Kitaphanalar
07.05.20251941-1945-nji ýylda Beýik Watançylyk urşunda gazanylan Ýeňiş baýramy mynasybetli ýurdumyzyň ähli ýerlerinde baýramçylyk dabaralary bellenilýär. Magtymguly adyndaky türkmen Döwlet Uniwersitetinde aýdym-sazly duşuşyk geçirildi. Bu duşuşykda weteran Antenina Pawlowna birnäçe sorag-jogap arkaly söhbetdeşlik geçirildi. Söhbetdeşligiň dowamynda weteranlarymyzyň gazanan ýeňişleri barada gürrüň edildi.
Kitaphanalar
07.05.2025Türkmenistanyň Bazar Amanow adyndaky Döwlet çagalar kitaphanasy ýakynda «Ýaşlyk» teleýaýlymy bilen bilelikde kitap we kitaphanalaryň adamzat durmuşynda tutýan möhüm ornynyň ähmiýeti dogrusynda söhbetdeşlik geçirdi. Kitaplary we beýleki maglumat çeşmelerini okyja elýeterli etmek, kitap bilen işlemegiň tärlerini kämilleşdirmek, ýaş okyjylaryň kitaphanady her bir neşirden höwesli peýdalanmagy üçin kitaphanada alynyp barylýan işer barada täsirli gürrüňler edildi. Okyjylary milli ruhda terbiýelemek, olaryň aň-düşünjesini giňeltmek maksady bilen kitaphanamyzda guralýan hemişelik we döwürleýin kitap sergileriniň ähmiýeti barada hem täsirli söhbetler edildi. Duşuşygyň ahyryna kitaphanalaryň işini kämilleşdirmek boýunça döwletimizde parasatly başlangyçlary durmuşa geçirýän Gahryman Arkadagymyza, hormatly Prezidentimiz Arkadagly Gahryman Serdarymyza alkyşlar beýan edildi.
Kitaphanalar
07.05.2025Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri kitaphananyň sungat bölüminde Türkmenistanyň halk artisti, opera aýdymçysy Maýa Kulyýewanyň doglan gününiň 105 ýyllygyna bagyşlap, «Ajaýyp türkmen aýdymçysy» ady bilen söhbetdeşlik geçirdi. Söhbetdeşligiň dowamynda ussat opera aýdymçysy Maýa Kulyýewanyň türkmen aýdym-saz sungatyna bagyşlanan manyly ömri, nesillere nusga bolan döredijilik ýoly barada täsirli söhbet edildi. Şeýle-de häzirki wagtda Gahryman Arkadagymyzyň, Arkadagly Gahryman Serdarymyzyň türkmen medeniýetini, sungatyny has-da ösdürmek, ömrüni medeniýetimizi, sungatymyzy ösdürmäge bagyş eden sungat ussatlarymyzy hormatlamak, sarpalamak, olaryň ölmez-ýitmez döredijiligini ýaş nesillere ýetirmek babatda alyp barýan beýik işleri dogrusynda buýsançly nygtadylar. Sungat bölüminde gurnalar sergi hem bölümiň sungaty söýýän, höwesjeň okyjylarynda aýratyn täsir galdyrdy. Bagtyýar zamananyň kitaphanaçylary döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Kitaphanalar
07.05.2025Döwletmämmet Azady adyndaky Arkadag şäher kitaphanasynyň gurnamagynda «Dünýä gözelligine soltan halylar» atly gürrüňdeşlik geçirildi. Täze taryhy eýýamymyzda «Halkara parahatçylyk we ynanyşmak» şöhratly ýylymyzda Gahryman Arkadagymyzyň, Arkadagly Gahryman Serdarymyzyň saýasynda halyçylyk senedi has-da ösdürilýär. Bu günki gün türkmen gelin-gyzlary gadymy, Milli haly senedimiziň täzeden-täze nusgalaryny döredýärler. Şol ajaýyp halylarymyzy döredýän gelin-gyzlarymyza bolsa bu günki gün Şa serpaýlary bilen sylaglanylýar, hormatly atlary dakylýar. Gahryman Arkadagymyzyň «Arşyň nepisligi» atly kitabynda belleýşi ýaly: «Haly-halkymyzyň gadymy hem müdümi, owal-ahyr ygrarly sungatydyr» diýmek bilen beýle sungat bolsa elmydama sarpalanmaga, tarypyny belent tutmaga mynasypdyr. Öňki döwürlerde bolşy ýaly, häzirki döwürde-de daşary ýurtlylar türkmen halylaryny örän sarpalaýarlar. Milli haly sungatymyz bu günki gün daşary ýurtlarda we öz ýurdumyzda geçirilýän halkara sergilere gatnaşdyrylýar. Türkmen halylary halkara sergilerinde daşary ýurtly halyşynaslaryň söýgüsine, ýokary bahasyna mynasyp bolýar. Ululygy boýunça dünýäde iň äpet haly hökmünde «Altyn asyr» atly türkmen halysynyň Ginnesiň rekordlar kitabyna, türkmen halyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi bolsa ähli türkmenistanlylar üçin juda ýakymlydyr we buýsançlydyr. Gürrüňdeşligiň ahyrynda ajaýyp halylarymyzyň asylky şöhratyny dünýä dolduran türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.
