ösüşleriň, belent maksatlaryň myrat tapjak, taryhy ýeňişlere beslenjek, düşümli ýyl boljakdygy barada gürrüň berdiler. Şeýle-de Gahryman Arkadagymyzyň ahalteke bedewleri hakyndaky gymmatly kitaplary, türkmen bedewlerine döredilen atalar sözleriniň we nakyllarynyň many-mazmuny hakynda hem giňişleýin beýan etdiler. Gürrüňdeşligiň ahyrynda halkymyzyň eşretli durmuşda ýaşamagy üçin taýsyz tagallalary edýän Gahryman Arkadagymyza, Arkadagly Serdarymyza alkyş sözlerini aýtdylar.

BEDEW BATLY MAKSADYNA ÝETENIM, GARAŞSYZ BITARAP EZIZ WATANYM

Kitaphanalar

06.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Döwletmämmet Azady adyndaky Arkadag şäher kitaphanasynyň bilelikde guramagynda «Bedew batly maksadyna ýetenim, Garaşsyz Bitarap eziz Watanym» ady bilen söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda milli ykdysadyýetiň ähli ugurlarynda uly ösüşler, guwandyryjy we buýsandyryjy üstünlikler gazanylýandygy barada gürrüň berdiler. Şeýle-de türkmen halkynyň köpasyrlyk taryhynda hem-de özbaşdak ösüş ýolunda bedew aty milletimiziň ynamdar we ygtybarly ýoldaşy hökmünde aýratyn orunyň bardygy barda çykyş etdiler. Söhbetdeşligiň ahyrynda dünýä parahatçylyk taglymatyny dabaralandyrýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

BUDUR BEDEW BATLY ÝURDUŇ ŞANLARY, GARAŞSYZ ÝURDUMYŇ BAGTYÝARLYGY

Kitaphanalar

06.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Seýitnazar Seýdi adyndaky kitaphana şahamçasy bilen Aşgabat şäher häkimliginiň “Bagt köşgi” toý-dabaralary merkeziniň bilelikde guramagynda «Budur bedew batly ýurduň şanlary, Garaşsyz ýurdumyň bagtyýarlygy» ady bilen söhbetdeşlik geçirildi. Söhbetdeşlikde Türkmenistanyň Garaşsyzlygyny we özygtyýarlylygyny has-da şöhratlandyrmak, halkymyzyň bagtyýar durmuşyny üpjün etmekde gazanylýan üstünlikleri, bedew bady bilen ösüşleriň belentliklerine tarap ynamly gadam urýandygy barada gürrüň berdiler. Şeýle-de Berkarar Watanmyzyň dünýäni haýran galdyryjy galkynyşlaryny hem-de ähli ugurlarda gazanýan beýik ýeňişlerini dabaralandyrmak, diňe bir türkmen halkynyň däl eýsem, bütin adamzadyň bahasyna ýetip bolmajak gymmatlygy bolan ahalteke bedewleriniň şöhratyny has-da beýgeltmekde uly işleriň alnyp barylýandygy barada söhbet etdiler. Söhbetdeşligiň ahyrynda ata Watanymyzyň dünýädäki abraýyny has-da beýgeldip, behişdi bedewlerimize aýratyn gadyr goýýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÜRKMEN ŞAÝ-SEPLERI GÖZELLIGIŇ BEZEGI

Kitaphanalar

06.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynyň guramagynda talyp ýaşlaryň arasynda «Türkmen şaý-sepleri gözelligiň bezegi» ady bilen gürrüňdeşlik geçirildi. Gürrüňdeşlikde halkymyzyň köpasyrlyk durmuş tejribesi esasynda toplanan milli mirasymyzyň aýrylmaz bölegine öwrülen medeni gymmatlyklarymyzy öwrenmek, olaryň gadymy nusgalaryny ýüze çykarmak, hem-de geljekki nesillere ýetirmek ugrunda yzygiderli tagallalar edilýändigini, eli hünärli ata-babalarymyzyň amaly-haşam sungatynyň zergärçilik ugruny kämil derejä ýetirip bu ugurda halkyna nusga alarlyk miras goýandyklary barada gürrüň berdiler. Şeýle-de türkmen zergärleri halkyň gadymy we kämil nusgasyna degişli bolan gelin-gyzlaryň bezeg şaýlaryna özleriniň ýagşy umyt- arzuwlaryny, çeper pikirlerini we yhlaslaryny siňdirendikleri barada hem aýdyp geçdiler. Gürrüňdeşligiň ahyrynda milli mirasymyzy, medeni gymmatlyklarymyzy öwrenmek, gorap saklamak, olaryň ähmiýetini dünýä jemgyýetçiligine giňden ýaýmak ugrynda uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GAHRYMAN ARKADAGYMYZYŇ ESERLERINDE TÜRKMEN BEDEWINIŇ WASPY

