HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BERKARAR DÖWLETIMIZIŇ BEDEW BATLY ÖSÜŞLERI

Kitaphanalar

09.04.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Neşirýat-çaphana orta hünär okuw mekdebiniň bilelikde guramagynda «Berkarar döwletimiziň bedew batly ösüşleri» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler “Garaşsyz, baky Bitarap Türkmenistan – bedew batly at-myradyň mekany” ýylynda eziz diýarymyzyň her bir güni ajaýyp üstünliklere beslenýändigi, şeýle hem Watanymyzyň ösüşleri halkymyzyň bagtyýar geljegi üçin şöhratly taryhymyza altyn harplar bilen ýazylýandygy barada gürrüň berdiler. Çäräniň dowamynda Berkarar döwletimiziň bedew batly ösüşleri barada gurnalan göçme kitap sergisi bilen tanyşdyryldy. Bu bolsa çärä gatnaşanlarda uly täsir galdyrdy. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

DOST-DOGANLYK MUKAMLARY ÝAŇLANDY!

Kitaphanalar

09.04.2026

Berkarar döwletiň täze eýýamynyň Galkynyşy döwründe “Garaşsyz, baky Bitarap Türkmenistan – bedew batly at-myradyň mekany” ýylynda Gahryman Arkadagymyzyň peder ýoluny mynasyp dowam etdirýän Arkadagly Gahryman Serdarymyzyň saýasynda Watanymyz bu gün dünýä döwletleri bilen dostlukly, ynsanperwer gatnaşyklary ýola goýýar. Aýdym-saz sungaty hem dost-doganlyk ýoluny pugtalandyrmakda esasy ugurlaryň biri bolup durýar. Ýaňy-ýakynda Maýa Kulyýewa adyndaky Türkmen milli konserwatoriýasynyň “Estrada sungaty” kafedrasynyň müdiri M.Mämmetjumaýewanyň ýolbaşçylygynda okuw jaýynyň estrada orkestriniň we talyplarynyň çykyş etmeginde “Dost-doganlyk mukamlary” atly aýdym-sazly konsert geçirildi. Konsertiň dowamynda türkmen aýdym-sazlary bilen bilelikde, goňşy döwletleriň söýlüp diňlenilýän aýdymlary ýaňlandy. “Estrada sungaty” kafedrasynyň göreldeli talyplarynyň ýerine ýetiren aýdymlary diňleýjiler tarapyndan gyzgyn el çarpyşmalar bilen garşylandy. Konsertiň açylyşynda ussat kompozitor Ç.Nurymowyň “Çapyksuwaryň aýdymy” ýaňlandy. Aýdym-sazly konsertiň dowamynda dünýä meşhur bolan “Mimino”, “Tansor Disko” kinofilmleriniň sazy, azerbaýjan, özbek halk aýdymlary, Ibragim Tatlysesiň “Ýalla” toparynyň, Ýuriý Şatunowyň repertuarlaryndan aýdymlar ýerine ýetirildi. Orkestriň we talyplaryň konsertdäki her bir çykyşy biziň ýaşlarymyzyň dünýä sazyna, sungatyna goşýan goşandynyň egsilmezdigine şaýatlyk edýär. Çünki, dost-doganlyk mukamlary bu günki gün dünýä ýüzüne ýaň salýar. Bu ugurda Gahryman Arkadagymyz, hormatly Prezidentimiz Arkadagly Gahryman Serdarymyz ýaşlara görelde mekdebi bolýarlar. Konsertiň ahyrynda oňa gatnaşyjylar ýaşlarymyzyň dünýä döwletleriniň sungatyna, sazyna mynasyp goşant goşmagyna, döwrebap bilim almaklaryna giň mümkinçilikleri döredýän Milli Liderimiziň, hormatly Prezidentimiziň janlarynyň sag, ömürleriniň uzak bolmagyny, başlarynyň elmydama belent bolmagyny tüýs ýürekden arzuw etdiler. Gülzada MEREDOWA Maýa Kulyýewa adyndaky Türkmen milli konserwatoriýasynyň “Üflenip we kakylyp çalynýan saz gurallary” bölüminiň “Goboý” hünäriniň I ýyl talyby

