Lebap welaýatynda Täze ýyl mynasybetli baýramçylyk konsertleri geçiriler
Lebap welaýatynyň Türkmenabat şäherindäki «Türkmeniň ak öýi» binasynda Täze ýyl mynasybetli ýurdumyzyň medeniýet we sungat ussatlary baýramçylyk konsertleri bilen çykyş ederler.
16-njy dekabrda geçiriljek konsertlerde Lebap welaýatynyň ýaşaýjylary we myhmanlary Türkmenistanyň halk artisti Guwanç Ýazmämmedow, Türkmenistanyň Prezidentiniň yglan eden «Türkmeniň Altyn asyry» atly bäsleşigiň ýeňijileri Parahat Pürjäýew, Rüstem Hallyýew, şeýle-de Zülfiýa Jumabaýewa ýaly sungat ussatlarynyň ajaýyp aýdymlaryny diňläp, özleriniň baýramçylyk şatlygyny artdyryp bilerler.
Konsertler 14:00-da, 17:00-da geçiriler.
Habarlaşmak üçin 48-96-83, 60-15-67 telefon belgilerine jaň edip bilersiňiz.