HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ERTEKILER DÜNÝÄSINE SYÝAHAT

Kitaphanalar

17.03.2026

Türkmenistanyň B.Amanow adyndaky Döwlet çagalar kitaphanasy ýakynda Aşgabat şäheriniň tebigy ugurly derslere ýöriteleşdirilen 44-nji orta mekdebinde “Ertekiler dünýäsine syýahat” atly göçme kitap sergisini geçirdi. Çagalaryň söýüp okaýan “Akpamyk”, “Böwenjik” atly türkmen halk ertekileri esasynda ýaş kitapsöýüjileriň taýýarlan sahna oýunlary arkaly ertekileriň içindäki oňyn häsiýetleri we çagalaryň döredijilik dünýäsini ösdürmäge, kitaplary okamaga, öwrenmäge höweslenýändigini görmek boldy. Şol sahnada görkezilen ertekiler diňe bir gyzykly oýun däl, eýsem kitaplaryň ruhy we çeper nusgasy bolup, çagalar ertekileri sahnalaşdyrmak bilen kitaplaryň içindäki oňyn häsiýetleri we durmuş sapaklaryny has gowy öwrendiler. Şeýlelik bilen mekdep okuwçylarynyň çeken birnäçe erteki gahrymanlarynyň suratlary göçme kitap sergisi sazlaşykly utgaşdy. Çäräniň ahyrynda oňa gatnaşanlar ýaş nesilleriň ylymly, bilimli, giň dünýägaraýyşly bolmaklary üçin ähli mümkinçilikleri döredip berýän Gahryman Arkadagymyza hem-de Arkadagly Gahryman Serdarymyza alkyşlary beýan etdiler.

TÜRKMEN SURATKEŞLERINIŇ HALKARA ÜSTÜNLIGI

Täzelikler

17.03.2026

Türki dünýäniň çeperçilik akademiýasynyň her ýylda gurnamagynda türki halklarynyň sungat wekillerini bir ýere jemlemeginde 2026-njy ýylyň 12-15-nji marty aralygynda Azerbaýjanyň paýtagty Baku şäherinde türki halklarynyň wekilçilik edýän suratkeşleriň eserlerini öz içine alýan Türk Dünýäsiniň suratkeşleriniň sergisi geçirildi. Bu sergä Türkmenistanyň Döwlet çeperçilik akademiýasynyň “Dizaýn” kafedrasynyň müdiri Amanmyrat Modyýew hem-de “Nakgaşçylyk” kafedrasynyň mugallymy Gahryman Goçmyradow döredijilik işleri bilen gatnaşdylar. Serginiň çäginde Amanmyrat Modyýew Türki dünýäniň çeperçilik akademiýasynyň habarçy agzasy we nyşany bilen sylaglandy.

NOWRUZ DOST-DOGANLYGYŇ BAÝRAMY

Kitaphanalar

17.03.2026

Aşgabat şäher medeniýet müdirliginiň Merkezleşdirilen kitaphanalar ulgamy bilen “Türkmenhaly” döwlet birleşiginiň Türkmen halysynyň milli muzeýiniň bilelikde guramagynda Milli bahar baýramy mynasybetli «Nowruz dost-doganlygyň baýramy» ady bilen wagyz-nesihat çäresi geçirildi. Çärede ene topragymyzy gül-gülzarlyga besläp, ýaşyl ýazlaryň ähli gözellikleri bilen gelen Nowruz baýramyny türkmen halky uly joşgun bilen garşy alýandygy, bahar paslynyň gelmegi bilen daş-töwerek ýaşyl öwsüp, gyzyl gülälekler açylyp, tebigatyň hoşboý ysy ynsanda täsin duýgulary oýarýandygy barada giňişleýin gürrüň berdiler. Şeýle-de çykyş edenler akyldar şahyrymyz Magtymguly Pyragynyň: “Gelse, Nowruz äleme, reň kylar jahan peýda” diýen goşgy setirleri bilen wasp edip, birnäçe şahyrlaryň şygyrlaryndan okap berdiler. Çäräniň ahyrynda türkmen halkynyň milliliklerini, gadymdan gelýän däp-dessurlaryny has hem baýlaşdyryp, dünýä ýüzüne ýaýmakda giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GÖZELLIGIŇ, BAKY ÝAZYŇ BAÝRAMY

