HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

MAGTYMGULY PYRAGYNYŇ EDEBI MIRASY

Kitaphanalar

06.04.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň okalga zalynda bölümiň işgärleriniň gatnaşmaklarynda “Magtymguly Pyragynyň edebi mirasy” atly kitap sergisi gurnaldy. Sergimizde Gündogaryň beýik akyldary we nusgawy şahyry Magtymguly Pyragynyň ömri döredijiligine bagyşlanan kitaplar öz beýanyny tapýar. Hormatly Prezidentimiziň jöwher paýhasyndan syzylyp çykan ajaýyp kitaby “Magtymguly – dünýäniň akyldary” atly kitabynda Magtymguly Pyraga uly baha berýär. Magtymguly bir ummandyr, düýbüne çümmeseň, onuň dürlerini çöpläp bilmersiň. Magtymguly bir asmandyr, ýyldyz bolup beýgelmeseň, onuň belentligine göz ýetirip bilmersiň diýip belläp geçýär. Şol mynasybetli hem Döwlet kitaphanasynyň Seýrek neşirler bölüminde “Magtymguly Pyragynyň edebi mirasy” atly kitap sergisi gurnaldy. Sergimizde akyldar şahyrymyz Magtymguly Pyragynyň ömri we döredijiligi hakynda türkmen dilinde arap elipbiýinde çap bolan birnäçe saýlanan eserler ýygyndylary giňden sergilendi. Bu serginiň esasy maksady hem ýurdumyzda seýrek gabat gelýän neşirler bilen okyjylarymyzy giňden tanyşdyryp durmakdan ybarat bolup durýar. Mundan başga-da sergimizde akyldar şahyrymyz Magtymguly Pyragynyň döredijiligini giňden açyp görkezmekde hem uly ähmiýete eýe bolup durýar. Dünýä edebiýatynda öçmejek yz goýan beýik şahsyýetlerimize uly sarpa goýýan türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

SAGDYN DURMUŞ - ABADAN ÝAŞAÝYŞ

Kitaphanalar

06.04.2026

Türkmenistanyň Döwlet medeniýet merkeziniň Döwlet kitaphanasynda Bütindünýä saglyk güni mynasybetli “Miras” teleýaýlymynyň “Medeni miras” gepleşigi tarapyndan “Sagdyn durmuş - abadan ýaşaýyş” atly gürrüňdeşlik ýazgy edildi. Ynsan saglygyny goramak, saglygyň gadryny bilmek, halkymyzyň gadymdan gelýän ýörelgesidir. Gahryman Arkadagymyz hem saglygy goramak ugrunda halkymyza birnäçe gymmatly eserleri peşgeş berdi. Olardan “Saglygy goraýyşda ýetilen sepgitler”, “Türkmenistanyň dermanlyk ösümlikleri” atly köp jiltli ensiklopedik kitaby, “Türkmenistan - melhemler mekany”, “Bagtyýarlyk saglykdan başlanýar” atly kitaplary halkymyzyň saglygyny goramakda esasy gollanmalar bolup durýar. Adam saglygyna bagyşlanan, sagdyn durmuş ýörelgelerini ündeýän bu gymmatly eserlerde saglyk, lukmançylyk, ýurdumyzda bitýän dermanlyk ösümlikleri barada giňişleýin açylyp görkezilýär. Ine şular dogrusynda söhbet edilip, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

BAGTYÝAR NESILLER

Kitaphanalar

06.04.2026

“Garaşsyz, baky Bitarap Türkmenistan – bedew batly at-myradyň mekany” ýylynda Köýtendag etrabynyň Gurşun-Magdan şäherçesindäki kitaphana şahamçasynyň kitaphanaçylary şäherçede ýerleşýän 18-nji çagalar bagynda “Bagtyýar nesiller” ady bilen çagalar ertirligini geçirdiler. Körpeler bilen geçirilýän bu ertirlik olaryň sagdyn, belent ruhly ösüp kemala gelmeklerine, dünýägaraýyşlarynyň giňelmegine, ýaşlykdan kitaba bolan söýgüniň artmagyna öz täsirini ýetirýär. Şeýle-de “Güneşli iliň geljegi röwşen” diýen at bilen kitap sergisi hem guraldy. Çagalar sergi arkaly dürli ýyllarda çap edilen ertekiler bilen tanyşdylar. Bu bolsa güneşli Diýarymyzda bagtyýar çagalaryň rahat dynç alyp, okap, öwrenip, döredip, ylymly-bilimli, giň dünýägaraýyşly, sagdyn bedenli, edep-terbiýeli, Watana wepaly bolup ýetişmeklerine gönükdirilen maksatnamalar üstünlikli amala aşyrylýandygynyň aýdyň subutnamasydyr. Bagtyýar çagajyklar Watanymyza bolan ýürek joşgunlaryny goşgularyň üsti bilen wasp etdiler.

TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY GAHRYMAN ARKADAGYMYZ ARKADAG ŞÄHERINIŇ GURLUŞYGYNYŇ BARŞY WE TAÝÝARLANAN TASLAMALAR BILEN TANYŞDY

Täzelikler

06.04.2026

4-nji aprelde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, şäheriň gurluşygynyň ikinji tapgyrynda alnyp barylýan işler, gurulýan hem-de döwrebaplaşdyrylýan desgalaryň şekil taslamalary bilen tanyşdy. Gahryman Arkadagymyz bu ýerde degişli ýolbaşçylaryň gatnaşmagynda iş maslahatlaryny geçirdi. “Garaşsyz, baky Bitarap Türkmenistan — bedew batly at-myradyň mekany” ýylynyň her bir güni uly zähmet ýeňişlerine, taryhy ähmiýetli wakalara beslenýär. Şunda Gahryman Arkadagymyzyň başlangyjy esasynda binýat bolan “akylly” şäheriň gurluşygynyň ikinji tapgyrynda alnyp barylýan işleriň depgininiň barha ýokarlanýandygyny bellemek gerek. Ýurdumyzyň gözel künjekleriniň birinde ýerleşýän Arkadag şäherinde önümçilik we medeni-durmuş maksatly binalaryň gurluşyklary häzirki döwrüň talabyna laýyk derejede dowam etdirilýär. «Türkmenistan» gazeti

SPORT DABARASY GEÇIRILDI

Täzelikler

04.04.2026

«Garaşsyz, baky Bitarap Türkmenistan – bedew batly at–myradyň mekany» ýylynda mähriban Watanymyzda giňden bellenilýän Bütindünýä saglyk güni mynasybetli, ýurdumyzda sagdyn durmuş ýörelgelerini wagyz etmek maksady bilen, 4-nji aprelde Medeniýet şäherçesinde sport dabarasy geçirildi. Aýdym-sazly bu sport çäresine medeniýet we sungat ussatlary, döredijilik işgärleri, talyp ýaşlar işjeň gatnaşdylar. Sport çäresine gatnaşanlar bedenterbiýäniň we sportuň dürli görnüşlerini ýerine ýetirdiler. Berkarar döwletiň täze eýýamynyň Galkynyşy döwründe bedew bady bilen ynamly öňe barýan Garaşsyz, baky Bitarap ýurdumyzda, ilatyň jan saglygyny gowulandyrmak, köpçülikleýin bedenterbiýe hereketlerini giňden ýaýbaňlandyrmak, sport bilen meşgullanmak, ýaşlarda sagdyn durmuş ýörelgelerine söýgi döretmek ugrunda tutumly işler amala aşyrylýar. Berkarar döwletimizde sporty, bedenterbiýäni dünýä derejesinde ösdürmeklige gönükdirilen maksatnamalaryň üstünlikli durmuşa geçirilmegi, türgenlerimiziň sebit we halkara bäsleşiklerinde şowly çykyş edip, baýrakly orunlara mynasyp bolup ýaşyl Tugumyzy belentde parlatmaklary örän buýsançlydyr. Bütindünýä saglyk güni mynasybetli berkarar döwletimizde geçirilýän köpçülikleýin bedenterbiýe hereketleri, sport ýaryşlary sagdyn durmuş ýörelgelerini üpjün etmekde möhüm ähmiýete eýedir. Dünýäde giňden bellenilýän Bütindünýä saglyk güni halklaryň arasynda dost-doganlyk gatnaşyklarynyň, parahatçylygyň we ynsanperwerligiň dabaralanmagyna, sagdyn durmuş ýörelgeleriniň kemala gelmegine uly ýardam berýär. Ogulgurban Gaşlakowa, Türkmenistanyň Medeniýet ministrliginiň Döredijilik işgärleri bölüminiň baş hünärmeni

