Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
«Garaşsyz, baky Bitarap Türkmenistan — bedew batly at-myradyň mekany» diýlip atlandyrylan 2026-njy ýylda ýurdumyz halkara çärelerine, toý-baýramlara, şatlykly wakalara beslenýär. Agzybir halkymyzyň köňül arzuwynyň dabaralanmasyna öwrülen şunuň ýaly çuň mazmunly şygar bilen atlandyrylan bu ýylda, eziz Watanymyz mukaddes Garaşsyzlygynyň 35 ýyllyk şanly baýramyny bedew batly uly ösüşler bilen toý-baýrama beslär. Şanly Garaşsyzlygymyz ýurdumyzyň sarsmaz binýady, halkymyzyň eşretli durmuşynyň gözbaşydyr. Ýurdumyzda hem-de dünýä döwletlerinde geçirilýän medeni çäreler dost-doganlyk gatnaşyklarymyzyň has-da berkeýändigini, medeniýet diplomatiýasynyň dabaralanýandygyny aýdyňlygy bilen açyp görkezer.

HABARLAR

No image
Parahatçylyk-berkararlyk binýady

Kitaphanalar

29.07.2026

Lebap welaýat kitaphanasynda Türkmenabat şäher häkimliginiň, Türkmenistanyň Magtymguly adyndaky Ýaşlar guramasynyň Türkmenabat şäher geňeşiniň, Türkmenistanyň Demokratik Partiýasynyň Türkmenabat şäher komitetiniň, Lebap welaýat kitaphanasynyň bilelikde guramagynda «Parahatçylyk, abadançylyk, agzybirlik türkmen halkynyň baş ýörelgesi» atly döredijilik duşuşygy geçirildi «Garaşsyz, baky Bitarap Türkmenistan – bedew batly at–myradyň mekany» ýylynyň her bir güni täze wakalara beslenýär. Pederlerimiziň arzuwlan häzirki ajaýyp döwrümiz arzuwlaryň hasyl, maksatlaryň myrat bolýan döwri. Garaşsyzlyk halkymyzyň baky bagtyýarlygy, erkanalygydyr. Çünki Garaşsyzlygymyz hem-de hemişelik Bitaraplygymyz agzybir halkymyzyň parahat durmuşynyň, bagtyýarlygymyzyň sarsmaz binýadydyr.

 No image
Garaşsyzlygyň we gurluşygyň beýik ýoly

Kitaphanalar

28.07.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi, Türkmenistanyň gurluşyk we binagärlik ministrliginiň döwlet ygtyýarlandyrylyş we hile gözegçilik merkezi bilen bilelikde “Garaşsyzlygyň we gurluşygyň beýik ýoly” atly söhbetdeşlik geçirdi. Berkarar döwletiň täze eýýamynyň Galkynyşy döwründe, eziz Watanymyz Türkmenistan uly ösüşleriň we özgerişleriň ýoly bilen ynamly öňe barýar. Paýtagtymyz Aşgabat dünýäde deňi-taýy bolmadyk binagärlik sungaty we ak mermerli binalary bilen Ginnesiň rekordlar kitabyna girizildi. Arkadag şäheri sebitiň deňi-taýy bolmadyk ilkinji “akylly” şäheri bolup, gurluşyk ulgamynda innowasion tehnologiýalaryň we ekologik arassalygyň ajaýyp nusgasydyr. Garaşsyzlyk ýyllarynda diňe paýtagtymyzda däl, ýurdumyzyň welaýatlarynda ähli amatlyklary bolan täze döwrebap obalar, ýaşaýyş jaý toplumlary, mekdepler, çagalar baglary, senagat kärhanalary gurlup ulanmaga berildi. Söhbetdeşlige gatnaşan hünärmenler şular hakynda giňişleýin çykyş etdiler.

 No image
Eziz Watan bedew batly ösüşlere beslenýär

Kitaphanalar

28.07.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi tarapyndan Türkmenistanyň gurluşyk we binagärlik ministrliginiň döwlet ygtyýarlandyrylyş we hile gözegçilik merkezinde “Eziz Watan bedew batly ösüşlere beslenýär” atly göçme kitap sergisini gurnady. Bu göçme kitap sergisinde, Gahryman Arkadagymyzyň, Hormatly Prezidentimiziň nusgalyk eserleri, şeýle hem, şanly Garaşsyzlygymyzyň 35 ýylynyň içinde gurluşyk ulgamynda gazanylan üstünlikleri açyp görkezýän neşir önümleri ýerleşdirildi. Sergä gatnaşyjy myhmanlar Gahryman Arkadagymyzyň, Arkadagly Gahryman Serdarymyzyň kitaplaryndaky gymmatly maglumatlary okap, birek-birek bilen sowal-jogap alyşdylar.

