HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

«NESILLERE NUSGALYK» ATLY TÜRKMENISTANYŇ HALK ÝAZYJYSY ATA GOWŞUDOWYŇ DÖREDIJILIGI BARADA

Kitaphanalar

11.02.2026

Türkmenistanyň Bazar Amanow adyndaky Döwlet çagalar kitaphanasy ýakynda Döwletmämmet Azady adyndaky Arkadag şäher kitaphanasynda “Arkadag” teleýaýlymynyň ýazgy etmeginde “Nesillere nusgalyk” atly söhbetdeşlik geçirdi. Ata Gowşudow türkmen edebiýatynda aýratyn orny bolan ussat ýazyjydyr. Onuň döredijiligi halkymyzyň durmuşyndan, taryhyndan, we milli däp-dessurlaryndan ylham alýar. Ussat ýazyjynyň “Perman” romany, “Dordepel” powesti “Mähri-Wepa” romany we başgada birnäçe taryhy eserler we olaryň ýaş nesilleri terbiýelemeklikde ähmiýeti barada söhbetdeşligiň baryşynda täsirli gürrüňler edildi. Aýratyn hem Arkadag şäheriniň köçeleriniň birine Ata Gowşudowyň adynyň dakylmagy–onuň türkmen edebiýatyna goşan uly goşandynyň, ýaş nesli terbiýelemeklikdäki hyzmatlarynyň we halk arasynda gazanan hormatynyň döwlet derejesinde ykrar edilýändiginiň aýdyň nyşanydygy hakynda buýsançly gürrüňler edildi. Söhbetdeşligiň ahyrynda oňa gatnaşanlar türkmen halkyna mirasa hormat goýmagyň, milli gymmatlyklary sarpalamagyň kämil nusgalyk ýoluny görkezip edebiýatymyzyň baýlaşmagyna goşant goşan şahsyýetleri sarpalaýan Gahryman Arkadagymyza hem-de Arkadagly Gahryman Serdarymyza alkyşlary beýan etdiler.

DIÝARYMYZYŇ DOST-DOGANLYK GATNAŞYKLARY BELENDE GALÝAR

Kitaphanalar

11.02.2026

Lebap welaýat kitaphanasynda bu medeni ojagyň we Türkmenistanyň Kärdeşler arkalaşyklarynyň Lebap welaýatynyň Farap etrap birleşmesi, Türkmenistanyň Agrar partiýasynyň Lebap welaýat komiteti bilen bilelikde gurnamaklarynda “Diýarymyzyň dost-doganlyk gatnaşyklary belende galýar” atly mowzuk agşamy geçirildi. Çykyşlarda esasanam hemişelik Bitaraplyk hukuk ýagdaýyna eýe bolmak bilen, Türkmenistan garaşsyz döwlet hökmünde özüni tanatmak, içerki ykdysady we diplomatik potensialyny durmuşa geçirmek üçin goşmaça mümkinçilikleri gazandy. Has dogrusy, Türkmenistanyň Bitaraplyk hukuk ýagdaýy ýurdumyzyň daşary syýasatyny amala aşyrmak üçin täsirli diplomatik guraldyr. Bitaraplyk hukuk ýagdaý ýurtlara halkara we diplomatik abraýyny berkitmäge, işjeň ykdysady, institusional, söwda we dünýä jemgyýetçiliginiň beýleki agzalary bilen köptaraplaýyn gatnaşyklary ösdürmäge mümkinçilikleri döredýär. Şol jähetden Bitarap Türkmenistan halkara hukugyň deň derejeli agzasy bolmak bilen, döwletara diplomatik gatnaşyklary ýola goýmak we ösdürmek işine işjeň gatnaşyp gelýär diýip bellediler. Gatnaşyjylar kitaphana işgärleri tarapyndan “Türkmenistan abadançylygyň we asudalygyň mekany” ady bilen guralan giňişleýin kitap sergisine syn etdiler. Çykyşlarda asuda asmanymyzda ýaşamana, işlemäne döredilýän mümkinçilikleri üçin Türkmen Halkynyň Milli Lideri Gahryman Arkadagymyza, Hormatly prezidentimiz Arkadagly Gahryman Serdarymyza ýüreginiň töründen çykýan alkyşlaryny beýan etdiler.

