HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BEDEW BATLY, ŞAN-ŞÖHRATLY DIÝARYM!

Kitaphanalar

07.01.2026

«Garaşsyz, baky Bitarap Türkmenistan–bedew batly at-myradyň mekany» ýylynda Lebap welaýat kitaphanasynda welaýat häkimliginiň we kitaphananyň gurnamaklarynda «Bedew batly, şan-şöhratly Diýarym!» atly tegelek stoluň başynda söhbetdeşlik geçirildi. Bu çärä Türkmenistanyň Demokratik partiýasynyň Lebap welaýat komitetiň we bilelikde jemgyýetçilik guramalarynyň işjeň agzalary, kitaphana işgärleri gatnaşdylar. Çykyşlarda bedew bady bilen öňe barýan ýurdumyzda alynyp barylýan beýik işler, Hormatly Prezidentimiziň öňden görüjilikli syýasaty esasynda Berkarar döwletiň täze eýýamynyň Galkynyşy döwründe ata Watanymyzyň şan-şöhraty dünýä ýaýylyp, halkymyzyň mertebesi has-da belende göterilýändigi barada aýratyn durup geçdiler. döredilen. Kitaphanada ýylymyza bagyşlap «Bedew batly Türkmenistan-dillerde dessan» atly guralan kitap sergisi bolsa gatnaşyjylarda uly täsir galdyrdy. Ajaýyp döwrümizde okamana, döredijilikli zähmet çekmäne ähli mümkinçilikleri döredip berýän türkmen halkynyň Milli Lideri Gahryman Arkadagymyza, hormatly prezidentimiz Arkadagly Gahryman Serdarymyza köp sagbolsyn aýdyp, olaryň janlarynyň sag, ömürleriniň uzak, belent başlarynyň aman bolmagyny arzuw etdiler.

«GARAŞSYZ,BAKY BITARAP TÜRKMENISTAN-BEDEW BATLY AT-MYRADYŇ MEKANY» DIÝLIP YGLAN EDILMEGI MYNASYBETLI ÝAZGY

Kitaphanalar

07.01.2026

Türkmenistanyň Jemgyýetçilik guramalarynyň merkezinde Türkmenistanyň Döwlet medeniýet merkeziniň Döwlet kitaphanasynyň kitaphanaçylary «Altyn asyr» teleýaýlymy bilen bilelikde 2026-njy ýyly «Garaşsyz,baky Bitarap Türkmenistan-bedew batly at-myradyň mekany» diýlip yglan edilmegi mynasybetli ýazgy etdiler. «Garaşsyz, baky Bitarap Türkmenistan-bedew batly at-myradyň mekany» ýyly dogrusynda çykyş edenler bedew bady bilen ynamly öňe barýan Garaşsyz, hemişelik Bitarap Türkmenistan Watanymyzda her bir ýyly täze şygar bilen atlandyrmak asylly däbe öwrülendigi, ýurdumyzda her ýylymyzyň döwrebap atlandyrylmagy Gahryman Arkadagymyzyň başyny başlan asylly işleriniň hormatly Prezidentimiziň parasatly baştutanlygynda has-da rowaçlanýandygyny tassyklaýar diýip bellediler. Söhbetdeşligiň ahyrynda çykyş edenler türkmen halkyny bagtyýar durmuşda ýaşadýan Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, beýik işleriniň rowaç bolmagyny arzuw etdiler.

