HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

SAGLYK-BAŞYMYZYŇ TÄJI

Kitaphanalar

08.04.2026

Türkmenistanyň Döwlet medeniýet merkeziniň Döwlet kitaphanasynyň Medeni-köpçülik işleri bölümi “Saglyk-başymyzyň täji” ady bilen kitap sergisini gurady. Bu guralan kitap sergisinde Gahryman Arkadagymyzyň “Türkmenistanyň dermanlyk ösümlikleri” atly köp tomly ensiklopedik kitaplary hem-de Saglyk Maksatnamasy, şeýle hem ýurdumyzda täze guralan saglyk binalary, sport desgalary hakynda ýazylan eserler goýuldy. Gahryman Arkadagymyzyň şeýle ajaýyp kitaplary biziň ýol-ýörelgämiz we gymmatly gollanmadyr. Bu guralan kitap sergisinden okyjylar özleriniň gerekli soraglaryna jogap tapdylar. Sergä gatnaşyjylar ýurdumyzy sagdynlygyň we ruhubelentligiň ýurduna öwüren türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

BEDEW BATLY ÖSÜŞLERIŇ PAÝTAGTY GÖZEL AŞGABAT

Kitaphanalar

08.04.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi “Garaşsyz, baky Bitarap Türkmenistan – bedew batly at-myradyň mekany” ýyly mynasybetli “Bedew batly ösüşleriň paýtagty gözel Aşgabat” atly kitap sergisini gurady. Bu günki gün halkymyz Gahryman Arkadagymyzyň, Arkadagly Gahryman Serdarymyzyň sahabatly saýasynda “Garaşsyz, baky Bitarap Türkmenistan – bedew batly at-myradyň mekany” ýylyna gadam basdy. Bu ýylda türkmen halky Mukaddes Garaşsyzlygymyzyň 35 ýyllygyny baýram edýär. Gahryman Arkadagymyz “Ak şäherim Aşgabat” atly eserinde: “Ýurdumyzyň şäherleriniň her biriniň özboluşly gözelligi bar. Paýtagtymyz Aşgabat bolsa, şolardaky gözellikleriň baryny özünde jemleýän şäher. Onda tebigatyň täsinlikleri hem-de adam eli bilen döredilen ajaýyplyklar özboluşly sazlaşyga girýär. Aşgabadyň keşbinde diňe bir tebigatyň dürli gözellikleri däl, eýsem, döwürler hem bir sazlaşyga girýärler. Gözel Aşgabadymyzda gurulýan desgalaryň taryhyň we medeniýetiň gymmatlyklaryny jemleýän milli äheňdäki eser bolmagy, baş maksadymyzy aňladýar. Aşgabadyň keşbi - watançylyk söýgüsiniň janly keşbi” diýip jaýdar belleýär. Bu kitap sergisi her bir okyjyda uly täsir galdyrdy. Bedew batly ak şäherimiz Aşgabady günsaýyn buýsançly ösüşlere besleýän Gahryman Arkadagymyzyň, Arkadagly Gahryman Serdarymyzyň janlary sag bolsun, ömürleri uzak bolsun, umumadamzat bähbitli alyp barýan işleri rowaç bolsun!

KITAP BAR ÝERINDE SAGDYN DÜŞÜNJELI NESIL KEMALA GELÝÄR

Kitaphanalar

08.04.2026

Türkmenistanyň Döwlet medeniýet merkeziniň Döwlet kitaphanasynyň Milli gaznahana ulgamyny döretmek, maglumatlary jemlemek, ulgamyň elektron binýadyny guramak we maglumatlary alyşmak bölümi Aşgabat şäheriniň 27-nji çagalar bagynda “Kitap bar ýerinde sagdyn düşünjeli nesil kemala gelýär” atly çeper okaýyş we göçme kitap sergisini geçirdi. Göçme kitap sergisinde Gahryman Arkadagymyzyň, Arkadagly Gahryman Serdarymyzyň eserleri şeýle-de çagalar edebiýatyna degişli birnäçe ertekiler ýerleşdirildi. Çagalara durmuşy, jadyly-hyýaly ertekilerdäki gahrymanlaryň edermenligi, merdanalygy, ýagşy gylyk-häsiýetleri hakyndaky ertekiler, rowaýatlar labyzly okap berildi we çagalaryň arasynda sorag-jogap alşyldy. Kitap sergisi ýaş nesilleriň her birinde kitaba bolan söýgi döretdi. Şeýle-de çagalara, kitap okan çaganyň - jemgyýetde öz ornuny tapmagy, kämil şahsyýet bolup ýetişmegi üçin ýol ýörelgedigi hakynda maslahatlar berildi. Sergä gatnaşanlar bagtyýar çagalarymyzy milli ruhda terbiýelemäge uly mümkinçilikleri döredýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

