Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
«Garaşsyz, baky Bitarap Türkmenistan — bedew batly at-myradyň mekany» diýlip atlandyrylan 2026-njy ýylda ýurdumyz halkara çärelerine, toý-baýramlara, şatlykly wakalara beslenýär. Agzybir halkymyzyň köňül arzuwynyň dabaralanmasyna öwrülen şunuň ýaly çuň mazmunly şygar bilen atlandyrylan bu ýylda, eziz Watanymyz mukaddes Garaşsyzlygynyň 35 ýyllyk şanly baýramyny bedew batly uly ösüşler bilen toý-baýrama beslär. Şanly Garaşsyzlygymyz ýurdumyzyň sarsmaz binýady, halkymyzyň eşretli durmuşynyň gözbaşydyr. Ýurdumyzda hem-de dünýä döwletlerinde geçirilýän medeni çäreler dost-doganlyk gatnaşyklarymyzyň has-da berkeýändigini, medeniýet diplomatiýasynyň dabaralanýandygyny aýdyňlygy bilen açyp görkezer.

HABARLAR

No image
Tebigat gözellik paýlaýar

Kitaphanalar

24.07.2026

Türkmenistanyň B.Amanow adyndaky Döwlet çagalar kitaphanasy ýakynda “Çynar” çagalar sagaldyş we dynç alyş merkezinde ýaşaýyşyň we sazlaşygyň gözbaşy bolan türkmen tebigatynyň ajaýyp keşbi barada “Tebigat gözellik paýlaýar” atly söhbetdeşlikli duşuşygy geçirdi. Kitaphana hünärmenleri tebigaty we agaçlary söýmegi öwredýän gyzykly hekaýalary, tebigatymyzyň gözelliklerini wasp edýän täsirli goşgulary okap bermegi çagalarda has-da daglar, tokaýlar, sähralar barada täsin maglumatlarynyň baýlaşmagyna getirdi. Tebigat - bizi saklaýan we iýmitlendirýän öýümiz. Ony synlamak, öwrenmek we geljekki nesillere arassa saklamak, gowşurmak her bir adamyň borjudyr. Çünki tebigat - bu diňe bizi gurşap alýan agaçlar ýa-da daglar däl, eýsem Bütindünýäde ýaşaýşyň dowam etmegini üpjün edýän, özara berk baglanyşykly älem-jahan ulgamy. Ine şular dogrusynda söhbetdeşligiň dowamynda täsirli gürrüňler edildi. Gözel tebigatyň gujagynda, daglardan akýan çeşmeleriň sesine diň salyp tomusky dynç alyş möwsümini sapaly geçirýän ýas nesiller türkmen tebigatynyň asudalygyny, gözelligini sungat derejesine ýetirýän Gahryman Arkadagymyza, Arkadagly Gahryman Serdarymyza alkyşlary beýan etdiler.

 No image
Garaşsyzlyk – bagtymyzyň sakasy

Kitaphanalar

24.07.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Garaşsyzlyk – bagtymyzyň sakasy” ady bilen söhbetdeşlik gurnady. Bu söhbetdeşlikde Gahryman Arkadagymyzyň, Arkadagly Gahryman Serdarymyzyň ýolbaşçylygynda ýurdumyzyň Garaşsyzlygynyň şanly 35 ýyllyk baýramyna görülýän taýýarlyk, alnyp barylýan işler, medeniýet ulgamynyň ösüşi, kitaphanalaryň sanly ulgamy barada giňişleýin gürrüň edildi. Gruziýanyň Milli kitaphanasy bilen Türkmenistanyň Döwlet medeniýet merkeziniň Döwlet kitaphanasynyň arasynda baglaşylan Ähtnama barada hem giňişleýin gürrüň berildi. Söhbetdeşlige gatnaşan hünärmenler şular ýaly bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç almagyny tüýs ýürekden arzuw etdiler.

