“Magtymguly sözlär tili türkmeniň”
Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Türkmenistanyň Ylymlar akademiýasynyň Magtymguly adyndaky dil edebiýat we milli golýazmalar institutynyň bilelikde gurnamagynda Akyldar şahyrymyz Magtymguly Pyragynyň 300 ýyllygy mynasybetli “Magtymguly sözlär tili türkmeniň ” ady bilen söhbetdeşlik geçirildi.
Söhbetdeşlikde Magtymguly Pyragynyň ömri we döredijiligi we dana şahyryň pähim parasatly, öwüt ündewe ýugrulan şygyrlary ýaş nesle bilim terbiýe bermekde, umumadamzat gymmatlyklaryny, olaryň aňyna ornaşdyrmakda iňňän uly ähmiýete eýedigi, Magtymgulynyň döredijiliginde halkyň gahrymançylykly işleri, kalbynda watansöýüjiligi, ynsanperwerligi oýarýandygy hakynda giňişleýin söhbet etdiler.
Söhbetdeşligiň ahyrynda halkymyzyň geçmiş taryhyna aýratyn hormat goýýan Arkadagly Serdarymyza alkyş sözleri aýdyldy.