HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Bagtyýarlygyň goşa sütüni

Kitaphanalar

19.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollamurt adyndaky kitaphana şahamçasy bilen Türkmen döwlet binagärlik – gurluşyk institutynyň bilelikde guramagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Bagtyýarlygyň goşa sütüni» ady bilen wagyz-nesihat çäresi geçirildi. Çärede çykyş edenler buýsançly geçmişimizi, bagtyýar şu günimizi, beýik geljegimizi alamatlandyrýan gymmatlygymyz bolan Döwlet baýdagymyzyň belentde parlap, eziz Watanymyzyň, merdana halkymyzyň şan-şöhratyny jümle-jahana ýaýýandygy barada beýan etdiler. Şeýle-de tebigatyň we ýaşaýyş gözelligini özünde jemleýän ýaşyl tugymyzda ýurdumyzyň haly gölleriniň ýerleşdirilmegi halkymyzyň agzybirliginiň, bitewiliginiň aýdyň subutnamasy bolup durýandygy barada çykyş etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Baýdagymda bagtyýarlyk bady bar, Kanunymda halkyň beýik bagty bar

Kitaphanalar

19.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasy bilen Aşgabat Maliýe-ykdysady orta hünär okuw mekdebiniň bilelikde gurnamagynda «Baýdagymda bagtyýarlyk bady bar, Kanunymda halkyň beýik bagty bar» ady bilen wagyz-nesihat çäresi geçirildi. Çärede çykyş edenler “Garaşsyz, baky Bitarap Türkmenistan – bedew batly at-myradyň mekany” ýylymyzyň her bir güni ösüşlere beslenýändigi, ajaýyp eýýamymyzda halkymyzyň tutýan her bir toýy, gazanýan üstünlikleri belent buýsanjymyzyň beýany bolup durýandygy barada gürrüň berdiler. Şeýle-de Ene topragyň, ata Watanyň mukaddes bolşy ýaly, Döwlet Baýdagymyzyň hem mukaddesdigi, türkmeniň ýaşyl ýazlary kimin owadan tugumyzy başlarynyň täjine deňeýän zähmetsöýer halkymyz ynamly gadamlar bilen öňe barýandygy barada beýan etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Baýdagyň belentdir dünýäň öňünde

Kitaphanalar

19.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasy bilen 112-nji orta mekdebiniň bilelikde guramagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Baýdagyň belentdir dünýäň öňünde” ady bilen wagyz-nesihat çäresi geçirildi. Çärede çykyş edenler Türkmenistanyň Konstitusiýasynyň we Türkmenistanyň Döwlet baýdagy ýüreklerimizde mäkäm orun tutýan mukaddesliklerimiziň biri bolup, çünki onda halkymyzyň ruhy beýikligini, mizemez ynsanperwerligini, agzybirligini alamatlandyrýan nyşanlar öz beýanyny tapýandygy barada gürrüň berdiler. Şeýle-de döwlet baýdagymyz asyrlar aşyp, bu gün Garaşsyz, hemişelik Bitarap Türkmenistanyň rowaçlygynyň nyşany hökmünde belentde parlaýandygy, bu bolsa ýaşaýşyň, agzybirligiň, bitewüligiň, erkanalygyň subutnamasy bolup durýandygy barada beýan etdiler. Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Konstitusiýa, Döwlet baýdagy döwletliligiň we özygtyýarlylygyň nyşany

Kitaphanalar

19.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen 4-nji orta mekdebiniň bilelikde gurnamagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Konstitusiýa, Döwlet baýdagy döwletliligiň we özygtyýarlylygyň nyşany” ady bilen wagyz-nesihat çäresi geçirildi. Çärede çykyş edenler Türkmenistanyň Konstitusiýasynyň, kanunlarymyzyň kämilleşmegi jemgyýetdäki durmuş ykdysady özgerişlikler bilen utgaşyp, ata Watanymyzyň gülläp ösüşiniň kepili bolup, häzirki we geljekki nesilleriň bagtyýar durmuşyny üpjün edýändigini, Döwlet baýdagymyz parahatçylygyň, ynsanperwerligiň, ösüşiň we döredijiligiň nyşany hökmünde tanalýandygy barada gürrüň berdiler. Çäräniň dowamynda mekdep okuwçylary Döwlet Baýdagymyzy, ýurdumyzy wasp edýän birnäçe goşgulary ýerine ýetirdiler. Çäräniň ahyrynda ýurdumyzyň parahatlygy, asudalygy halkymyzyň bagtyýarlygy ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Bagt kanunym adalatyň binýady, Parlaýar diýarda bagtyň baýdagy

