ZENAN DÜNÝÄMIZIŇ ÝARAŞYGY
Döwletmämmet Azady adyndaky Arkadag şäheriniň kitaphanasynyň gurnamagynda «Zenan dünýämiziň ýaraşygy» atly uly dabara geçirildi.
Bahar pasly gülleriň müşk ysynyň burk urýan, tebigatyň durkudyr howasy bilen täzelenýän döwrüdir. Bu paslyň ilkinji günlerinde, ýagny, Berkarar döwletiň täze eýýamynyň Galkynyşy döwründe 8-nji mart Halkara zenanlar güni giňden bellenilip geçilýär. Türkmenistanyň gülläp ösmeginde zenanlarymyzyň bitirýän uly hyzmatlaryny, Watanymyza wepaly, sagdyn we ruhubelent nesilleri terbiýeläp ýetişdirýändiklerini nazara alyp, Arkadagly Gahryman Serdarymyz Halkara zenanlar güni mynasybetli Türkmenistanyň gelin-gyzlaryna pul sowgadyny bermek hakynda buýruga gol çekdi. Biziň hem Döwletmämmet Azady adyndaky Arkadag şäher kitaphanamyzda bu ajaýyp baýramçylyk mynasybetli kitaphanada zähmet çekýän gelin-gyzlara Arkadagly Gahryman Serdarymyzyň pul sowgadyny dabaraly ýagdaýda gowşuryldy.
Dabaranyň ahyrynda zenanlarymyzyň asuda, abadan we bagtyýar durmuşda ýaşamagy hem-de mynasyp zähmet çekmegi ugrunda bimöçber aladalar edýän Gahryman Arkadagymyza, Arkadagly Gahryman Serdarymyza çäksiz alkyşlar aýtdylar.