DÖWLET KITAPHANASYNA GEZELENÇ

Kitaphanalar

09.04.2026

Türkmenistanyň Döwlet medeniýet merkeziniň Döwlet kitaphanasynyň kitap saklamak bölüminiň işgärleri kitaphana gelen ýaş okyjylara bölüm hakynda giňişleýin gürrüň berip, hazynadaky kitaplary gorap saklamagyň düzgünlerini, okyjylara hyzmat etmegiň tertipleri bilen tanyşdyrdylar. Gezelenjiň dowamynda bölümiň işgärleri okyjylar bilen söhbetdeşlik geçirip, kitaphanamyza gelip gowuşýan kitaplaryň, gazet-žurnallaryň döwrümiziň toýdur-baýramly günleri barada giňişleýin maglumat berip, okyjynyň ünsini özüne çekmek bilen ýaş okyjylarda uly täsir galdyrdy. Kitaphana gezelenje gatnaşyjylar şeýle mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza köp sag bolsun aýtdylar.

KITAPHANA IŞI KÄMILLEŞÝÄR

Kitaphanalar

09.04.2026

Aşgabat şäher medeniýet müdirliginiň Merkezleşdirilen kitaphanalar ulgamy «Kitaphana işi kämilleşýär» atly alnyp barylýan kitaphana gurnagyna gatnaýan dürli ýaşly okyjylaryň arasynda kitaphana işi hakynda birnäçe maglumatlar berildi. Gurnagyň esasy maksady ýaş nesillerimizi bagtyýarlyk ruhunda terbiýelemekde, olarda sadalyk, päklik, mähribanlyk, sahawatlylyk, sowatlylyk, hoşniýetlilik, ýurdumyzyň saýlap alan ösüş ýoluna wepalylyk duýgularyny oýarmakda, döwletimiziň ylym, bilim, medeniýet ulgamynda alnyp barylýan syýasaty durmuşa geçirmäge gatnaşmakda kitaphanalaryň mümkinçilikleriniň çäksizdigi barada gürrüň berdiler. Şeýle-de gurnaga gatnaşýan okyjylaryň arasynda öwrenen maglumatlaryny özleşdirmek maksady bilen birnäçe sorag-jogaplar alşyldy. Gurnagyň ahyrynda eziz diýarymyzda ýaş nesillerimiziň okamagy, öwrenmegi üçin atalyk aladalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

«SAZA SIŇEN ÖMÜR» ATLY ÝATLAMA DUŞUŞYGY

Täzelikler

09.04.2026

Maýa Kulyýewa adyndaky Türkmen milli konserwatoriýasynda her ýyl ýokary okuw mekdebimizde hereket edýän kafedralaryň hepdeligi geçirilýär. Hepdelikde ylmy-amaly maslahatlar, konferensiýalar, konsertler, bäsleşikler, aýdym-sazly we döredijilik duşuşyklary gurnalýar. “Sazyň nazaryýeti” kafedrasynyň hepdeliginde şol kafedranyň uly mugallymy M.Saparmyradowanyň gurnamagynda D.Öwezowyň 115 ýaş ýubileýine bagyşlanan “Saza siňen ömür” atly ýatlama duşuşygy geçirildi. “Sazşynaslyk” hünäriniň III ýyl talyby A.Abalakowa Türkmenistanyň halk artisti, Türkmenistanyň Magtymguly adyndaky Döwlet baýragynyň eýesi Daňatar Öwezowyň ömri we döredijiligi barada giňişleýin gürrüň berdi. M.Öwlýakulowanyň sazandarlyk etmeginde “Saz mugallymy” kafedrasynyň uly mugallymy R.Baýramow D.Öwezowyň “Hally gözel” eserini ýerine ýetirdi. Soňra “Sazyň taryhy” kafedrasynyň uly mugallymy G.Ýazmämmedowa “D.Öwezowyň aýdym-saz mirasy”, “Sazyň nazaryýeti” kafedrasynyň uly mugallymy M.Saparmyradowa “D.Öwezow – türkmen klassiki operalarynyň düýbüni tutujy”, “Sazşynaslyk” hünäriniň III ýyl talyby M.Mediýewa “D.Öwezowyň Magtymguly Pyragynyň goşgularyna döreden hor eserleri” atly temada çykyş edip, many-mazmunly we gyzykly maglumat berdiler. M.Beýmanowanyň sazandarlyk etmeginde “Ýekelikde aýdym aýtmak” hünäriniň IV ýyl talyby Ý.Ataýew D.Öwezowyň Ý.Meýtus bilen bilelikde döreden “Leýli-Mejnun” operasynyň II aktyndan “Köriň aýdymyny” keşbi janlandyryp ýerine ýetirmegi başardy. Şeýle hem D.Öwezowyň hor üçin döreden “Baglar, heý” eseri diňlenildi. Beýik kompozitorlaryň hatyrasyna geçirilýän şeýle çäreler, talyplar üçin uly nusga alarlyk mekdepdir. Bu ýatlama duşuşygy diňe bir taryhy ýatlama bolman, eýsem, ýaş nesilleriň beýik ussatlaryň döredijiliginden ylham almagynda möhüm ähmiýete eýe boldy. “Saza siňen ömür” atly ýatlama duşuşygynda çykyş eden talyplara we mugallymlara aýdym-saz, sungat we döredijilik äleminde uly-uly üstünlikleri arzuw edýäris. Ogulbeg ÝEGENOWA, Maýa Kulyýewa adyndaky Türkmen milli konserwatoriýasynyň “Sazşynaslyk” hünäriniň III ýyl talyby