 No image
Garagumyň aýdymçysy

Kitaphanalar

24.07.2026

Türkmenistanyň B.Amanow adyndaky Döwlet çagalar kitaphanasy Gökderedäki “Çynar” çagalar sagaldyş we dynç alyş merkezinde körpeje okyjylaryň arasynda “Garagumyň aýdymçysy” şahyr Kasym Nurbatowyň doglan gününiň 75 ýyllygyna bagyşlap söhbetdeşlik geçirdi. Söhbetdeşligiň dowamynda kitaphana hünärmeni Kasym Norbatowyň ömri, nusgawy döredijiligi we çagalara goýan baý edebi mirasy barada körpeje okyjylara şeýle täsirli gürrüňleri berdi. Şeýle hem kitaphana hünärmeni şahyryň körpe okyjylaryň kalbyna barýan iň gysga ýoly tapandygyny aýratyn belledi. Onuň çagalar üçin ýazan eserleri we dünýä edebiýatyndan eden terjimeleri çagalaryň iň söýgüli kitaplaryna öwrülendigini hem belläp geçdi. Körpeje okyjylar hem öz gezeklerinde şahyryň goşgularyndan bölekleri ýatdan aýtdylar. Söhbetdeşligiň ahyrynda edebi, mirasymyzy geljekki nesillere ýetirmek maksady bilen, şeýle hem ýaşlaryň giň dünýägaraýyşly, kämil we parahatçylyk söýüji bolup ýetişmekleri üçin uly aladalary etýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

 No image
Akyldar Pyraga belent sarpa

Kitaphanalar

23.07.2026

“Garaşsyz, baky Bitarap Türkmenistan–bedew batly at-myradyň mekany” ýylymyzda Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň işgärleri bölümiň okalga zalynda “Akyldar Pyraga belent sarpa” atly giňişleýin kitap sergisini gurnady. Sergide Gahryman Arkadagymyzyň, Arkadagly Gahryman Serdarymyzyň we Gündogaryň beýik akyldary we nusgawy şahyry Magtymguly Pyragynyň ömri döredijiligine bagyşlanan kitaplary öz beýany tapdy. Gahryman Arkadagymyzyň hem-de hormatly Prezidentimiziň jöwher paýhasyndan syzylyp çykan eserlerinde Magtymguly Pyraga uly baha berilýär. Bu günki gün türkmen halky, ýaş nesillerimiz akyldar şahyrymyzyň kitaplaryny söýüp okaýarlar, şygyrlaryny bagşydyr-sazandalarymyz aýdym edip aýtýarlar. Gurnalan kitap sergisi hem akyldar şahyrymyz Magtymguly Pyragynyň döredijiligini giňden açyp görkezmekde uly ähmiýete eýe boldy. Dünýä edebiýatynda öçmejek yz goýan beýik şahsyýetlerimize uly sarpa goýýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, alyp barýan döwletli işleri elmydama rowaçlyklara beslensin!

 No image
Ýurtlary ýakynlaşdyrýan medeniýet

Kitaphanalar

23.07.2026

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda halkara medeni hyzmatdaşlygy ösdürmäge uly ähmiýet berilýär. Şol hyzmatdaşlygyň aýdyň beýany hökmünde Hormatly Prezidentimiz Arkadagly Gahryman Serdarymyzyň Gruziýa döwletine amala aşyran döwlet saparynyň dowamynda Türkmenistanyň Döwlet medeniýet merkeziniň Döwlet kitaphanasy bilen Gruziýanyň Ilýa Çawçawadze adyndaky Milli kitaphanasynyň arasynda hyzmatdaşlyk etmek hakynda Ähtnama gol çekilendigini bellemek bolar. Bu bolsa kitaphana işgärlerini has-da güýçli depginde işlemäge höweslendirdi. Şeýle taryhy waka mynasybetli Türkmenistanyň Döwlet medeniýet merkeziniň Döwlet kitaphanasynda yzygiderli söhbetdeşlikler, maslahatlar geçirilýär. Döwlet kitaphanasynyň Hyzmat ediş bölüminiň işgärleri hem gol çekilen Ähtnamadan ugur alyp, “Ýurtlary ýakynlaşdyrýan medeniýet” ady bilen söhbetdeşlik geçirdi. Söhbetdeşlikde çykyş edenler ýurdumyzda kitaphana ulgamynyň işini ösdürmekde, dostluk döwletleriň kitaphanalary bilen özara tejribe alyşmak, neşirleri gorap saklamak ýaly ugurlar boýunça hyzmatdaşlygy has-da pugtalandyrmaga uly mümkinçilik döredilýändigi dogrusynda söhbet etdiler. Şeýle hem kitaphana ulgamyny hem-de döwletler bilen halkara medeni hyzmatdaşlygy ösdürmek ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza tüýs ýürekden hoşallyk sözlerini aýtdylar.

