HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

SAŇA ÝARAN BOLDY AJAÝYP ZAMAN, BITARAP DÖWLETIM – TÜRKMENISTANYM!

Kitaphanalar

13.06.2025

Türkmenistanyň Döwlet medeniýet merkeziniň Döwlet kitaphanasynyň Bibliografiýa bölümi «Saňa ýaran boldy ajaýyp zaman, Bitarap döwletim – Türkmenistanym!» ady bilen söhbetdeşlik geçirdi. Berkarar döwletiň täze eýýamynyň Galkynyşy döwründe ýurdumyz batly gadamlar bilen ynamly öňe barýar. Hormatly Prezidentimiziň şeýle hem, Gahryman Arkadagymyzyň taýsyz tagallalary bilen hemişelik Bitaraplygymyzyň 30 ýyllygynyň uly toýa beslenmeginiň, 2025-nji ýylyň «Halkara parahatçylyk we ynanyşmak ýyly» diýlip atlandyrylmagynyň çuň hem düýpli taryhy kökleri bar. Taryha giren 1995-nji ýylyň 12-nji dekabry Türkmenistanyň Bitaraplyk hukuk derejesiniň resmi taýdan ykrar edilen günüdir. Bu bolsa parahatçylygyň şygar edilip dabaralanýan ýylynda hormatly Prezidentimiziň baştutanlygynda syýasy, ykdysady, medeni gatnaşyklarymyzyň mundan beýläk-de ýokary derejelere galjakdygyna, türkmen halkynyň halkara abraýynyň artjakdygyna, ýurdumyzyň bütin dünýäde parahatçylygy öňe sürýän başlangyçlarynyň rowaçlyklara beslenjekdigine ynamymyzy berkidýär. Her bir ulgamda bolşy ýaly, medeniýet-sungat ugurlarynda hem, täze badalgalar amala aşyrylýar. Döwrümiziň altyn taryhyny öz sahypalarynda saklaýan ruhy we maddy hazynamyz bolan kitaphana ulgamynda alnyp barylýan işler bolsa, munuň aýdyň şaýadydyr. Söhbetdeşligiň dowamynda hem çykyş edenler hormatly Prezidentimiziň şeýle hem Gahryman Arkadagymyzyň alyp barýan Bitaraplyk syýasatynyň halkara derejesinde ykrar edilýänligi, döwletimizde kitaphana ulgamynyň işiniň kämilleşdirilýänligi dogrusynda gyzykly gürrüňler edildi. Söhbetdeşligiň ahyrynda çykyş edenler Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

ÇAGALAR BIZIŇ GELEJEGIMIZDIR

Kitaphanalar

13.06.2025

Ýurdumyzda ösüp gelýän ýaş nesillerimiz üçin örän uly tagallalar edilýär. Olaryň döwrebap derejede bilim almaklary we dynç almaklary üçin Gahryman Arkadagymyz we hormatly Prezidentimiz uly mümkinçilikler we şertler döredip berýär. Bu günki günlerde hem çagalaryň tomusky dynç alyş möwsümi dowam edýär. Türkmenistanyň Döwlet medeniýet merkeziniň Döwlet kitaphanasynyň Hyzmat ediş bölüminiň hem-de Daşary ýurt dillerindäki edebiýatlar bölüminiň ýaş hünärmenleri tarapyndan «Altyn damja» dynç alyş we sagaldyş merkezinde göçme kitap sergisi gurnaldy hem-de çagalar bilen sorag-jogap alyşyldy. Bu göçme kitap sergisinde türkmen halk döredijiligine degişli birnäçe kitaplar hem-de daşary ýurt dillerindäki ertekiler giňden sergilendi. Bu göçme kitap sergisi çagalarda örän uly gyzyklanma döretdi. Bu söhbetdeşligiň ahyrynda çagalar özlerine döredilip berilýän mümkinçilikler üçin türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza ýüreklerinden çykýan buýsançly alkyşlaryny beýan etdiler.