PARIŽDÄKI DABARALAR

Halkara gatnaşyklary

08.04.2026

Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda halkymyzyň taryhy, ruhy-medeni gymmatlyklary döwlet tarapyndan goralyp, aýawly saklanylýar. Olaryň iň görnükli nusgalaryny ÝUNESСO-nyň «Adamzadyň maddy däl medeni mirasynyň görnükli nusgalarynyň sanawyna» girizmekde uly işler alnyp barylýar. Owganystan, Azerbaýjan, Hindistan, Eýran Yslam Respublikasy, Yrak, Gazagystan, Gyrgyzystan, Özbegistan, Pakistan, Täjigistan, Türkmenistan, Türkiýe, Mongoliýa döwletler topary tarapyndan hödürlenen Nowruz baýramynyň ajaýyp däp-dessurlarynyň ÝUNESСO-nyň «Adamzadyň maddy däl medeni mirasynyň görnükli nusgalarynyň sanawyna» girizilmegi muňa aýdyň subutnamadyr. Gözbaşyny asyrlaryň jümmüşinden alyp gaýdýan Nowruz bu gün halklaryň arasyndaky agzybirligi, dost-doganlygy berkitmekde möhüm orna eýedir. Şoňa laýyklykda, 21-nji mart Birleşen Milletler Guramasynyň Baş Assambleýasynyň ýörite Kararnamasy esasynda, Halkara Nowruz güni diýlip yglan edildi. Halkara Nowruz güni Türkmenistan döwletimizde dabaraly bellenýär. Türki halklaryň ählisinde diýen ýaly giňden bellenýän Nowruz baýramy ynsanlaryň birek-birege bolan hoşniýetli gatnaşygyny, agzybirligini, halklaryň medeni hyzmatdaşlygyny we özara düşünişmegini üpjün edýän baýramdyr. Ruhy medeniýetiň ýitip gitmezliginde hem Nowruz baýramynyň orny uludyr.  Mukaddes Garaşsyzlygymyzyň şanly 35 ýyllygynyň giňden bellenýän «Garaşsyz, baky Bitarap Türkmenistan — bedew batly at-myradyň mekany» ýylynyň 7-nji aprelinde Fransiýa Respublikasynyň Pariž şäherinde ýerleşýän ÝUNESСO-nyň Baş edarasynda Nowruz baýramçylygy mynasybetli Guramanyň Adamzadyň maddy däl medeni mirasynyň sanawyna girizilen «Nowruz» köpmilletli hödürnamasyna gatnaşyjy ýurtlaryň ÝUNESСO-nyň ýanyndaky Hemişelik wekilhanalary tarapyndan kabul edişlik çäresi guraldy. 13 döwletiň gatnaşmagynda geçirilen çärede türkmen milli tagamlarymyzyň hem-de milli gymmatlyklarymyzyň sergisi guraldy. Şeýle hem, medeniýet we sungat ussatlarymyz şowhunly aýdym-sazlary ýerine ýetirdiler. Türkmeniň milli saz gurallary bolan dutardyr gyjagyň, gargy hem dilli tüýdügiň, gopuzyň şirin owazlary dabara aýratyn öwüşgin çaýdy. Dabarada guralan milli tagamlarymyzyň we gymmatlyklarymyzyň sergisi örän köp adamly boldy. Elde keşdelenen ak gaýma hem gül tahýalarymyz we beýleki gymmatlyklarymyz dabara gatnaşyjylarda uly täsir galdyryp, nepis el işlerimiziň aýratynlyklary bilen gyzyklandylar. Taýýarlan: Ogulgurban Gaşlakowa, Türkmenistanyň Medeniýet ministrliginiň Döredijilik işgärleri bölüminiň baş hünärmeni

