Kitaphanalar
08.04.2025Aşgabat şäher medeniýet müdirliginiň Merkezleşdirilen kitaphanalar ulgamy bilen Türkmenistanyň Demokratik partiýasynyň Aşgabat şäher komitetiniň bilelikde guramagynda «Hemişelik Bitaraplyk baky parahatçylygyň sarsmaz binýady» ady bilen Türkmenistanyň Jemgyýetçilik guramalarynyň merkezi binasynda maslahat geçirildi.
Kitaphanalar
08.04.2025Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda Bütindünýä saglyk güni mynasybetli «Sagdynlyk–baky bagtyýarlykdyr» ady bilen gürrüňdeşlik geçirildi.
Täzelikler
08.04.2025Maýa Kulyýewa adyndaky Türkmen milli konserwatoriýasynyň kitaphanasy «Halkara parahatçylyk we ynanyşmak» ýylynda bellenilen meýilnama esasynda Bütindünýä saglyk günine bagyşlap «Saglygym-Baş baýlygym!» ady bilen kitap sergisi we söhbetdeşlik geçirildi.
Halkara gatnaşyklary
08.04.2025SAGDYN JEMGYÝET–BEÝIK GELJEK Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasy bilen Türkmenistanyň Bedenterbiýe we sport baradaky döwlet komitetiniň «Aşgabat köpugurly» stadionynyň bilelikde guramagynda «Sagdyn jemgyýet–beýik geljek» ady bilen söhbetdeşlik geçirildi. Söhbetdeşlikde ýurdumyzyň iň gymmatly hazynasy bolan adamyň saglygyny gorap saklamak, jemgyýetimize sagdyn durmuş ýörelgesini giňden ornaşdyrmak döwlet syýasatynyň möhüm ugry bolup durýandygy barada gürrüň berdiler. Şeýle-de adamyň okamagy, zähmet çekmegi üçin saglygyň zerurdygyny we jany sag adam zähmet çekmäge, oýlanmaga, jemgyýetde öz ornuny tapmaga, il-gün üçin peýdaly işleri ýerine ýetirmäge ukyplydygy barada söhbet etdiler. Söhbetdeşligiň ahyrynda halkymyzy nurana geljege alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Halkara gatnaşyklary
08.04.2025BITARAPLYK, PARAHATLYK YKRARY Türkmenistanyň Bazar Amanow adyndaky Döwlet çagalar kitaphanasy ýakynda «Aşgabat» teleýaýlymy bilen bilelikde «Hünärim ykbalym» atly söhbetdeşligi ýazgy etdi. Duşuşygyň dowamynda Türkmenistanyň hemişelik Bitaraplygy atly Kararnamanyň Birleşen Milletler Guramasyna agza ýurtlar tarapyndan üçünji gezek biragyzdan kabul edilmegi mynasybetli täsirli söhbetler edildi. Kitaphanamyzda döredilen «Bitaraplyk bagtymyz» atly kitap burçy we onda ýerleşdirilen kitaplaryň many-mazmun baýlygy hakynda hem söhbetler edildi. Söhbetdeşligiň ahyrynda oňa gatnaşanlar Baky Bitaraplygymyzyň mizemez binýadyny düýpli berkidýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza çäksiz alkyşlary beýan etdiler.
Halkara gatnaşyklary
08.04.2025SAGDYN BAŞLANGYÇ NURANA GELJEK Türkmenistanyň Bazar Amanow adyndaky Döwlet çagalar kitaphanasy ýakynda Bütindünýä saglyk gününe bagyşlap Aşgabat şäheriniň iňlis dillerini ýöriteleşdirilen 83-nji orta mekdebinde «Sagdyn başlangyç nurana geljek» atly wagyz-nesihat duşuşygyny geçirdi. Sagdyn durmuş ýörelgelerinden ugur alynyp guralýan şeýle çäreler ýurdumyzda ilatyň saglygyny goramaga, beden taýdan berk, ruhy taýdan kämil ýaş nesilleri kemala getirmäge örän uly ýardam berýändigi barada täsirli söhbetler edildi. Duşuşygyň ahyrynda oňa gatnaşanlar saglygy goraýyşda şeýle belent sepgitlere ýetmek, ynsan saglygyny goramaklykda örän uly işleri durmuşa geçirýän Gahryman Arkadagymyza we Hormatly Prezidentimize alkyşlary beýan etdiler.
Teatr we kino dünýäsi
08.04.2025SYÝAHATÇYLARYŇ GEZELENJI Parahatçylygyň, bagtyýarlygyň mekany hökmünde ýurdumyzyň at-owazasy äleme dolýar. Gahryman Arkadagymyzyň, Arkadagly Gahryman Serdarymyzyň öňe sürýän taglymatlarynda abadançylyk, ösüş, ynsanperwerlik, ruhy kämillik, hoşniýetlilik we dost-doganlyk öz beýanyny tapýar. «Halkara parahatçylyk we ynanyşmak» ýylynda dost-doganlyk gatnaşyklary has-da ösdürilýär. Hytaý Halk Respublikasynyň Gong Kong şäherinden gelen syýahatçy alymlar, professorlar hem-de arheologlar Türkmenistanyň Şekillendiriş sungaty muzeýinde myhmançylykda boldylar. Muzeýimize gelen myhmanlarda sergi bölümleriniň her biri uly täsir galdyrdy. Aýratyn hem «Gadymy sungat» bölümi bilen has içgin gyzyklandylar.
