HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ÇAGALAR AJAÝYP DIÝARYMYZYŇ GÜL AÇÝAN NOWÇALARY

Kitaphanalar

09.07.2025

Döwletmämmet Azady adyndaky Arkadag şäher kitaphanasynyň hem-de Arkadag teleýaýlymy bilen bilelikde guramagynda «Çagalar ajaýyp Diýarymyzyň gül açýan nowçalary» atly aýdym–sazly duşuşyk geçirildi. «Bagtly çagalygyň ýurdy» hökmünde tanalýan eziz Diýarymyzda körpejelere döwrebap terbiýe berilmegine, olaryň medeniýetli dynç almagyna, wagtlaryny şadyýan geçirmegine aýratyn üns berilýär. Gahryman Arkadagymyzyň, Arkadagly Gahryman Serdarymyzyň amala aşyrýan düýpli özgertmeleri netijesinde, ýurdumyzda ýaş nesli watançylyk ruhunda terbiýelemekde, olary ylymly-bilimli, giň dünýägaraýyşly, ukyp başarnyklaryny açyp görkezmekde şeýle hem kämil nesiller edip ýetişdirmekde uly işler alnyp barylýar. Döwletmämmet Azady adyndaky Arkadag şäher kitaphanasynyň çagalar okalgasynda körpeje çagalarymyz wagtlaryny şadyýan geçirmäge ähli mümkünçilikler, şertler döredilip berlen. Çagalar bu ýerde dürli neşir önümlerini okamaga, öwrenmäge, özleriniň dürli temalara degişli ukyplaryny açyp görkezmäge ähli şertler döredilen. Çäräniň dowamynda çagalar ajaýyp Diýarymyzy wasp edýän aýdymlary we tanslary ýerine ýetirdiler. Döwrümiziň ýaş nesillerini okamaga, öwrenmegä uly atalyk aladalaryny edýän Gahryman Arkadagymyza, Arkadagly Gahryman Serdarymyza alkyş sözleri aýdyldy.

BAGTYÝAR ÇAGALAR GELEJEGIŇ NURY

Kitaphanalar

09.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasynyň guramagynda «Bagtyýar çagalar gelejegiň nury» ady bilen Gökderedäki «Altyn sümmül» çagalar sagaldyş we dynç alyş merkezinde wagyz-nesihat çäresi geçirildi. Çärede çykyş edenler Gahryman Arkadagymyzyň, Arkadagly Gahryman Serdarymyzyň saýasynda çagalar we ýaşlar üçin ähli şertleriň döredilýändigini, ýurdumyzda çagalaryň dynç almagy üçin çagalar sagaldyş we dynç alyş merkezlerinde ähli mümkinçilikleriň döredilýändigi barada beýan etdiler. Bu ýerde ertekileri türkmen halk döredijiliginiň iň gadymy görnüşleriniň biri bolup, ata-babalarymyzyň ertekileriň çaga terbiýesine çuňňur täsir etmäge ukybynyň bardygyny müňlerçe ýyl ozal akyl ýetirip, ony özleriniň ýaşaýyş-durmuş we edep-terbiýe mekdebine ymykly ornaşdyrandyklary, ertekilerde adalat, hakykat hemişe dabaralanyp, erbet häsiýetli gahrymanlaryň soňynyň şowsuzlyklara barýandygy barada giňişleýin gürrüň berdiler. Çäräniň dowamynda «Biz haýsy ertekileriň gahrymany» at bilen türkmen halk ertekilerinden, tapmaçalardan düzülen sowal-jogap bäsleşigi geçirilip, has-da çekeleşikli boldy we çagalarda uly täsir galdyrdy. Çäräniň ahyrynda arzuwlaryň hasyl bolýan ýurdunda, geljegimiz bolan çagalar barada edýän aladalary üçin, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ZENAN ZEMINIŇ ZYNATY

Kitaphanalar

09.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy bilen Berkararlyk etrap häkimliginiň, etrap zenanlar bölüminiň bilelikde guramagynda «Zenan zeminiň zynaty» ady bilen 14-nji saglyk öýünde wagyz-nesihat çäresi geçirildi. Çärede çykyş edenler Ata-babalarymyzdan dowam edip gelýän hormat- sarpany häzirki wagtda türkmen zenanlarynyň ýokary jemgyýetçilik syýasy mertebä eýe bolmagynda, olaryň durmuşyň ähli ugurlarynda deň derejede işjeň gatnaşmagy üçin oňaýly şertleriň döredilmegini göz öňünde tutýan kadalaryň Esasy Kanunymyzda we beýleki hukuk namalarda görmek bolýandygyny, şunuň bilen baglylykda, gender deňliginiň üpjün edilmegi, maşgalanyň we eneligiň goldanylmagy jemgyýetiň durnukly ösüşiniň möhüm şertleriniň biri bolup durýandygy barada gürrüň berdiler. Çäräniň ahyrynda Berkarar Watanymyzy, agzybir halkymyzy röwşen geljegimize ynamly alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

