Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
«Garaşsyz, baky Bitarap Türkmenistan — bedew batly at-myradyň mekany» diýlip atlandyrylan 2026-njy ýylda ýurdumyz halkara çärelerine, toý-baýramlara, şatlykly wakalara beslenýär. Agzybir halkymyzyň köňül arzuwynyň dabaralanmasyna öwrülen şunuň ýaly çuň mazmunly şygar bilen atlandyrylan bu ýylda, eziz Watanymyz mukaddes Garaşsyzlygynyň 35 ýyllyk şanly baýramyny bedew batly uly ösüşler bilen toý-baýrama beslär. Şanly Garaşsyzlygymyz ýurdumyzyň sarsmaz binýady, halkymyzyň eşretli durmuşynyň gözbaşydyr. Ýurdumyzda hem-de dünýä döwletlerinde geçirilýän medeni çäreler dost-doganlyk gatnaşyklarymyzyň has-da berkeýändigini, medeniýet diplomatiýasynyň dabaralanýandygyny aýdyňlygy bilen açyp görkezer.

HABARLAR

No image
Bagtyýar çagalar – röwşen geljegimizdir

Kitaphanalar

02.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasynyň guramagynda 164-nji çagalar bagynda «Bagtyýar çagalar – röwşen geljegimizdir» ady bilen gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde sagdynlygyň we ruhubelentligiň, bagtyýar çagalaryň ýurdy hökmünde 1-nji iýun çagalary goramagyň halkara güniniň giňden we dabaraly ýagdaýda bellenilýändigi, çünki ýurduň bagtyýarlygy erteki günüň aýdyňlygy, ösüp gelýän ýaş nesiller hakyndaky aladalardan gözbaş alýandygy barada giňişleýin gürrüň berdiler. Şeýle-de bagtyýar çagalaryň ruhubelent, şadyýan gülki sesleriniň hemişe ýaňlanyp durmagy üçin, olary milli ruhda terbiýelemekde, watansöýüji adamlar bolup ýetişmekleri üçin bimöçber aladalaryň edilýändigi barada beýan etdiler. Gürrüňdeşligiň ahyrynda bagtyýar nesillerimiziň geljegi ugrunda atalyk aladalary edýän Gahryman Arkadagymyza, Arkadagly Gahryman Serdarmyza alkyş sözlerini aýtdylar.

 No image
Bagtyýar çagalar – köňülleriň buýsanjy

Kitaphanalar

02.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasynyň guramagynda 2-nji “Bagtly nesil” çagalar bagynda «Bagtyýar çagalar – köňülleriň buýsanjy» ady bilen gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe rowaçlyklara beslenýän “Garaşsyz, baky Bitarap Türkmenistan – bedew batly at – myradyň mekany” ýylymyzda eziz Diýarymyzyň her bir güni toý – baýramlara beslenýändigini, bagtyýar körpeleriň ajaýyp baýramy - Çagalary goramagyň halkara güni mynasybetli ýurdumyzyň ähli ýerlerinde dürli çäreleriň guralýandygy, Watanymyzda ýaşlar, esasan hem ýaş nesiller babatda ägirt uly aladalaryň edilýändigi barada giňişleýin gürrüň berdiler. Şeýle-de bagtyýar çagalarymyzyň, rahat dynç alyp, okap, öwrenip, döredip, ylymly–bilimli, giň dünýägaraýyşly, sagdyn bedenli, edep–terbiýeli, Watana wepaly bolup ýetişmeklerine gönükdirilen maksatnamalaryň üstünlikli amala aşyrylýandygy barada belläp geçdiler. Çäräniň dowamynda çagalaryň söýgüli ertekileri, tapmaçalary we matallary esasynda sowal-jogap bäsleşiginiň guralmagy çäräniň täsirini has-da artdyrdy. Çäräniň ahyrynda bagtyýar çagalarymyzyň watansöýüjilik, ynsanperwerlik we dostluk ruhunda terbiýelenmegi babatda yzygiderli atalyk aladalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
Çagalaryň gülkisi iň ajaýyp senadyr

