ARKADAG ŞÄHERI-BERKARAR DÖWLETIŇ TÄZE EÝÝAMYNYŇ GALKYNYŞY DÖWRÜNIŇ AÝDYŇ NYŞANY
Arkadag şäheriniň häkimliginiň, Türkmenistanyň Kärdeşler arkalaşyklarynyň Arkadag şäheriniň birleşmesiniň, Döwletmämmet Azady adyndaky Arkadag şäher kitaphanasynyň bilelikde guramagynda «Arkadag şäheri-Berkarar döwletiň täze eýýamynyň Galkynyşy döwrüniň aýdyň nyşany» atly döredijilik duşuşygy geçirildi.
Gahryman Arkadagymyzyň öňdengörüjiliginden we hyjuwyndan dörän ajaýyp şäher bahasyna ýetip bolmajak peşgeşdir. «Akylly» şäherde innowasion tehnologiýalaryň, sanly çözgütleriň soňky gazananlarynyň ornaşdyrylmagy her bir adamy haýran galdyrýar. Köpetdagyň eteginde bina edilen Arkadag şäheri ekologiýa taýdan arassa şäher. Tekiz köçeleri, ýol bezegleri, ekilen agaç nahallary şähere giren badyňa göwnüňi göterýär. Türkmen halkynyň Milli Lideri Gahryman Arkadagymyzyň , Arkadagly Gahryman Serdarymyzyň tagallalary bilen bina edilen Arkadag şäheri halkymyzyň döwletli ýolunyň, haýyrly işleriniň dowamatyndan nyşandyr. Gözelligi aklyňy haýrana goýýan Arkadag şäheri-bagtyýar zamanamyzda gazanylýan ösüşleriň aýdyň subutnamasydyr.
Döredijilik duşuşygyna gatnaşanlar, Garaşsyz Watanymyzyň hemişelik Bitaraplyk syýasatynyň ähmiýetini dabaralandyrýan, sebitde ilkinji «akylly» şäheri gurup beren, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, işleriniň rowaçlyklara beslenmegini arzuw etdiler.