HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Sport sagdynlygyň, ruhubelentligiň we gözelligiň gözbaşy

Kitaphanalar

04.06.2026

Döwletmämmet Azady adyndaky Arkadag şäher kitaphanasynyň guramagynda “Sport sagdynlygyň, ruhubelentligiň we gözelligiň gözbaşy” atly döredijilik duşuşygy geçirildi. Gahryman Arkadagymyzyň, Arkadagly Gahryman Serdarymyzyň parasatly baştutanlygynda ilatyň saglygyny ähli zatdan ileri goýup, “Il saglygy ýurt baýlygy!” diýen şygara besleýän beýik işleri durmuşa geçirýär. Bütindünýä welosiped güni sagdynlygyň, sportuň we dostlugyň baýramy 3-nji iýunda, asylly däbe görä, ýurdumyzda Bütindünýä welosiped güni bellenildi. Hormatly Prezidentimiziň belleýşi ýaly, sport jebisleşdirji, ruhlandyryjy güýç bolmak bilen, ählumumy parahatçylygy, ýurtlaryň we halklaryň arasyndaky dostlukly gatnaşyklary pugtalandyrmaga hyzmat edýär. Arkadag şäherinde Bütindünýä welosiped güni mynasybetli her ýyl uly ruhubelentlik bilen köpçülikleýin welosipedli ýörişler we sport çäreleri guralýar. Duşuşygyň ahyrynda türkmen sportyny ösdürmekde, dünýä ýaýmakda uly işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, tutýan tutumly işleri rowaçlyklara beslensin.

Bagtyýar çagalar geljegiň nury

Kitaphanalar

03.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy bilen Türkmenistanyň Energetika ministrliginiň Gökderedäki “Çynar” çagalar sagaldyş we dynç alyş merkeziniň bilelikde gurnamagynda Çagalary goramagyň halkara güni mynasybetli “Bagtyýar çagalar geljegiň nury” ady bilen baýramçylyk çäresi geçirildi. Çärede çagalary goramagyň halkara gününiň giňden bellenilmeginde ösüp gelýän ýaş nesliň geljeginiň bagtyýar bolmagyna ýurdumyzyň gözel künjeklerinde rahat dynç alyp wagtlaryny gyzykly geçirmekleri üçin dünýä ülňülerine laýyk gelýän çagalar sagaldyş we dynç alyş merkezleriniň hereket edýändigi barada gürrüň berdiler. Şeýle-de çagalaryň yhlasly okamaklary ylmy edebi döredijilik bilen meşgullanyp kämil we ösen şahsyýetler bolup ýetişmekleri üçin ähli şertleriň döredilýändigi barada giňişleýin çykyş etdiler. Çäräniň ahyrynda bagtyýar çagalaryň isleg arzuwlarynyň hasyl bolmagy ugrunda ägirt uly işleri amala aşyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Welosiped sporty – sagdynlyga badalga

Kitaphanalar

03.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Türkmenistanyň Garaşsyzlygynyň 15 ýyllygy seýilgähinde «Welosiped sporty – sagdynlyga badalga» ady bilen söhbetdeşlik geçirildi. Söhbetdeşlikde çykyş edenler her ýylyň 3-nji iýunynda güneşli Diýarymyzda Bütindünýä welosiped güniniň giňden bellenilip geçilýändigi, Berkarar döwletiň täze eýýamynyň Galkynyşy döwründe sagdyn durmuş ýörelgelerine eýermek asylly däbe öwrülip, ýurdumyzda jemgyýetiň we döwletiň iň ýokary gymmatlygy bolan adamyň saglygyny goramaga gönükdirilen ynsanperwer döwlet syýasatynyň alnyp barylýandygy barada giňişleýin gürrüň berdiler. Şeýle-de ýurdumyzyň döwlet syýasatynda sporty ösdürmekde we ussat türgenleri taýýarlamakda halkara hyzmatdaşlyga aýratyn ähmiýet berilmegi, sportuň barha dabaralanmagyna esas bolýandygy barada belläp geçdiler. Söhbetdeşligiň ahyrynda Watanymyzyň mundan beýläk hem, gülläp ösmegi halkymyzyň abadançylygy, bagtyýarlygy ugrunda uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Talyplar kitaphana hyzmatlary bilen tanyşdylar

Kitaphanalar

03.06.2026

Myrat Garryýew adyndaky Türkmenistanyň Döwlet lukmançylyk uniwersitetiniň talyplary, Türkmenistanyň Döwlet medeniýet merkeziniň Döwlet kitaphanasynda bolup, okyjylara döwrebap hyzmat edilişi bilen tanyşdylar. Talyp ýaşlar özlerini gyzyklandyrýan sowallara hem jogap tapdylar. Berkarar döwletiň täze eýýamynyň Galkynyşy döwründe ýurdumyzda ähli ulgamlar bilen bir hatarda, bilim ulgamyny ösdürmek, okatmagyň usulyýetini kämilleşdirmek, sanly bilim ulgamyny ornaşdyrmak boýunça giň gerimli işler alnyp barylýar. Talyp ýaşlar döredilýän giň mümkinçilikler, ajaýyp şertler üçin Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, döwlet ähmiýetli tutýan tutumly işleriniň rowaçlyklara beslenmegini arzuw etdiler.