Kitaphanalar
07.05.2025Lebap welaýat çagalar kitaphanasynyň gurnamagynda Türkmenabat şäheriniň 47-nji çagalar bagynyň usulçylary bilen bilelikde welaýat çagalar kitaphanasynda körpe çagalarynyň gatnaşmaklarynda sesli okuw çäresi geçirildi. Beýik ýeňşiň 80 ýyllygy mynasybetli kitaphananyň kitap gaznasyndan «Pederleriň ruhuna tagzym» atly wagtlaýyn sergisi gurnaldy. Bu serginiň üsti bilen ýaşlarymyza watan mukaddesligi, edermen pederlerimiziň gaýduwsyzlygy, Beýik Watançylyk urşunda görkezen gahrymançylygy hakynda gürrüňler berildi. Gahryman Arkadagymyzyň mertlik hakynda «Mertler watany beýgeldýär», «Mert ýigitler gaýrat üçin dogulýar» atly eserlerinden täsirli gürrüňler edildi. Çäräniň ahyrynda Gahryman Arkadagymyzyň parasatly ýörelgelerini durmuşa geçirýän ýurdumyzy dünýä derejesine parahat alyp barýan Arkadagly Gahryman Serdarymyza alkyş sözleri aýdyldy.
Kitaphanalar
06.05.2025Türkmenistanyň Bazar Amanow adyndaky döwlet çagalar kitaphanasy ýaňy-ýakynda Aşgabat şäheriniň ýöriteleşdirilen «Bagtyýar nesiller» adyndaky 74-nji orta mekdebinde Beýik Ýeňşiň 80 ýyllyk baýramçylygy mynasybetli «Ýeňiş gününiň aýdymlary» atly söhbetdeşlik geçirdi. Söhbetdeşligiň dowamynda Watan üçin şirin janyny orta goýan gerçekler barada şeýle-de tylda zähmet edermenligini görkezen gyz-gelinler, ýetginjekler barada täsirli gürrüňler edildi. Şeýle-de söweş ýyllarynyň hem-de Beýik Ýeňşiň aýdymlary, şol ýyllaryň wakalaryny beýan edýän teatr hem-de kino sahnalary, olarda beýan edilýän türkmen halkynyň Watan söýgüsi, mertligi, edermenligi, gaýduwsyzlygy barada buýsançly gürrüňler edildi. Mekdebiň okuwçylary Beýik Ýeňşe bagyşlanan gysgaça sahna oýunlary, aýdymdyr, sazlary, täsirli tanslary, ajaýyp şygyrlary uly höwes bilen ýerine ýetirdiler. Gurnalan göçme kitap sergisi çagalarda uly täsir galdyrdy. Söhbetdeşligiň ahyrynda Watan üçin, il-halk üçin edermenlik görkezen gahrymanlary hormatlaýan, sarpalaýan Gahryman Arkadagymyza, Arkadagly Gahryman Serdarymyza alkyş sözleri beýan edildi.
Kitaphanalar
06.05.2025Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda 45-nji orta mekdebinde «Watan Gahrymanlary bakydyr» ady bilen gürrüňdeşlik geçirildi. Gürrüňdeşlikde çykyş edenler Berkarar döwletiň täze eýýamynyň Galkynyşy döwründe Beýik Watançylyk urşunda ýeňiş gazanan weteranlarymyza we olaryň ojagyny saklan enelerimize goýulýan sarpanyň örän ýokarydygy barada gürrüň berdiler. Şeýle-de halkymyzyň edermen ogul-gyzlary, beýleki doganlyk halklar bilen bilelikde, urşuň agyr synagyna döz gelip, dünýäde parahatçylyk we asudalyk, abadan durmuş ugrunda bolan söweşde belent ahlak häsiýetlerini, edermenligiň, gaýduwsyzlygyň, gahrymançylygyň nusgasyny görkezendikleri barada beýan etdiler. Gürrüňdeşligiň ahyrynda türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.