Kitaphanalar

17.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasy bilen Aşgabat şäherindäki syýahatçylyk orta hünär okuw mekdebiniň bilelikde guramagynda Milli bahar baýramy mynasybetli «Gözelligiň, baky ýazyň baýramy» ady bilen wagyz-nesihat çäresi geçirildi. Çärede çykyş edenler ýurdumyzda Nowruz baýramyny halkymyz uly dabara bilen giňden belleýändigi, Nowruzda ösümlikler al-ýaşyl öwsüp, tebigat janlanyp, ýaşyl begrese bürenip, älem-jahanyň röwşen reňklere beslenýändigi barada gürrüň berdiler. Şeýle-de Nowruz baýramy ynsanlary has-da birek-birege jebisleşdirip, bu baýramda maşgala agzalary bilen dostlar, goňşular, ildeşler bilen şatlyk-şowhunly garşylanylýandygy barada çykyş etdiler. Çäräniň ahyrynda Milli medeniýetimizi, däp-dessurlarymyzy giňişleýin öwrenmäge we ony dünýä ýaýmaga giň mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

NOWRUZ – PARAHATÇYLYGYŇ WE DOSTLUGYŇ BAÝRAMY

Kitaphanalar

17.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasy bilen Aşgabat Maliýe-ykdysady orta hünär okuw mekdebiniň bilelikde guramagynda Milli bahar baýramy mynasybetli «Nowruz – parahatçylygyň we dostlugyň baýramy» ady bilen wagyz-nesihat çäresi geçirildi. Çärede çykyş edenler gözel görkli gül açýan eziz diýarymyz gün-günden ösýändigini, özgerýändigini, ata Watanymyzda pasyllaryň soltany baharyň gelmegi bilen tutuş tebigat janlanyp, Nowruz baýramynyň gelendigini buşlap, ynsan kalbyny iň gowy duýgulara besleýändigi barada giňişleýin gürrüň berdiler. Şeýle-de Nowruzda her bir öýde saçaklar giňden ýazylyp, türkmeniň datly, milli tagamlary taýýarlanylyp, esasy tagamlaryň biri semeni bolsa bu baýramçylygyň naýbaşy tagamlarynyň biri bolup, ol baýramçylyk saçagynyň özboluşly bezegine öwrülendigi barada çykyş etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

NOWRUZ PARAHATÇYLYGYŇ WE DOST-DOGANLYGYŇ BAÝRAMY

Muzeýler

17.03.2026

Berkarar döwletiň täze eýýamynyň Galkynyşy döwründe Nowruz tämizligiň, sahawatyň, agzybirligiň, ynsanperwerligiň, bagtyýarlygyň baýramy hökmünde her ýyl ýurdumyzda uludan bellenilýär. Güneşli Diýarymyzyň çar ýanyny baky bahara, al-elwan güllere, aýdym-sazlara besläp gelen bahar ülkämize Milli bahar baýramynyň halkara Nowruz gününiň dabaraly çäreleriniň toý şatlygyny alyp geldi. Eziz Watanymyzyň ähli ýerlerinde bolşy ýaly, Jeýhunyň kenaryny etekläp oturan gojaman Amyderýanyň boýunda ýerleşýän gadymy Lebap ilini toý lybasyna beslendi. Toý ruhuna beslenen dabaraly çäreleriň biri-de ýaňy-ýakynda welaýat taryhy we ülkäni öwreniş muzeýiniň hem-de Türkmenistanyň Magtymguly adyndaky Ýaşlar guramasynyň welaýat geňeşiniň bilelikde gurnamaklarynda Milli bahar baýramy mynasybetli «Nowruz parahatçylygyň we dost-doganlygyň baýramy» atly dabaraly maslahat geçirilip, wagtlaýyn baýramçylyk sergisiniň açylyş dabarasy geçirildi. Welaýatyň bilim, medeniýet işgärleriniň, jemgyýetçilik guramalarynyň işjeň agzalarynyň hem-de talyp ýaşlaryň gatnaşmaklarynda geçirilen maslahatda Halkara Nowruz baýramy, onuň türki halklarynyň durmuşynda tutýan orny, şeýle hem Milli bahar baýramynyň Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň parasatly baştutanlygy bilen ýurdumyzda uly dabaralara, şatlyk-şowhuna beslenip, giňden bellenilip geçilişi barada täsirli çykyşlar edildi. Soňra bu ýere ýygnananlar baýramçylyk sergisiniň açylyş dabarasyna gatnaşdylar we sergide ýaýbaňlandyrylan muzeý gymmatlyklary bilen tanyşdylar. Milli mirasymyzy şöhlelendirýän amaly-haşam işleri Halkara Nowruz baýramy bilen baglanşykly, şeýle hem Gahryman Arkadagymyzyň ajaýyp eseri «Bereketli türkmen saçagy» kitabyna görkezilýän milli tagamlar, welaýatyň suratkeşleriniň bahar paslynyň gözelliklerini wasp edýän işleri sergä gatnaşyjylara ýatdan çykmajak baýramçylyk şatlygyny bagyşlady. Sergi bilen tanyşlygyň ahyrynda oňa gatnaşyjylar bedew bady bilen watanymyzy ösüşiň täze belentliklerine sary ynamly öňe alyp barýan Gahryman Arkadagymyza hem-de Arkadagly Gahryman Serdarymyzyň adyna alkyşly sözlerini beýan etdiler. Gülnur PYGAMOWA Lebap welaýat taryhy we ülkäni öwreniş muzeýiniň ylmy işgäri

