Bedewler bilen bagly pähimler
***
At kişňemesi jennet gapysynyň sesidir.
* * *
Aty eýerläne sürdür, ýeri— eýgerýäne.
* * *
Är ganaty— at, il zynaty— senet.
* * *
Dili bar ile düşer, aty bar—ýola.
* * *
Atly ýigit— bagtly ýigit.
* * *
Ata—arpa, ýigide— palaw.
* * *
Ýagşy seýsiň aty ozar.
* * *
Ulagy baryň uzagy gysga.
* * *
Arpasyz at gyr aşmaz, arkasyz alp ýagy gaýtarmaz.
* * *
Bedew gidişinde belli.
* * *
Uýansyza at berme.
* * *
Içlikli at ýagyr bolmaz.
* * *
At üstündäkä uýar.
* * *
Alp äri ýamanlatma, ýüwrük aty ýagyrlatma.
* * *
Ýüwrük at öňüni gözlär, ýagşy ýigit— soňuny.
* * *
Ýagşy ýigidiň ýaşy, ýagşy atyňam dişi soralmaýar.
* * *
Tulpar ötse yzy galar, süri ötse tozy galar.
* * *
Işigi atly— töri döwletli.
* * *
Atynyň häsiýetini eýesi, ýigidiň häsiýetini obasy biler.
* * *
At üstüne müneni tanar.
* * *
At münüp ataň öýüne bar, don geýip— dogan öýüne.
* * *
At alsaň gunan al , düýe alsaň— inen.
* * *
At—münenden, görk—geýenden.
* * *
At başyna iş düşse, agyzdyrygy bilen suw içer, är başyna iş düşse , ädigi bilen deňiz geçer.
* * *
Är aty bilen magtanar, öküzi bilen işlär.
* * *
At toýnagyn taý basar.
* * *
Ak göwünliň aty armaz, dony tozmaz.
* * *
Är ýigidiň göwnünde eýerlenen at durar.
* * *
At saparda bilner.
* * *
Atsyz är—ganatsyz guş.
* * *
At ornuny taý tutar, ata ornuny— ogul.
* * *
At müneniňki, gylygy seýsiňki.
* * *
At alsaň, atasyny sora.