SUNGAT DIÝMEK NÄME, BILÝÄRMISIŇIZ

Kitaphanalar

13.06.2025

Berkarar döwletiň täze eýýamynyň Galkynyşy döwründe «Halkara parahatçylyk we ynanyşmak» ýylymyzyň her güni toý-baýramlara şanly senelere beslenýär. Türkmenistanyň Döwlet medeniýet merkeziniň Döwlet kitaphanasy şanly senelere, baýramçylyklara, ömrüni sungata-medeniýete bagyşlan sungat ussatlaryň ömri döredijiligine bagyşlap - hemişelik, wagtlaýyn, senenamalaýyn we göçme sergilerini yzygiderli guraýar. Türkmenistanyň Döwlet medeniýet merkeziniň Döwlet kitaphanasynyň Sungat bölümi «Sungat diýmek näme, bilýärmisiňiz» atly sergi gurady. Baý milli medeniýetimiziň we sungatymyzyň çuňňur öwrenilmegi, dünýäde wagyz edilmegi babatda taýsyz tagallalar edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri rowaçlyklara beslensin.

SUNGAT – ÄLEME NUR-ÝAGTY, MEDENIÝET – ADAMZADYŇ BAGTY

Kitaphanalar

13.06.2025

Türkmenistanyň Döwlet medeniýet merkeziniň Döwlet kitaphanasynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Sungat–äleme nur-ýagty, medeniýet–adamzadyň bagty» atly döredijilik duşuşygy mynasybetli sergi guraldy Döwlet kitaphanasynyň girelgesinde myhmanlary duz-çörek we aýdym-saz bilen garşylandy. Döwlet kitaphanasynyň gaznasynda bolan dürli neşirlerden, gollanmalardan we şeýle-de sungatynyň dürli görnüşlerinden guralan sergiler dabara gatnaşýan myhmanlarda uly täsir galdyrdy. Baý milli medeniýetimiziň we sungatymyzyň çuňňur öwrenilmegi, dünýäde wagyz edilmegi babatda taýsyz tagallalar edýän, türkmeniň beýik ussady Magtymguly Pyraga uly sarpa goýýan hormatly Prezidentimiz Arkadagly Gahryman Serdarymyzyň, Türkmen halkynyň Milli Lideri Gahryman Arkadagymyzyň janlarynyň sag, başlarynyň dik bolmagyny, tutýan tutumly işleriniň elmydama rowaçlyklara beslenmegini arzuw etdiler.

SUNGAT – ÄLEME NUR-ÝAGTY, MEDENIÝET – ADAMZADYŇ BAGTY

Kitaphanalar

13.06.2025

Türkmenistanyň Döwlet medeniýet merkeziniň Döwlet kitaphanasynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Sungat – äleme nur-ýagty, medeniýet –adamzadyň bagty» atly döredijilik duşuşygy geçirildi. Dabarada çykyş eden myhmanlar–Watanymyzyň gülläp ösmegine mynasyp goşant goşýan her bir ynsan çeken zähmetiniň rehnetini görüp, bagtyýar durmuşda ýaşaýar. Biziň ýurdumyzda gazanylýan zähmet üstünlikleri, toýlara badalga bolup, toý-baýramly günler bilen utgaşýar. Diýarymyzda her ýylda «Medeniýet we sungat işgärleriniň hem-de Magtymguly Pyragynyň şygryýet» gününiň giňden bellenilmegi, onuň medeniýet hepdeligi diýen ajaýyp hem asylly däbe öwrülmeginiň milli medeniýetimizi giňden ösdürmäge mümkinçilik berýär. Berkarar döwletimiziň täze eýýamynyň Galkynyşy döwründe türkmen milli medeniýetiniň we sungatynyň şan-şöhraty has-da ýokarlanýar. Watanymyzyň gülläp ösmegine mynasyp goşant goşýan her bir ynsan çeken zähmetiniň rehnetini görüp, bagtyýar durmuşda ýaşaýar. Aramyzdan giden ussatlarymyz Berkarar döwletiň täze eýýamynyň Galkynyşy döwründe sungat ussatlarynyň beýik mugallymy Gahryman Arkadagymyz, Arkadagly Gahryman Serdarymyz tarapyndan sapalanýar, sarpalanýar diýip belläp geçdiler. Dabaranyň ahyrynda - Baý milli medeniýetimiziň we sungatymyzyň çuňňur öwrenilmegi, dünýäde wagyz edilmegi babatda taýsyz tagallalar edýän, Türkmeniň beýik ussady Magtymguly Pyraga uly sarpa goýýan hormatly Prezidentimiz Arkadagly Gahryman Serdarymyzyň, türkmen halkynyň Milli Lideri Gahryman Arkadagymyzyň janlarynyň sag, başlarynyň dik bolmagyny, tutýan tutumly işleriniň elmydama rowaçlyklara beslenmegini arzuw etdiler.