KITAPHANAMYZA TALYP ÝAŞLARYŇ GEZELENJI

Kitaphanalar

10.02.2026

Türkmenistanyň Döwlet medeniýet merkeziniň Döwlet kitaphanasynyň Hyzmat ediş bölümi Türkmen döwlet medeniýet institutynyň 1-nji ýyl talyplary bilen gezelençde boldylar, hem-de olar kitaphananyň ähli bölümlerinde alnyp barylýan döwrebap işler bilen tanyşdylar we özlerini gyzyklandyrýan soraglara jogap tapdylar. Bu günki gün Berkarar döwletiň täze eýýamynyň Galkynyşy döwründe ýurdumyzda ähli ulgamlar bilen bir hatarda, bilim ulgamyny ösdürmek, okatmagyň usulýetini kämilleşdirmek, sanly bilim ulgamyny ornaşdyrmak boýunça giň gerimli işler alnyp barylýar. Gadymýetiň baý taryhyny sahypalarynda saklaýan kitaplaryň kitaphanalarda aýawly saklanyp ýaş okyjylarymyza ýetirýändikleri üçin kitaphana işgärlerine minnetdarlyk bildirmek bilen çäklenmän eýsem kitaphana bilen ýakyndan aragatnaşyk saklajakdyklaryny talyp ýaşlarymyz uly buýsanç bilen bellediler.Gezelenje gatnaşan talyplar halkymyzyň ruhy gymmatlyklaryna uly sarpa goýup, ýaşlara okamaga we döretmäge giň mümkinçilikleri döredip berýän, nusgalyk işleri alyp barýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýürekden alkyş aýtdylar.

TÜRKMENISTAN ABADANÇYLYGYŇ WE ASUDALYGYŇ MEKANY

Kitaphanalar

10.02.2026

Lebap welaýat kitaphanasynda orta mekdepleriň okuwçylarynyň gatnaşmaklarynda “Türkmenistan abadançylygyň we asudalygyň mekany” ady bilen sergi guraldy. Bu ýerde esasanam Garaşsyz Watanymyzyň ösüşinde taryhy ähmiýetli üstünlikler, her ýylyň mynasyp şygara beslenmegi, durmuşa geçirilýän wakalaryň mazmunynda uly orun eýeleýändigi, bu bolsa bagtyýar ýaşlaryň döwlet ösüşiniň ähli ugurlarynda amala aşyrýan işleriniň netijesi bilen aýrylmaz baglanşyklydygy barada kitaphana işgärleri tarapyndan giň gürrüňler berildi. Gatnaşyjylar giňişleýin kitap sergisine syn edip ýurdumyzda ýaşlaryň ylymly-bilimli, giň dünýä garaýyşly ýaşlar bolup ýetişmekleri üçin döredilýän mümkinçiliklerine Türkmen Halkynyň Milli Lideri Gahryman Arkadagymyza, Hormatly prezidentimiz Arkadagly Gahryman Serdarymyza ýüreginiň töründen çykýan alkyşlaryny beýan etdiler.