 No image
Çagalar – durmuşyň güli

Kitaphanalar

23.07.2026

Türkmenistanyň Döwlet medeniýet merkeziniň Döwlet kitaphanasynyň Kitap saklamak bölümi Aşgabat şäherinde ýerleşýän 117-nji çagalar bagynda “Çagalar-durmuşyň güli” ady bilen körpejeleriň arasynda sesli okaýyş çäresini gurnady. Çäräniň dowamynda kitaphana işgärleri ösüp gelýän ýaş nesilleriň arasynda watansöýüjilik, terbiýe hakynda, kitaba bolan söýgi temasynda giňişleýin söhbet etdiler. Söhbetdeşligiň dowamynda körpejelere birnäçe ertekileri okap berdiler we olar bilen ertekileriň gahrymanlary hakynda sorag-jogap alyşdylar. Kitap sergisinde ýerleşdirilen kitaplar bolsa körpejeleriň ünsüni özüne çekdi. Gurnalan söhbetdeşligiň ahyrynda kitaphanaçylar we körpejeler şeýle ajaýyp durmuşda ýaşadýan türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, alyp barýan beýik işleriniň rowaç bolmagyny tüýs ýürekden arzuw etdiler.

 No image
Kitaphanalar – dost-doganlyk köprüsi

Kitaphanalar

23.07.2026

Türkmenistanyň Döwlet medeniýet merkeziniň Döwlet kitaphanasy bilen Gruziýanyň Ilýa Çarçawadze adyndaky Milli kitaphanasynyň arasynda kitaphana işi boýunça özara düşünişmek hakynda we ikitaraplaýyn hyzmatdaşlygy ösdürmek hakynda ähtnamanyň kabul edilmegi kitaphana işgärlerini buýsandyrdy. Şu mynasybetli Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan «Altyn asyr: Türkmenistan» teleýaýlymynyň ýazgy etmeginde «Kitaphanalar – dost-doganlyk köprüsi» atly söhbetdeşlik geçirildi. Kitaphana işgärleri tarapyndan gruzin ýazyjy-şahyrlarynyň eserlerinden kitap sergisiniň gurnalmagy çärä ajaýyp öwüşgin çaýdy. Söhbetdeşlige gatnaşanlar, dost-doganlyk hyzmatdaşlygyny mundan beýläk-de pugtalandyrmakda, ýurdumyzyň dünýädäki at-abraýyny belende götermekde ägirt uly işleri alyp barýan, türkmen halkynyň Milli Lideri Gahryman Arkadagymyzyň, hormatly Prezidentimiziň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

 No image
Kitap - meniň dostum

Kitaphanalar

23.07.2026

Ýakynda Türkmenistanyň Bazar Amanow adyndaky Döwlet çagalar kitaphanasynda, Aşgabat şäherindäki “Gujurly bilim merkeziniň” dil öwrenýän zehinli ýaş okyjylarynyň gatnaşmagynda “Kitap - meniň dostum” atly meýilnama esasynda, halypa ýazyjy Hemra Şirow bilen duşuşyk söhbetdeşligi geçirildi. Halypa ýazyjy Hemra Şirow çagalar bilen duşuşýandygyna örän begenýändigini, şeýle döredijilik duşuşyklaryna uly höwes bilen gatnaşýandygyny buýsanç bilen gürrüň berdi. Ýazyjynyň eserleriniň aglabasy çagalara bagyşlanýar. Şahyr çaganyň aň-bilime bolan höwesini oýarjak, tebigaty söýmeklige we töweregindäki adamlara düşünmeklige eltjek ýagşylyga çagyrýan çagalar üçin kitaplardygyny aýdyp, öz kitapçalary bilen tanyşdyrdy. Kitaplardaky şygyrlar özboluşly täsinlige eýe bolup, gyzykly çagalar dünýäsi bilen bagly düzülipdir. Şahyr duşuşykda çagalaryň aň-düşünjesini barlamak üçin düzen matematika dersi boýunça tapmaça goşgulary, edebi dilde arassa ýalňyşsyz gürläp bilmegi üçin, edebiýat sapagy bilen bagly ýaňlytmaç görnüşli goşgulary okap çagalar bilen sowal-jogap alyşdy. Çagalar öz gezeginde begenip tapmaça goşgularyň jogaplaryny berdiler. Halypa şahyr kitaplary köp okamagy, kitap bilen dostlaşsaň köp zady öwrenip bolýandygyny, wagtyňy bisarpa tutmazlygy çagalara öwüt-nesihat etdi. Söhbetdeşligiň dowamynda kitaphana hünärmenleri bölümlere gezelençde çagalary kitaplar bilen tanyşdyryp, olaryň özlerinden ulular bilen islendik wagtda gelip, gerekli kitaplaryny alyp bilýändigini aýtdylar. Çäräniň ahyrynda, oňa gatnaşyjylar ýurdumyzy bagtly çagalygyň mekanyna öwren, Gahryman Arkadagymyza, Arkadagly Gahryman Serdarymyza alkyşlaryny beýan etdiler.

