« Müňýyllyk mirasyň waspy»
Hormatly Prezidentimiziň ýolbaşçylygynda türkmeniň geçmiş taryhyny, milli mirasymyzy dikeltmek, aýawly saklamak, goramak we sergilemek arkaly halkymyza wagyz etmek maksady bilen, Balkan welaýat taryhy we ülkäni öwreniş muzeýiniň we etrap-şäher muzeý hünärmenleriniň, muzeý gaznasyny baýlaşdyrmak boýunça alyp barýan işleriniň netijesinde halk arasyndan gadymy gymmatlyklary topladylar.
Ýakynda muzeýde «Müňýyllyk mirasyň waspy» ady bilen ilatdan toplanan gymmatlyklaryň sergisi açyldy we halk köpçüligine tanyşdyryldy. Balkan welaýat taryhy we ülkäni öwreniş muzeýinde ilat arasyndan toplanan gymmatlyklaryň sergisine gatnaşan tomaşaçylar medeni mirasymyzy öwrenmekde we ony wagyz etmekde geljekki nesillere ýetirmekde alyp barýan işleri üçin hormaty Prezidentimize çäksiz minnetdarlyk bildirdiler.