Kitaphanalar
06.05.2025Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Aşgabat şäher häkimliginiň toplumy binasynda «Parahatçylyk asudalygyň, we abadançylygyň binýady» ady bilen söhbetdeşlik geçirildi. Söhbetdeşlikde häzirki wagtda döwletleriň arasyndaky, parahatçylyk söýüjilikli we hoşniýetli gatnaşyklar halkymyzyň müňýyllyklaryň dowamynda kämilleşdiren ynsanperwer ýörelgeleridigi, şol asylly ýörelgeler «Halkara parahatçylyk we ynanyşmak ýyly» şygary astynda geçýän ýyly täzeçe röwüşde dabaralanýandygy, şoňa görä-de, Milli Liderimiziň hem-de döwlet Baştutanymyzyň tagallalary bilen halkara giňişlikde öňe sürülýän başlangyçlar, durmuşa geçirilýän beýik işler uly gyzyklanma, gyzgyn goldawa mynasyp bolýandygy barada giňişleýin söhbet etdiler. Söhbetdeşligiň ahyrynda ýurdumyzyň barha pajarlap ösmegi, halkymyzyň parahat, asuda, bagtyýar durmuşda ýaşamagy, dünýä halklarynyň arasynda dost-doganlygyň berkemegi ugrunda bimöçber tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Kitaphanalar
06.05.2025Döwletmämmet Azady adyndaky Arkadag şäher kitaphanasynda, Türkmenistanyň Kärdeşler arkalaşyklarynyň Arkadag şäheriniň birleşmesiniň gurnamagynda «Kitap pähim-paýhas çyragy» atly söhbetdeşlik geçirildi. Söhbetdeşlikde kitap egsilmez baýlykdyr. Kitap asyrlardan asyrlara, nesillere bahasyny hiç zat bilen ölçäp bolmaýan baýlygy ýetirýän gymmatlykdyr. Özi hem döwürleriň synagyndan geçen, hiç haçan könelmeýän gymmatlykdyr. Şonuň üçin hem ýaşlaryň terbiýesinde kitabyň uly oruny bar. Çünki paýhasly jümleler, ylmy garaýyşlar diňe kitaplaryň sahypasynda jemlenendir. Şonuň üçin hem ylmy gözlegde bolmak we kämillige gadam basmak ylmy garaýyşlaryň üsti bilen mümkin bolýar. Çünki geçmişde ata-babalarymyz baý golýazma çeşmelerini hem miras goýupdyrlar. Şeýle golýazma çeşmeleriniň özi bolsa öňi bilen pähimdar pederlerimiziň ylymdar bolandyklaryny, ylym ýolunyň nusgasyny kemala getirendiklerini görkezýär. Häzirki ajaýyp döwrümizde ata-babalarymyzyň asylly ýörelgesini dowam edip, bilimli nesilleri kemala getirmäge giň mümkinçilikler döredilýänligi barada giňişleýin söhbet etdiler. Söhbetdeşligiň ahyrynda gymmatly eserleri okamaga, öwrenmäge, geljekki nesillere ýetirmäge döredip berýän mümkinçilikleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.
Kitaphanalar
05.05.2025Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasy bilen Bagtyýarlyk medeniýet öýüniň bilelikde guramagynda «Parahatçylygyň dabaralanýan diýary» ady bilen kitap sergi gurnaldy we aýdym-sazly, wagyz-nesihat çäresi geçirildi. Çärede çykyş edenler Hemişelik Bitaraplygymyzyň şanly 30 ýyllyk baýramynyň ulydan toýlanylýan ýyly bolan Halkara parahatçylyk we ynanyşmak ýylynda hem Baky Bitaraplygy halkara derejede uly gyzyklanma we goldawa eýe bolýandygy, bu bolsa belent ykrarnama eýe bolan ýurdumyzyň bitaraplyk, parahatçylyk we dost-doganlyk ýaly ynsanperwer ýörelgeleriniň gözbaşynda hormatly Prezidentimiziň, Gahryman Arkadagymyzyň dünýä halklarynyň parahat durmuşyna gönükdirilen belent tutumly işleriň, aýdyň maksatlarynyň hem-de taýsyz tagallalary halkymyzy egsilmez guwanç we buýsanç duýgularyna besleýändigi barada gürrüň berdiler. Çäräniň ahyrynda ata-babalarymyzyň ýol-ýörelgelerini dowam etdirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