MIRAS GYMMATLYKLARYNYŇ GÖZLEGINDE

Medeni miras

04.04.2026

#### *Daşoguz welaýatyna ylmy-etnografik ekspedisiýa guraldy* Türkmen halky dünýä medeniýetiniň baýlaşmagynda, kämilleşmeginde uly orun eýelän maddy we ruhy gymmatlyklary bilen giňden meşhurdyr. Häzirki döwürde şol gymmatlyklar baradaky maglumatlary halk arasyndan toplamak hem-de geljekki nesillere geçirmek möhüm meseleleriň biri bolup durýar. Ine, şundan ugur alnyp, Türkmenistanyň Medeniýet ministrligi tarapyndan alymlardan, etnograflardan, žurnalistlerden hem-de medeniýet-sungat işgärlerinden döredilen ylmy-döredijilik topar Daşoguz welaýatynda iş saparynda boldy. Topar bu ýerde halkymyzyň milli senetçiligi, däp-dessury, halk döredijiligi, milli tagamlary, ussaçylygy, milli lybaslary, dokmaçylygy boýunça we olaryň welaýat aýratynlygy barada täsirli we gyzykly maglumatlary topladylar. Bu asylly işde welaýatyň medeniýet, sungat işgärleri, ýerli ýaşaýjylar ýakyndan ýardam berdiler. Halk mirasy – halkyň gymmaty egsilmejek hazynasy. Şol hazynany aýawly saklap, nesillere geçirmek mukaddes borjumyzdyr. OGULTÄÇ HOJANAZAROWA, Türkmenistanyň Medeniýet ministrliginiň Maddy däl medeni miras müdirliginiň başlygynyň orunbasary

TÜRKMENISTAN – SAGDYNLYGYŇ WE RUHUBELENTLIGIŇ ÝURDY

Kitaphanalar

04.04.2026

Türkmenistanyň Döwlet medeniýet merkeziniň Döwlet kitaphanasynyň Daşary ýurt dillerindäki edebiýatlar bölüminde “Türkmenistan – sagdynlygyň we ruhubelentligiň ýurdy” atly türkmen sportuna bagyşlanan kitap sergisi gurnaldy. Bu sergide Gahryman Arkadagymyzyň daşary ýurt dillerinde neşir edilen sport, sagdyn durmuş baradaky kitaplary ýerleşdirildi. Berkarar döwletiň täze eýýamynyň Galkynyşy döwründe köpçülikleýin bedenterbiýäni we sporty ösdürmek ýurdumyzda döwlet syýasatynyň ileri tutulýan ugurlarynyň biridir. Şonuň üçin hem, bu ugurda durmuşa geçirilýän işler ýokary netijeliligi bilen tapawutlanýar. Adamlaryň saglygyny goramak we berkitmek, şeýle hem jemgyýetde sagdyn durmuş ýörelgelerini ornaşdyrmak, milli sporty ösdürmek boýunça alnyp barylýan işler üstünlikli durmuşa geçirilýär. Sport we bedenterbiýe bilen baglanyşykly bu sergimiz hem okyjylarda uly gyzyklanma döretdi. Häzirki wagtda bedenterbiýe we sporty ösdürmekde döredip berýän giň mümkinçilikleri üçin türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň belent başlary aman, janlarynyň sag bolmagyny, il-ýurt bähbitli işleriniň elmydama rowaçlyklara beslenmegini arzuw edýäris.

KITAP-ÝAŞAÝŞYŇ GÖZBAŞY

Kitaphanalar

04.04.2026

Arkadag şäheriniň iňlis diline ýöriteleşdirilen 2-nji orta mekdebiniň okuwçylarynyň we mugallymlarynyň gatnaşmagynda ylymlaryň, bilimleriň ojagy bolan Döwletmämmet Azady adyndaky Arkadag şäher kitaphananyň içiniň aýratynlyklary hem-de türkmen halk ertekileriň birnäçesi bilen giňişleýin tanyşyp, “Kitap-ýaşaýşyň gözbaşy ” atly gezelenç gurnaldy. Şeýle hem gezelençde çaganyň terbiýeli bolup ýetişmegine has irki ýaşlardan üns bermek möhümdir. Çagalarda gowy gylyk-häsiýetleriň kemala gelmeginde kitaplaryň, oýunlaryň terbiýeçilik ähmiýeti uludyr. Çagalar kiçiliginden erteki diňlemäge höwesli bolýarlar. Çagalar üçin kitap saýlanyp alnanda, olaryň suratlar bilen bezelişiniň aýratyn ähmiýeti bar, sebäbi çaga eline kitap alanda, ilki bilen, onuň içindäki suratlara seredýär. Şol şekiller çaganyň ünsüni özüne çekýär we kitaby okamaga bolan gyzyklanmasy, höwesi artýar. Olara okaýan kitaplarynyň sanynyň gün-günden artýandygyny görkezip, höweslendirip durmaly. Şonda çagalaryň belli bir wagtdan soň kitap okamaga bolan endigi kämilleşmäge başlaýar. Şonuň ýaly-da, kitaplaryň üsti bilen çaganyň söz baýlygy artýar, aň-düşünjesi giňelýär, köp zatlara akyl ýetirýär. Esasan-da, bilimi, edep-terbiýesi ýokarlanýanlygy barada okyjylara giňişleýin gürrüň berdiler. Gezelenjiň ahyrynda ösüp gelýän ýaş nesilleriň okamagy, öwrenmegi üçin ähli şertleri döredip berýän Gahryman Arkadagymyza, Arkadagly Gahryman Serdarymyza köp alkyşlar aýdyldy.