Kitaphanalar

15.05.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli geçiren dabarasynyň çäginde “Bagt kanunym adalatyň binýady, Parlaýar diýarda bagtyň baýdagy” atly kitap sergisini hem gurnady. Sergide Gahryman Arkadagymyzyň, Arkadagly Gahryman Serdarymyzyň eserleri, ýurdumyzyň ösüşlerini wasp edýän eserler, Ýaşyl Tugumyzyň waspyny ýetirýän neşirler ýerleşdirildi. Bu kitap sergisi dabara gatnaşanlarda we kitaphana gelýän okyjylarda uly täsir galdyrdy.

Konstitusiýa we Döwlet baýdagy - Watanymyzyň mukaddes nyşanlary

Kitaphanalar

15.05.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Konstitusiýa we Döwlet baýdagy - Watanymyzyň mukaddes nyşanlary” atly dabara geçirdi. Dabara dürli ugurlarda zähmet çekýän myhmanlarymyz we okyjylarymyz, kitaphana işgärleri gatnaşdylar. Gahryman Arkadagymyzyň, Arkadagly Gahryman Serdarymyzyň saýasynda bellenilýän bu goşa sene halkymyzyň durmuşynda aýratyn uly ähmiýete eýedir. Döwlet baýdagy eziz Watanymyzyň şöhratly geçmişiniň subutnamasydyr, häzirki bagtyýar gününiň hem-de beýik geljeginiň kepilidir, milli döwletlilik ýörelgelerimiziň synmazlygyny, ebediligini ykrar edýän milli gymmatlygymyzdyr. Ine şular dogrusynda dabara gatnaşyjylar täsirli çykyş etdiler, şahyrlarymyz goşa baýramçylyk mynasybetli şygyrlaryndan okap berdiler. Dabaranyň ahyrynda oňa gatnaşanlar Gahryman Arkadagymyza, Arkadagly Gahryman Serdarymyza halkymyzyň abadan, asuda ýurtda ýaşap, zähmet çekmekleri ugrunda alyp barýan işleriniň rowaçlyklara beslenmegini arzuw etdiler.

Berkarar Watanda goşa baýramym – adalat Kanunym, ýaşyl Baýdagym

Kitaphanalar

15.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasy bilen Neşirýat-çaphana orta hünär okuw mekdebiniň bilelikde gurnamagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Berkarar Watanda goşa baýramym - adalat Kanunym, ýaşyl Baýdagym” ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler Türkmenistanyň Döwlet Konstitusiýasynyň we Türkmenistanyň Döwlet baýdagynyň güni döwletimiziň we jemgyýetimiziň berkararlygyny, sarsmaz güýjüni, ata Watanymyzyň gülläp ösüşlerini dünýä ýaýýan mukaddesliklere il-günümiziň sarpasynyň belentdigini görkezýän ajaýyp baýramydygy barada öz ýürek buýsançlaryny beýan etdiler. Şeýle-de, esasy Kanunymyzy hem-de Döwlet baýdagymyzy ýaşlara wagyz etmek, olarda watansöýüjiligi terbiýelemek bolsa, biziň her birimiziň mukaddes borjumyz bolup durýandygy barada aýtdylar. Çäräniň dowamynda döredijilik işgärleriniň Watanymyza, ýaşyl tugumyza, bolan söýgüsini, buýsanjyny goşgy setirleriniň üsti bilen beýan etmegi, çärä gatnaşýanlarda ýakymly täsir galdyrdy. Çäräniň ahyrynda türkmen halkynyň buýsanjyna öwrülen ýaşyl tugumyzy hemişe pasyrdadyp, ýagty geljegimize ak ýol açýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Baş Kanunym baky bagtym – ýaşyl tugum dünýä ýalkym