TÜRKMENISTAN — SAGDYNLYGYŇ WE RUHUBELENTLIGIŇ MEKANY

Täzelikler

08.04.2026

#### *Türkmenistanyň Prezidenti Serdar Berdimuhamedow köpçülikleýin welosipedli ýörişe gatnaşdy* 7-nji aprelde ýurdumyzda Bütindünýä saglyk güni ýokary ruhubelentlikde bellenilip geçildi. Baýramçylyk mynasybetli geçirilen köpçülikleýin welosipedli ýörişe hormatly Prezidentimiz Serdar Berdimuhamedowyň gatnaşmagy Türkmenistanda parahatçylygyň we durnukly ösüşiň möhüm şertleriniň biri hökmünde sport diplomatiýasynyň yzygiderli ilerledilýändiginiň aýdyň güwäsi boldy. Halkymyzyň abadan durmuşy baradaky hemmetaraplaýyn alada Gahryman Arkadagymyz tarapyndan başy başlanyp, Arkadagly Gahryman Serdarymyzyň baştutanlygynda yzygiderli durmuşa geçirilýän ýurdumyzyň döwlet syýasatynyň ileri tutulýan ugrudyr. Şunda ilatyň saglygyny goramaga, köpçülikleýin bedenterbiýe-sagaldyş hereketiniň ösdürilmegine, sportuň dürli görnüşleri bilen meşgullanmagy wagyz etmäge aýratyn üns berilýär. Milli Liderimiziň ýolbaşçylygynda işlenip taýýarlanan «Saglyk» Döwlet maksatnamasyna laýyklykda, ilatyň saglygyny berkitmek, ynsan ömrüniň dowamlylygyny uzaltmak, bedenterbiýäni, sporty ösdürmek, sagdyn durmuş ýörelgelerini ornaşdyrmak ugrunda giň möçberli işler amala aşyrylýar. Ýurdumyzda halkara standartlara laýyk gelýän saglygy goraýyş, bejeriş-şypahana, sport düzümleriniň desgalary guruldy we olaryň gurluşygy dowam edýär. «Türkmenistan» gazeti

