Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
«Garaşsyz, baky Bitarap Türkmenistan — bedew batly at-myradyň mekany» diýlip atlandyrylan 2026-njy ýylda ýurdumyz halkara çärelerine, toý-baýramlara, şatlykly wakalara beslenýär. Agzybir halkymyzyň köňül arzuwynyň dabaralanmasyna öwrülen şunuň ýaly çuň mazmunly şygar bilen atlandyrylan bu ýylda, eziz Watanymyz mukaddes Garaşsyzlygynyň 35 ýyllyk şanly baýramyny bedew batly uly ösüşler bilen toý-baýrama beslär. Şanly Garaşsyzlygymyz ýurdumyzyň sarsmaz binýady, halkymyzyň eşretli durmuşynyň gözbaşydyr. Ýurdumyzda hem-de dünýä döwletlerinde geçirilýän medeni çäreler dost-doganlyk gatnaşyklarymyzyň has-da berkeýändigini, medeniýet diplomatiýasynyň dabaralanýandygyny aýdyňlygy bilen açyp görkezer.

HABARLAR

No image
Saglyk – baýlyk

Kitaphanalar

13.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň gurnamagynda “Saglyk – baýlyk” atly gürrüňdeşlik geçirildi. Gürrüňdeşlikde Gahryman Arkadagymyzyň “Türkmenistanyň dermanlyk ösümlikleri” atly köp tomly ensiklopedik kitabynyň halkymyz, aýratyn hem, saglygy goraýyş ulgamy üçin gymmatly gollanma bolup hyzmat edýändigini buýsanç bilen gürrüň berdiler. Mundan başga-da, tebigatyň ynsan saglygy bilen sazlaşygyny amala aşyrmaga ýardam edýän bu kitabyň dünýäniň dürli dillerine terjime edilendigi, şeýle hem, Alym Arkadagymyzyň dermanlyk ösümlikleri barada häzirki zaman lukmançylygynyň dünýä tejribesinde gazananlarynyň üstüni ýetirýändigi hakynda bellediler. Gürrüňdeşligiň ahyrynda ýurdumyzy sagdynlygyň mekanyna öwürýän, Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
Maslahat geçirildi

Kitaphanalar

13.10.2026

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň saýasynda, ýurdumyzyň her bir güni toý-baýramlara, şanly senelere hem-de taryhy wakalara beslenýär. Arkadag şäher Köpugurly hassahanasynda hem “Saglyk bolar-durmuşyň gözbaşy” atly maslahat geçirildi. Maslahatda Döwletmämmet Azady adyndaky Arkadag şäher kitaphanasynyň işgärleri Gahryman Arkadagymyzyň hem-de Arkadagly Gahryman Serdarymyzyň jöwher paýhasyndan syzylyp çykan eserlerinden kitap sergisini gurnadylar. Maslahata gatnaşyjylar sergini höwes bilen synladylar hem-de kitaplardan adam saglygy baradaky gymmatly we gyzykly maglumatlary okadylar.

 No image
Çagalar biziň geljegimiz

Kitaphanalar

13.10.2026

Türkmenistanyň Döwlet medeniýet merkeziniň Döwlet kitaphanasynyň Kitap saklamak bölüminiň işgärleri, Aşgabat şäherinde ýerleşýän 48-nji çagalar bakja - bagynda “Çagalar biziň geljegimizdir, durmuşymyzyň gülleridir” atly körpeleriň arasynda çagalar üçin niýetlenen ertekilerden çeper okaýyş we neşir önümlerinden kitap sergisini gurnadylar. Kitaphana işgärleri körpelere türkmen halk ertekilerinden birnäçesini okap berdiler we ertekileriň gahrymanlarynyň edermenligi hakynda gyzykly gürrüňleri etdiler. Kitap sergisinde ýerleşdirilen kitaplar körpeleriň ünsüni özüne çekdi. Çärä gatnaşyjylar asuda ýurdumyzda geljegimiz bolan ýaş nesliň ilhalar, ylym-bilimden paýly bolup ýetişmekleri üçin ägirt uly işleri amala aşyrýan, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, alyp barýan beýik işleriniň rowaç bolmagyny arzuw etdiler.