NOWRUZ – GÜLLEÝŞIŇ WE TÄZELENIŞIŇ BAÝRAMY

Kitaphanalar

17.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasynyň guramagynda Milli bahar baýramy mynasybetli «Nowruz – gülleýşiň we täzelenişiň baýramy» ady bilen wagyz-nesihat çäresi geçirildi. Çärede çykyş edenler eziz diýarymyzda bahar paslynyň gelmegi bilen tebigatyň ynsana ruhubelentlik, şatlyk, jümle-jahana janlanyş hem-de täzeleniş bagyş edýän çagynda Milli bahar baýramy döwlet derejesinde, ýurt asudalygynda, il-agzybirliginde, ruhubelentlikde, jebislikde ýurdumyzyň dürli künjeginde uly şatlyk-şowhun bilen bellenilip geçilýändigi barada gürrüň berdiler. Şeýle-de bahar gelende türkmen sährasyndan öwsüp gaýdýan mylaýym ýeller bagtyýar zamanamyzyň bagtyýar günleri bilen sazlaşyp, köňüllerimize mähir çaýýandygy barada ýürek buýsançlaryny beýan etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GIŇ GUJAGY ÇEMENLI - GÜLLI NOWRUZ GELIPDIR

Kitaphanalar

17.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Aşgabat Gurluşyk orta hünär okuw mekdebiniň bilelikde gurnamagynda Milli bahar baýramy mynasybetli «Giň gujagy çemenli - gülli Nowruz gelipdir» ady bilen aýdym-sazly baýramçylyk çäresi geçirildi. Çärede çykyş edenler Galkynyşyň, gülleýşiň we täzelenşiň baýramy bolan Nowruz baýramy ata-babalarymyzdan we pederlerimizden miras galan gadymy baýramy bolup, ajaýyp dünýäli bahar nurana baýramlaryň biri bolan Nowruzyň gelendigini buşlap, kalbymyzy iň gowy duýgulara gaplaýandygyny, baglarda saýrak bilbiller owaz edip, ynsanyň durmuşa, ýaşaýşa bolan söýgüsini has-da artdyrýandygy barada çykyş etdiler. Çäräniň dowamynda baýramçylyk mynasybetli birnäçe aýdym-sazlar ýaňlandy, bu bolsa çärä gatnaşanlarda ýakymly täsir galdyrdy. Çäräniň ahyrynda asyrlara uzaýan özboluşly däp-dessurlarymyzy, gadymy baýramçylyklarymyzy täze döwrüň ruhy bilen galkyndyran Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, beýik işleriniň üstünliklere beslenmegi arzuw etdiler.