Suwly ýer gül

Kitaphanalar

03.06.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Suwly ýer gül” ady bilen kitap sergisini gurnady. Bu kitap sergisinde Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň nusgalyk eserleri ýerleşdirildi. Mundan başga-da suw bilen bagly edebiýatlar hem ýerleşdirildi. Kitap sergisini görmäge gelen okyjylar üçin bu ajaýyp edebiýatlary görmäge, öwrenmäge giň mümkinçilikler döredildi. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç almagyny tüýs ýürekden arzuw etdiler.

Halypamdy – hazynamdy

Kitaphanalar

03.06.2026

Türkmenistanyň Döwlet medeniýet merkeziniň Döwlet kitaphanasynyň “Sungat” bölüminiň guramagynda “Halypamdy–hazynamdy” atly Türkmenistanyň at gazanan artisti Kadyrberdi Atabaýewiň doglan gününiň 70 ýyllygyna bagyşlanan döredijilik agşamy geçirildi. Türkmenistanyň Döwlet medeniýet merkeziniň Döwlet kitaphanasynyň Sungat bölümi türkmen medeniýetiniň we sungatynyň ösmegine hem-de kämilleşmegine öz mynasyp goşantlaryny goşan ussat halypalar barada Döwlet kitaphanasynyň hazynasynda saklanýan dürli döwürleýin neşirlerde, kitaplarda çap edilen makalalary bir ýere jemläp, okyjylara ýetirmek maksady bilen “Sungat äleminde” ady bilen tapgyrlaýyn usuly-gollanma taýýarlaýar. Şolaryň biri-de “Käri boýunça artist, ylham joşguny boýunça şahyr, uly guramaçy, ajaýyp ýoldaş” diýlip atlandyrylyp, 2026-njy “Garaşsyz, baky Bitarap Türkmenistan – bedew batly at-myradyň mekany” ýylynda 70 ýaşy bellenilýän, Türkmenistanyň at gazanan artisti, öz döredijilik ýoluna Lebabyň Seýitnazar Seýdi adyndaky sazly-drama teatrynda başlan merhum Kadyrberdi Atabaýewiň ömri we döredijiligine bagyşlanýar. Gahryman Arkadagymyzyň, Arkadagly Gahryman Serdarmyzyň taýsyz tagallalary netijesinde ata-babalarymyzdan miras galan halypa-şägirtlik ýoly täze keşbe eýe bolýar, döwrebap ýörelgeler bilen baýlaşdyrylýar. Ine şu gün Döwlet kitaphanasynyň işgärleri döwrebap ýörelgelerden ugur alyp geçirýän Türkmenistanyň at gazanan artisti Kadyrberdi Atabaýewiň doglan gününiň 70 ýyllygyna bagyşlap “Halypamdy – hazynamdy” atly döredijilik agşamyna birnäçe myhmanlary çagyrdylar. Çäräniň başynda söýgüli artistimiz, Türkmenistanyň at gazanan artisti Kadyrberdi Atabaýew hakyndaky filmden bölege seretdiler. Il arasynda ölmez-ýitmez eserleri, keşpleri, sahnalary ýadygär goýup giden halypamyz, Türkmenistanyň at gazanan artisti Kadyrberdi Atabaýewdir. Kadyrberdi Atabaýew biziň her birimiziň ýüregimizde ýaşaýar. Şular ýaly ussat halypalary ýatlamaga, olaryň döredijiligini nesilden-nesle geçirmäge uly mümkinçilikleri döredýän, halklaryň arasynda dostluk köprüsini çekýän türkmen medeniýetiniň binýadynyň berk bolup, dünýä ýaýylmagy, gülläp ösmegi barada uly tagallalar edýän Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, tutýan tutumly işleriniň elmydama rowaç almagyny tüýs ýürekden arzuw etdiler.

Berkarar Watan - bagtyýar nesil!

Kitaphanalar

03.06.2026

Türkmenistanyň Döwlet medeniýet merkeziniň Mukamlar köşgünde Çagalary goramagyň Halkara güni mynasybetli geçirilen dabaranyň çäginde Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi “Berkarar Watan- bagtyýar nesil!” atly göçme kitap sergisini gurnady. Sergide Gahryman Arkadagymyzyň, Arkadagly Gahryman Serdarymyzyň ýaşlara görelde mekdebi bolan eserleri, bagtyýar ýaşlarymyzyň gazanan üstünliklerini beýan edýän kitaplar, çeper eserler we körpe nesiller üçin niýetlenen türkmen halk ertekileri ýerleşdirildi. Bu gurnalan kitap sergisi parahat ýurdumyzda sagdyn ösüp kemala gelýän ýaşlarymyzda, körpeje çagajyklarda uly täsir galdyrdy. Ýurdumyzy bagtyýar çagalaryň mekanyna öwüren Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il – ýurt bähbitli, döwlet ähmiýetli beýik işleri elmydama rowaçlyklara beslensin.