PARIŽDE ÝAÝBAŇLANAN DABARALAR

Halkara gatnaşyklary

07.04.2026

Häzirki döwürde Türkmenistanyň hem-de Fransiýa Respublikasynyň hormatly Döwlet Baştutanlarynyň bilelikdäki tagallalary netijesinde, türkmen we fransuz halklarynyň dost-doganlyk gatnaşyklary yzygiderli ösdürilýär. Türkmenistanda hem-de Fransiýa Respublikasynda iki ýurduň medeniýet we sungat ussatlarynyň gatnaşmaklarynda medeni çäreler yzygiderli geçirilýär. 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» ýyly diýlip atlandyrylmagy, ýurdumyzyň bedew batly ösüşlerini, şan-şöhraty dünýä dolan behişdi bedewleriň mekanydygyny aýdyň açyp görkezýär. Dünýä döwletlerinde şu ýylyň şygaryny dabaralandyrýan çäreler yzygiderli geçirilýär. Şu ýylyň 4-nji aprelinde medeniýet we sungat ussatlarymyzyň Pariž şäherinde geçirilen konserti hem, şu ýylyň şygaryna bagyşlandy. Dabarada Türkmenistanyň Fransiýa Respublikasyndaky Adatdan daşary we Doly ygtyýarly ilçisi Maksat Esenowiç Çaryýew gutlag sözi bilen çykyş etdi. Ýurdumyzyň medeniýet we sungat ussatlarynyň Pariž şäherinde geçirilen konsertde ýerine ýetiren ajaýyp aýdym-sazlaryny tomaşaçylar gyzgyn el çarpyşmalar bilen garşyladylar.  6-njy aprelde bolsa Parižda iki ýurduň medeniýet we sungat ussatlarynyň gatnaşmaklarynda ussatlyk sapaklary guraldy. Munuň özi, medeniýet we sungat ussatlarynyň birek-biregiň sungatlary bilen ýakyndan tanyşmaklarynda, tejribe alyşmaklarynda uly orun eýeleýär. Dabaralarda milli gymmatlyklarymyzyň sergisi ýaýbaňlandyryldy hem-de tomaşaçylar sergini uly gyzyklanma bilen synladylar. Pariždäki dabaralar türkmen-fransuz halklarynyň dost-doganlyk gatnaşyklarynyň has-da berkemeginde möhüm ähmiýete eýedir. Dabara gatnaşyjylar türkmen-fransuz dostluk gatnaşyklaryny ösdürmekde giň gerimli işleri alyp barýan türkmen halkynyň Milli Lideri Gahryman Arkadagymyza, Türkmenistanyň hem-de Fransiýa Respublikasynyň hormatly Döwlet Baştutanlaryna berk jan saglyk, uzak ömür, alyp barýan döwletli işleriniň hemişe uly üstünliklere beslenmegini tüýs ýürekden arzuw etdiler.

DÜNÝÄ SYRY KITAP BILEN AÇYLÝAR

Kitaphanalar

07.04.2026

Döwletmämmet Azady adyndaky Arkadag şäher kitaphanasynda “Dünýä syry kitap bilen açylýar” atly söhbetdeşlik geçirildi. Söhbetdeşlikde kitap adamyň ruhy dünýäsiniň çyragydyr. Kitap okamak adamy diňe bir sowatly etmek bilen çäklenmän, eýsem ony rahatlandyrýar, özüne bolan ynamyny artdyrýar. Kitap okaýan adam sowatly bolmak bilen duýgularyna erk edip bilýär. Dürli meselelere dogry we çynlakaý çemeleşýär hem-de olary çözmegiň başga ýollaryny gözleýär, ýagny gözýetimini giňeldýänligi barada Döwletmämmet Azady adyndaky Arkadag şäher kitaphanasynyň ýaşulylar otagynda dürli ýaşly okyjylarymyza giňişleýin gürrüň berildi. Söhbetdeşligiň ahyrynda ruhy baýlygymyz bolan eserlerimizi okyjylarymyza ýetirmäge uly mümkinçilikleri döredip berýän Gahryman Arkadagymyza, Arkadagly Gahryman Serdarymyza hoşallyk sözleri aýdyldy.

SAGLYK–ABATLYK

Kitaphanalar

07.04.2026

Döwletmämmet Azady adyndaky Arkadag şäher kitaphanasynyň, Arkadag şäheriniň köpugurly hassahanasynyň, “Arkadag” teleýaýlymyň taýýarlamagynda “Saglyk–abatlyk” atly söhbetdeşlik geçirildi. Gürrüňdeşlikde ýurdumyzda halkyň saglygyny goramak, her bir ynsanyň sagdyn durmuşda ýaşamagyny üpjün etmek asylly maksatlaryň birine öwrüldi. Şu babatda durmuşa geçirilýän işler, saglyk maksatly gurulyp ulanmaga berilýän desgalar, iň döwrebap enjamlar ýokary hilli lukmançylyk bejeriş işlerini, şypahana hyzmatlaryny ýola goýmaga giň mümkinçilikler döredilýändigi barada giňişleýin gürrüň edildi. Işlemäge, döretmäge, gurmaga şu ajaýyp şäherde zähmet çekmäge uly mümkinçilikler döredip berýän Gahryman Arkadagymyza, Arkadagly Gahryman Serdarymyza köp sagbolsun aýdýarys. Gahryman Arkadagymyzyň, Arkadagly Gahryman Serdarymyzyň janlary sag ,ömürleri uzak bolsun!

