Muzeýler
13.10.2026Ýakynda «Awaza» milli syýahatçylyk zolagynda ýaýbaňlandyrylan iri halkara çäreleriň çäklerinde, Balkan welaýatynyň Türkmenbaşy şäherindäki Ruhyýet köşgünde «Tatar gyzy — 2026» atly halkara bäsleşigi hem geçirildi. Bäsleşigiň çäklerinde Türkmenistanyň Şekillendiriş sungaty muzeýi muzeý gymmatlyklaryndan düzülen baýramçylyk göçme sergisini gurnady. Sergide Türkmenistanyň halk suratkeşleriniň ýerine ýetiren nakgaş eserleri görkezildi.
Muzeýler
13.10.2026Arkadag şäheriniň taryhy we ülkäni öwreniş muzeýiniň hem-de Arkadag teleýaýlymynyň bilelikde taýýarlamagynda “Çaga kalbynyň owazy” atly aýdym-sazly ýazgy geçirildi. Ýazgyda Ahal welaýatynyň Gökdepe etrabynyň Mylly Täçmyradow adyndaky çagalar sungat mekdebiniň mugallymlary we okuwçylary çykyş etdiler. Berkarar döwletimiziň bagtyýarlyk döwründe hormatly Prezidentimiz halkymyzyň ruhy dünýäsini baýlaşdyrmakda, türkmen medeniýetini, sungatyny äleme ýaýmakda nusgalyk işleri amala aşyrýar. Çagalyk ömrümiziň iň arassa, iň röwşen we aladasyz döwri. Körpelerimiziň nepesinde päklik, gözlerinde bolsa geljege bolan uly umyt bar. Şu ajaýyp we päkize duýgular “Çaga kalbynyň owazy” atly aýdym-sazly dabarada belentden ýaňlandy. Çagalar bütin dünýäniň bezegi, durmuşymyzyň manysydyr. Olaryň kalbyndan çykan joşgunly aýdymlarda Watana bolan söýgüsi, Berkarar zamanyň wasp edilmegi esasy orny eýeleýär. Çagalaryň sungata bolan söýgisini artdyrmak, olaryň zehinini ýüze çykarmak we olara bagtyýar çagalygy bagyş etmek biziň baş maksadymyzdyr. Çaga kalbynyň owazy mydama belentden ýaňlansyn, ýaşajyk ýürekleriň şatlygy hem-de gülküsi ömrümizi hemişe bezesin! Aýdym-sazly ýazga gatnaşyjylar ýaş nesillere okamaga, öwrenmäge giň mümkinçilikleri döredip berýän türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza çäksiz hoşallyklaryny aýtdylar.
Muzeýler
09.10.2026Berkarar döwletiň täze eýýamynyň Galkynyşy döwründe halkymyzyň medeni gymmatlyklaryny, milli mirasyny gorap saklamak möhüm ugurlaryň biri bolup durýar. «Garaşsyz, baky Bitarap Türkmenistan – bedew batly at-myradyň mekany» ýylynyň 8-nji oktýabrynda «Awaza» milli syýahatçylyk zolagyndaky suw çüwdürimler toplumynyň kenarýaka böleginde, Garaşsyz Döwletleriň Arkalaşygyna agza döwletleriň we Eýran Yslam Respublikasynyň milli tagamlarynyň sergisi geçirildi. Onuň çäklerinde guralan muzeý gymmatlyklaryndan düzülen sergi hem gelen myhmanlarda uly täsir galdyrdy. Türkmenistanyň Şekillendiriş sungaty muzeýiniň hünärmeni Güljeren Atabaýewa sergide çykyş etdi. Ol çykyşynda döredilýän giň mümkinçilikler üçin, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdi.
