Türkmen wekiliýeti türki dilli döwletleriň kino ussatlarynyň ýokary derejeli duşuşygyna gatnaşdy
Azerbaýjan Respublikasynyň Baku şäherinde geçirilýän III «Gorkut Ata» türki dünýäniň kino festiwalynyň çäginde türki dilli döwletleriň kino ussatlarynyň ýokary derejeli duşuşygy geçirildi. Bu barada Azerbaýjanyň internet neşiri habar berýär.
Çeşmäniň habar bermegine görä, duşuşyga Azerbaýjanyň, Türkiýäniň, Gazagystanyň, Gyrgyzystanyň, Türkmenistanyň we Özbegistanyň wekilleri gatnaşdylar. Duşuşygyň dowamynda edilen çykyşlarda «Gorkut Ata» kino festiwalynyň türki dilli döwletlerde kino sungatyny ýokary derejä çykarmakdaky ähmiýeti aýratyn nygtaldy.
Duşuşykda türk halklary gurşap alýan meseleleriň kino sungatynda şöhlelendirilişi, bu sungaty ösdürmekde bilelikdäki hyzmatdaşlygy ösdürmek boýunça öňde durýan wezipeler ara alnyp maslahatlaşyldy.