Arkadagly Garaşsyz Diýar
Özbaşdak döwletli ýurdum erkana,
Jenneti mekanda iller bagtyýar.
Bu gün öňküsinden has-da görkana,
Eziz Arkadagly Garaşsyz Diýar.
Milli Lider başda durup her işde,
Öňe, diňe öňe ynamly barýar.
Seret, öwşün atýar gözel görnüşde,
Eziz Arkadagly Garaşsyz Diýar.
Dünýäniň nazary, ünsi biz taýa,
Arşda ýaşyl Tugum ganatyn gerýär.
Toý lybasyn geýip, şaýlandy toýa.
Eziz Arkadagly Garaşsyz Diýar.
Ýürekler ýylanyp türkmen gazyna,
Adam hakyndaky şygara uýýar.
Aýdym aýdýar bagtyýarlyk sazyna,
Eziz Arkadagly, Garaşsyz Diýar.
Dünýäniň çar künji, sagu-sollardan,
Arkadaga alkyş, gutlaglar ýagýar.
Şöhratly taryhyň düşmez dillerden,
Eziz Arkadagly Garaşsyz Diýar.
Annatuwak KAKAÝEWA