Muzeýler
09.10.2026Arkadag şäheriniň taryhy we ülkäni öwreniş muzeýiniň hem-de Arkadag teleýaýlymynyň bilelikde taýýarlamagynda «Zenanlaryň yhlasyndan döreýän nepislik» atly gepleşigiň çäklerinde türkmen milli tahýalar barada söhbetdeşlik geçirildi. Türkmen tahýasy – medeni gymmatlyklarymyzyň biridir. Ol milli baş gaplaryň arasynda çeperçilik taýdan gaýtalanmajak kämil bezel işi bilen tapawutlanýar. Ynsan başynyň täjine deňelýän tahýanyň täsin nagyşlarynyň mazmunyna kalbyň iň päk arzuw-hyýallary, maksat-myrady, gadymy ynançlar, paýhas-parasatly ruhy ýörelgeler siňdirilipdir. Türkmen tahýasynda ene topragyň ýylysy, zenan kalbynyň mähri, gözel tebigatyň ajaýyplyklary jemlenendir. Söhbetdeşlikde türkmen gözelleri keşdeçilik sungatynyň iň gadymy görnüşlerini tahýalara siňdirilen. «Gülýaýdy», «sekdirme», «guşgözi», «sekizkeşde», «çopanýoly», «süňşük» ýaly nagyşlaryň taryhy, aňladýan manylary barada gürrüň edildi. Şeýle hem nagyşlarda halkymyzyň watanperwerliginiň, zähmete bolan söýgüsiniň, tebigat bilen sazlaşygynyň, maşgala wepalylygynyň, özara sylag-hormatynyň jemi jemlendir. Tahýalar biçilip tikilende niýetlenen adamyň kellesiniň ölçegine görä alynýar. Keşdelenende sapaklaryň reňkine görä, ilki garalanyp hem gyzyllanyp, soňra sary, ak ýaly açyk sapaklar bilen keşdelenýär. Tahýalar ýaş aýratynlygyna görä geýilýär.Häzirki wagtda hem türkmen tahýasy gündelik durmuşda, baýramçylyklarda we milli dabaralarda buýsanç bilen geýilýär, türkmen medeni mirasynyň müdimi nyşany hökmünde giňden saklanyp galandyr. Söhbetdeşligiň ahyrynda oňa gatnaşyjylar Gahryman Arkadagymyzyň, peder pendine eýerýän, türkmen halkyny ýagty geljege alyp barýan Arkadagly Gahryman Serdarymyza alkyş sözlerini aýtdylar.
Muzeýler
08.10.2026Arkadag şäher häkimliginde “Türkmenistanyň mukaddes Garaşsyzlygy – berkarar döwletimiziň bedew batly ösüşiniň berk binýady" atly hoşallyk maslahaty geçirildi. Maslahatyň çäklerinde Arkadag şäheriniň Taryhy we ülkäni öwreniş muzeýiniň muzeý gymmatlyklaryndan sergi gurnaldy. Maslahatyň öňüsyrasynda oňa gatnaşyjylar köpöwüşginli sergini synladylar. Sergide ýurdumyzyň sazlaşykly ösüşi we mähriban halkymyzyň ýaşaýyş-durmuş derejesiniň yzygiderli ýokarlanýandygy öz beýanyny tapdy. Gahryman Arkadagymyzyň hem-de Arkadagly Gahryman Serdarymyzyň halkymyza peşgeş beren ajaýyp kitaplary, amaly-haşam sungatynyň eserleri sergä aýratyn many-mazmuny bagyşlady.
