Hormatly Prezidentimiziň «Ýaşlar — Watanyň daýanjy» atly ilkinji kitaby çapdan çykdy
Hormatly Prezidentimiz Serdar Berdimuhamedowyň «Ýaşlar — Watanyň daýanjy» atly ilkinji kitaby çapdan çykdy. «Türkmenistan» gazetinde habar berlişi ýaly, döwlet Baştutanymyz bu barada 25-nji dekabrda ýurdumyzyň obasenagat toplumyna gözegçilik edýän wise-premýer T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly geçiren iş maslahatynda aýtdy.
Bellenişi ýaly, täze kitapda Türkmenistanyň ýaşlarynyň häzirki döwürde ýeten sepgitleriniň, gazanan üstünlikleriniň jemi jemlenýär.
— Bu kitap bagtyýar ýaşlar ýylynyň jemlerine bagyşlanýar. Men bu kitabyň ilkinji sanyny Gahryman Arkadagymyza sowgat hökmünde iberýärin — diýip, hormatly Prezident Serdar Berdimuhamedow aýtdy.
Döwlet Baştutanymyzyň ilkinji kitaby okyjylar köpçüliginde uly gyzyklanma döreder.