KITAPHANALAR BILIM BAÝLYGYDYR

Kitaphanalar

13.06.2025

Bilşimiz ýaly, döwletimizde kitaphana ulgamynyň ösdürilmegi ugrunda ägirt uly aladalar edilýär. Muňa welaýatlarda gurlup, ulanylmaga berlen kaşaň, ähli amatlyklary bolan häzirki zaman kitaphanalaryň, bu ýerlerde işlemek üçin döredilip berlen giň şertleri, kitaphana işine yzygiderli innowasion ösüşleriň ornaşdyrylmagy, merkezi kitaphanalarda döredilen bitewi elektron kitaphana ulgamyny mysal getirip bileris. Bu ugur boýunça dünýäniň iň ösen tehnologiýalary ornaşdyrylan, okyjylara hyzmat etmek boýunça giň şertler döredilen, kitaphanalaryň gaznasyndaky kitaplary elektron görnüşe geçirmek boýunça netijeli, yzygiderli işler alnyp barylýar. «Elektron kitaplar – elektron dünýä, munda geljegimiz aýdyň görünýär» diýen ýörelgä eýerip, kitaphana işgärleri kitaphana ulgamynyň ösdürilmegi, kitaphanaçylaryň netijeli işlemekleri, ýurdumyzda döredilip berilýän giň mümkinçilikleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza köp sagbolsun aýdýarlar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň rowaçlyklara beslenmegini arzuw edýärler.

MEDENIÝET – YNSAN KÖŇLÜNIŇ NURY

Kitaphanalar

12.06.2025

Türkmenistanyň Döwlet medeniýet merkeziniň Döwlet kitaphanasynyň «Medeniýet – ynsan köňlüniň nury» ady bilen sergi gurnaldy. Bu guralan kitap sergide türkmen halkymyzyň Milli Lideri Gahryman Arkadagymyzyň, peder ýoluny dowam etdirýän hormatly Prezidentimiziň ajaýyp kitaplary, şeýle hem biziň baý, köp görnüşli milli medeniýetimiz we sungatymyz, olaryň taryhy hakynda ýazylan kitaplar giňişleýin ýerleşdirildi. Kitaphana gelen okyjylar bu guralan sergiden özleriniň gerekli soraglaryna jogap tapdylar.

RUHY GYMMATLYKLARYMYZYŇ HAZYNASY

Kitaphanalar

12.06.2025

Türkmenistanyň Döwlet medeniýet merkeziniň Döwlet kitaphanasynda, «Altyn asyr» teleýaýlymy bilen bilelikde «Ruhy gymmatlyklarymyzyň hazynasy» ady bilen söhbetdeşlik geçirildi. Söhbetdeşlikde çykyş edenler biziň ruhy gymmatlyklarymyzyň genji-hazynasynyň ojagy bolan kitaphanalaryň şu günki döwrebap ösüşi, häzirki wagtda Döwlet derejesinde kitaphana ulgamynyň işine edilýän kömekler, şeýle hem Bazar Amanow adyndaky döwlet çagalar kitaphanasynyň täze binasynyň düýbüniň tutulandygy hakynda giňişleýin söhbet etdiler. Olar öz söhbetleriniň ahyrynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

