Türkmenistanyň Alp Arslan adyndaky milli drama teatrynyň artistleri Mary welaýatynda döredijilik saparynda bolýarlar
Şu ýylyň 6-12-nji noýabry aralygynda Türkmenistanyň Alp Arslan adyndaky milli drama teatrynyň artistleri Mary şäherinde we welaýatyň Ýolöten, Türkmengala, Baýramaly, Wekilbazar, Murgap etraplarynda döredijilik saparda bolýarlar.
Aşgabatly artistler döredijilik saparynyň dowamynda öz taýýarlan «Gülki sowgady» atly degişmeli sahnalary bilen çykyş edýärler.
Şeýle-de režissýor Baýram Seýdullaýewiň sahnalaşdyran, dramaturg Aşyr Mämiliýewiň «Söýgi duralgasy» atly dramasyny görkezýärler.