ÝYLYMYZYŇ ŞYGARY-DÖWRÜMIZIŇ ÇYRAGY

Kitaphanalar

10.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy, Bagtyýarlyk Medeniýet köşgi hem-de 7-nji çagalar sungat mekdebiň bilelikde guramagynda “Garaşsyz, baky Bitarap Türkmenistan-bedew batly at-myradyň mekany” ýyly mynasybetli «Ýylymyzyň şygary-döwrümiziň çyragy» ady bilen Medeniýet köşgünde kitap sergisi gurnaldy we gürrüňdeşlik geçirildi. Gürrüňdeşlikde Gahryman Arkadagymyzyň başlangyjy boýunça her ýyla at bermek ajaýyp däbe öwrülip, ösüşiň täze tapgyrynyň esasy ugurlarynyň yglan edilmegi, raýatlaryň watançylyk ruhuny belende götermäge, olar ýurdumyzda alnyp barylýan ägirt uly işlere şahsy goşant goşmaga, höwesini artdyrmaga ýardam edýändigi barada gürrüň berdiler. Şeýle-de Berkarar döwletiň täze eýýamynyň Galkynyşy döwründe Türkmenistanda atçylygy we atçylyk sportuny ösdürmäge, tejribeli atşynaslary, seýisleri, çapyksuwarlary, beýleki hünärmenleri taýýarlamaga, olaryň ýaşaýyş-durmuş derejesini ýokarlandyrmak üçin ähli zerur şertleri döretmäge aýratyn üns berilýändigi, ahalteke atçylyk sungatynyň we atlary bezemek däpleriniň ÝUNESKO–nyň Adamzadyň maddy däl medeni mirasynyň sanawyna girizilmegi bu ugurdaky döwlet syýasatynyň möhüm üstünligi boldy diýip çärede çykyş etdiler. Gürrüňdeşligiň ahyrynda, Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GAHRYMAN ARKADAGYMYZYŇ «HAKYDA GÖWHERI» ATLY KITABYNDAN

Kitaphanalar

10.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasynyň guramagynda Türkmen döwlet medeniýet we sungat mekdebiniň talyp ýaşlarynyň gatnaşmagynda Gahryman Arkadagymyzyň «Hakyda göwheri» atly kitabyndan gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe, günsaýyn ösýän-özgerýän diýarymyzda halkymyz tarapyndan uly söýgi bilen okalýan Gahryman Arkadagymyzyň “Hakyda göwheri” atly eseri Garaşsyz, hemişelik Bitarap Türkmenistan döwletimiziň ösüşine, halkyň ruhy-ahlak gymmatlyklaryna we milli mirasa bagyşlanyp, bu kitapda merdana halkymyzyň asyrlaryň jümmüşine uzap gidýän şöhratly ýoly, dünýä ösüşine goşan ägirt uly goşandy, görnükli şahsyýetlerimiziň amala aşyran beýik işleri taryhy maglumatlar arkaly täsirli beýan edilýändigi barada gürrüň berdiler. Gürrüňdeşligiň ahyrynda halkymyzyň şöhratly taryhyny sarpalaýan, ýurdumyzyň geljegini ösüşli menzillere sary alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

«ÇAGA HYÝALY–JADYLY GALAM» ATLY BÄSLEŞIGIŇ ÝEŇIJISI

Kitaphanalar

10.02.2026

Türkmenistanyň Bazar Amanow adyndaky döwlet çagalar kitaphanasynyň “Garaşsyz, baky Bitarap Türkmenistan–bedew batly at-myradyň mekany” ýylynda mekdep okuwçylarynyň arasynda geçiren “Çaga hyýaly–jadyly galam” atly döredijilik bäsleşiginde ýeňiji bolan Aşgabat şäheriniň ýöriteleşdirilen 30-njy orta mekdebiniň 4-nji “A” synp okuwçysy Alihan Kuwwatberdiýewi mekdebiň müdiri, mugallymlary hem-de okuwçylary dabaraly ýagdaýda gutladylar. Geljekde-de şeýle bäsleşiklere gatnaşyp ýeňiş gazanmagyny tüýs ýürekden arzuw etdiler. Hormat haty hem-de ýadygärlik sowgatlary gowşurdylar. Dabaranyň ahyrynda ýaş nesilleriň döwrebap bilim alyp, ukyp-başarnyklaryny has-da ösdürmegine giň mümkinçilikler döredip berýän Gahryman Arkadagymyza hem-de Arkadagly Gahryman Serdarymyza alkyş sözleri beýan edildi.