TOMUS PASLY GELENDE

Kitaphanalar

11.06.2025

Türkmenistan bagtly çagalaryň, ýaşlaryň ähli arzuwlarynyň hasyl bolýan ýurdudyr. Tomusky dynç alyş möwsüminde bagtyýar çagalaryň göwnejaý dynç almagy, wagtyny şadyýan hem gyzykly geçirmekleri üçin ýurdumyzyň dürli künjeklerinde sagaldyş we dynç alyş merkezleri hereket edýär. Şol merkezleriň hatarynda Lebap welaýat «Bagtyýarlyk çagalar sagaldyş we dynç alyş» merkezi hem öz işini güýçli depginde alyp barýar. Tomus möwsüminde çagalaryň boş wagtlaryny kitap bilen dostlaşdyrmak üçin Lebap welaýat çagalar kitaphanasynyň hünärmenleri tarapyndan bu ýerde wagtlaýyn göçme kitap sergisi döredildi we sesli okamak boýunça bäsleşik hem geçirildi. Dynç alyş merkezinde her güni çagalar üçin gyzykly sesli okaýyşlar, sorag-jogap agşamlary, çeper okaýyşlar, bäsleşikler, duşuşyklar yzygiderli geçirilýär. Bu gün Lebap welaýat çagalar kitaphanasy tarapyndan geçirilen sesli okuw çäresi welaýatymyzyň dürli künjeklerinden gelen çagalaryň arasynda uly täsir galdyrdy. Bagtyýar çagajyklar çäräniň dowamynda türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza ýürekden çykýan alkyş sözlerini aýtdylar.

ARKADAG ŞÄHERI BAGY-BOSSANLYGYŇ ŞÄHERI

Kitaphanalar

11.06.2025

Köpçülikleýin arassaçylyk we abadanlaýyş işine Döwletmämmet Azady adyndaky Arkadag şäher kitaphanasynyň zähmet söýer, agzybir işgärleri hem işjeň gatnaşýarlar. Köpçülikleýin arassaçylyk işiniň geçirilýän ýerleri baglary timarlamak, olaryň düýbüni ýumşatmak we agartmak, talabalaýyk suwarmak üçin degişli gurallary bilen üpjün edilýär. Bu bolsa daş-töweregi abadanlaşdyrmak bilen bagly işlere şahsy goşant goşýan raýatlarymyzy ekologiýa taýdan arassa hem-de owadan ýaşaýyş gurşawyny döretmäge ruhlandyrýar. Ata Watanymyzyň ekologiýasyny gorap saklamak bütin dünýäni gyzyklandyrýan meseleleriň biridir. Hormatly Prezidentimiziň parasatly ýolbaşçylygynda tebigata aýawly çemeleşmek, ekologiýa abadançylygyny üpjün etmek döwlet syýasatynyň ileri tutulýan ugurlarynyň biri bolup durýar. Muňa mysal edip, soňky ýyllarda ýurdumyzy bagy-bossanlyga öwürmegiň çäklerinde alnyp barylýan işlerde hem görmek bolýar. Ýurdumyzda «Gök guşak» umumy milli maksatnamasyny üstünlikli durmuşa geçirmek maksady bilen tokaý zolaklary döredildi. Hormatly Prezidentimiziň taýsyz tagallasy bilen her ýylda müňlerçe agaç nahallary oturdylýar. Munuň özi ýurdumyzda gözel tebigy gurşawy kemala getirmek bilen bir hatarda ekologiýa abadançylygyny saklamaga hem oňyn täsir edýär. Hormatly Prezidentimiziň başlangyjy boýunça alnyp barylýan daşky gurşawy abadanlaşdyrmak bilen bagly işler, döredilýän täze ýaşyl zolaklar iri tokaý toplumlarynyň bir bölegine öwrülip, sahawatly türkmen topragynyň bolsa gözelligini has-da artdyrýar. Türkmen halky, şol sanda ýaşlaryň sagdyn, ruhubelent we sagdyn durmuşy barada çäksiz aladalary edýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, tutýan tutumly işleri rowaç bolsun!

• ←
• 1
• ...
• 66
• 67
• 68
• ...
• 143
• →