 No image
Gyzykly gezelenç

Kitaphanalar

12.10.2026

Ýakynda Türkmenistanyň Döwlet medeniýet merkeziniň Döwlet kitaphanasynda, Türkmen döwlet ykdysadyýet we dolandyryş institutynyň talyplary we mugallymlary gezelençde boldular. Mugallymlar we talyp ýaşlar Döwlet kitaphanasynyň bölümleri hem-de alyp barýan işleri bilen tanyşdylar. Kitap sergileri talyp ýaşlarda uly gyzyklanma döretdi hem-de gerekli maglumatlaryny tapyp olardan peýdalandylar. Gezelençde bolan talyp ýaşlar hem-de mugallymlar täze tehnologiýalar bilen üpjün edilen ýokary okuw mekdeplerinde okamaga, öwrenmäge, işlemäge giň mümkinçilikleri döredip berýän, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli işleriniň rowaç bolmagyny arzuw etdiler.

 No image
Maksatly menzilleriň waspy

Kitaphanalar

09.10.2026

Türkmenistanyň Döwlet medeniýet merkeziniň Döwlet kitaphanasynda “Altyn asyr: Türkmenistan” teleýaýlymynyň ýazgy etmeginde ýurdumyzda geçirilen şanly seneler we taryhy wakalar hakynda kitaphanaçylar bilen söhbetdeşlik guraldy. Çykyş edenler “Garaşsyz, baky Bitarap Türkmenistan-bedew batly at-myradyň mekany” ýylynyň her bir gününiň taryhy wakalar, şanly seneler, toý-baýramlar bilen utgaşýandygy, şeýle taryhy wakalaryň hatarynda Türkmenistanyň Halk Maslahatynyň mejlisiniň möhüm orny eýeleýändigini nygtadylar. Türkmenistanyň Halk Maslahatynyň nobatdaky mejlisinde il-ýurt bähbitli möhüm çözgütleriň kabul edilmegi, ýurdumyzyň her bir raýatynda eziz Watanymyza bolan buýsanjy, söýgüni artdyryp, agzybirligimizi, jebisligimizi has-da pugtalandyrýandygyny bellediler. Mundan başga-da, ýurdumyzyň ähli künjeginde uludan toýlanylan mukaddes Garaşsyzlygymyzyň şanly 35 ýyllyk baýramynyň, garaşsyzlyk ýyllarynda gazanylan üstünlikleriň, ajaýyp ýeňişleriň, ýetilen beýik sepgitleriň aýdyň subutnamasy bolup, dünýä ýaň salýandygy hakynda söhbet etdiler. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza hoşallyk sözlerini aýtdylar.

 No image
Çeper okaýyş we göçme kitap sergisi

Kitaphanalar

09.10.2026

Golaýda Türkmenistanyň Döwlet medeniýet merkeziniň Döwlet kitaphanasynyň Sungat bölümi tarapyndan 47-nji çagalar bakja bagynda “Medeniýetli nesil-bagtyýar geljegiň gözbaşy” atly çeper okaýyş we göçme kitap sergisi guraldy. Çagalar bakja bagynda guralan sergidäki kitaplar, ertekiler çagalarda uly täsir galdyrdy. Kitaphanaçylaryň okap beren ertekilerini çagalar uly höwes bilen diňlediler. Berkarar döwletiň täze eýýamynyň Galkynyşy döwründe, Gahryman Arkadagymyzyň, Hormatly Prezidentimiziň taýsyz tagallalarynyň netijesinde kitabyň sarpasy belent tutulýar. Ýaş nesillerimiziň ylym-bilimli bolmaklary üçin ähli şertleri döredýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri rowaçlyklara beslensin.