GARAŞSYZ, BAKY BITARAP TÜRKMENISTAN – HALKARA SPORT HYZMATDAŞLYGYŇ WE SAGDYNLYGYŇ MEKANY

Kitaphanalar

04.04.2026

Türkmenistanyň B.Amanow adyndaky Döwlet çagalar kitaphanasy ýakynda Türkmen Döwlet bedenterbiýe we sport institutynda “Garaşsyz, baky Bitarap Türkmenistan – halkara sport hyzmatdaşlygyň we sagdynlygyň mekany” – atly sportda gazanylan üstünliklere bagyşlanylyp geçirilen serginiň çäklerinde “Saglyk biziň hemramyz” atly göçme kitap sergisini geçirdi. Gahryman Arkadagymyzyň “Türkmenistanyň dermanlyk ösümlikleri” atly köp jiltlik ensiklopedik ylmy neşirleri we olarda beýan edilýän jana tenekar derman otlar hem-de olardan peýdalanmaklygyň düzgünleri barada örän ussatlyk bilen seljerme berilişi hakynda täsirli gürrüňleri berdi. Bedenterbiýe we sport jemgyýetiň sagdynlygyny üpjün edýär. Şunuň bilen baglylykda, her ýylyň 7-nji aprelinde halkara jemgyýetçilik bilen birlikde, ýurdumyzda Bütündünýä saglyk gününiň giň gerimde bellenilip geçilmegi sagdynlyk we ruhubelentlik ýörelgeleriniň dowamat-dowam bolýandygyny aýdyň görkezýändigi hakyndaky söhbetleri hem talyp ýaşlar uly gyzyklanma bilen diňlediler. Çäräniň ahyrynda oňa gatnaşanlar bedenterbiýäni we sporty ösdürip dünýä derejeli sport döwleti hökmünde ata Watanymyzyň halkara abraýyny belende göterýän Gahryman Arkadagymyzyň, Arkadagly Gahryman Serdarymyzyň ömürleriniň uzak bolmagyny, alyp barýan giň gerimli işleriniň elmydama rowaçlyklara beslenmegini arzuw etdiler.

SAGLYK – BAHASYZ BAÝLYK

Kitaphanalar

04.04.2026

Ýakynda Türkmenistanyň B.Amanow adyndaky döwlet çagalar kitaphanasy, Aşgabat şäherindäki ýöriteleşdirilen 28-nji orta mekdebinde “Saglyk – bahasyz baýlyk” – Bütindünýä saglyk gününe bagyşlap söhbetdeşligini geçirdi. Bu çärämize 1-nji synp okuwçylar gatnaşdylar. Söhbetdeşligiň dowamynda kitaphana hünärmeni hormatly Prezidentimiziň taýsyz tagallalary netijesinde ösüp gelýän ýaş nesillerimiziň ýaramaz endiklerden daşda durmagy, beden hem-de ruhy taýdan sagdyn, gujur-gaýratly adamlar bolup ýetişmegi ugrunda ägirt uly işler durmuşa geçirilýändigi barada okuwçylara gyzykly gürrüň berip we arassa howa çykyp dürli maşklar oýunlar ýerine ýetirildi, ýaryşlar gurnaldy. Söhbetdeşligiň ahyrynda ynsan saglygyny ähli zatdan ileri tutýan we bu ugurda ägirt uly işleri durmuşa geçirýän Arkadagly Serdarymyzyň mundan beýläk hem jany sag, il-ýurt bähbitli, umumadamzat ähmiýetli tutýan tutumly işleri elmydama rowaç alsyn!

• ←
• 1
• ...
• 51
• 52
• 53
• ...
• 203
• →