PARAHATÇYLYK WE YNANYŞMAK ÝYLYNDA ÇAGANYŇ HUKUGY

Muzeýler

09.07.2025

Türkmenistanyň Döwlet medeniýet merkeziniň Döwlet muzeýiniň “Şekillendiriş sungaty” we “Türkmenistanyň taryhy ylmy-barlag” bölümleriniň işgärleri tarapyndan Gökderedäki “Ýaşlyk” sagaldyş we dynç alyş merkezinde “Parahatçylyk we ynanyşmak ýylynda çaganyň hukugy” atly çäräniň çäginde göçme sergi gurnaldy. Ol merkezlerde çagalar üçin peýdaly duşuşyklar yzygiderli geçirilip durulýar. Bu sergide türkmen halkynyň gadymdan galan egin-eşikleri, haly önümleri, durmuş esbaplary we ýurdumyzda duş gelýän birnäçe haýwanlaryň, guşlaryň, süýrenijileriň dürli görnüşleriniň gäpleri görkezildi. Çagalar serginiň dowamynda gelin-gyzlaryň gadymy egin-eşikleri barada gyzykly maglumatlary diňlediler şeýle hem haýwanlaryň biologiki aýratynlygy, olaryň ýaýran ýerleri we iýmitlenişi baradaky täsin maglumatlar bilen tanyşdylar. Bu sergi çagalaryň türkmen halkynyň miras galdyran we nesilden nesle geçip gelýän medeni gymmatlyklary, gözel tebigatymyzyň haýwanat dünýäsi barada maglumat almaklaryna we öz bilimlerini artdyrmaklaryna, dünýägaraýyşlaryny giňeltmeklerine ýardam berer. 

ÝAŞASYN PARAHAT DURMUŞ!

Kitaphanalar

09.07.2025

Mary welaýat kitaphanasynyň ýaşulylar otagynda «Ýaşasyn parahat durmuş!» Mary welaýat kitaphanasynyň hem-de Türkmenistanyň Kärdeşler arkalaşyklarynyň Mary welaýat birleşmesi bilen bilelikde tegelek stoluň başynda söhbetdeşlik geçirildi. Söhbetdeşlikde çaga terbiýesinde kitabyň orny dogrysynda bellenilip geçildi. Ýaş nesilleri milli ruhda terbiýeläp ýetişdirmeklik dogrusynda Gahryman Arkadagymyzyň, Arkadagly Gahryman Serdarymyzyň döwlet galamyndan syzylyp çykýan ajaýyp eserleriniň ähmiýeti dogrusynda nygtalyp geçildi. Ösüp gelýän ýaş nesilleri ylymly bilimli hünär taýdan kämilleşen ýaşlar edip ýetişdirmeklik üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza çäksiz alkyş aýdýarys. Goý Gahryman Arkadagymyzyň Arkadagly Gahryman Serdarymyzyň janlary sag ömürleri uzak bolsun ähli tutýan tutumly işleri rowaç alsyn.

PARAHATÇYLYK WE YNANYŞMAK TAGLYMATY

Kitaphanalar

09.07.2025

Türkmenistanyň Bazar Amanow adyndaky döwlet çagalar kitaphanasy we Türkmenistanyň Magtymguly adyndaky Ýaşlar guramasynyň Köpetdag etrap Geňeşiniň gurnamagynda, şeýlede Türkmen Döwlet Medeniýet Institutynyň talyp ýaşlarynyň gatnaşmagynda «Parahatçylyk we ynanyşmak taglymaty» ady bilen söhbetdeşlik geçirdi. Söhbetdeşligiň dowamynda çykyş edenler halkymyzyň eşretli durmuşda ýaşamagy üçin, belent maksatly beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň ajaýyp, asuda, parahat zamanasynda ýaşamak, bilim almak, işlemek, döretmek her bir türkmen raýaty üçin uly bagt, bahasyna ýetip bolmajak baýlykdygy barada aýratyn nygtadylar. Şeýle-de häzirki wagtda Garaşsyz, hemişelik Bitarap ýurdumyzda asudalygy, parahatçylygy, daşary döwletler bilen dost-doganlyk gatnaşyklary has-da pugtalandyrmakda ägirt uly işleriň durmuşa geçirilýändigi barada buýsanç bilen aýtdylar. Söhbetdeşligiň ahyrynda Watanymyzy ähli ugurlar boýunça belent sepgitlere ýetirmekde ýaşlara görelde mekdebi bolýan, olara okamaga, işlemäge, döretmäge giň ýol açyp berýän Gahryman Arkadagymyza, Arkadagly Gahryman Serdarymyza alkyş sözleri beýan edildi. 

TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY GAHRYMAN ARKADAGYMYZYŇ BALKAN WELAÝATYNA IŞ SAPARY

Täzelikler

09.07.2025

8-nji iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow awgust aýynda “Awaza” milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň guramaçylyk-taýýarlyk işlerini seljermek maksadynda, Balkan welaýatyna iş sapary bilen ugrady. Gahryman Arkadagymyz Hazaryň kenarynda meýilleşdirilen bu uly halkara çäräniň taýýarlyk derejesi we bu babatda amala aşyrylýan taslamalar bilen tanyşdy. ...Ir bilen Milli Liderimiz paýtagtymyzyň Halkara howa menzilinden Balkan welaýatyna tarap ugrady. Hazaryň ekologik taýdan arassa türkmen kenarynda dünýä derejeli dynç alyş we şypahana toplumy emele geldi. Gönüden-göni Gahryman Arkadagymyzyň yzygiderli tagallasyndan binýat bolan bu syýahatçylyk zolagynda dynç alşa we şypahana ulgamyna degişli döwrebap düzümleriň toplumy halkymyza ýokary derejeli hyzmatlary hödürleýär. Türkmenistanyň Halk Maslahatynyň Başlygy Hazaryň ajaýyp kenarynda ýerleşýän “Awaza” köpugurly sport toplumyna geldi. Bu ýerde BMG-niň howandarlygynda geçiriljek halkara foruma görülýän taýýarlyk işleri tamamlaýjy tapgyrda alnyp barylýar. Gahryman Arkadagymyz toplumyň binalarynda we onuň çäginde ähli zerur mümkinçilikleriň döredilmelidigini, merkezi girelgäniň öňünde häzirki zaman tehnologiýalarynyň esasynda döredilen enjamlaryň ornaşdyrylmalydygyny, olarda bolsa halkara maslahata degişli nyşanlaryň göze gelüwli görnüşde ýerleşdirilmelidigini belledi. Olarda Türkmenistan bilen BMG-niň arasynda ýola goýlan netijeli gatnaşyklar öz beýanyny tapmalydyr. Halkara parahatçylyk we ynanyşmak ýylynyň möhüm wakalarynyň üstüni ýetirjek halkara forumda garaljak meseleleriň we kabul ediljek çözgütleriň oňa gatnaşýan döwletleriň arasynda gatnaşyklaryň ösdürilmegine kuwwatly itergi berjekdigine ynam bildirip, Milli Liderimiz maslahata gatnaşyjylaryň toplumyň çägindäki seýilgähde gezelenç edip bilmekleri, oňaýly dynç almaklary üçin ähli zerur şertleriň göz öňünde tutulmalydygyny nygtady. Şunda myhmanlaryň metbugat maglumatlary bilen tanyşmaklary, özara söhbet etmekleri babatda hem degişli mümkinçilikler göz öňünde tutulmalydyr. Şol bir wagtyň özünde bu ýerde hyzmatlar ulgamynyň işiniň ýola goýulmagyna zerur üns berilmelidir diýip, hormatly Arkadagymyz belledi we bu babatda öz maslahatlaryny berdi. Bu künjegiň dünýä derejeli halkara çäreleriň geçirilýän merkezine öwrülmegi Awazanyň derejesini has-da belende göterýär. Bu ýerde BMG-niň howandarlygynda Deňze çykalgasy bolmadyk ösüp barýan döwletler boýunça maslahaty geçirmek baradaky çözgüdiň kabul edilmegi Türkmenistanyň, şeýle-de “Awaza” milli syýahatçylyk zolagynyň dünýä derejesindäki abraýynyň belende galýandygynyň aýdyň nyşanydyr. Türkmen halkynyň Milli Lideri myhmanlaryň ulaglar bilen üpjünçiligine möhüm üns berilmelidigini aýdyp, häzirki zaman ýolagçy awtobuslarynda halkara çärä degişli ýazgylaryň ýerleşdirilmeginiň ähmiýetli boljakdygyna ünsi çekdi.