Kitaphanalar

05.02.2026

Türkmenistanyň Döwlet medeniýet merkeziniň Döwlet kitaphanasy bilen Aşgabat şäher medeniýet müdirliginiň merkezleşdirilen kitaphanalar ulgamynyň kitaphana işgärleri “Aşgabat” teleýaýlymynyň “Älem syry kitap bilen açylýar” gepleşigi tarapyndan Gahryman Arkadagymyzyň “Atda wepa-da bar, sapa-da”,”Ganatly bedewler”, ”Gadamy batly bedew” atly ajaýyp eserlerinden ýazgy etdiler.Çykyş edenler bu eserleriň milli buýsanjymyz bolan bedewlerimiziň müňýyllyklaryň dowamynda beýik sungat hökmünde kemala gelişi, gylyk-häsiýetleri barada gymmatly maglumatlaryň çeşmesi bolup, türkmen halkynyň buýsançly başyny göge ýetirdi diýip buýsanç bilen çykyş etdiler we deňi -taýy bolmadyk ajaýyp bedewlerimiziň şan-şöhratyny arşa galdyrmakda uly işleri alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

AJAÝYP AT BERIP ÝYLYŇ ADYNA-BAT GOŞDUŇYZ ÖSÜŞLERIŇ BADYNA

Kitaphanalar

05.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasy bilen 132-nji orta mekdebiniň bilelikde guramagynda «Garaşsyz, baky Bitarap Türkmenistan-bedew batly at-myradyň mekany» ýyly mynasybetli «Ajaýyp at berip ýylyň adyna - bat goşduňyz ösüşleriň badyna» ady bilen aýdym-sazly, wagyz-nesihat çäresi geçirildi. Çärede çykyş edenler halkymyzyň buýsanjyna, tutuş adamzadyň genji–hazynasyna öwrülen ahalteke bedewleri Berkarar döwletiň täze eýýamynyň Galkynyşy döwründe halkyň belent ruhyny, ösüşlerimiziň ýokary depginini aýdyň görkezýändigi barada gürrüň berdiler. Şeýle-de “Garaşsyz, baky Bitarap Türkmenistan–bedew batly at-myradyň mekany” ýylynda mukaddes Garaşsyzlygymyzyň, hemişelik Bitaraplygymyzyň taryhy ähmiýetini, dünýä derejesinde ykrar edilen ata Watanmyzyň bedew batly ösüşleri, milli gymmatlyklarymyzyň belent sarpasy aýdyň şöhlelenýändigi barada çykyş etdiler. Çäräniň dowamynda 132-nji orta mekdep okuwçylarynyň ýerine ýetirmeginde watanmyzy wasp edýän aýdym-sazlar ýaňlanyp çärä gatnaşýanlara ruhy lezzet paýlady. Çäräniň ahyrynda Türkmen halkymyzy bedew batly ösüşler bilen ak ýollardan alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GAHRYMAN ARKADAGYMYZYŇ KITAPLARY GELJEGE ŞAMÇYRAGDYR

Kitaphanalar

05.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagyr ýaşaýyş toplumynyň kitaphana şahamçasynyň guramagynda «Gahryman Arkadagymyzyň kitaplary geljege şamçyragdyr» ady bilen gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe alym Arkadagymyzyň döredijilik zehininiň miwesi bolan ajaýyp kitaplarynyň terbiýeçilik ähmiýetiniň ulydygyny, şeýle hem halkyň kalbynyň nuruna öwrülip, geljekki ýaş nesillere edebi miras, aýdyň ýol, her bir işde uly gollanma hem-de maglumat çeşmesi bolup durýandygy barada giňişleýin gürrüň berdiler. Gürrüňdeşligiň dowamynda Gahryman Arkadagymyzyň “Atda wepa-da bar, sapa-da” atly ajaýyp eserinden birnäçe atalar sözüni, türkmen bedewlerine degişli birnäçe gyzykly maglumatlary okap berdiler. Gürrüňdeşligiň ahyrynda şeýle gymmatly eserleri halkymyza peşgeş berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MILLI NAGYŞLARYMYZ-MILLI MIRASYMYZ