Muzeýler
05.10.2026Her ýylyň 6-njy oktýabrynda Türkmenistanda söweş meýdanlarynda wepat bolanlary hem-de 1948-nji ýylyň Aşgabat ýer titremesinde şehit bolanlary ýatlap, Hatyra güni bellenilýär, aýat-töwir okalyp, sadakalar berilýär. Ýurdumyzyň gahrymanlarynyň hakydasyny hatyralamak, ata-babalarymyzyň köklerini asyrlaryň jümmüşinden alyp gaýdýan çuňňur ynsanperwer ýörelgeleriniň biri bolup, türkmen halkynyň ruhymedeni gymmatlyklarynyň aýrylmaz bölegidir. Aýratyn ähmiýetli seneleri bilelikde bellemek däbi asyrlaryň jümmüşinden gözbaş alýar. Nesilleriň agzybirligi we jebisligi häzirki türkmen jemgyýetinde mizemezdir. Türkmen halky agyr ýitgilere sezewar bolanda-da, mähriban topragymyza çäksiz söýginiň, agzybirligiň, öz güýjüne ynamyň we durmuşy söýmegiň netijesinde kynçylyklary ýeňip geçmegi başarypdyr. Häzirki wagtda Aşgabat ak mermer binalara beslenen şähere öwrüldi. Agyr synaglardan geçen paýtagtymyz gaýtadan dikeldildi we parahatçylygyň, asudalygyň, abadançylygyň mekanyna öwrüldi. Ata-babalarymyzyň görkezen gahrymançylyklary ýurdumyzyň ýaş nesilleri üçin nusgalykdyr. Hatyra güni milletimizi birleşdirýär we jebisleşdirýär. Öten-geçenleri ýatlamak dessury türkmen halkynyň gadymy ynsanperwer ýörelgeleriniň hatarynda aýratyn orun eýeleýär. Lebap welaýat Taryhy we ülkäni öwreniş muzeýinde Hatyra gününe bagyşlanan «Hatyra güni-hakyda güni» atly sergi gurnaldy. Birnäçe bölümden ybarat bolan bu sergide Aşgabat şäheriniň ýer titremesindäki durkuny görkezýän fotosuratlar, şol döwre degişli dürli tapyndylar, muzeý gymmatlyklary öz beýanyny tapýar. Pederleri sarpalap, öten-geçenleri hatyralap, ynsanperwer beýik işleri dünýäde dabaralandyrýan parahatçylygyň beýik taglymatçysy Gahryman Arkadagymyzyň, Arkadagly Gahryman Serdarymyzyň janlary sag, belent başlary aman bolsun, il-ýurt bähbitli tutumly işleri uly üstünliklere beslensin. Nowça Babanyýazowa, Lebap welaýat Taryhy we ülkäni öwreniş muzeýiniň uly ylmy işgäri.
Muzeýler
05.10.2026Hatyra güni mynasybetli Arkadag şäheriniň taryhy we ülkäni öwreniş muzeýine Sahy Jepbarow adyndaky Arkadag şäher ýörite sungat mekdebiniň talyplary we 1-nji ýöriteleşdirilen okuw-terbiýeçilik toplumynyň mugallymlarynyň hem-de okuwçylarynyň gatnaşmagynda gezelenç gurnaldy. Gezelenjiň dowamynda talyplar we okuwçylar muzeýiň gymmatly eksponatlary, halkymyzyň şanly taryhy, medeni mirasy we gahrymançylykly geçmişi bilen ýakyndan tanyşdylar. Mugallymlar we ýaş nesiller medeni çäräniň dowamynda Watanymyzyň azatlygy, parahatçylygy ugrunda şirin janlaryny gurban eden gahrymanlarymyzy çuňňur hormat bilen ýatladylar.
Muzeýler
30.09.2026Arkadag şäheriniň Taryhy we ülkäni öwreniş muzeýinde ýaş nesliň döredijilik ukyplaryna baha bermek hem-de medeni-sungat gatnaşyklaryny berkitmek maksady bilen dabaraly çäre geçirildi. Çäräniň dowamynda Aşgabat şäheriniň Büzmeýin etrabynyň 5-nji çagalar sungat mekdebiniň saz toparynyň ýerine ýetirmeginde "Çaga kalbymyň owazy" atly aýdym-sazly çykyşlar hem gurnaldy.