 No image
ŞADYÝAN ÇAGALYGYŇ AJAÝYP MEKANY

Muzeýler

28.07.2026

Golaýda Arkadag şäheriniň Taryhy we ülkäni öwreniş muzeýi tarapyndan Gökderede ýerleşýän «Altyn damja» dynç alyş merkezinde göçme sergi gurnaldy. Sergide çagalaryň çeken surat eserleri, guşlaryň gäpleri, heýkeller, türkmen amaly-haşam sungatynyň gymmatlyklary görkezildi. Sergidäki dürli haýwanlaryň, guşlaryň gäpleri, ösümlikleriň görnüşleri hem-de dag-jülgeler, derýalar we çöller baradaky maglumatlar çagalar üçin täsirli boldy. Muzeý hünärmenleri çagalara muzeý gymmatlyklary, tebigaty söýmegi, goramagy hem-de daşky gurşawa aýawly çemeleşmelidigi barada ýönekeý we düşnükli maglumatlary berdiler. Çagalar hem özlerini gyzyklandyrýan sowallary berip, türkmen şekillendiriş we amaly-haşam sungatyny öwrenmäge höwes bilen gatnaşdylar. Esasan hem, haýwanlaryň gäpleri we heýkelleri çagalarda aýratyn gyzyklanma döretdi. Muzeý gymmatlyklary çagalaryň dünýägaraýşyny giňeldip, olaryň öwrenmäge bolan gyzyklanmasyny has-da artdyrdy hem-de milli mirasymyza, gözel tebigatymyza hormat goýmak duýgusyny ösdürdi.

 No image
GARAŞSYZLYK BAGTY

Edebiýat älemi

27.07.2026

Ajap döwrüň dünýä düşýän ýalkymy- Şuglasynda Garaşsyzlyk bagty bar. Arkadaga alkyş aýdýan halkymyň Gursagynda Garaşsyzlyk bagty bar. Özgerişler ýaýrap oba-şährinde, Rowaçlyklar kemal tapdy mährinde, Arkadagly Serdarmyzyň pähminde, Gudratynda Garaşsyzlyk bagty bar. Arkadagyň dowamatdyr dowamy, Arkadagly Serdar – Watanyň şany! Arkadag şäheri – kalbyň owazy, Gurmagynda Garaşsyzlyk bagty bar. Şanly taryh halkyň geçmiş-düýnünde, Aýdyň geljek binýady bar döwrümde, Göwünleriň päk zähmete güýjünde– Gurbatynda Garaşsyzlyk bagty bar. Daýhan galkyp, rysgal doldy meýdana, Şat nesilleň kalby gelýär heýjana, Garaguma çyksak seýli-seýrana, Gumlarynda Garaşsyzlyk bagty bar. Täze ajap eýýam – baky bahar diýp, Ösüşlere haýran älem-jahan diýp, Joşa gelen ýürekleriň «Watan!» diýp Urmagynda Garaşsyzlyk bagty bar. Bu döwletli döwranlary arzuwlap, Erkinlige garaşdyk biz asyrlap, Tugumyzyň al-asmanda pasyrdap, Durmagynda Garaşsyzlyk bagty bar. Toý gününde gutlap birek-biregi, Alkyşlaýas bu gün Milli Lideri! Alkyşlaýas Arkadagly Serdary! Diýarymda Garaşsyzlyk bagty bar. Akmyrat Rejebow, Türkmenistanyň at gazanan medeniýet işgäri.