GAHRYMAN ARKADAGYMYZYŇ, ARKADAGLY GAHRYMAN SERDARYMYZYŇ ESERLERI–ÝAŞLARA GÖRELDE

Kitaphanalar

08.07.2025

Gahryman Arkadagymyzyň eserlerindäki pikir-garaýyşlar, watansöýüjilik, ynsanperwerlik, ahlak arassalygy hakyndaky öwüt-ündewler halkymyzyň, aýratyn-da, ýaşlaryň durmuş ýörelgesine we pelsepesine öwrüldi. Milli Liderimiziň ene topragy, ata Watany ýürekden söýmäge we ynsanperwerlige çagyryşlary, parasatly sargytlary häzirki we geljekki nesilleriň ruhy gymmatlygydyr. Şundan ugur alyp, Döwletmämmet Azady adyndaky Arkadag şäher kitaphanasynda hem Gahryman Arkadagymyzyň, Arkadagly Gahryman Serdarymyzyň gymmatly eserleriniň terbiýeçilik ähmiýetini ýaş nesillere ýetirmek maksady bilen birnäçe ýaşlaryň arasynda duşuşyklary, gürrüňdeşlikleri, wagyz-nesihat çäreleri geçirilýär. Biz kitaphanaçylar hem Gahryman Arkadagymyzyň, Arkadagly Gahryman Serdarymyzyň gymmatly eserlerini giň okyjylara ýetirmek esasy maksadymyzdyr. Çäräniň ahyrynda ruhy baýlygymyz bolan eserleri giň okyjylara ýetirmäge uly mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri aýdyldy.

TÜRKMENISTAN BAGTLY ÇAGALARYŇ ÝURDY

Kitaphanalar

08.07.2025

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi “Türkmenistan bagtly çagalaryň ýurdy” atly göçme kitap sergisini gurnady. Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi Gökderedäki çagalar dynç alyş we sagaldyş merkezinde ýerleşýän “Çynar” atly sagaldyş we dynç alyş merkezinde “Türkmenistan bagtly çagalaryň ýurdy” atly kitap sergisini çagalar topary bilen gurnady. Bu ýerde çagalara Gahryman Arkadagymyzyň hem-de Arkadagly Gahryman Serdarymyzyň jöwher paýhasyndan dörän eserleri bilen giňden tanyşdyryldy, şeýle hem Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde mähir, söýgi bilen gurşalan ýaş nesiller oňaýly şertler döredilen çagalar sagaldyş we dynç alyş merkezlerinde dynç alyp, çagalyk dünýäsiniň iň ajaýyp pursatlaryny başdan geçirýändikleri dogrusynda gürrüň edildi. Çagalaryň arasynda sorag-jogap alşyldy. Soňra bolsa sergä gatnaşyjylar Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

BERKARAR DÖWLETIŇ BAGTYÝAR NESILLERI

Kitaphanalar

08.07.2025

Türkmenistanyň Döwlet medeniýet merkeziniň Döwlet kitaphanasynyň Sungat bölümi, Neşirleri abatlamak we jiltlemek bölümi bilen bilelikde “Demirýolçy” çagalar sagaldyş we dynç alyş merkezinde - “Berkarar döwletiň bagtyýar nesilleri” atly göçme sergi gurady. Gökdere jülgesinde guralan sergidäki kitaplar, ertekiler - sagaldyş we dynç alyş merkezinde dynç alýan çagalarda uly täsir galdyrdy. Berkarar döwletiň täze eýýamynyň Galkynyşy döwründe,Gahryman Arkadagymyzyň, Hormatly Prezidentimiziň ýolbaşçylygynda nesilleriň uçar ganaty bolan kitabyň gadyry beýik tutulýar. Hormatly Prezidentimiz “Biziň halkymyz kitaphon halk. Kitap okalyp, onuň mazmuny köpçülige ýetirilensoň, ol ruhy baýlyga öwrülýär. Kitapdan okalan, öwrenilen gymmatly bilimler hem terbiýäniň üsti bilen geljekki ýaşlara geçirilýär “ diýip belleýär. ( // Berdimuhamedow S. Ýaşlar – Watanyň daýanjy. – A.:Türkmen döwlet neşirýat gullugy, 2023. Sah.8-9.) Häzirki wagtda Gahryman Arkadagymyzyň, Arkadagly Gahryman Serdarymyzyň tagallalary bilen ýaş nesillerimiziň ylymly-bilimli bolmaklary, döwrebap dynç almaklary üçin şular ýaly ajaýyp zamanany peşgeş beren we ony parasatly dolandyrýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri rowaçlyklara beslensin.

• ←
• 1
• ...
• 105
• 106
• 107
• ...
• 250
• →