Kitaphanalar

02.06.2026

Türkmenistanyň B.Amanow adyndaky Döwlet çagalar kitaphanasy ýakynda ýaşajyk okyjylary bilen bilelikde Arkaç–söwda dynç alyş merkezinde Çagalary goramagyň halkara güni mynasybetli “Çagalaryň gülkisi iň ajaýyp senadyr” atly baýramçylyk çäresini geçirdi. BMG-niň çagalaryň hukuklary we bähbitleri baradaky esasy ýörelgelerine ygrarlydygyny hem-de ýaş nesil barada içgin alada edýändigini alamatlandyrýan şanly sene hökmünde resmi tertipde 1-nji iýunda ýurdymyz tutuş dünýä bileleşigi bilen bilelikde Çagalary goramagyň halkara günini belleýär. Gelejegimiz bolan ýaş nesillerimiziň beden we aň-bilim, ruhy-ahlak durmuş taýdan hemmetaraplaýyn sazlaşykly ösüşini üpjün etmek diýarymyzyň döwlet syýasatynyň ileri tutulýan ugurlarynyň biri bolmagynda galýar. Ine şular dogrusynda söhbetdeşligiň dowamynda giňişleýin gürrüňler edildi. Kitaphana hünärmeniniň “Ertekiniň dowamy” atly kitapdan körpeje okyjylara okap beren goşgularyny, ertekilerini gyzyklanma bilen diňlediler. Çäräniň ahyrynda oňa gatnaşanlar eziz Watanymyzy çagalaryň iň arzyly arzuwlarynyň hasyl bolýan mekanyna öwürýän Gahryman Arkadagymyza, Arkadagly Gahryman Serdarymyza alkyşlary beýan etdiler.

 No image
Çagalar şahyry

Kitaphanalar

02.06.2026

Aşgabat şäherinde ýerleşýän Bäşim Nuraly adyndaky çeperçilik mekdebinde çagalar şahyry Hemra Şirowyň neo-poeziýa, ýagny şekilli şygyrlarynyň sergisi gurnaldy. Bu sergä Aşgabat şäheriniň birnäçe kitaphanalaryndan, şeýle hem, Türkmenistanyň B.Amanow adyndaky döwlet çagalar kitaphanasynyň hünärmenleri gatnaşdylar. Ýazyjy, şahyr, dramaturg Hemra Şirow türkmen poeziýasynda şekilli şygryýetiň esasyny goýujy, şygryýet äleminiň bu ugruny täze many-mazmun bilen baýlaşdyran çagalar şahyrlarynyň ilkinjisidir. Bu žanryň adaty bolmadyk tebigaty many taýdan şekile düzülýän şygyrdaky ýa-da onuň, başgaça atlandyrylyşy ýaly, belli bir görnüşe eýe bolýan goşgudaky sözleriň ýerleşişi bilen goşgynyň düýp mazmunyny beýan edýän şekiliniň emele getirilmegidir. Şeýle täsirli şekilli şygyrlary mekdep okuwçylary, myhmanlar haýran galmaklyk bilen ellerine alyp, synlap, höwes bilen okap gördüler. Şygyrlar özboluşly täsinlige eýe bolupdyr, gyzykly, çagalar dünýäsi bilen bagly düzülipdir. Serginiň dowamynda şahyr ýaşajyk okyjylar bilen sorag-jogap alyşdy. Halypa şahyr kitaplary köpräk okamagy, diňe kitap bilen dostlaşanyňda köp zady öwrenip boljakdygyny, wagty bisarpa tutmazlygy okuwçylara öwüt-ündew etdi. Geçirilen çärede şahyryň birnäçe tomdan ybarat bolan kitaplaryndan we irki döwürlerde neşir edilen eserlerinden goýlan nusgalar kitap sergisini bezedi we okuwçylarda uly täsir galdyrdy. Gurnalan çäräniň ahyrynda bagtly çagalaryň iň arzyly arzuwlarynyň hasyl bolýan ýurduna öwürýän Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.

 No image
Bagtyýar zamananyň bagtyýar balalary

Kitaphanalar

02.06.2026

Döwletmämmet Azady adyndaky Arkadag şäher kitaphanasynyň hem-de Arkadag şäheriniň 9-njy çagalar bagynyň bilelikde guramagynda “Bagtyýar zamananyň bagtyýar balalary” atly söhbetdeşlik geçirildi. Söhbetdeşlikde taryhyň ähli döwürlerinde halkymyz kitaba aýratyn sarpa goýupdyr. Türkmenler tarapyndan gurlan kitaphanalar öz döwründe dünýä alymlary üçin arzyly mekan bolupdyr. Kitap okamak diňe bir uly adamlar üçin däl, eýsem, çagalar üçinem örän möhümdir. Kiçilikden kitap okamagy endik edinmek adama örän köp peýda getirýär. Bilermenleriň bellemegine görä, çagalar üçin niýetlenen edebiýatda duş gelýän seýrek ulanylýan sözleriň möçberi uly adamlaryň gündelik gepleşikde peýdalanýan jümlelerinden 50 göterim köpdür. Şonuň üçinem çagalara kiçiliginden kitap okap bermek, olaryň söz baýlygynyň artmagyna uly goşant goşýar. Şeýle hem çagalaryň köp sözleri gepleşik arkaly däl-de, hut kitaplardaky ertekileriň ýa-da multifilmleriň üsti bilen öwrenýändikleri barada giňişleýin söhbet etdiler. Söhbetdeşligiň dowamynda bagtyýar körpeler özleriniň öwrenen ajaýyp goşgularyny aýdyp berdiler. Söhbetdeşligiň ahyrynda eziz Diýarymyzda körpe nesilleriň bagtyýar durmuşda ýaşamaklary üçin ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza köp sag bolsun aýdyldy.