 No image
Halkara kitaphana gatnaşyklarynyň ösüşi

Kitaphanalar

23.07.2026

Türkmenistanyň B.Amanow adyndaky Döwlet çagalar kitaphanasy ýakynda Türkmenistanyň Döwlet çeperçilik akademiýasynda “Güneş” žurnaly hem-de “Edebiýat we sungat” gazeti bilen bilelikde “Miras” teleýaýlymynyň ýazgy etmekliginde Hormatly Prezidentimiziň Gruziýa Döwletine amala aşyran döwlet saparynyň cäklerinde iki ýurduň arasynda hyzmatdaşlygyň dürli ugurlary boýunça uly resminamalar toplumyna gol çekilmegi aýratyn-da “Türkmenistanyň Döwlet medeniýet merkeziniň Döwlet kitaphanasy bilen Gruziýanyň Ilýa Çawçawadze adyndaky Milli kitaphanasynyň arasynda kitaphana işi çygrynda Özara Ähtnama” baglaşylmagy mynasybetli söhbetdeşlik geçirdi. Kitaphana işini sanlylaşdyrmak, seýrek duş gelýän golýazmalary sanly görnüşe geçirmek hem-de elektron maglumat binýatlarynda özara elýeterliligi üpjün etmek boýunça tejribe alyşmaklyga ýardam berjek bu ähtnamanyň kitap we kitaphana işinde ähmiýeti dogrusynda täsirli gürrüňler edildi. Bu ähtnama giň okyjylar köpçüligine türkmen we gruzin alymlarynyň, baý edebiýaty bilen has ýakyndan tanyşmaklyga giň mümkinçilikleri açar. Ine şular dogrusynda täsirli gürrüňler edildi. Söhbetdeşligiň ahyrynda oña gatnaşanlar kitap we kitaphana işini halkara kitaphana ulgamy bilen tejribelerini baýlaşdyrmaklykda döwletara kararlardyr, resminamalary kabul edýän Gahryman Arkadagymyza, Arkadagly Gahryman Serdarymyza alkyşlar beýan edildi.

 No image
Syýahatçylyk gezelenji

Syýahatçylyk

23.07.2026

Ýurdumyzyň taryhy we medeni ýadygärliklerine syýahatçylary çekmek boýunça alnyp barylýan işleriň has-da netijeli bolmagyny gazanmak hem-de içerki syýahatçylygy ösdürmek maksady bilen, Türkmenistanyň Medeniýet ministrliginiň Syýahatçylyk müdirliginiň hem-de Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirliginiň bilelikde guramagynda 2026-njy ýylyň 20-nji iýulynda Ahal welaýatynyň çägindäki, Beýik Ýüpek ýolunyň ugrunda ýerleşýän gadymy Abiwerd galasyna we Abu Seýit Abul Haýryň kümmetine (Mäne baba) içerki syýahatçylyk gezelenji guraldy. Syýahat gezelenjine Aşgabat şäheriniň syýahatçylyk kärhanasynyň hünärmenleri, Döwletmämmet Azady adyndaky Türkmen milli dünýä dilleri institutynyň mugallymlary, şeýle-de Kaka hem-de Altyn asyr etraplarynyň orta mekdepleriniň mugallymlary gatnaşdylar. Syýahatyň dowamynda syýahatçylara, Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirligiň hünärmenleri gadymy ýadygärlikleriň taryhy hem-de halkyň durmuşyndaky möhüm ähmiýeti hakynda giň maglumatlary özünde jemleýän örän täsirli gürrüňleri berdiler.