ÝYLYŇ ŞYGARY-DÖWRÜŇ AJAP ÇYRAGY

Kitaphanalar

06.01.2026

Türkmenistanyň Bazar Amanow adyndaky Döwlet çagalar kitaphanasy ýakynda «Türkmenistan» teleýaýlymynyň ýazgy etmeginde «Ýylyň şygary-döwrüň ajap çyragy» atly söhbetdeşlik geçirdi. Türkmen bedewi eziz Watanymyzyň döredijiligiň we ösüşiň, täze belentliklerine okgunlylygynyň, milli mirasyň dowamlylygynyň ajaýyp beýanydyr, türkmen halkynyň döredijilik zehininiň miwesidir. Ahalteke bedewi ata-babalarymyzyň amala aşan arzuwynyň wysalydyr. Halkymyzyň nurana arzuwlaryny, beýik maksatlaryny bedewler bilen baglanyşdyrmagy, üstümizdäki ýylyň «Garaşsyz, baky Bitarap Türkmenistan-bedew batly at-myradyň mekany» ýyly diýilip yglan edilmegi ahalteke atlarynyň ýurdumyzyň täze taryhy eýýamdaky okgunly ösüşleriniň bas nysanyna öwrülendigini subut edýär. Munuň özi täze ýylyň mazmunyny emele getirmek bilen, türkmen halkynyň durmuşynda bedewiň aýratyn orun eýeleýändigini dünýä jar edýär. Ine şular dogrusynda söhbetdeşligiň dowamynda giňişleýin gürrüňler edildi. Söhbetdeşligiň dowamynda eziz diýarymyzy bedew bady bilen öne alyp barýan Gahryman Arkadagymyza hem-de Arkadagly Gahryman Serdarymyza alkyşlary beýan etdiler.

2026-NJY ÝYL «GARAŞSYZ, BAKY BITARAP TÜRKMENISTAN–BEDEW BATLY AT-MYRADYŇ MEKANY» ÝYLY

Kitaphanalar

05.01.2026

Aşgabat şäher medeniýet müdirliginiň Merkezleşdirilen kitaphanalar ulgamy bilen Aşgabat şäher häkimliginiň “Bagt köşgi” toý-dabaralary merkeziniň bilelikde guramagynda 2026-njy ýyl «Garaşsyz, baky Bitarap Türkmenistan–bedew batly at-myradyň mekany» ýyly mynasybetli söhbetdeşlik geçirildi. Söhbetdeşlikde çykyş edenler her ýyly döwrebap atlandyrmak asylly däbe öwürlendigi, täze 2026-njy ýyl “Garaşsyz, baky Bitarap Türkmenistan–bedew batly at–myradyň mekany” ýyly diýilip atlandyrylmagy halkymyzyň ruhyny has-da belende göterendigi barada gürrüň berdiler. Şeýle-de uly ruhubelentlik bilen garşylan täze ýylymyz Garaşsyz hemişelik Bitarap Watanymyza, bütin türkmen halkyna, rysgal-döwlet, abadançylyk, parahatçylyk, agzybirlik baradaky isleg arzuwlarynyň wysala öwrüljekdigi barada aýtdylar. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza, alkyş sözlerini aýtdylar.

«GARAŞSYZ, BAKY BITARAP TÜRKMENISTAN-BEDEW BATLY AT-MYRADYŇ MEKANY» ÝYLY DIÝLIP ATLANDYRYLMAGY MYNASYBETLI ÝAZGY

Kitaphanalar

05.01.2026

Türkmenistanyň Döwlet medeniýet merkeziniň Döwlet kitaphanasynda «Garaşsyz, baky Bitarap Türkmenistan-bedew batly at-myradyň mekany» ýyly diýlip atlandyrylmagy mynasybetli ýazgy edildi. Türkmenistanyň Döwlet medeniýet merkeziniň Döwlet kitaphanasynda “Miras” teleýaýlymy kitaphana işgärleri bilen “Halkara parahatçylyk we ynanyşmak” ýylynda ýurdumyzda ýerine ýetirilen işler, gazanylan üstünlikler dogrusynda söhbet etdiler, şeýle hem 2026-njy ýyly hormatly Prezidentimiziň ýolbaşçylygynda “Garaşsyz, baky Bitarap Türkmenistan- bedew batly at-myradyň mekany” diýlip atlandyrylmagy mynasybetli ýazgy edildi. Ýazgynyň dowamynda Gahryman Arkadagymyza, Arkadagly Gahryman Serdarymyza bedew bady bilen öňe barýan ýurdumyzyň gülläp ösmeginde alyp barýan işlerinde rowaçlyklar arzuw etdiler.