 No image
Saglyk rowaçlygyň sakasy

Kitaphanalar

09.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasynyň guramagynda «Saglyk rowaçlygyň sakasy» ady bilen gürrüňdeşlik geçirildi. Gürrüňdeşlikde Gahryman Arkadagymyzyň “Türkmenistanyň dermanlyk ösümlikleri”, “Çaý-melhem hem ylham” atly kitaplarynda beýan edilen gözel tebigatymyzda ösýän birnäçe melhem otlaryň hem-de melhem çaýlaryň ynsan saglygyna uly täsiriniň bardygy dogrusynda giňişleýin gürrüň berdiler. Şeýle-de eziz Watanymyzda ynsan saglygy bahasyna ýetip bolmaýan baýlyk bolup, bu baýlygy aýap saklamak üçin sagdyn durmuş ýörelgesini berk berjaý etmekligiň zerurdygyny belläp geçdiler. Gürrüňdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
Sagdyn nesil- sagdyn jemgyýet

Kitaphanalar

09.10.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi “Türkmenistanyň saglygy goraýyş we derman senagaty işgärleriniň güni” mynasybetli “Sagdyn nesil-sagdyn jemgyýet” atly wagyz-nesihat çäresini gurnady. “Aşgabat” teleýaýlymynyň ýazgy etmeginde geçirilen çärede saglyk öýüniň lukmanlary, Myrat Garryýew adyndaky Türkmenistanyň Döwlet Lukmançylyk uniwersitetiniň mugallymy we kitaphana işgärleri gatnaşyp, hormatly Prezidentimiziň ýolbaşçylygynda döwletiň iň uly baýlygy bolan adamlaryň saglygyny goramakda, saglygy goraýyş ulgamyny hil taýdan täze derejelere çykarmakda uly tagallalaryň edilýändigi hakynda buýsanç bilen belläp geçdiler. Mundan başga-da Berkarar döwletiň täze eýýamynyň Galkynyşy döwründe ýurdumyzda gurlup ulanylmana berilýän döwrebap hassahanalaryň, sagaldyş we dikeldiş merkezleriniň, şypahanalaryň we sport desgalarynyň adam üçin täsiriniň ulydygyny belläp geçdiler. Kitaphanada gurnalan saglygy goraýyşda ýetilen sepgitleri aýdyň açyp görkezýän kitap sergisi bolsa çärä gatnaşanlarda uly täsir galdyrdy. Wagyz-nesihat çäresiniň ahyrynda oňa gatnaşanlar halkymyzyň abadan, bagtyýar durmuşy ugrunda ýadawsyz aladalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
Gahryman Arkadagymyzyň “Türkmenistanyň dermanlyk ösümlikleri” atly kitaby esasynda

Kitaphanalar

09.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň guramagynda Gahryman Arkadagymyzyň “Türkmenistanyň dermanlyk ösümlikleri” atly kitaplary esasynda gürrüňdeşlik geçirildi. Gürrüňdeşlikde Gahryman Arkadagymyzyň “Türkmenistanyň dermanlyk ösümlikleri” atly köp jiltli ylmy ensiklopedik kitabynda ýurdumyzda bitýän dermanlyk ösümlikleriň ylmy esasda öwrenilip, halk lukmançylygynda giňden ulanylýandygy barada gürrüň berdiler. Şeýle-de Gahryman Arkadagymyzyň “Türkmenistanyň dermanlyk ösümlikleri” atly köp jiltli ylmy ensiklopedik kitaplarynda adam saglygyna peýdaly we dürli kesellere melhem bolýan dermanlyk ösümlikleriň häsiýetleri we aýratynlyklary giňişleýin beýan edilendigi dogrusynda hem çykyş etdiler. Çäräniň ahyrynda Watanymyzyň asudalygy, il-günümiziň sagdyn ýaşamagy üçin uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

 No image
Kitap sergisi

Kitaphanalar

09.10.2026

Ýakynda Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi tarapyndan “Almaly, narly baglar” atly kitap sergisi gurnaldy. Bu kitap sergisinde Gahryman Arkadagymyzyň hem-de hormatly Prezidentimiziň nusgalyk eserleri ýerleşdirildi. Mundan başga-da, bagçylyk bilen bagly edebiýatlara hem orun berildi. Kitap sergisini görmäge gelen okyjylar üçin, bu ajaýyp edebiýatlary görmäge, öwrenmäge giň mümkinçilikler döredildi. Sergä gatnaşyjylar ajaýyp bagtyýar durmuşda ýaşadýan, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli beýik işleriniň rowaç bolmagyny arzuw etdiler.