HALKARA TEATR BIRLEŞIGINIŇ KONFEDERASIÝASY

Halkara gatnaşyklary

08.04.2026

Ýakynda «Halkara teatr birleşiginiň konfederasiýasy» jemgyýetçilik birleşmeleriniň halkara bileleşigi tarapyndan 2026-njy ýylyň 30-njy martyndan 6-njy apreli aralygynda Belarus Respublikasynyň Minsk şäherinde Halkara Akustika teatr mekdebi taslamasynyň çäklerinde geçirilýän okuw maksatly sessiýasynyň 3-nji tapgyry geçirildi. Türkmen döwlet medeniýet institutynyň mugallymlary we talyplary hem 2026-njy ýylyň 29-njy marty - 7nji apreli aralygynda geçirilen şu guramaçylykly okuw maksatly sessiýanyň 3-nji tapgyryna gatnaşyp, Türkmen döwlet medeniýet institutynyň Teatr sungaty fakultetiniň aktýoryň ussatlygy we sahna dili kafedrasynyň mugallymy režissýor Ezizmuhammet Atdaýewiň režissýorlyk etmeginde «Çarlak» atly sahna oýnuny goýdy. Bu sahna oýnunda Türkmen döwlet medeniýet institutynyň mugallymlary: Atdaýew Ezizmuhammet, Rustemow Mälikberdi, Orazowa Laçyn hem-de institutyň talyplary: Uzuk Nowruzowa, Nurgözel Hydyrowa çykyş edip, «Halkara teatr birleşiginiň konfederasiýasynyň» gurama ýolbaşçylary tarapyndan diplomlar bilen sylaglandylar. 

2026-njy ýylyň 10-12-nji apreli aralygynda ýurdumyzyň teatrlarynda görkeziljek sahna oýunlary

Teatr we kino dünýäsi

08.04.2026

#### Türkmenistanyň Beýik Saparmyrat Türkmenbaşy adyndaky baş akademiki drama teatrynda ##### * 11.04.2026ý. «Süýji durmuşyň gapysy» atly sahna oýny 19:00 ##### * 12.04.2026ý. «Gelinler» atly sahna oýny 19:00 #### Türkmenistanyň Magtymguly adyndaky milli sazly drama teatrynda ##### * 11.04.2026ý. «Durmuş diňe düýş däl» atly sahna oýny 19:00 ##### * 12.04.2026ý. «Ynsap» atly sahna oýny 19:00 #### Türkmenistanyň Alp Arslan adyndaky milli drama teatrynda ##### * 10.04.2026ý. «Gurbagajyk» atly sahna oýny 11:00 ##### * 10.04.2026ý. «Hüwdi» atly sahna oýny 19:00 ##### * 11.04.2026ý. «Ak gämi» atly sahna oýny 19:00 ##### * 12.04.2026ý. «Garaşanym» atly sahna oýny 19:00 #### A.S.Puşkin adyndaky döwlet rus drama teatrynda ##### * 10.04.2026ý. «Sekiz söýýän zenan» atly sahna oýny 19:00 ##### * 11.04.2026ý. «Egri garga» atly sahna oýny 12:00 ##### * 11.04.2026ý. «Çehowyň wodewilleri» atly sahna oýny 19:00 ##### * 12.04.2026ý. «Gyzyl şyrdajyk» atly sahna oýny 11:00 ##### * 12.04.2026ý. «Gyzyl şyrdajyk» atly sahna oýny 13:00 ##### * 12.04.2026ý. «Topraksyz bag» atly sahna oýny 19:00 #### Türkmenistanyň Mollanepes adyndaky talyplar teatry ##### * 11.04.2026ý. «Süýji durmyşyň gapysy» atly sahna oýny 19:00 ##### * 12.04.2026ý. «Sakawyň soňuna seret» atly sahna oýny 19:00 #### Arkadag şäheriniň Aman Gulmämmedow adyndaky döwlet drama teatry ##### * 11.04.2026ý. «Gumly gelin» atly sahna oýny 19:00 ##### * 12.04.2026ý. «Syrly sandyk» atly sahna oýny 19:00 #### Türkmen döwlet gurjak teatry ##### * 11.04.2026ý. «Janly gurjaklar» atly sahna oýny 17:00 ##### * 11.04.2026ý. «Jüýteniň toýy» atly sahna oýny 19:00 ##### * 12.04.2026ý. «Maşa we aýy» atly sahna oýny 12:00 ##### * 12.04.2026ý. «Maşa we aýy» atly sahna oýny 17:00 ##### * 12.04.2026ý. «Wah bu söýgi-dä» atly sahna oýny 19:00 #### Balkan welaýatynyň Beýik Saparmyrat Türkmenbaşy adyndaky döwlet drama teatry ##### * 11.04.2026ý. «Söýgi sarpasy» atly sahna oýny 19:00 ##### * 12.04.2026ý. «Söýgi sarpasy» atly sahna oýny 19:00 #### Daşoguz welaýatynyň N.Andalyp adyndaky döwlet sazly drama teatry ##### * 11.04.2026ý. «Çynymy aýtsam» atly sahna oýny 19:00 ##### * 12.04.2026ý. «Garry möjek» atly sahna oýny 12:00 ##### * 12.04.2026ý. «Synag» atly sahna oýny 19:00 #### Lebap welaýatynyň Seýitnazar Seýdi adyndaky döwlet sazly drama teatry ##### * 11.04.2026ý. «Gelinler» atly sahna oýny 19:00 ##### * 12.04.2026ý. «Gaýyn ene» atly sahna oýny 19:00 #### Mary welaýatynyň Kemine adyndaky döwlet drama teatry ##### * 11.04.2026ý. «Söýgüniň ýolunda» atly sahna oýny 19:00 ##### * 12.04.2026ý. «Talyp söýgüsi» atly sahna oýny 19:00