TÄZE ÝYL-NURANA ARZUWLARYŇ BAÝRAMY

Kitaphanalar

03.01.2026

Döwletmämmet Azady adyndaky Arkadag şäher kitaphanasynda “Täze ýyl-nurana arzuwlaryň baýramy” atly söhbetdeşlik geçirildi. Söhbetdeşlikde Täze ýyl mynasybetli ýurdumyzda baýramçylyk dabaralary, aýdym-sazly konsertler geçirilýär. Dünýä giňişliginde adamzadyň ýagşy umytlar, nurana arzuwlar bilen söýüp garşylaýan Täze ýyl baýramy ýurdumyzyň dürli künjeklerinde bagtyýar maşgalalaryň bereketli ojaklarynda agzybirligiň, bagtyýarlygyň aýdyň nyşanyna öwrülip, şatlyk-şowhun bilen dabaralandyrylýar. Ýakymly pursatlara beslenýän baýramçylyk ynsan kalbyny şatlykdan dolduryp, adamlaryň ruhybelentligini artdyrýar. Şu ajaýyp arzuwlar mynasybetli Döwletmämmet Azady adyndaky Arkadag şäher kitaphanasynda hem körpeje çagalar bilen söhbetdeşlik geçirildi. Bu ýerde çagalar baýramçylyk mynasybetli goşgulary, aýdymlaryny, ertekilerini uly buýsanç bilen aýdyp berdiler. Söhbetdeşligiň ahyrynda ýurdumyzda körpe nesillerimiz üçin döredilýän ähli mümkinçilikler üçin Gahryman Arkadagymyza, Arkadagly Gahryman Serdarymyza çäksiz alkyşlaryny aýtdylar.

KITAPHANA IŞI KÄMILLEŞÝÄR

Kitaphanalar

02.01.2026

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Magtymguly adyndaky merkezi kitaphanasynda hormatly Prezidentimiziň kabul eden “Türkmenistanyň kitaphana ulgamyny ösdürmegiň 2025 2029 njy ýyllary üçin döwlet maksatnamasy” esasynda «Kitaphana işi kämilleşýär» ady bilen söhbetdeşlik geçirildi. Söhbetdeşlikde hormatly Prezidentimiziň karary bilen tassyklanan Maksatnama kitaphanalary hem-de kitaphana işini mundan beýläk hem kämilleşdirmekde düýpli resminama bolup, onuň meýilnamasynda 2025-2029-njy ýyllarda ýerine ýetirmeli işler, kitaphanaçylaryň öňünde durýan borçlar hakynda gürrüň berdiler. Şeýle-de okyjylaryň kitap okamaga bolan höwesini döretmek, kitapnama işini ýola goýmak, kitaphanada döredilen Bitewi elektron kitaphana ulgamyndan okyja gerek bolan maglumatlary çalt tapyp bermekligi gazanmakda birnäçe işleriň alnyp barylýandygy hakynda aýtdylar. Mundan başga-da Hormatly Prezidentimiziň “Türkmenistanyň Bitaraplygy-parahatçylygyň we ynanyşmagyň aýdyň ýoly” atly peşgeş beren kitaby hakynda gürrüň edip, bu kitap türkmen Bitaraplygynyň ähmiýetini, onuň many-mazmunyny we gymmatyny açyp görkezýän gymmatly eser bolup durýandygy barada söhbet etdiler. Şeýle-de bu kitapda halkymyzyň hemişelik Bitaraplyk syýasatyna eýerip, halkara gatnaşyklarda gazanan üstünliklerine, ýeten belent sepgitlerine, giňişleýin orun berilýändigini, bu bolsa kitabyň ähmiýetini has-da artdyrýandygy barada çykyş etdiler. Söhbetdeşligiň ahyrynda türkmen halkyny eşretli döwrana ýetiren Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÄZE ÝYLYM, BAGTYŇ BADY BOLUP GEL!