Çagalaryň hoş owazy – durmuşyň bagt sazy

Kitaphanalar

02.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagyr ýaşaýyş toplumynyň kitaphana şahamçasynyň guramagynda 146-njy çagalar bagynda «Çagalaryň hoş owazy – durmuşyň bagt sazy» ady bilen gürrüňdeşlik geçirildi. Gürrüňdeşlikde Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda Çagalary goramagyň halkara güni ýokary ruhubelentlikde baýram edilip bellenilýändigi, muňa Gahryman Arkadagymyzyň: “Çagalara aýratyn üns bermek, olara söýgi bilen garamak asyrlaryň dowamynda türkmen halkynyň kämilleşip gelen ruhy gymmatlygydyr” diýen parasatly sözleri, körpeler baradaky aladalaryň aýdyň subutnamasy bolup durýandygy barada giňişleýin gürrüň berdiler. Şeýle-de ýurdumyzda çagalaryň abadan, parahat, asuda bolelin durmuşda ýaşamaklary, her bir çaganyň döwletiň hemmetaraplaýyn goldawyndan we goragyndan peýdalanmagy, döwrümiziň talabyna görä bilim-terbiýe almaklary üçin uly işler amala aşyrylýandygy dogrusynda beýan etdiler. Çäräniň ahyrynda Watanymyzda körpeje nesillerimiziň şadyýan gülküsiniň ýaňlanyp durmagy, olaryň ylymly-bilimli ýaşlar bolup ýetişmekleri ugrunda uly işleri amala aşyrýan Gahryman Arkadagymyza, Arkadagly Gahryman Serdarymyza çäksiz minnetdarlyk sözlerini aýtdylar.

Bagtyýar döwrüň bagtly çagalary

Kitaphanalar

02.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Seýitnazar Seýdi adyndaky kitaphana şahamçasynyň guramagynda 2-nji çagalar bagynda «Bagtyýar döwrüň bagtly çagalary» ady bilen gürrüňdeşlik geçirildi. Gürrüňdeşlikde 1-nji iýun Çagalary goramagyň halkara güni mynasybetli ýurdumyzyň ähli welaýatlarynda şeýle hem gözel paýtagtymyz Aşgabat şäherinde hem baýramçylyk çäreleri şatlyk-şowhuna beslenip, giňden bellenilip geçirilýändigi hakynda gürrüň berdiler. Güneşli tomus paslynyň ilkinji günlerinde bu halkara baýramyň şanyna geçirilýän aýdym-sazly dabaralar, medeni-jemgyýetçilik çäreler türkmen halkymyzyň durmuşyna bagt nuruny çaýýan şadyýan körpelerimiziň kalbynda Garaşsyz Diýarymyzda gazanylýan üstünliklere çäksiz buýsanç döreýär diýip nygtap geçdiler. Gürrüňdeşligiň dowamynda körpeje nesillerimize birnäçe ertekili kitaplardan çeper okap berdiler. Gürrüňdeşligiň ahyrynda durmuşymyzyň gymmaty we parahat geljegimiziň diregi bolan bagtyýar çagalar barada edýän atalyk aladalary üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Milli miras - bedew batly ösüşleriň binýady

Kitaphanalar

02.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Halkara senagatçylar we telekeçiler uniwersitetinde «Garaşsyz, baky Bitarap Türkmenistan - bedew batly at-myradyň mekany ýyly» mynasybetli «Milli miras - bedew batly ösüşleriň binýady» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe «Garaşsyz, baky Bitarap Türkmenistan - bedew batly at-myradyň mekany ýyly» çuňňur many-mazmuna eýedigi, çünki bu ýyl şanly Garaşsyzlygymyzyň 35 ýyllyk toýunyň toýlanýandygy, şeýle-de ýelden ýüwrük ahalteke bedewleri Watanymyzyň döredijilik kuwwatynyň, ösüşiň täze belentliklerine tarap ynamly gadamlarynyň, halkymyzyň tutanýerli zähmetiniň nyşanyna öwrülendigi barada giňişleýin gürrüň berdiler. Şeýle-de Türkmen halkynyň milli buýsanjyny, gadymy gymmatlyklaryny çuňňur öwrenmekde we ösdürmekde, medeni mirasymyzy gorap saklamak ýaşlaryň arasynda ýaýbaňlandyrylýandygy barada giňişleýin beýan etdiler. Gurnalan göçme kitap sergide Gahryman Arkadagymyzyň, Arkadagly Gahryman Serdarymyzyň pähim-paýhasyndan dörän ajaýyp eserleri, şeýle hem many-mazmuna ýugrulan birnäçe kitaplar ýerleşdirildi bu bolsa, çäräniň täsirini has-da artdyrdy. Çäräniň ahyrynda Watanymyzy bedew bady bilen beýik ösüşlerden-ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 10
• 11
• 12
• ...
• 123
• →