HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BITARAP TÜRKMENISTAN PARAHATÇYLYGYŇ WE DOSTLUGYŇ MEKANY

Kitaphanalar

11.06.2025

Türkmenistanyň Bazar Amanow adyndaky döwlet çagalar kitaphanasy we Türkmenistanyň Magtymguly adyndaky Ýaşlar guramasynyň Aşgabat şäher Geňeşi, şeýle-de Bagtyýarlyk etrap Geňeşi bilen bilelikde guramagynda 30-njy maýda hormatly Prezidentimiziň Arkadagly Gahryman Serdarymyz «Merkezi Aziýa – Italiýa» görnüşindäki birinji gatnaşmak üçin Gazagystan Respublikasyna bolan iş sapary hem-de Aşgabat şäherinde «Güneşli» çagalar we ýetginjekler merkeziniň düýbüniň tutulmagy mynasybetli bagtyýar talyp ýaşlaryň hem-de ýaşlar guramasynyň işgärleriniň gatnaşmagynda «Bitarap Türkmenistan parahatçylygyň we dostlugyň mekany» atly brifing duşuşygyny geçirdi. Duşuşyga başynda oňa gatnaşanlar «Güneşli» çagalar we ýetginjekler merkeziniň hem-de Bazar Amanow adyndaky döwlet çagalar kitaphanasynyň täze binasynyň düýbüniň tutulmagy bagtly çagalygyň, bilimleriň ýurdy hökmünde eziz Watanymyzyň dünýädäki abraýyny has-da belende galdyrandygy barada buýsançly gürrüňleri berdi. Duşuşygyň ahyrynda oňa gatnaşanlar ýurdumyzyň ösüşleriň ýoly bilen alyp barýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza hoşallyk sözlerini beýan etdiler.

TÜRKMENISTAN BAGTYÝAR ÇAGALYGYŇ ÝURDY

Kitaphanalar

11.06.2025

Türkmenistanyň B.Amanow adyndaky Döwlet çagalar kitaphanasy ýakynda Türkmenistanyň Bilim ministrligi tarapyndan tassyklanylan meýilnama laýyklykda Türkmen döwlet maliýe institutynda döredijilik işgärleriniň, professor mugallymlaryň hem-de talyp ýaşlaryň gatnaşmagynda «Ýaşlyk» teleýaýlymy bilen bilelikde «Türkmenistan bagtyýar çagalygyň ýurdy» atly duşuşyk geçirdi. Duşuşygyň başynda kitaphana hünärmeni «Güneşli» çagalar we ýetginjekler merkeziniň hem-de Bazar Amanow adyndaky Döwlet çagalar kitaphanasynyň täze binasynyň düýbüniň tutulmagy bagtly çagalygyň, bilimleriň ýurdy hökmünde eziz Watanymyzyň dünýädäki abraýyny has-da belende galdyrandygy barada buýsançly gürrüňleri berdi. Duşuşygyň ahyrynda oňa gatnaşanlar diýarymyzy bagtly çagalygyň iň arzyly arzuwlarynyň hasyl bolýan ýurdyna öwürýän Gahryman Arkadagymyza we Arkadagly Gahryman Serdarymyza alkyşlary beýan etdiler.

