WATAN
Watanymdyr meniň janym-jigerim,
Watanymdyr meniň damarda ganym.
Mukaddesdir bize mährem topragyň ,
Seniň bilen bagly pikirim, aňym.
Watan ýeke, enäň ýeke bolşy deý,
Ömrüm saňa ömürbaky baglydyr.
Mähir-muhabbetden doly gujagyň,
Sowulmaz baharly, ajap çaglydyr.
Watan meniň ruhumyň daýanjy,
Göwnümiň baýlygy, meniň barlygym.
Her işiňe taýýar bolup hemişe
Men subut ederin wepadarlygym.
Giň gujagyň jennet, eşretdir her ýan,
Her menziliň ýeňiş bilen ötülýär.
Beýle belentlige, bagtyýarlyga
Arkadagyň saýasynda ýetilýär.
Amanbibi Gurbanowa