Kitaphanalar

02.01.2026

Türkmenistanyň Bazar Amanow adyndaky Döwlet cagalar kitaphanasy ýakynda Jemgyýetçilik guramalarynyň merkezinde «Altyn asyr» teleýaýlymynyň ýazgy etmeginde «Täze ýylym, bagtyň bady bolup gel!» atly söhbetdeşlik geçirdi. Eziz diýarymyza gülüp gelýän ýyllaryň her birini döwrüň ruhuna kybap gelýän atlar bilen yglan etmeklik indi asylly däbe öwrüldi. 2026-njy ýyly diýip «Garaşsyz, baky Bitarap Türkmenistan-bedew batly at-myradyň mekany» diýip atlandyrmak hakyndaky çözgüdiň kabul edilmegi ähli ildeşlerimizde aýratyn ruhubelentlik duýgusyny döretdi. Garaşsyzlygymyzyň 35 ýyllygyna beslenjek ýylyň ahalteke bedewi bilen baglanyşdyrylmagy geljekgi üstünliklere ynamy artdyrýar. Çünki halkymyz bedewlere hemişe-de rowaçlyklaryň, okgunly ösüşleriň nysany hökmünde garapdyr. Ine şular dogrusynda söhbetdeşligiň dowamynda giňişleýin gürrüňler edildi. Diýarymyzy ösüşiň täze belentliklerine tarap ynamly öne alyp barýan Gahryman Arkadagymyza peder voluny üstünlikli dowam edýän Arkadagly Gahryman Serdarymyza alkyş sözleri hem beýan edildi.

«GYŞ ERTEKISI» ADY BILEN AÝDYM SAZLY DÖREDIJILIK DUŞUŞYGY

Kitaphanalar

30.12.2025

Türkmenistanyň Bazar Amanow Adyndaky döwlet çagalar kitaphanasy täze ýyl baýramçylygy mynasybetli Aşgabat şäher medeniýet müdirliginiň 5-nji Çagalar sungat mekdebinde «Joşýar göwün» bagşylar toparynyň gatnaşmagynda «Gyş ertekisi» ady bilen aýdym sazly döredijilik duşuşygyny geçirdi. Bu çärede çagalar hem öz gezeginde bagtyýar döwrüň waspyny aýdy-sazlarda, goşgy gazallarda, öz ýürek arzuwlaryny, joşgunlaryny ýetip gelýän täze ýyl baýramçylygy beýan edildi. Duşuşygyň ahyrynda agzybir türkmen halkyny eşretli zamanada ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il ýurt bähbitli umumy adamzat ähmiýetli işleri elmydama rowaç bolmagyny tüýs ýürekden arzuw etdiler.

HOŞ GELDIŇ ILIME, SALAM, TÄZE ÝYL!

Kitaphanalar

29.12.2025

Döwletmämmet Azady adyndaky Arkadag şäher kitaphanasynda “Hoş geldiň ilime, salam, Täze ýyl!” atly söhbetdeşlik geçirildi. Ýurdumyzda her ýyly üstünlikli jemläp geljek ýyly mynasyp zähmet gadamlary bilen garşylamak asylly ýörelgä öwrüldi. 2025-nji ýyl hem ajaýyp öňegidişikleriň ençemesini ykbalymyza bagyş etdi. Şöhrat şana beslenen merjen şäher Arkadag bu gün bezemen arçalaryň elwan öwüşginleri bilen ýalkym saçýar. Şu günlerde toý-baýramly ýurdumyzyň ähli ýerinde owadan hem belent arçalar baýramçylyk bezegleri giňden ýaýbaňlandyrylýar. Şu ajaýyp baýramçylyk mynasybetli Döwletmämmet Azady adyndaky Arkadag şäher kitaphanasynda dürli ýaşly okyjylarymyzyň gelmeginde täze ýyl barada goşgularyny, aýdymlaryny aýdyp berdiler. Dürli öwüşgin saçýan çyrajyklar, yşyklandyryjy bezeglerden emele gelen owadan lybasa beslenen arçanyň töweregine ýygnanyp çagalar birek-birege abadançylyk, bagtyýarlyk arzuwladylar. Belent rowaçlyklara beslenjek Täze-2026-njy ýylda okgunly ösüşleri maksat edinip, öňe batly gadam urýan eziz Watanymyza beýik işler, uly ýeňişler, şanly wakalar hemra bolsun. Ak arzuwlara beslenip geljek Täze ýyl her bir ynsanyň umyt-arzuwlaryny hasyl eýlesin, maşgala ojaklarymyz rysgal-döwletli bolsun! Söhbetdeşligiň ahyrynda ýurdumyzda körpe nesillerimiz üçin döredilýän ähli mümkinçilikler üçin Gahryman Arkadagymyza, Arkadagly Gahryman Serdarymyza çäksiz alkyşlaryny aýtdylar.

• ←
• 1
• ...
• 8
• 9
• 10
• ...
• 142
• →