Kitaphanalar

15.05.2026

Türkmenistanyň B.Amanow adyndaky Döwlet çagalar kitaphanasy ýakynda 44-nji ýöriteleşdirilen orta mekdepde Türkmenistanyň Konstitusiýasynyň we Türkmenistanyň Döwlet Baýdagynyň günine bagyşlap “Baş Kanunym baky bagtym – ýaşyl tugum dünýä ýalkym” – atly edebi-sazly agşam geçirdi. Häzirki ajaýyp döwrümizde ýurdumyzyň döwlet nyşanlary bolmak bilen Esasy Kanun we Ýaşyl Baýdagymyz Watanymyzyň garaşsyzlyk hem-de bitaraplyk ýörelgelerini we agzybir türkmen halkymyzyň parahatçylyk, ynsanperwerlik gatnaşyklaryna bolan üýtgewsiz ygrarlylygyny özünde jemleýär. Ýurdumyzyň kanunçylygyny ösdürmegiň hukuk esaslary Konstitusiýadan gözbaş alýar. Ine şular dogrusynda kitaphana hünärmenleri ýaş nesillere täsirli gürrüňleri berdiler. Çärämize işjeň gatnaşan okuwçylar mukaddes tugumyzy, häzirki ajaýyp döwrümizi wasp edip goşgulary, aýdym-sazlary ýerine ýetirdiler. Dabaranyň ahyrynda oňa gatnaşanlar ýaşyl tugymyzy dünýäniň çar künjeginde al-asmanda parladýan hem-de milli hukugyň esasy bolup durýan Türkmenistanyň Konstitusiýasynyň baýramyny döwlet derejesine sarpalaýan Arkadagly Gahryman Serdarymyza alkyşlary beýan etdiler.

KITAPHANA SYNY

Kitaphanalar

15.05.2026

Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine we kitaphana täze gelip gowşan edebiýatlardan kitaphana syny geçirildi. Kitaphana synynda çykyş edenler “Magtymgulynyň şygyrlarynyň düşündirişli sözlügi” atly kitaplaryň I, II, III, IV, V jiltleri bilen tanyşdyrdylar. Kitapda Gündogaryň beýik akyldary we ussat şahyry Magtymguly Pyragynyň eserlerinde duş gelýän okyjylar köpçüligi üçin doly düşnükli bolmadyk sözler, söz düzümleri, rowaýatlardyr hekaýatlar bilen baglanyşykly düşünjeler, dürli adalgalar, dini, dini-sopuçylyk aňlatmalary, okuja nätanyş bolan taryhy, geografik, mifologik, şahs, eser atlary ýerleşdirilendigini mälim etdiler. Sözlük şahyryň eserleriniň many-mazmunyna düşünmekde peýdaly gollanma bolup hyzmat etjekdigini buýsanç bilen beýan etdiler. Şeýle-de A.Hojanyýazyň soňky ýyllarda ýazan edebi makalalarynyň, ýaş galamdaşlaryna maslahatlarynyň, sowallara jogaplarynyň, onuň öz döredijiligi dogrusynda halypalary, galamdaşlary, şägirtleri, okyjylary tarapyndan aýdylanlaryň bir bölegi girizilen “Halypalary gören gözlerim” atly kitaby bilen hem tanyşdyrdylar. Kitaphanaçylary Ý.Ýagmyrowyň “Bakylygyň bahary” atly dürli goşgulary, rubagylary, bentleri, hekaýatlary we durmuş pelsepelerini öz içine alýan kitaby bilen hem tanyşdyrdylar. Kitaphana synyna gatnaşanlar halkymyzyň bagtyýar durmuşda ýaşamagy ugrunda taýsyz tagallalary edýän Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

Milli jebisligiň mizemez güwäsi

Kitaphanalar

15.05.2026

Türkmenabat şäher merkezi kitaphanasynyň kitaphanaçylary şäheriň 23-nji orta mekdebinde Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Milli jebisligiň mizemez güwäsi” atly gürrüň geçirdiler. Mekdep okuwçylaryna Baş Kanunymyz bolan Türkmenistanyň Konstitusiýasy hakynda şeýle-de Gahryman Arkadagymyzyň, hormatly Prezidentimiz Arkadagly Gahryman Serdarymyzyň nusgalyk eserleri barada giňişleýin gürrüň berildi. Bu bolsa diňleýjilerde uly täsir galdyrdy. Asuda, abadan, parahat, bagtyýar durmuşda ýaşadýan türkmen halkymyzyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, başlary dik bolsun, il-ýurt bähbitli tutýan tutumly işleri rowaç alsyn.

• ←
• 1
• ...
• 16
• 17
• 18
• ...
• 123
• →