 No image
Çaga durmuşyň bezegi

Kitaphanalar

02.06.2026

Döwletmämmet Azady adyndaky Arkadag şäher kitaphanasynyň, Arkadag şäheriniň 9-njy çagalar bakja bagynyň bilelikde guramagynda “Çaga durmuşyň bezegi” atly söhbetdeşlik geçirildi. Söhbetdeşlikde çaganyň terbiýeli bolup ýetişmegine has irki ýaşlardan üns bermek möhümdir. Körpelerde gowy gylyk-häsiýetleriň kemala gelmeginde kitaplaryň, oýunlaryň terbiýeçilik ähmiýeti uludyr. Çagalar kiçiliginden erteki diňlemäge höwesli bolýarlar. Ata-eneler, terbiýeçiler çaganyň bu islegini nazarda tutup, oňa terbiýe, öwüt-ündew beriji ertekileri okap bermelidir. Olar entek köp zada düşünmesede, ertekide beýan edilýän wakalary ýadynda saklaýarlar. Çagalar üçin kitap saýlanyp alnanda, olaryň suratlar bilen bezelişiniň aýratyn ähmiýeti bar, sebäbi çaga eline kitap alanda, ilki bilen, onuň içindäki suratlara seredýär. Şol şekiller çaganyň ünsüni özüne çekýär we kitaby okamaga bolan gyzyklanmasy, höwesi artýandygy barada giňişleýin söhbet etdiler. Söhbetdeşligiň ahyrynda ösüp gelýän ýaş nesilleriň okamagy, öwrenmegi üçin ähli şertleri döredip berýän Gahryman Arkadagymyza, Arkadagly Gahryman Serdarymyza köp alkyşlar aýdyldy.

 No image
Kitap gowşurylyş dabarasy

Kitaphanalar

01.06.2026

Türkmenistanyň Döwlet medeniýet merkeziniň Döwlet kitaphanasyna myhmançylyga gelen Hytaý Halk Respublikasynyň Türkmenistandaky Ilçisi Çzi Şumin, Birinji Sekretary He Çziweý duz-çörek bilen garşy alyndy. Soňra myhmanlar kitaphana aýlanyp gördiler hem-de ”Daşary ýurt dillerindäki edebiýatlar” bölüminde ýerleşdirilen Hytaý Halk Respublikasy tarapyndan sowgat berlen kitaplaryň we dürli dillerde neşir edilen kitaplaryň sergisi, “Seýrek neşirler” bölüminde ýerleşdirilen seýrek duş gelýän gadymy kitaplar, ilkinji döredilen neşir önümleri bilen tanyşdylar. Şeýle hem, myhmanlar Döwlet kitaphanasynyň ýolbaşçysy L.Nurmuhammedowa bilen geljekde uzak möhletleýin hyzmatdaşlyk etmek, şeýle hem, kitaphananyň hazynasynyň üstüni hytaý dilindäki kitaplar bilen baýlaşdyrmak boýunça söhbet etdiler. Soňra Hytaý Halk Respublikasynyň Türkmenistandaky Ilçisi Çzi Şumin Döwlet kitaphanasynyň ýolbaşçysyna 3 dilde neşir edilen, 49 at ýazgy bilen 200 kitaby sowgat berdi. Öz gezeginde Döwlet kitaphanasynyň ýolbaşçysy L.Nurmuhammedowa hormatly Prezidentimiz Serdar Berdimuhamedowyň rus dilinde neşir edilen “Ýaşlar Watanyň daýanjy” atly kitabyny sowgat berdi.