Muzeýler
25.09.2026Hormatly Prezidentimiz Arkadagly Gahryman Serdarymyz tarapyndan 2026-njy ýyly “Garaşsyz, baky Bitarap Türkmenistan–bedew batly at-myradyň mekany” ýyly diýlip yglan edilmegi türkmenistan halkynyň ata-watana bolan buýsanjyny, guwanjyny we söýgüsini artdyrdy. Bu şygar astynda Bedew bady bilen öňe barýan mähriban diýarymyzda belent maksatlara ýetilýär. Şeýle belent maksatlary öňde goýýan ildeşlerimiziň döredijiligini halk köpçüligine wagyz etmek maksady bilen Daşoguz welaýat taryhy we ülkäni öwreniş muzeýinde baýramçylyk sergisi gurnaldy. Muzeý işgärleri tarapyndan, Türkmenistanyň Garaşsyzlygynyň şanly 35 ýyllyk baýramy mynasybetli geçirilýän çäreleriň çäklerinde gurnalan “Garaşsyzlyk – halkymyzyň ak bagty” atly baýramçylyk sergisi geçirildi. Sergide ýerleşdirilen amaly-haşam sungatynyň eserleri has-da özüne çekiji bolup, Ruslan Abdullaýewiň “Wagt” atly nakgaş eseri, Çemen Käbeýewanyň “Zerim–zynatym” atly şaý-sepleri, Baýgeldi Annamedowyň “Behişdi bedew” ady bilen at heýkelleri hem-de Gaýrat Matkarimowyň ýüpekden taýýarlanan kagyzdaky miniatýura eserleri tomaşaçylarda uly täsir galdyrdy. Serginiň dowamynda erkin suratkeş Gaýrat Matkarimow bilen guralan döredijilik söhbetdeşligi serginiň täsirini has-da artdyrdy. Birnäçe günläp dowam edýän bu serginiň açylyş dabarasyna gatnaşyjylar, milli medeniýetimizi we sungatymyzy öwrenmäge döredijilikli zähmet çekmäge döredip berýän şeýle giň mümkinçilikleri üçin, Gahryman Arkadagymyza, hormatly Prezidentimiz Arkadagly Gahryman Serdarymyza köp sag bolsun aýtdylar.
Muzeýler
24.09.2026Türkmen halkynyň köp asyrlyk taryhynda gözbaşyny gadymdan alyp gelýän däbi ýaşulularymyzy sylamak, hormat goýmak Gahryman Arkadagymyzyň, Arkadagly Gahryman Serdarymyzyň ynsanperwer baştutanlygynda häzirki döwürde hem döwlet derejesinde dowam etdirilýär. Her ýylyň 1-nji oktýabrynda BMG-a girýän döwletlerde Halkara ýaşulular gününi dabaraly ýagdaýda bellenilýär. Bagtyýar zamanamyzda her bir döwletli tutumlarda ilki bilen ýaşululara sala salmak, maslahat geçirmek däbi nesilden-nesile geçip gelýär. Il içinde ýokary adamkärçiligi bilen, görelde bolýan ýaşulularymyza “Türkmenistanyň hormatly il ýaşulusy” diýen mertebeli atlaryň dakylmagy watandaşlarymyzyň başyny göge göterýär. Günsaýyn ösýän, özgerýän eziz Watanymyzyň her bir güni toý-baýramlara beslenýär. Dilleri senaly Ýaşulularymyzyň halkara güni mynasybetli hem Türkmenistanyň Şekillendiriş sungaty muzeýinde “Döwürlere ýörelge – nesillere görelde” atly sergi guraldy. Sergide Türkmenistanyň halk suratkeşleriniň nakgaş hem-de heýkel eserleri sergilendi. Ýaşulular jemgyýetiň paýhas hazynasydyr. Törden orunly, parasatly-öwütleri, baý durmuş tejribesini özinde jemlän ýaşulularymyzy, dünýäniň bezegi bolan kümüş saçly mährem enelerimizi Halkara Ýaşulular güni mynasybetli tüýs ýürekden gutlaýarys!