TÜRKMEN HALK ERTEKILERINDE BEDEW ATYŇ KEŞBI

Kitaphanalar

10.02.2026

Türkmenistanyň Bazar Amanow adyndaky Döwlet çagalar kitaphanasy ýakynda “Türkmenistan” teleýaýlymynyň ýazgy etmeginde “Türkmen halk ertekilerinde bedew atyň keşbi” atly söhbetdeşlik geçirdi. Türkmen halk ertekilerinde bedew atlarynyň şöhlelendirilmegi aýratyn ähmiýete eýedir. Bedew köplenç kuwwatlylyk, batyrlyk, ygtybarly dost hökmünde janlandyrylmak bilen gahrymanlaryny maksadyna ýetirmek ýaly gyzykly başdan geçirmeler görkezýär. Aýratyn hem “Görogly” şadessanynda Göroglynyň çagalykdan eýere imrinmegi Göroglynyň uly gahrymançylyk görkezmeginde onuň Gyratynyň bitirýän hyzmaty uly. Ol Göroglynyň ähli hereketlerine düşünýär. Ýyndam, dözümli, örän görmegeý bu at Görogly agyr ýagdaýa uçraýanda-da ony ýeke taşlap gitmeýär. Ine, şonuň üçin hem duşman Gyraty ogurlamak, Göroglyny elsiz-aýaksyz goýmak üçin elinde baryny edýär. Şeýlelikde “Görogly” şadessanynda hem bedewler eýesine wepadarlygyň kämil nusgalyk mekdebi bolup çykyş edýär. Söhbetdeşligiň dowamynda ine şular barada gyzykly gürrüňler edildi. Söhbetdeşligiň ahyrynda bedew batly öňe barýan diýarymyzda ýaş nesilleriň giň dünýägaraýyşly bolup ýetişmeklerinde uly tagallalary durmuşa geçirýän Arkadagly Gahryman Serdarymyza alkyşlary beýan etdiler.

KEŞDEÇILIK SUNGATY-UMUMADAMZAT MIRASY

Kitaphanalar

09.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda 95-nji orta mekdepde «Keşdeçilik sungaty-umumadamzat mirasy» ady bilen gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary bilen milli däp-dessurlarymyzy, ýol-ýörelgelerimizi, ene-mamalarymyzdan gelýän inçe hem nepis sungatymyzyň öz ähmiýetini ýitirmän, döwrebap görnüşde we gadymy nusgalarda dowam etdirilýändigi barada giňişleýin gürrüň berdiler. Şeýle-de türkmeniň keşdeçilik sungaty ussat gelin-gyzlarymyzyň çeper gözlegleri bilen has-da baýlaşdyrylýandygy, owadan nagyşlar bilen bejerilen milli egin-eşikler köýnekler, kürteler, çyrpylar, gyňaçlar, düýpli gyňaçlar, tahýalar häzirki günlerde-de halkyň arasynda giňden ýaýrandygy barada çykyş etdiler. Gürrüňdeşligiň ahyrynda milli gymmatlyklarymyzy, nepis el-işlerimizi sungat derejesine ýetirmekde uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ÝAZYJY-ŞAHYRLARYŇ DÖREDIJILIGI, ÝAŞ NESILLERE TERBIÝE MEKDEBI

Kitaphanalar

09.02.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasynyň guramagynda120-nji orta mekdepde «Ýazyjy-şahyrlaryň döredijiligi, ýaş nesillere terbiýe mekdebi» ady bilen täze gelen kitaplara gürrüňdeşlik geçirildi. Çärede çykyş edenler ýurdumyzyň görnükli ýazyjy şahyrlaryň döredijiligi, halkyň jemgyýetçilik, ahlak we ruhy taýdan kemala gelmeginde möhüm ornunyň bardygyny, bu bolsa ýazyjy-şahyrlaryň eserleri halkyň duýgularyny, düşünjelerini we öňe sürýän pikirlerini beýan etmek bilen, ýaşlaryň terbiýelenmegine, jemgyýetde has kämil nesiller bolup ýetişmegine giň ýol açýandygy barada gürrüň berdiler. Çäräniň dowamynda ýazyjy şahyrlaryň eserleri - bu halkyň ruhy dünýäsiniň, ýaşaýyş durmuşynyň, arzuw-islegleriniň hem-de taryhy tejribesiniň aýnasy bolup durýandygy barada belläp geçdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 53
• 54
• 55
• ...
• 124
• →