 No image
Ýaňlansyn dünýäde çaga gülkisi

Kitaphanalar

01.06.2026

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri ýaňy-ýakynda, paýtagtymyzyň iň gözel künjekleriniň biri bolan “Garajaoglan” seýilgähinde öz körpeje okyjylary bilen 1-nji iýun, çagalary goramagyň halkara günine bagyşlap “Ýaňlansyn dünýäde çaga gülkisi” ady bilen söhbetdeşlik geçirdi. Kitaphanamyzyň hünärmenleri çagalara her ýylyň Iýun aýynyň 1-ne bagtly çagalygyň we arzuwlaryň hasyl bolýan ýurdumyzda Çagalary goramagyň halkara gününiň dabaraly ýagdaýda bellenilmegi çagalaryň hukuklaryny we azatlyklaryny üpjün etmegiň hem-de goramagyň, ösüp gelýän ýaş nesliň ähli babatda mynasyp durmuşy üçin örän amatly şertleri döretmegiň döwlet syýasatynda ileri tutulýan ugurlaryň biri bolup durýandygy barada täsirli gürrüňleri berdiler. Ýaşajyk okyjylarymyzyň özleri barada döwlet derejesinde edilýän aladalara, döwrebap bilim–terbiýe almak, okamak, öwrenmek, dynç almak üçin döredilen mümkinçiliklere buýsanyp ýerine ýetiren goşgularynda, Gahryman Arkadagymyza, Arkadagly Gahryman Serdarymyza alkyşlary belentden ýaňlandy. Söhetdeşligiň ahyrynda döwletimiz tarapyndan mähirli aladalar bilen gurşalan ýaş nesillerimiz özlerine baky bagtyýarlyk bagyşlan Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, beýik başlangyçlarynyň rowaç almagyny arzuw etdiler.

 No image
Watanyň geljegi- bagtyýar ýaşlar

Kitaphanalar

01.06.2026

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri ýaňy-ýakynda, paýtagtymyzyň iň gözel künjekleriniň biri bolan “Garajaoglan” seýilgähinde öz körpeje okyjylary bilen 1-nji iýun, çagalary goramagyň halkara günine bagyşlap “Watanyň geljegi- bagtyýar ýaşlar” ady bilen “Türkmenistan teleýaýlymynyň gatnaşmagynda baýramçylyk dabarasyny geçirdi. Baýramçylyk dabara dürli ýaşdaky çagajyklar gatnaşdylar. Bagtyýar çagajyklar ajaýyp çagalygy, erkana watanymyzy wasp edýän goşgulary uly höwes bilen aýdyp berdiler. Şeýle-hem kitaphanamyzyň hünärmenleri çagalara her ýylyň Iýun aýynyň 1-ne bagtly çagalygyň we arzuwlaryň hasyl bolýan ýurdumyzda Çagalary goramagyň halkara gününiň dabaraly ýagdaýda bellenilmegi çagalaryň hukuklaryny we azatlyklaryny üpjün etmegiň hem-de goramagyň, ösüp gelýän ýaş nesliň ähli babatda mynasyp durmuşy üçin örän amatly şertleri döretmegiň döwlet syýasatynda ileri tutulýan ugurlaryň biri bolup durýandygy barada täsirli gürrüňleri berdiler. Şeýle-de kitaphanamyzyň gurnan göçme sergisi hem çagalarda uly gyzyklanma we täsir galdyrdy. Baýramçylyk dabarasynyň ahyrynda ýaş nesilleriň erkana ulalmagy, ylymly-bilimli, sagdyn, berk bedenli bolmagy üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

 No image
Haly – türkmeniň kalby

Kitaphanalar

01.06.2026

Türkmenistanyñ Bazar Amanow adyndaky döwlet çagalar kitaphanasy ýaňy-ýakynda Aşgabat şäher Medeniýet müdirliginiň 3-nji çagalar sungat mekdebi bilen bilelikde türkmen halysynyň milli baýramyna bagyşlap, “Haly – türkmeniň kalby” atly aýdym-sazly edebi duşuşyk geçirdi. Duşuşygyň dowamynda kitaphanamyzyň hünärmenleri bilesigeliji çagalar bilen türkmen gyz-gelinleriniň on barmagynyň hünäri bolan nepis halylary, olaryň reňk aýratynlygy, gölleriniň taryhy barada täsirli gürrüňler etdiler. Kitap söýüji ýaşlar hem türkmeniň nesip halylary baradaky rowaýatlary, ertekileri uly höwes bilen aýdyp berdiler. Gurnalan göçme kitap sergisi hem çagalarda uly täsir galdyrdy. Edebi duşuşygyň ahyrynda milli gymmatlyklarymyza uly sarpa goýýan Gahryman Arkadagymyza, Arkadagly Gahryman Serdarymyza alkyş sözleri beýan edildi.