 No image
Kitaphanalar – dost-doganlyk köprüsi

Kitaphanalar

27.07.2026

Türkmenistanyň B.Amanow adyndaky döwlet çagalar kitaphanasynyň agzybir hünärmenleri “Ýaşlyk” teleýaýlymynyň döredijilik topary bilen bilelikde Türkmenistanyň Döwlet Medeniýet merkeziniň Döwlet kitaphanasynyň Gruziýa döwletiniň Ilýa Çawçawadze adyndaky Milli kitaphanasy bilen “Ähtnama” kabul etmegi mynasybetli “Kitaphanalar – dost-doganlyk köprüsi” atly döredijilik duşuşygyny geçirdi. Duşuşyga kitaphananyň hünärmenleri gatnaşdy. Duşuşygyň dowamynda iki ýurduň Baş kitaphanasynyň arasyndaky baglaşylan “Ähtnamanyň” maddalary, olaryň iki ýurduň dost-doganlyk, medeni gatnaşyklarynda eýelejek möhüm orny şeýle-de häzirki wagtda ýurdumyzda kitaphana ulgamyny döwrebaplaşdyrmakda alnyp barylýan işler barada täsirli gürrüňler edildi. Gurnalan sergi hem aýratyn gyzyklanma döretdi. Sergide Gahryman Arkadagymyzyň, Arkadagly Gahryman Serdarymyzyň gymmatly eserleri hem-de dürli neşirler orun aldy. Döredijilik duşuşygynyň ahyrynda milli medeniýetimizi, sungatymyzy, şöhratly taryhymyzy giňişleýin wagyz etmäge hem-de dünýä döwletleri bilen parahatsöýüjilik, dost-doganlyk gatnaşyklary has-da berkitmäge döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözleri beýan edildi.

 No image
Brifing geçirildi

Syýahatçylyk

25.07.2026

Türkmenistanyň Daşary işler ministrliginiň 2026-njy ýylyň iýul aýynyň dowamynda ýurdumyzyň we daşary ýurt döwletleriniň degişli ministrlikleriniň hem-de edaralarynyň gatnaşmaklarynda geçirilmegi meýilleşdirilen çäreleriň bellenilen tertipde ylalaşylan sanawyna laýyklykda, Özbegistan Respublikasynyň Türkmenistandaky Ilçihanasynyň guramagynda, Özbegistan Respublikasynyň syýahatçylyk pudagyndaky ösüşleri we mümkinçilikleri bilen tanyşdyrmak hem-de bu ugurdaky hyzmatdaşlygy giňeltmek maksady bilen brifing geçirildi. Bu duşuşyga Türkmenistanyň Medeniýet ministrliginiň Syýahatçylyk müdirliginiň hem-de ýurdumyzyň syýahatçylyk işi bilen meşgullanýan edara-kärhanalarynyň ýolbaşçylary, hünärmenleri, habar beriş serişdeleriniň wekilleri gatnaşdylar. Duşuşygyň dowamynda Türkmenistanyň we Özbegistan Respublikasynyň arasynda syýahatçylyk babatdaky gatnaşyklary has-da ýygjamlaşdyrmak iki ýurda gezelenç etmek isleýän syýahatçylaryň sanyny artdyrmak barada söhbet edildi. Şonuň ýaly-da Özbegistan Respublikasynyň Ilçisi Ilçihana tarapyndan Özbegistan Respublikasyna gitmek isleýän syýahatçylar üçin wizalary resmileşdirmekde, ilçihananyň işgärleriniň resminamalary kabul edişinde, bilelikdäki syýahatçylyk bukjalaryny döretmekde duşuşyga gatnaşyjylardan tekliplerini we maslahatlaryny sorady. Şeýle-de Ilçi öz çykyşynda Hywa-Köneürgenç-Aşgabat-Mary-Türkmenabat-Buhara ugurlary boýunça bilelikdäki bukjalary döretmegi teklip etdi. Duşuşygyň dowamynda Ilçi syýahatçylyk kärhanalarynyň we habar beriş serişdeleriniň wekilleriniň sowallaryna jogap berdi. Türkmen tarapyndan Özbegistan Respublikasynyň Samarkant şäherindäki Halkara Ýüpek ýoly uniwersitetiniň binýadynda ýurdumyzyň syýahatçylyk ugrundan bilim berýän okuw mekdepleriniň mugallymlary we talyplary üçin tejribe we hünär kämilleşdiriş okuwlarynyň guralmagy teklip edildi.

