Watanym
Jigerimiň jümmüşinde ýer alan,
Düwür gumy dürden gymmat Watanym.
Asmany asuda, sährasy seleň,
Yssy goýny kalba gurbat Watanym.
Zybanlar gül açar, söýlände waspyň,
Galkynar göwünler, ylahy köşgüm,
Tarypyň ýetirmek, söýgüli kesbim,
Melhem suwy şypa, şerbet Watanym.
Sowulmajak saz-söhbetli, baharyň,
Ýakymy üýtgeşik, tämiz säheriň.
Bir-birinden zyýada dört pasylyň,
Mylaýym howasy eşret Watanym.
Beýik Arkadagyň paýhasy bilen,
Owazasy jahan içre ýaýylan.
Şygyrda, mukamda şirin söýlenen,
Älem azuwlaýan ýurt Watanym.
Miwe BEKMYRADOWA