Bagtyýarlyk ýar bolsun!
Ýürekde egsilmez söýginiň güýji,
Gözleriň guwanjy, göwünleň genji,
Köňülleň buýsanjy, başlaryň täji,
Türkmenistan ýurdum berkarar bolsun,
Bagtyýarlyk oňa baky ýar bolsun!
Bir bakyşda maýyl eýlän aklymny,
Ýaşaýyş ýalkymly, durmuş akgynly,
Beýik şanly ösüşleri okgunly,
Türkmenistan ýurdum berkarar bolsun,
Bagtyýarlyk oňa baky ýar bolsun!
Guwanýarys ýurduň bedew badyna,
Buýsanýarys şöhratyna-şanyna,
Iliň-günüň deňeýäni janyna,
Türkmenistan ýurdum berkarar bolsun,
Bagtyýarlyk oňa baky ýar bolsun!
Magtymguly Pyragynyň sözüni,
Tug edinip Şükür bagşyň sazyny,
Çawy baglan bütin dünýäň ýüzüni,
Türkmenistan ýurdum berkarar bolsun,
Bagtyýarlyk oňa baky ýar bolsun!
Gurmak-döretmekde nusgalyk tenha,
Arkadagly bagtyýarlyk ýol ynha,
Ak mermerli binalary bibaha,
Türkmenistan ýurdum berkarar bolsun,
Bagtyýarlyk oňa baky ýar bolsun!
Göwün guşum! Arşa ganat ýaýsana,
Durnalaryň hatarynda gaýsana,
Bakaýyn men gözellikleň haýsyna,
Türkmenistan ýurdum berkarar bolsun,
Bagtyýarlyk oňa baky ýar bolsun!
Derýamydyr dolup-daşyp akmasa,
Akarynda teşne kalby ýakmasa,
Dilegmiz duş bolar eýäm ýalkasa,
Türkmenistan ýurdum berkarar bolsun,
Bagtyýarlyk oňa baky ýar bolsun!
Al-asmanda pasyrdaýan Baýdaga,
Arkadagly şu Watana sadaga,
Gülläp ösýän älem içre adyga,
Türkmenistan ýurdum berkarar bolsun,
Bagtyýarlyk oňa baky ýar bolsun!
Annatuwak KAKAÝEWA