Merkezi Aziýa ýurtlarynyň zenanlarynyň diologynyň jemleýji maslahaty
Paýtagtymyzdaky Jemgyýetçilik guramalarynyň merkezinde Türkmenistanyň başlyklyk etmeginde Merkezi Aziýa ýurtlarynyň zenanlarynyň Diologynyň ýyllyk jemleýji maslahaty geçirildi.
Maslahatyň çäklerinde Türkmenistanyň Şekillendiriş sungaty muzeýi özüniň göçme sergisini gurnady. Forumyň öň ýanynda myhmanlar Merkezi Aziýa ýurtlarynyň zenanlarynyň Diologyna bagyşlanan sergi bilen tanyşdylar. Sergide halypa ussat suratkeşler A.Annanurowyň “Ussat zenan”, S.Hojagulyýewanyň “Keçeçiler”, A.Hajyýewiň “Parahat zeminde”, keramikaçylar A.Taganowyň “Gül”, M.Ataýewanyň “Hereket”, sowgatlyk – saz guraly “Tar”, sowgatlyk – gargy tüýdük ýaly birnäçe ajaýyp eserler sergilendi.
Merkezi Aziýa ýurtlarynyň zenanlarynyň diologyna gatnaşan myhmanlar Hormatly Prezidentimiziň janynyň sag, ömrüniň uzak, belent başynyň aman bolmagyny arzuw etdiler.