 No image
Ýaş şahyrlaryň döredijiligi

Kitaphanalar

24.07.2026

Ýakynda Türkmenistanyň döredijilik wekilleri Azerbaýjan Respublikasynda geçirilen Türki dünýäsiniň ýaş şahyrlarynyň II halkara festiwalyna gatnaşyp, sylaglara mynasyp boldylar. Şeýle ajaýyp waka mynasybetli üstünlik gazanan ýaş şahyrlar Türkmenistanyň Döwlet medeniýet merkeziniň Döwlet kitaphanasynda “Ýaşlyk” teleýaýlymy bilen söhbetdeşligi ýazga geçirdiler. Söhbetdeşlikde çykyş eden şahyrlar Şuşa şäherinde Azerbaýjan edebiýatynyň nusgawy şahyry Molla Penah Wagifiň muzeý-goraghanasynyň öňündäki meýdançada Wagifiň şygyrýet günlerine bagyşlanyp geçirilen dabarada özleriniň döreden şygyrlary bilen çykyş edendiklerini buýsanç bilen gürrüň berdiler. Olar söhbetleriniň ahyrynda ýaşlarymyz hakynda döredilýän mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
KÖRPELERIŇ MUZEÝE GEZELENJI

Kitaphanalar

24.07.2026

Arkadag şäheriniň 3-nji çagalar bakja-bagynyň terbiýeçileri, tejribe geçýän talyplar, bakja-bagynda terbiýelenýän körpeler Arkadag şäheriniň taryhy we ülkäni öwreniş muzeýine gezelenje geldiler. Gezelençde çagalar milli miras, taryh,medeni we tebigy gymmatlyklar bilen tanyşdylar. Muzeýde çagalar gadymy durmuş esbaplaryny, milli lybaslary, sungat eserlerini we taryhy tebigy gymmatlyklara uly gyzyklanma bilen synladylar. Bu ýerde dürli haýwanlaryň we guşlaryň gäpleri, ösümlikleriň görnüşlerini hem-de dag-jülgeler, derýalar we çöller barada maglumatlar çagalar üçin täsirli boldy. Muzeý hünärmenleri olara muzeý gymmatlyklary, tebigaty söýmegi, ony goramagy, hem-de daşky gurşawa aýawly çemeleşmek barada ýönekeý we düşnükli maglumatlary berdiler. Çagalar özlerini gyzyklandyrýan soraglary berdiler we täze zatlary öwrenmäge höwes bilen gatnaşdylar. Bu gezelenç çagalaryň dünýä garaýşyny giňeltmäge, olaryň öwrenmäge bolan gyzyklanmasyny artdyrdy hem-de milli mirasa, gözel tebigatymyza hormat goýmak duýgusyny ösdürdi. Gezelenç çagalarda ýakymly täsirler galdyrdy.

 No image
Garaşsyzlyk – berkarar döwletimiziň binýady

Kitaphanalar

24.07.2026

Türkmenistanyň B.Amanow adyndaky Döwlet çagalar kitaphanasy ýakynda Jemgyýetçilik guramasynyň merkezinde “Altyn asyr” teleýaýlymynyň “Söz mülküniň bossany” gepleşiginiň ýazgy etmekliginde “Garaşsyzlyk - berkarar döwletimiziň binýady” atly söhbetdeşlikli duşuşygy geçirdi. Söhbetdeşligiň dowamynda mukaddes Garaşsyzlygymyzyň 35 ýyllyk baýramy ýetip gelýän döwründe, ýurdumyzyň gazanan esasy üstünlikleri we özgerişleriniň birnäçe möhüm ugry boýunça täsirli gürrüňler edildi. Türkmenistan öz içerki we daşarky syýasatyny özi kesgitleýän azat we berkarar döwlet höküminde dünýä ýüzünde esassy orun aldy. Garaşsyzlyk–berkarar döwletimiziň binýady, halkymyzyň bagtyýar geljegine açylýan beýik ýol bolup diýarymyzy bu ýyllarda belent ösüşlere ýetdi. Söhbetdeşler şular dogrusynda hem giňişleýin gürrüňleri etdiler. Söhbetdeşligiň ahyrynda oňa gatnaşanlar mukaddes Garaşsyzlygymyzy bagtymyza deňäp, beýik işleri rowana ýollarda öňe alyp barýan Gahryman Arkadagymyza, Arkadagly Gahryman Serdarymyza alkyşlaryny beýan etdiler.