Bagt şäherim
Gadym Oguz-döwran süren topragym,
Sežde kylyp durun seniň öňüňde.
Seň şanyňa gazal ýazmak isledim,
Eziz mekan, söýgi besläp köňülde.
Sebäp mizemedik erkim sendedir,
Sende erkin, rahat duýýan özümi.
Ata-babalaryň guran ýurdunyň
Saklap galdyň öçürmäni közüni.
Seniň gujagyňda, seniň goýnuňda,
Hasyl boldy bu gün gadym hakyda.
Ol beýik türkmeniň şöhraty-şany
Bolup, ýazylyp dur altyn sahypa.
Milletiň bagtyna dörän Arkadag,
Seň goýnuňa seýran edýär ak atda.
Hydyr gören paýtagtym, seň keşbiňi
Ýerleşdirdi bir ajaýyp suratda.
Ol surat — Taňrynyň nury çaýylan
Paýtagtymdyr, bir ajaýyp bossandyr.
Bagt şäherim, keşbiň aýdym-dessandyr,
Arkadagym, guran beýik desgaňdyr.
Meýlis BALLYÝEW