GÖKDERE ŞATLYK-ŞOWHUNYŇ MEKANY

Kitaphanalar

11.06.2025

Türkmenistanyň B.Amanow adyndaky Döwlet çagalar kitaphanasy ýakynda tomusky dynç alyş möwsüminiň başlanýan günlerinde bellenilen meýilnama esasynda «Nebitçi» çagalar dynç alyş we sagaldyş merkezinde dynç alýan çagalaryň arasynda «Gökdere şatlyk-şowhunyň mekany» atly edebiýat ertirligini geçirdi. Ýaş nesliň arzyly möwsümi bolan mekdep okuwçylarynyň tomusky dynç alyş döwri başlandy. Okuwda, sportda guwandyryjy netijeleri gazanýan çagalar wagtlaryny gyzykly, şadyýan geçirip sapaly günleri başdan geçirmekleri üçin ýurdumyzyň şypaly, gözel künjeklerinde döwrebap şertler döredildi. Ýurdumyzda aýratyn alada bilen gurşalyp alnan, biziň ertirimiz bolan çagalarymyz Gahryman Arkadagymyzyň we hormatly Prezidentimiziň saýasynda bagtyýar döwrüň hözirini görüp ýaşaýarlar. Çagalar we ýaşlar üçin ähli şertleriň döredilmegi aýratyn many-mazmuna eýedir. Ine bular dogrusynda kitaphana hünärmeniniň beren täsirli gürrüňleri ýaş nesillerde uly täsir galdyrdy. Kitaphanamyzyň baý kitap gaznasyndan ertekili we çeper eserlerden guran göçme kitap sergimiz ýaş nesillerde uly täsir galdyrdy. Kitap okamaklygyň peýdasy we boş wagtlarynda gyzykly kitaplary okamaklygyň çagalaryň aňyna ýetirýän täsirleri dogrusynda berlen gyzykly gürrüňler ýaşlarda kitap bilen dostlaşmaga endik etmek maksady bilen geçirildi Edebiýat ertirligimiziň ahyrynda oňa gatnaşanlar ýaş nesilleriň sagdyn ösmegi, şadyýan dynç almagy üçin ähli mümkinçilikleri döredýän hormatly Prezidentimize janynyň sag bolmagyny, beýik işleriniň üstünliklere beslenmegini arzuw etdiler.

EKOLOGIK ABADANÇYLYK – ROWAÇ ÝAŞAÝYŞYŇ KEPILI

Kitaphanalar

11.06.2025

Türkmenistanyň B.Amanow adyndaky Döwlet çagalar kitaphanasy ýakynda tomusky dynç alyş möwsüminiň başlanýan günlerinde bellenilen meýilnama esasynda «Ýaşlyk» çagalar dynç alyş we sagaldyş merkezinde dynç alýan çagalaryň arasynda «Aşgabat» teleýaýlymy bilen bilelikde «Ekologik abadançylyk – rowaç ýaşaýyşyň kepili» atly daşky gurşawy goramagyň bütindünýä gününe bagyşlap, aýdym-sazly duşuşyk geçirdi. Kitaphana hünärmenleri ýaş nesillere ýurdumyzda daşky gurşawy goramak, ekologik abadançylygyny üpjün etmek bilen bagly wezipeler döwlet syýasatynyň ileri tutulýan ugurlarynyň biridigi barada we bu şanly sene mynasybetli ýurdumyzyň ähli künjeklerinde ylmy-amaly maslahatlar we ilatyň arasynda wagyz-nesihat çäreleriniň geçirilýändigini uly buýsanç bilen bellediler. Ýurdumyzda ekologiýa gününiň giňden bellenilmegi daşky gurşawy goramak meselesine uly üns berilýändigine şaýatlyk edýändigini hem-de halkymyzda, aýratyn-da ösüp gelýän ýaş nesillerde gözel tebigatymyza bolan söýgüni artdyrmakda ähmiýeti barada hem täsirli gürrüňler edildi. Göçme kitap sergimiz hem ýaş nesillerde uly täsir galdyrdy. Duşuşygyň ahyrynda oňa gatnaşanlar ýurdumyzda daşky gurşawy goramak, Watanymyzy bagy-bossanlyga öwürmek, onuň ösümlik, haýwanat dünýäsini has-da baýlaşdyrmak hem-de tebigatymyzy aýawly saklamak boýunça ägirt uly işleri durmuşa geçirýän Gahryman Arkadagymyza we hormatly Prezidentimize alkyşlary beýan etdiler.

