Bitaraplyk hem–de Parahatçylyk
Abadan ýaşaýşyň alamatydyr,
Bitaraplyk hem-de Parahatçylyk.
Bagtyýar durmuşyň dowamatydyr,
Bitaraplyk hem-de Parahatçylyk.
Seriňde senaly jümleleň biri,
Ylham arygynyň gözgüsi, gory.
Ümzügi asuda ýaşaýşa sary,
Bitaraplyk hem-de Parahatçylyk.
Waspyna söz ýetmez manysy umman,
Islegi ümmülmez, uçursyz dünýäň.
Köňül maksadyna ýetirer hemmän,
Bitaraplyk hem-de Parahatçylyk.
Pür-pudak ýaýradar dostluk daragtyn,
Toýa beslär, täze taryhyň gatyn,
Salgy biýr, ýoluny eşretiň, bagtyň,
Bitaraplyk hem-de Parahatçylyk.
Ýüreklerde doga, dilde senadyr,
Agzybir il-güne baky penadyr,
Dür jümledir, synmaz tylla jygadyr,
Bitaraplyk hem-de Parahatçylyk.
Miwe BEKMYRADOWA