FORTEPIANO SUNGATYNYŇ GELJEGI: TEJRIBE WE TÄZEÇILLIK DUŞUŞYGY

Täzelikler

17.03.2026

Maýa Kulyýewa adyndaky Türkmen milli konserwatoriýasynda “Fortepianoda çalmagy öwretmegiň usulyýetiniň döwürleýin tapgyrlary” atly fortepiano sungatynyň ösüşine bagyşlanan ylmy-usuly maslahat geçirildi. Bu giň gerimli çäre, fortepiano öwretmegiň ähli basgançaklaryny- başlangyç, orta we ýokary bilimi öz içine aldy. Maslahata ýurdumyzyň dürli künjeklerinden, şol sanda Türkmen milli konserwatoriýasynyň, D.Öwezow adyndaky Türkmen döwlet ýörite sazçylyk mekdebiniň, ýörite sazçylyk mekdep-internatynyň, Ahal we Balkan welaýatlarynyň ýörite sungat mekdepleriniň, şeýle hem Sahy Jepbarow adyndaky Arkadag şäher ýörite sungat mekdebiniň mugallymlary we talyplary gatnaşdylar. Çykyş edenler fortepiano öwretmegiň dürli ugurlary boýunça gymmatly pikirlerini paýlaşdylar. Geçirilen gyzykly söhbetdeşlikler, pikir alyşmalar fortepiano sungatynyň ähmiýetiniň diňe bir saz çalmak endiklerini ösdürmek bilen çäklenmän, eýsem şahsyýetiň intellektual we ruhy dünýäsini baýlaşdyrmakda hem möhümdigini aýan etdi. Maslahatda W.Koçkarýowa Sankt-Peterburg konserwatoriýasynyň mugallymlarynyň usulyýet aýratynlyklaryna ünsi çekdi. Türkmenistanyň sungatda at gazanan artisti W.S.Mkrtumow fortepiano usulyýet garaýşynyň aýratynlyklaryny beýan etdi. Ş.Allabaýewa ýörite sazçylyk we sungat mekdeplerinde okatmagyň usulyýeti dersiniň esasy maksatlaryny düşündirdi. A.Annaýewa başlangyç bilim döwründe fortepiano tehnikasyny ösdürmegiň ähmiýetini nygtady. L.Türjanowa “skaffolt” usulyýeti esasynda wizual algoritmleri we kartoçkalary ulanyp, pianinoçynyň özbaşdak taýýarlygyny kämilleşdirmegiň ýollaryny görkezdi. S.Mämmedow we G.Ýuldaşewa tehnikanyň üstünde işlemekde hereket apparatynyň we gammalaryň ähmiýetini ara alyp maslahatlaşdylar. N.F.Pälwanowa fortepiano ýerine ýetirijilik sungatynda nota boýunça ýüzugra okamak dersiniň wajyp meselelerini gozgady. E.G.Nuryýewanyň ýolbaşçylygynda Türkmen milli konserwatoriýasynyň 1-nji ýyl talyplary fortepiano öwretmegiň başlangyç okuw kitaplarynyň häzirki döwürde ösüşi we sazly oýunlar, animasiýalar arkaly okuwyň kämilleşdirilmegi barada çykyş etdiler. M.N.Orazowa fortepiano usulyýetinde intellektual ösüşiň ähmiýetini nygtady. Maslahatyň dowamynda fortepiano usulyýet garaýşynyň aýratynlyklary, fortepiano tehnikasyny ösdürmegiň ähmiýeti, fortepiano ýerine ýetirijilik sungatynda nota boýunça ýüzugra okamak, fortepiano öwretmegiň başlangyç okuw kitaplarynyň häzirki döwürde ösüşi we kämilleşdirilişi ýaly meseleler ara alnyp maslahatlaşyldy. Maslahatyň ahyrynda oňa gatnaşyjylar türkmen halkynyň Milli Lideri Gahryman Arkadagymyza, Türkmenistanyň hormatly Prezidenti Arkadagly Gahryman Serdarymyza özleriniň çäksiz alkyşlaryny aýtdylar. Aýgözel NURMÄMMEDOWA, Maýa Kulyýewa adyndaky Türkmen milli konserwatoriýasynyň “Ýörite fortepiano” hünäriniň I ýyl talyby

BAHAR GELSE ÄLEM ÝÜZI JANLANYP, ÝAZ GÜLLERI ÇEMEN BOLUP AÇYLÝAR

Kitaphanalar

17.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň gurnamagynda Milli bahar baýramy mynasybetli «Bahar gelse älem ýüzi janlanyp, ýaz gülleri çemen bolup açylýar» ady bilen wagyz- nesihat çäresi geçirildi. Çärede çykyş edenler Garaşsyz, baky Bitarap Watanymyzy toý-şatlyga, bagy-bossanlyga besläp gelen ajaýyp Nowruz baýramy dostlugyň, milli medeniýetiň, halk däpleriniň we ynsan ýürekleriniň birleşmeginiň hakyky baýramçylygyna öwrülip, baýramçylyk saçagyna jem bolan merdana halkymyz bilen birlikde dünýäniň köp ýurtlaryndan gelen myhmanlarda uly täsir galdyrýandygy barada giňişleýin gürrüň berdiler. Şeýle-de Nowruz baýramy türkmen medeniýetiniň möhüm bölegi bolup, halkyň ruhy ösüşini, dostlugyny, parahatçylygyny we ösüşe bolan umytlaryny alamatlandyrýandygy barada belläp geçdiler. Çäräniň ahyrynda türkmen halkynyň taryhyna sarpa goýup, ak ertirlerini ak bagta besleýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

• ←
• 1
• ...
• 116
• 117
• 118
• ...
• 257
• →