«Magtymguly, adyň döndi Pyraga » atly aýdym-sazly döredijilik söhbetdeşligi
2024-nji ýyly Beýik söz ussady Magtymguly Pyragynyň 300 ýyllygy halkara derejesinde bellenip geçilýän ýylynda şahyry hormatlap bu ýyla «Pähim-paýhas ummany Magtymguly Pyragy» ýyly diýilmegi halkymyzyň ruhuny asmana göterdi. Diýarymyzyň ösüşleri, Watanymyzyň şan-şöhraty halkara abraýy ýaş nesillerimizde buýsanç joşgunyny has-da artdyrýar. Ýaş nesilleriň kalbynda Magtymguly Pyragynyň nusgalyk döredijiligine uly hormat bimöçberdir. Şahyryň her bir setirleri aýdyma öwrülip halkymyz durşuna mukam setirlere çäksiz buýsanç uly söýgi bilen garaýar.
![](/img/upload/3.jpgS47gc-sm.jpg)
Arkadag şäheriniň Taryhy we ülkäni öwreniş muzeýinde Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň gurnamagynda «Magtymguly, adyň döndi Pyraga» atly aýdym-sazly döredijilik söhbetdeşligi geçirildi.
![](/img/upload/2.jpgiecUc-sm.jpg)
Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň aýdym-saz mugallymlary we talyplary çykyş etdiler. Adamzat kalbynyň şahyry Magtymguly Pyragynyň döredijiligi çykyş edenleriň söhbetiniň esasy mazmuny boldy. Dünýä şygyrýetiniň şamçyragy Magtymguly Pyragynyň öwüt-nesihat goşgulary halkymyzyň watançylyk ruhuny beýgeldip abraýyna abraý, badyna-bat gatdy.
![](/img/upload/5.jpgvEaAM-sm.jpg)
![](/img/upload/4.jpg4xi48-sm.jpg)