Kitaphanalar

05.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasynyň guramagynda «Milli nagyşlarymyz-milli mirasymyz» ady bilen gürrüňdeşlik geçirildi. Gürrüňdeşlikde eziz Watanymyzda Gahryman Arkadagymyzyň, Arkadagly Gahryman Serdarymyzyň parasatly baştutanlygynda milli mirasymyzy öwrenmekde, ösdürmekde möhüm işleriň alnyp barylýandygyny, sungat derejesine ýetirilen nusgalyk mirasymyzyň gadyr-gymmatynyň has-da belentde tutulýandygy barada gürrüň berdiler. Şeýle-de ene-mamalarymyzdan gelýän bu ajaýyp sungat häzirki döwrümizde-de öz gymmatyny, gözelligini, nepisligini ýitirmän toý-baýramlarymyzda öýlerimiziň törüni hem-de gyz-gelinlerimiziň lybaslaryny bezäp, halkymyzyň milli keşdeçilik sungatynyň asyrlar aşyp, heňňamlar aýlansa-da üýtgemän, şol bir nepisligini saklap, barha görklenýändigi barada belläp geçdiler. Gürrüňdeşligiň ahyrynda gülläp ösýän ýurdymyzda milli gymmatlyklarymyzy ýaşlarymyza giňden wagyz etmäge uly mümkinçilikler döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

«ÇAGANY ÝAŞDAN, EDEBI BAŞDAN» ATLY EDEBI ÇAGA TERBIÝESINIŇ ÖZENI HAKDA GÜRRÜŇDEŞLIK

Kitaphanalar

05.02.2026

Türkmenistanyň Bazar Amanow adyndaky döwlet çagalar kitaphanasynyň kiçi ýaşly okyjylaryň hyzmat ediş bölüminiň Aşgabat şäheriniň ýöriteleşdirilen 76-njy orta mekdep bilen bilelikde «Garaşsyz, Baky Bitarap Türkmenistan-Bedew batly at-myradyň mekany» ýylynda «Çagany ýaşdan, edebi başdan» atly edebi çaga terbiýesiniň özeni hakda gürrüňdeşlik geçirdi. Gürrüňdeşligiň dowamynda eşretli zamanamyzda mähriban Arkadagly Serdarymyzyň ýaş nesillerimiz üçin döredip berýän ägirt uly işlerine köp sag bolsun aýdyp, açylyş sözünden soňra, türkmen halk döredijiliginiň görnüşleri bolan nakyllaryň, ertekileriniň, sanawaçlaryň, tapmaçalaryň üsti bilen köp zatlary öwrenip boljakdygyny, olaryň edep-terbiýede tutýan ornunyň örän uludygyny giňişleýin gürriň berdi. Şeýle-hem mekdebiniň okuwçylaryny öz gezeginde hem öwrenip gelen ajaýyp goşgularyny, nakyllaryny aýdyp berdiler. Gürrüňdeşligiň soňunda bagtyýar döwründe ýaş nesillerimize okamaga, öwrenmäge uly mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

MILLI MIRAS EBEDIDIR

Kitaphanalar

05.02.2026

Berkarar döwletiň täze eýýamynyň Galkynyşy döwründe 2026-njy ýyly “Garaşsyz, baky Bitarap Türkmenistan- bedew batly at- myradyň mekany” diýip atlandyrylýan ýylymyzda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň baştutanlygynda gymmatly edebi mirasymyzy öwrenmeklige uly mümkinçilikler döredilýär. Bu günki günde ösüp gelýän ýaş nesillere taryhymyzy- edebi mirasymyzy öwrenmäge ähli şertler döredilýär. Döwlet kitaphanasynyň Seýrek neşirler bölümi tarapyndan bölümiň okalga zalynda “Milli miras ebedidir” atly kitap sergisi gurnaldy. Sergimizde Türkmen döwlet medeniýet we sungat mekdebiniň 2-nji ýyl talyplarynyň gatnaşmagynda Seýrek neşirler bölüminde bar bolan gadymy kitaplaryň,we täze gelen neşirler ýerleşdirildi. Bu sergi talyplarda uly täsir galdyrdy. Milli mirasy öwrenmek we olary düýpli ýola goýmak bilen, halkymyza asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredildi. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini arzuw etdiler.

• ←
• 1
• ...
• 54
• 55
• 56
• ...
• 124
• →