SPORT – SAGDYNLYGYŇ GÖZBAŞY

Kitaphanalar

07.04.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasy bilen 13-nji saglyk öýünde «Sport – sagdynlygyň gözbaşy» ady bilen gürrüňdeşlik geçirildi. Gürrüňdeşlikde çykyş edenler halkymyz gadymy döwürlerden bäri sagdynlyk hem-de ruhubelentlik durmuş ýörelgesi bolup gelýän jemgyýetimize sagdyn durmuş ýörelgeleri berk ornaşdyrylyp, “Saglygym - baş baýlygym”, “Bar zadyň sakasy saglyk” diýen paýhasly sözleriň döremegi saglygyň hemme zatdan ileri tutulýandygyny giňişleýin gürrüň berdiler. Şeýle-de halkymyzyň abadançylygy, bagtyýarlygy, ýurdumyzyň ähli taraplaýyn ösüşi şunuň bilen berk baglanşykly bolup durýandygy barada belläp geçdiler. Gürrüňdeşligiň ahyrynda halkymyzyň sagdyn durmuş ýörelgesini alyp barmakda hem-de bedenterbiýäni we sporty ösdürmekde dünýä nusgalyk işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÜRKMENISTAN – MELHEMLER MEKANY

Kitaphanalar

07.04.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Aşgabat şäher häkimliginde Bütindünýä saglyk güni mynasybetli «Türkmenistan – melhemler mekany» ady bilen göçme kitap sergisi gurnaldy we wagyz-nesihat çäresi geçirildi. Bütindünýä saglyk güni ynsan saglygyna, bedenterbiýä we sporta aýratyn ähmiýet berilýän hem-de ynsanperwerligiň belent däplerini dabaralandyrýan halkara baýram bolup, Aşgabat şäher häkimliginde “Türkmenistan – melhemler mekany” atly göçme sergi gurnaldy we bu sergide Gahryman Arkadagymyzyň köp tomly ylmy-ensiklopedik eserleri “Türkmenistanyň dermanlyk ösümlikleri”, “Çaý melhem - hem ylham”, “Bagtyýarlyk saglykdan başlanýar”, “Türkmenistan – melhemler mekany” atly kitaplaryndan kitap sergi gurnalyp, bütin türkmen halky üçin gymmatly gollanma öwrülendigi, aýratynam saglygy goraýyş ulgamynyň ösüşine ebedi hyzmat etjek genji-hazyna bolup durýandygy barada gürrüň berdiler. Şeýle-de alym Arkadagymyzyň döwürleri nesilleriň durmuşy bilen baglanyşdyrýan atalyk kitaplary halkymyzyň saglygyny berkitmekde we ony goramakda bahasyna ýetip bolmajak egsilmez çeşmedigi barada çykyş etdiler. Çäräniň dowamynda gurnalan göçme kitap sergisi çärä gatnaşanlarda uly täsir galdyrdy. Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

SAGDYNLYGYŇ WE RUHUBELENTLIGIŇ BAÝRAMY

Kitaphanalar

07.04.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasynyň gurnamagynda «Sagdynlygyň we ruhubelentligiň baýramy» ady bilen gürrüňdeşlik geçirildi. Gürrüňdeşlikde Gahryman Arkadagymyzyň köp tomly ylmy-ensiklopedik eseri bolan “Türkmenistanyň dermanlyk ösümlikleri”, “Çaý melhem hem ylham”, “Bagtyýarlyk saglykdan başlanýar”, “Türkmenistan-melhemler mekany” atly kitaplary bütin türkmen halky üçin gymmatly gollanma öwrülip, diňe bir ýurdumyzyň lukmançylyk ylmynda däl, eýsem, dünýä derejesinde hem uly ähmiýete eýe bolandygy barada gürrüň berdiler. Şeýle-de ýurdumyzda raýatlarymyzyň saglygyny dikeltmekde şypahanalardaky ýerli bejergileriň arasynda dermanlyk otlardan peýdalanylanda, adam saglygyna has-da gowy täsirini ýetirýändigi barada çykyş etdiler. Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 18
• 19
• 20
• ...
• 172
• →