BITARAPLYK, PARAHATÇYLYK – ÖSÜŞLERIŇ AÝDYŇ ÝOLY

Kitaphanalar

06.06.2025

Lebap welaýat kitaphanasynda, bu medeni ojagyň, Türkmenistanyň Magtymguly adyndaky Lebap welaýat geňeşiniň we Türkmenistanyň Kärdeşler arkalaşyklarynyň Lebap welaýat birleşmesi bilen bilelikde gurnamagynda Halkara parahatçylyk we ynanyşmak ýylyna bagyşlap «Bitaraplyk, parahatçylyk – ösüşleriň aýdyň ýoly» atly söhbetdeşlik geçirildi. Bu söhbetdeşlige jemgyýetçilik guramalaryň işjeň agzalary, kitaphana işgärleri gatnaşdylar. Gatnaşyjylar kitaphanada hemişelik guralan «Bitaraplyk belent maksatlara ruhlandyrýar» atly kitap sergisine syn etdiler.

YLYM – EŞRETLI WE BAGTYÝAR DURMUŞYŇ GÖZBAŞYDYR

Kitaphanalar

04.06.2025

Lebap welaýat kitaphanasynda, kitaphananyň we Türkmenistanyň Demokratik partiýasynyň Türkmenabat şäher komitetiniň bilelikde gurnamaklarynda Ylymlar güni mynasybetli «Ylym – eşretli we bagtyýar durmuşyň gözbaşydyr» ady bilen maslahatyny geçirdi. Maslahata Türkmenabat şäherinde ýerleşýän orta hünär okuw mekdepleriniň talyp ýaşlary gatnaşdylar. Çykyşlarda ösüp gelýän ýaş nesilleriň kämil bilimli, giň dünýägaraýyşly, maksada okgunly bolmagy ugrunda ähli amatly şertleriň döredilýändigi, ylym ulgamyny dünýä derejesine çykarmak, ýaşlaryň sazlaşykly ösmegi we gözýetiminiň giňelmegi üçin zerur şertleriň döredilýändigi barada buýsançly gürrüňler edildi. Gatnaşyjylar çäräniň dowamynda kitaphana hünärmenleri tarapyndan «Ylym ösüşleriň ganaty» atly guralan kitap sergisine syn etdiler hem-de ýurdumyzda döredilýän ähli şertleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

SÖZ USSADY MAGTYMGULY PYRAGY

Kitaphanalar

04.06.2025

Döwletmämmet Azady adyndaky Arkadag şäher kitaphanasynda «Söz ussady Magtymguly Pyragy» atly gezelenç geçirildi. Akyldar şahyryň şygyrlarynda Watana söýgi, ynsanperwerlik, parahatçylyk, dost-doganlyga çagyryş ýaly hiç wagt ähmiýetini ýitirmejek umumy adamzat gymmatlyklary öz aýdyň beýanyny tapýar. Päk göwünli, kalby Watanyna bolan söýgä beslenen akyldar şahyrymyz Magtymguly Pyragynyň şygyr setirlerini okanyňda, onuň il-ýurduna, dogduk mekanyna söýgüsiniň belent derejede bolandygyna, onuň hakyky watançy hökmünde türkmen ýurduna, onuň gözel tebigatyna guwanandygyna göz ýetirýärsiň. Magtymguly Pyragy ynsan kalbynyň şahyry hökmünde tanalýar, çünki akyldar şahyryň goşgulary ähli ynsanlar üçin paýhasdyr, nesihatdyr. Magtymguly Pyragynyň döredijiligi Watana, halka wepaly, arassa ahlakly, belent ruhly, ynsanperwer ýaşlary terbiýelemekde nusgalyk mekdepdir. Söhbetdeşligiň ahyrynda Gündogaryň beýik akyldary Magtymguly Pyragynyň edebi mirasyny öwrenmek, ony dünýä tanatmak babatda taýsyz tagallalary durmuşa geçirýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

