MAGTYMGULY PYRAGY–ŞYGRY PAÝHAS UMMANY
Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda «Pähim-paýhas ummany Magtymguly Pyragy» ýyly mynasybetli öňdebaryjy, ökde, ýaş wagyzçy kitaphanaçylary ýüze çykarmak maksady bilen Türkmenistanyň Medeniýet ministrligi we Türkmenistanyň Kärdeşler arkalaşyklarynyň Milli merkezi tarapyndan yglan edilen «Magtymguly Pyragy–şygry paýhas ummany» hünär bäsleşigi täze zaman medeniýet öýünde geçirildi.
Geçirilen bäsleşikde Aşgabat şäher medeniýet müdirliginiň Merkezleşdirilen kitaphanalar ulgamynyň ýaş zehinli kitaphanaçylary gatnaşdylar. Bäsleşikde «Pähim-paýhas ummany Magtymguly Pyragy» ýyly mynasybetli Arkadagly Gahryman Serdarymyzyň «Ýaşlarymyzyň ruhy-ahlak, medeni, aň-bilim we beden taýdan ösüşine uly ähmiýet berýäris. Çünki ylymly-bilimli, sagdyn ýaşlar döwletimiziň kuwwatly güýjidir, nurana geljegidir» diýen sözlerinden ugur alyp, ýurdumyzyň ösüşlerini, özgerişlerini, içeri-daşary syýasatyny, beýik söz ussady Magtymguly Pyragynyň edebi mirasyny öwrenmek, ösüp gelýän ýaş nesillerimize wagyz etmek maksady bilen geçirilen bäsleşikde ýaş kitaphanaçylar bäsleşigiň her şerti boýunça çykyş edip, öz ukyp başarnyklaryny görkezdiler.
Şeýlelik-de eminleriň gelen netijeleri boýunça Aşgabat şäher medeniýet müdirliginiň Merkezleşdirilen kitaphanalar ulgamynyň öňe saýlanan kitaphanaçylary 1-nji, 2-nji, 3-nji baýrakly orunlara mynasyp bolup, döwlet derejesindäki jemleýji tapgyryna gatnaşmaga mynasyp boldular we bäsleşige gatnaşyjylara hormat hatlary we sowgatlar gowşuryldy.
Çäräniň ahyrynda medeniýet ulgamyny ösdürmekde uly işleri durmuşa geçirýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.