KITAPHANA SYNY

Kitaphanalar

08.04.2026

Kitaphana synynda çykyş edenler döwlet kitaphanamyza gelip gowşan döwürleýin neşirleri giňişleýin tanyşdyrdylar. Кitaphanamyza gelip gowuşýan gazetdir, žurnallarda döwrümiziň toýdur-baýramly günleri barada, giňişleýin maglumatlaryň berilmegi her bir okyjynyň ünsini özüne çekmek bilen çäklenmän, parahat döwletimiziň ösüşiniň şaýady bolýandyklary üçin gatnaşyjylarda buýsanç duýgularyny oýardy. Ýurdumyzyň beýik ösüşini, taryha yz goýjak wakalaryny özünde jemleýän neşirlerimiziň dowamly gelip gowuşmagy bizi diýseň buýsandyrdy.

DOKMA PUDAGYNYŇ ÖSÜŞLERI

Kitaphanalar

08.04.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi “Garaşsyz, baky Bitarap Türkmenistan – bedew batly at-myradyň mekany” ýyly mynasybetli “Dokma pudagynyň ösüşleri” atly kitap sergisini gurady. Milli ykdysadyýetimiziň senagatlaşýan döwründe ähli pudaklarda guwandyryjy görkezijiler gazanylýar. Häzirki döwürde dokma pudagy ykdysadyýetimiziň öňdebaryjy we kuwwatly pudaklarynyň birine öwrüldi. Garaşsyzlyk ýyllarynda işe girizilen dokma kärhanalarynyň ählisinde innowasion tehnologiýalar, ýokary öndürijilikli enjamlar, işiň gidişini dolandyrmak üçin iň ýokary derejeli dolandyryş-tehniki serişdeler ulanylýar. Täze gurlan kärhanalarda pagta süýümini, piläni gaýtadan işlemekden başlap, taýýar önümleri öndürmeklige çenli gutarnykly tilsimat tapgyrlary ornaşdyryldy. Döwrebap dokma kärhanalarynda jinsi, setin, ýüpek, trikotaž matalary we öň Türkmenistanda öndürilmedik taýýar önümleriň önümçiligi ýola goýuldy. Hormatly Prezidentimiziň tagallasy bilen ýurdumyzyň dokma senagaty milli ykdysadyýetimiziň kuwwatly pudaklarynyň birine öwrülip, döwletimiziň ykdysady ösüşine, halkymyzyň ýaşaýyş-durmuş derejesiniň ýokarlanmagyna öz mynasyp goşandyny goşýar. Bu kitap sergisi her bir okyjyda uly täsir galdyrdy. Dünýä ýüzünde parahatçylyk söýüjilikli syýasaty öňe sürýän Gahryman Arkadagymyzyň, Arkadagly Gahryman Serdarymyzyň janlary sag bolsun, ömürleri uzak bolsun, umumadamzat bähbitli alyp barýan işleri rowaç bolsun!

• ←
• 1
• ...
• 17
• 18
• 19
• ...
• 172
• →