KITAPHANALARYŇ YLMY WE USULYÝET ÇÄRELERINI DÖWREBAP ÝOLA GOÝMAGYŇ HEM-DE KÄMILLEŞDIRILMEGIŇ ILERI TUTULÝAN UGURLARY
Döwletmämmet Azady adyndaky Arkadag şäher kitaphanasynyň guramagynda «Kitaphanalaryň ylmy we usulyýet çärelerini döwrebap ýola goýmagyň hem-de kämilleşdirilmegiň ileri tutulýan ugurlary» atly ýurdumyzyň kitaphanaçylarynyň gatnaşmagynda maslahaty we neşir önümleriniň sergisi geçirildi.
Her bir dogýan gününi üstünlikler bilen garşy alýan eziz Watanymyzda toýlar-toýa ulaşýar. Ýurdumyzda amala aşyrylýan giň gerimli özgertmeler medeniýet we sungat ulgamyna hem özüniň oňyn täsirini ýetirýär. Arkadag şäherinde hem ilkinji gezek geçirilýän medeniýet we sungat işgärleriniň hem-de Magtymguly Pyragynyň şygryýet güni hem şatlyga beslenip ynsanlaryň, ylaýta-da medeniýet we sungat işgärleriniň göwün guşuny ganatlandyrýar. Hepdäniň dowamynda ýaýbaňlandyrylan medeni-köpçülik çäreler, türkmeniň baý medeni mirasyndan habar berýär.
Döwletmämmet Azady adyndaky Arkadag şäher kitaphanasynyň guramagynda «Kitaphanalaryň ylmy we usulyýet çärelerini döwrebap ýola goýmagyň hem-de kämilleşdirilmegiň ileri tutulýan ugurlary» atly maslahatda, dünýäniň ösen döwletleriň wekilleriniň sanly ulgam arkaly gutlag çykyşlaryna we ýurdumyzyň kitaphanaçylaryna söz nobaty berildi.
Çäräniň ahyrynda medeniýetimiziň we sungatymyzyň hak howandary, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.
![](/img/upload/2.jpgsm6T7-sm.jpg)