Teatr we kino dünýäsi
08.04.2025HALKYMYZYŇ TARYHY ÝADYGÄRLIKLERI Türkmen topragyndaky dürli taryhy ýadygärlikde ýüze çykarylan tapyndylar onda ýaşan ilatyň durmuş pelsepesi, meşgullanan käri, maddy we medeni durmuşy baradaky maglumatlary özünde jemleýär. Mary welaýatynyň taryhy we ülkäni öwreniş muzeýiniň arheologiýa zalynda taryny ýadygärliklerden dürli döwürlere degişli, dürli ýyllarda tapylan türkmen halkynyň iň gadymy taryhyny, maddy medeniýetini, ykdysady durmuşyny açyp görkezýän müňlerçe muzeý gymmatlyklary ýerleşdirlen. Bu gymmatlyklaryň arasynda dürli döwürlere, dürli şalyklara degişli bolan bürünç, kümüş we altyn metallaryndan ýasalan teňňeleriň dürli görnüşleri bar. Muzeýdäki teňňe toplumynyň pullarynyň görnüşiniň iň irkisi biziň eýýamyzdan öňki IV- III asyrlara degişli bolup, biziň eýýamyzyň XVIII-XIX aralygyna çenli bolan, dürli döwürlere, dürli şalyklara degişli teňňelerdir. Muzeýdäki teňňeler toplumy häzirki döwürde hem gelip gowuşýan täze tapyndylar bilen baýlaşdyrylyp durulýar. Gadymy döwürlerden bäri gadymy Merw Beýik ýüpek ýolynyň çatrygynda ýerleşip, dünýäniň bar döwletlerinden gelýän kerwenler kerwensaraýlarda düşläp, bu ýerde bazarlarda uly söwdalar edilipdir, dürli wagtlar dürli pullar ulanylypdyr. Bu taryhy wakalaryň ýaňy biziň döwrümize gelip ýetýär. Mary welaýatynyň Taryhy we ülkäni öwreniş muzeýinde saklanýan Gadymy Merwiň galalarynyň ýerleşýän ýerinden tapylan,VII-VIII asyrlarynda Bagdatda zikgelenip, arap halyfatlygyna Arap halyflaryna degişli altyn teňňesi barada aýtmak bolar. Bu tapylan teňňäniň agramy 4,25gramm bolup iki tarapyna arap elipbiýsinde hat ýazylan Puluň taryhy, jemgyýetiň taryhy bilen gös-göni bagly bolup,adamzat jemgyýetiniň taryhyny,wajyp wakalaryny,döwürlerini, öwrenmekde,muzeýe gelýän raýatlarymyza, jahankeşdelere ýüze çykarylan taryhy maglumatlary ýaýmakda esasy orunlaryň biri degişlidir. Halkymyzyň milli mirasyny düýpli öwrenmekde, ýaş nesillerimize wagyz etmekde, muzeý işgärlerine döredip berýän mümkinçilikleri üçin türkmen halkynyň Milli Lideri Gahryman Arkadagymyzyň, hormatly Prezidentimiziň janlary sag, ömürleri uzak, tutýan tutumly işleri elmydama rowaç bolsun!
Teatr we kino dünýäsi
08.04.2025OBA HOJALYK ZÄHMET GURALLARYNYŇ TUTÝAN ORNY Türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň yzygiderli edýän il-ýurt bähbitli atalyk aladalary netijesinde, ýurdumyzyň oba hojalygy günsaýyn gülläp ösýär. Diýarymyzda daýhanyň zähmet çekmegi üçin ähli şertler döredilendir. Garaşsyzlyk ýyllary içinde edermen daýhanlarymyzyň galla, pagta we beýleki medeni gök önümleri ekip, ýetişdirip, ýetişen hasyly isiripsiz ýygnamaklary, maksatnamalarda öňde goýlan sepgitleri amala aşyrmakda zähmet çekýärler. Mary welaýatynyň taryhy we ülkäni öwreniş muzeýine welaýatymyzda pagta ekişiniň başlamagynyň öň ýanynda, oba hojalyk ulgamynda zähmet çekýän, asylly zähmetleri üçin döwlet sylaglary bilen sylagnanan görnükli oba hojalyk işgärleri, mehanizatorlar we hormatly ýaşulular myhmançylykda boldular. Olar türkmen halkynyň daýhançylyk taryhy, ata-babalarymyzyň ekerançylykda ulanan usullary,ýeriň piri Babadaýhanyň däp-dessurlary,gadymy zähmet gurallary bilen tanyşdylar, bu barada muzeýiň ylmy işgärleri giňişleýin gürrüň berdiler. Ýurdumyzda oba hojalyk pudagynyň maddy-tehniki binýadyny berkitmek üçin daşary ýurtlardan kuwwatly tehnikalar yzygiderli satyn alynýar hem-de olar daýhanlarymyzyň ýakyn kömekçilerine öwrülýärler. Daýhanlaryň ýer,tehnika üpjünçiligini amala aşyrmak bilen birlikde ykdysady düşewüntligi artdyrmak hem ýola goýulýar. Hormatly Prezidentimiziň ýylyň dowamynda özümizden artyk taýýarlanan pagta, galla we gök önümleri daşary ýurt bazarlaryna çykaryp satmaklyga rugsat bermegi daýhanlarymyzyň baýamagyna ýardam berýär. Türkmen halkynyň Milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň yzygiderli daýhanlar bilen duşuşyp, olara Şa serpaýlaryny ýapyp durmagy-da, olaryň kalbyny joşduryp, täze zähmet üstünliklerine ruhlandyrýar.
Muzeýler
08.04.2025Türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň yzygiderli edýän il-ýurt bähbitli atalyk aladalary netijesinde, ýurdumyzyň oba hojalygy günsaýyn gülläp ösýär.
