Garaşsyz, Bitarap Türkmenistanym!
Her günümiz ajap, misli eşrepi,
Garaşsyz, Bitarap Türkmenistanym.
Gahryman Arkadag berdi eşreti,
Garaşsyz, Bitarap Türkmenistanym.
Nesiller döredýär, gurýar bir egne,
Agzybirlik, döwletlilik ýörelge,
Goňşa — hemaýatkär, dünýä — görelde,
Garaşsyz, Bitarap Türkmenistanym.
Buýsançly atalaň şöhraty-şany,
Arkadag Prezident — halk mähribany,
Artyp barýar belent binalaň sany,
Garaşsyz, Bitarap Türkmenistanym.
Owal-ahyr eziz Watanymyz gerek,
Zähmete islegli, joşup dur ýürek,
Gül ülkämiz misli jenneti-melek,
Garaşsyz, Bitarap Türkmenistanym.
Bu daglary, sähralary söýmüşem,
Ajaýyp zamana gadyr goýmuşam,
Ganat ýaýyp, Arşa galyp diýmişem:
— Garaşsyz, Bitarap Türkmenistanym!.
Mämmetgurban MÄMMETGURBANOW