HORMATLY PREZIDENTIMIZIŇ DAŞARY SYÝASATY PARAHATÇYLYGYŇ WE ÖSÜŞIŇ AÝDYŇ ÝOLY

Kitaphanalar

04.06.2025

Türkmenistanyň Senagatçylyk we telekeçiler partiýasy hem-de Türkmenistanyň Senagatçylar we telekeçiler birleşmesi, Türkmenistanyň Döwlet medeniýet merkeziniň Döwlet kitaphanasy, «Aşgabat» teleýaýlymy bilen bilelikde «Hormatly Prezidentimiziň daşary syýasaty parahatçylygyň we ösüşiň aýdyň ýoly» atly maslahat geçirildi. Maslahatda çykyş edenler hormatly Prezidentimiziň parasatly baştutanlygynda alnyp barylýan parasatly içeri we daşary syýasatynyň netijesinde ýurdumyz parahatçylygyň, abadançylygyň, asudalygyň mekanyna öwrülýär. Halkara parahatçylyk we ynanyşmak ýylynda ýurdumyzyň ykdysadyýetinde uly ösüşler gazanylýar. Ýurdumyz daşary syýasatda Bitaraplyk ýoluny saýlap aldy. Dünýäniň ähli döwletleriniň we halklarynyň bähbitlerini nazara alyp, Türkmenistanyň ösüşiň hatyrasyna öňe sürýän başlangyçlary bilen halkara abraýy barha belende galýar diýip uly buýsanç bilen söhbet etdiler. Maslahatyň ahyrynda çykyş edenler türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

WELOSIPED SPORTUNYŇ ÖSEN DIÝARY

Kitaphanalar

03.06.2025

Türkmenistanyň Bazar Amanow adyndaky Döwlet çagalar kitaphanasy ýakynda her ýylyň 3-nji iýunynda giňden bellenilýän Bütindünýä welosiped gününiň ähmiýeti dogrusynda kitaphana hünärmenleriniň arasynda «Welosiped sportunyň ösen diýary» atly söhbetdeşlik geçirdi. Duşuşygyň dowamynda bu senäniň Gahryman Arkadagymyzyň başlangyjy boýunça Birleşen Milletler Guramasynyň Baş Assambleýasy tarapyndan esaslandyrylandygyny buýsanç bilen diňlenildi. Bu wakanyň ýurdumyzyň ynsanperwerlik ýörelgelerini kemala getirýän döwlet hökmünde halkara derejesinde parahatçylyk dörediji kuwwatyny dünýä äşgär edendigi barada hem gürrüňlere orun berildi. Söhbetdeşligimiziň ahyrynda oňa gatnaşanlar sport we bedenterbiýe-sagaldyş hereketini ösdürmek, jemgyýetde ekologiýa ýagdaýyny berkitmek ugrunda ägirt uly işleri durmuşa geçirýän Gahryman Arkadagymyza we hormatly Prezidentimize alkyşlary beýan etdiler.

DÜNÝÄ SYRY KITAP BILEN AÇYLÝAR

Kitaphanalar

03.06.2025

Türkmenistanyň B.Amanow adyndaky Döwlet çagalar kitaphanasy ýakynda «Türkmenistan» teleýaýlymy bilen bilelikde «Dünýä syry kitap bilen açylýar» atly söhbetdeşlik geçirdi. Duşuşygyň dowamynda kitaplaryň nesilleri kämilleşdirmeklikde tutýan orny we bu ugurda dünýäniň gazanan iň kämil usullaryny kitaphana ulgamyna giňden ornaşdyrmak bilen baglanyşykly döwletimizde alnyp barylýan möhüm resminamalar we ajaýyp maksatnamalar dogrusynda täsirli gürrüňler edildi. Gahryman Arkadagymyzyň «Ömrümiň manysy» we «Ömrümiň manysynyň dowamaty» atly gymmatly eserleriniň ýaşlary döwrebap terbiýelemeklikde, olaryň öwrenmäge, okamaga bolan höwesini artdyrmakda uly ähmiýete eýedigi barada hem buýsançly söhbetler edildi. Duşuşygyň ahyrynda oňa gatnaşanlar ýurdymyzda kitaphana ulgamynyň döwrebap ösdürilmegi, ýaş nesillerimiziň ähli taraplaýyn kämil bolup ýetişmegi barada giň şertleri döredip berýän Gahryman Arkadagymyza we Arkadagly Gahryman Serdarymyza çäksiz alkyşlary beýan etdiler.

• ←
• 1
• ...
• 67
• 68
• 69
• ...
• 143
• →