ÝOL HEREKETINIŇ HOWPSUZLYGY-ÖMRÜMIZIŇ RAHATLYGY
Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň saýasynda ýurdumyzyň ähli ugurlary boýunça uly ösüşler, giň gerimli özgertmeler amala aşyrylýar. Düýn Maýa Kulyýewa adyndaky Türkmen milli konserwatoriýasynda «Ýol hereketiniň howpsuzlygy-ömrümiziň rahatlygy» ady bilen wagyz-nesihat çäresi geçirildi. Bu çäre konserwatoriýanyň halypa mugallymlary we talyp ýaşlary işjeň gatnaşdylar. Wagyz-nesihat duşuşygy talyp ýaşlaryň hukuk düşünjelerini ýokarlandyrmakda, sagdyn durmuş we milli ahlak kadalaryny dogry berjaý etmekleri babatda, ýol hereketine gatnaşanlarynda kadalary dogry we doly berjaý etmekleri hakynda giňişleýin aýdyp geçdiler.
Bu ýerde çykyş edenler Türkmenistanyň içeri işler ministrliginiň Polisiýanyň ýol gözegçiligi müdirliginiň 4-nji bölüminiň aýratyn tabşyryklar boýunça uly gözegçisi polisiýanyň uly leýtenanty Abraý Ýusupow, Türkmenistanyň Baş prokuraturasynyň Baş müdirliginiň hukuk üpjünçiligi bölüminiň uly prokurory I derejeli ýurist Jennet Arazowa, Türkmenistanyň içeri işler ministrliginiň ýanyndaky Ýangyn howpsuzlygy müdirliginiň 6-njy bölüminiň uly gözegçisi içerki gullugyň podpolkownigi Gurbangeldi Atageldiýew, Aşgabat şäher polisiýa müdirliginiň Berkararlyk etrap polisiýa bölüminiň wekili Oguljan Gurbangulyýewa, Türkmenistanyň içeri işler ministrliginiň Jenaýaty agtaryş müdirliginiň wekili Serdar Akmämmedow, Türkmenistanyň Döwlet gümrük gullugynyň gullukçysy Mežnun Öräýew dagylar myhmançylykda bolup talyp ýaşlara ýurdumyzda hereket edýän kanunçylygyň düzgün kadalaryny doly we dogry berjaý etmekleri, öz hünärmerinden ýokary derejede bilim alyp bu ugurda gerekli hünärmenler bolup ýetişmelidiklerini bellediler. Şeýle-de çykyşlarda sentýabr aýynyň dowamynda hereket edýän «Ýol hereketiniň howpsuzlygy-ömrümiziň rahatlygy» ady bilen geçirilýän işler dogrusynda aýdyp geçdiler.
Şeýle ajaýyp döwürde okamaga, işlemäge döredip berýän mümkinçilikleri üçin türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna bu ýere ýygnananlar özleriniň çäksiz minnetdarlyklaryny aýtdylar.
